圓老爺雞煲小廚 (已結業)

岩岩去完旅行返黎冇耐，仲係唔太適應到香港嘅天氣，但又好掛住香港D 大排檔嘅風味，所以就專登黎圓老爺呢度食鑊氣小炒，而估唔到今次唔駛等位就可以入座，正蜜桃脆蝦球依然好脆口，而蜜桃亦都好甜唔酸。金菇瑤柱炆伊面，味道同乾燒伊面差不多，不過入面嘅材料就有少少唔同呢個沙嗲金菇肥牛煲好大煲，上面嘅肥牛脂肪比例都平均，而且肥牛份量都唔少，比起我以往喺酒樓或者大排檔所食嘅都要大煲蒜香粉絲蒸龍躉球肉質滑嫩，魚肉下面嘅粉絲吸盡龍躉球嘅鮮味，所以我覺得粉絲至係精華所在天地一號，我起初以為呢個係內地嘅酒黎，但有次行街經過見到先知原來係蘋果醋黎，估唔到呢度都有，所以就專登叫左一罐黎飲，味道都唔錯

阿媽去左歐洲玩左3個星期，佢話好想食中菜加辣野，之前同朋友食過元朗呢間雞煲抵食又好味，今次同阿媽食。台式皮蛋豆腐第一啖已經食到好香既麻油味，皮蛋係糖心架，豆腐係香滑，加埋d肉鬆好香！麻辣重慶雞煲叫左小辣所以唔算太辣，但勁香麻辣味，又好多洋蔥令個雞煲好野味，雞件好嫩滑，而且勁大份量。兩個人真係食唔哂！水煮龍躉球麻辣湯底唔會太油，龍躉球無骨啖啖魚肉，吸哂d麻辣味勁正！另外有扭紋薯粉，芽菜好足料吖！金銀蛋莧菜清清地既上湯莧菜可以解麻辣既辣味！

難得可以同媽子食餐飯，緊係就佢吃中餐啦！今次食左呢間圓老爺，事不宜遲，去食評。蜜汁薯仔牛柳粒呢個係今日第一大推介，非常好食！每樣野細細粒，變相每粒薯仔同牛柳粒都好夠味，好甜。牛柳粒亦好冧身，正！小炒皇呢個係第二推介！好足料，有蝦乾亦有鮮蝦！成個小菜炒得好有獲氣，好入味。豉油王炒麵有獲氣，有香氣，炒得好好！雖然係比較油左D，不過都係好高質干扁鐵板肥腸肥腸份量適中，幾夠味道。可以一試酸菜龍躉球估唔到真係有龍躉球，本身仲以為係普通魚塊。龍躉球好新鮮，不過味道上仲可以再改進，再酸D更好。

元朗收工，同事帶左我去佢經常食晚飯既地方，有時地頭蟲先知邊到有好野食。唔講唔知，圓老爺雞煲小廚除左有雞煲，都有好多款小菜食，餐牌好吸引，樣樣小菜都好想食，而且份量都好大碟，好有穫氣 沙嗲金菇肥牛煲-好大煲，沙嗲味香濃，帶點小辣，肥牛，粉絲都好多，粉絲和金菇索哂D沙爹汁，好惹味避風塘鮮魷-魷魚炸至金黃色，金黃香脆，魷魚鮮味十足，主角就是鮮魷上的蒜頭，椒粒，勁香勁惹味，送啤酒一流瑤柱蛋白炒飯-好大碟，飯粒粒粒分明，簡單又美味

今日來到圓老爺雞煲小廚食小菜，餐廳有兩層，上下層都已經滿座，一入門口已聞到濃濃既雞煲味，好多人食雞煲，餐廳冷氣好夠凍，唔焗，餐牌除了雞煲，小菜，亦可自己帶海鮮黎搵餐廳加工菠蘿咕嚕肉（$72）我真係好鐘意食菠蘿咕嚕肉，咕嚕肉色澤明艷，酸酸甜甜，豬肉入口香嫩一點不油膩，每一啖都係肉，唔係只得炸粉，仲要大大舊，但酸甜度甜了小小金沙蝦球（$98）蝦球用粉漿炸過，酥脆黃金蝦球裹上鹹香金沙醬汁，蝦球極之彈牙爽口，每一啖都是金沙醬，好滋味蘋果醋

今日係元朗附近同朋友食lunch ~跟佢周圍去食好野啦當然而間野價錢唔貴而且相片吸引！當然要試下佢啦黎到而間野店員推介雞煲當然要試一試啦 雞件都算大件下我地叫左中辣！ 唔錯~辣度岩岩好之餘雞肉都好滑下~~ 可以食到停唔到口架最緊要係個醬汁夠濃~岩哂重口味既我啦 叫左雞煲當然要嗌碟炒飯啦！ 炒飯好乾身粒粒分明！ 將蛋白同瑤柱完美地放入左飯入面！！ 炒得好好啊~ 一啖雞肉一炒飯認真完美唷再嗌埋枝王老吉~~平時真係好少餐廳有而枝飲品！ 食完雞煲再飲翻啖感覺上下火了不少

今日放假入元朗既448農莊玩，玩完一日當然要食餐好既🥰難得嘅係今次想去既呢間圓老爺雞煲隔離，真係隔離有2個鐘既錶位😍 唔使諗啦，一於食距入去坐低，餐牌選擇都幾多！！仲可以自來海鮮加工，價錢唔算貴首先當然要試試距招牌既雞煲啦。我哋揀既係飄香醬皇雞煲辣度自由選擇，因為朋友係食辣廢廢所以今次我哋係食BB辣雖然係bb辣，但mix埋個招牌醬料都夠曬惹味！ 雞件醃過，非常入味，送飯一流啦孜然豬串骨呢個真心堅好食架！豬串骨炸到脆卜卜之餘，再加上孜然既香味超級掂阿！仲要係大大隻啖啖肉架~~~然後有個酸菜魚開胃一流，酸中帶小小麻辣！ 食食下成個嘴仔都麻哂哈哈！ 好正啊！食好野當然少不了主食同肥仔水啦我哋要左個瑤柱蛋白炒飯 ~配埋個雞煲一流👍🏻 再配埋啖肥仔水！ 完美既一餐啦

今日同朋友去左圓老爺食飯，餐牌選擇豐富，好多小菜都好吸引。雖然只有兩個人，但因為好多小菜都想試，最後總共叫了4個餸。第一樣想食是水煮烤魚，一上菜既時候，已經聞到好香。烤魚好滑，辣味程度適中，對於平時唔食得辣既人來說，是可以接受的，而且有紅薯粉配搭，因吸收了水煮魚的精華，所以紅薯粉好入味，愈食愈麻。第二樣是金瑤扒西蘭花，瑤柱份量十足，味道好。第三樣是CAB牛肋條多士，最上層的牛肋條好嫩，配搭溶溶地既芝士同脆卜卜的多士，是一個新穎配搭。最後再叫一個四川辣子雞丁，炸粉不多，食落不會覺得食緊一舊炸粉，而且雞丁炸到好嫰，如果再辣些，會更加滋味。下次再搵多啲朋友一齊去，試下麻辣雞煲。

今日早咗放工，6點天仲好光既時候已經同同事去食飯，但我地太好傾喇，一食就食到個天黑哂至出嚟😆今次係為咗雞煲而嚟，所以未睇餐牌已經點咗個啫啫滑雞煲（＄78），仲點咗極品陳醋咕嚕肉 （＄72）、香茅蒜香皇子鴿（＄58）、菌皇乾燒伊麵（＄88）同埋沙薑雞腳（＄48）。既然為雞煲而嚟，首先講咗雞煲先~佢配料足，嚟到既時候熱辣辣香噴噴，d雞同豬潤都醃得好入味，好味到我地最後連配料都係食哂😋咕嚕肉同皇子鴿既擺碟有花心思，好似幅中國畫咁，仲會有留白既地方~乾燒伊麵既份量一d都唔吝嗇，我地裝完一碗又一碗😆令本身鍾意食伊麵既我好滿足~沙薑雞腳份量都唔少，如果味道再濃d就更正🤩

元朗好多好嘢食，大部份是小店形式，但是對食材品質控制更易掌握！今天就跟朋友一起去這間位於豐年路的圓老爺鷄煲小廚，品嚐他們招牌名菜！食店地方不算大，但雲石桌子擺放整齊，地方打理得干干淨浄！一進店就得到服務員熱誠招，茶水安排妥當，我和朋友三人點了一個小吃，巴蜀日水雞是餐前小食，但也頗大碟，麻辣的醤油，鮮甜的雞件，有水準！又點了脆皮咸豬手已經邦我們切件的豬手份量不少的，皮脆肉嫩，有咬口，送啤酒一流！再來是金瑤扒時蔬（莧菜）茨汁均勻，冬茹絲瑶柱絲都好入味，但累嫌莧菜較老身，可能是季節不合吧！終於今晚主角上場/飄香醬皇雞煲已經半熟的鷄件放於一個非常清潔的易潔窩內，上面鋪蓋了很多芫荽，以石油氣爐加熱一會，再焗三分鐘即成、當煲蓋一打開，香氣四溢，金黃色的雞件，混和花椒八角芫荽等香料，香噴噴！真係流哂口水呀！食落鷄件好嫩滑又有鷄味！呢度真係值得下次再來一嚐試其他的菜式！

今日一班朋友去聚餐就簡左圓老爺雞煲小廚，因為一來一班男人食量大二來想吹下水，圓老食物分量比較大，就算人多都吾洗驚吾夠飽。咁果日我地就叫左半隻醬皇雞煲、脆皮原隻咸豬手、香茅蒜香皇子鴿、蜜椒金薯安格斯牛仔粒、豉椒味菜炒肥腸、豉椒金不換炒大蜆最後加多左分頭抽銀芽炒麵。先講個雞煲一上枱就香到不得了，原來個雞煲加左好多香料，例如月季葉之類，我個人認為除左雞煲不得不試一定係個咸豬手，皮脆肉嫩咸香送酒一流，牛仔粒夠嫩一上枱即刻清曬真係好正，炒肥腸又係送酒一流，炒大蜆隻隻蜆都夠肥鮮甜到爆，隻鴿D肉汁同佢塊脆皮真係正到吾識形容，銀芽炒麵既水準真係係我地意料之外，夠鑊氣之外好香豉油味。入元朗食雞煲小菜一定要試下圓老爺。

平日係元朗都會捐窿捐罅，食盡元朗大街小巷的餐廳。今次繼續發掘好食的餐廳。一入去餐廳，員工馬上安排入座，員工態度和服務良好，值得一讚。今日和3個朋友相聚食飯，叫左7個餸，包括：圓香醬班雞煲（$122 ）脆皮原隻咸豬手（$122）香蜜糖薯仔甜脆，蒜香皇子（$58）頭抽銀芽炒麵（$58）蜜椒金薯安格斯牛仔粒（108）豉椒不換炒大蜆（$88）豉椒味菜炒肥腸（$68）每逢到一間餐廳，當然要叫餐廳的招牌菜。所以我地叫左餐廳既主打雞煲同脆皮咸豬手。雞煲無論色，香，味都俱全，不論雞肉的嫩度和雞煲的辣度都十分之出色。然後就到脆皮原隻咸豬手，外皮香脆，肉質嫩滑，沾上泰式香辣汁，味道更加昇華。十分推薦呢兩道餸。其次蜜椒金薯安格斯牛仔粒更為驚喜，每次幫襯大排擋或者中菜館都必點。蜜糖薯仔甜脆，黑椒牛柳微辣，配白飯一流。仲有香芧蒜香皇子鴿，乳鴿的外皮烤得十分酥脆，但是裡面的肉卻一點也不乾澀。一啖咬下去，焦香四溢。另外三樣既小炒亦充滿鑊氣。豉椒不換炒大蜆，蛽肉十分之大，醬汁的辣同鹹度配相配合，食得津津有味。豉椒味菜炒肥腸，如果好鐘意食肥腸的朋友，一定要叫呢個餸。辣味同香味令我既目光比呢道菜深深吸引，食完一嚿又一嚿，

放工同家姐一起出元朗吃飯，聽聞元朗多大排檔，好多選擇。不過太熱啦，一於揀一間室內有冷氣既呢間又有雞煲又有小菜，非常好既選擇。見到廚師推介菜中，有焗脆皮鹹豬手，一於試下同德國口風有咩唔同！果然有驚喜，賣相首先高分，皮脆，味道剛剛好，無死鹹。配合呢個調過既甜酸醬，子薑，非常match！食唔停！又係邪惡之選，黃金魷魚🦑送上檯就聞到香噴噴！忍不住即刻試，魷魚炸得好脆，蛋黃剛剛好份量。再來一個豆腐魚頭煲！呢個煲非常足料。又入味豆腐，火腩，冬菇，加大大個魚頭。食得出好有火候！非常和味既一餐！

今日同屋企人吃飯，提早慶祝生日，係元朗發現有間食雞煲又有小菜，唔洗局限一定雞煲打邊爐梗係要一試開胃前菜，非拍青瓜不可呢隻醬又係出面食唔到，又香又脆！主菜黎一個香噴噴醬皇雞煲，店員話呢個秘製醬好香，香過芫西食落好入味。食過唔停。黎多個土豆絲，酸酸辣辣，好開胃，送貨非常好整返個雜菜煲，上面一粒粒原來係爽口雞比菇，好有創意，好似蒜頭擺面。清清的新鮮雜菜。唔錯係度吃飯，店員好nice，歡樂，溫馨的一餐。坐得舒服過對面大排檔。又一吃飯之選

又係時候出街搵好嘢食，今次嚟到元朗一間餐廳。呢度環境唔錯，座位都坐得舒服。啲碗碟都好精緻同埋乾淨呢度嘅食物種類都有好多，海鮮、小炒、雞煲、涼拌等等都有，總有啱自己口味嘅嘢。首先，叫咗一個飄香醬皇雞煲，可以選擇唔同嘅辣度，由於我哋唔係好食得辣，所以叫咗BB辣。一上枱已經聞到好香，店員好細心提我地滾左之後撈勻焗一焗先再食。雞肉都鮮嫩，醬汁好惹味。之後，再叫咗一個雜菜煲，入邊有唔同種類嘅菜同埋粉絲， 再加埋啲蝦米同埋魷魚提味，成煲菜都好鮮甜再叫咗一個豉汁蒸大鱔，鱔切成一片片，厚度都啱啱好，上面鋪左適量嘅豉汁同辣椒，有少少香辣得來又夠鮮甜下次可以再嚟試吓唔同嘅菜式，因為選擇真係好多