圓老爺雞煲小廚 (已結業)

元朗除左出名食壽司之外，小菜風味都係另一選擇！今晚黎到元朗呢間名為圓老爺雞煲小廚嘅食店，室內座位有冷氣又有電視，舒舒服服嘆下小菜先～地下一層唔算好大好多枱，但原來仲有二樓添架！收銀位置標明只收現金，相對就冇咁方便～好欣賞呢度嘅餐具，好有特色～伙計推介之一，星級原條牛肋骨👍🏻👍🏻👍🏻長碟上見到成條骨就已經有驚喜，食落每片牛肋骨都好軟熟，食唔到有筋，味道惹味，值得推介！伙計推介之二，酸菜煮龍躉斑球，即而家周圍都好流行嘅酸菜魚，底部仲有紅薯粉同芽菜，酸酸味味，斑球份量比想像多！最後一味係蒜蓉粉絲蒸蟶子皇，每隻蟶子都大大隻，好多肉，連埋粉絲一齊食，海鮮控唔好錯過呢～

圓老爺雞煲......竟然免收加一茶位元朗出名多雞煲食，襯著今晚天氣稍為涼咗，就一於同老公去食好嘢😋遇著落雨天，最唔鍾意去大牌檔，所以今次揀去圓老爺，裝飾骨子，地方乾淨企理，服務員態度十分友善，最驚喜是不收加一服務費，這真是值得一讚👍🏻我地揀了招牌菜「醬皇鮮味蝦蟹雞煲」，簡直係一次過滿足了三個願望，我地跟住服務員嘅指示，大火後熄火再焗三分鐘，果然剛剛好，雞肉滑到不得了😍估唔到蝦同蟹都唔少，仲好鮮甜，呢個煲二佰蚊都唔洗，真係物超所值，食材新鮮，而且份量一d都唔細海味雜菜粉絲煲 呢個煲好清甜，配合濃味嘅雞煲就最啱，好健康，完全唔覺有味噌👍🏻👍🏻本來想食椒鹽九肚魚，但原來開始了休魚期，所以揀椒鹽鮮魷，一樣咁邪惡🤣，但超級香口，鮮魷爽滑，食到停唔到口。食咗咁多濃味又香口嘅美食，我地今晚決定唔飲汽水啤酒，飲番罐王老吉清吓熱。其實仲有好多款海鮮小菜都好抵食都好想食，難怪全店坐滿人，臨走時想訂定位慶祝母親節，可惜已滿座，所以我地即時book埋枱，一於父親節就嚟呢度再食😋

圓老爺係我屋企附近新開(應該都一段時間😂)，我都未試過，今日一於搵佢祭五臟廟😁其實入面同舊八xx差唔多擺設，都仲係咁街坊。圓老爺都有好多唔同既野食，除左雞煲，仲有水煮魚、烤魚，同埋唔同嘅小炒。我今日口痕想食雞煲，於是嗌左個醬油皇蝦蟹雞煲、泡椒翼尖同埋皮蛋豆腐。雞煲好大煲，入面仲有份量唔少、大大隻既蝦、成隻蟹。雞煲好香，唔會死咸，而且個辣食落唔鯁喉，而最緊要既雞又夠滑，可以encore!仲有佢既皮蛋豆腐都好好食😭豆腐好嫩，撈埋皮蛋同肉鬆，咸香入面又有陣豆香，淡淡地中和番雞煲既濃味👍🏻👍🏻👍🏻後尾見到隔離枱叫左小炒，賣相都好好，下次再黎我一定會試！呢度都幾岩一大班朋友黎食飯，因為好多唔同口味既野可以揀，一定就到每一個人，而且上層仲有包箱，岩晒一大圍咁黎食（不過唔知洗唔洗預先book呢😝）-總結，可以再戰！

楊州炒飯，絕對可以顯得師傅嘅功價，充滿鑊氣，粒粒飯炒得乾爽分明，唔會覺得太多油，材料豐富，真係食到停唔到口。酸菜魚龍躉，難得搵到一間酸菜魚係用龍躉做嘅，冇花冇假，龍躉肉質紮實，而且爽口，甚至連皮都係彈牙嘅，份量又多，價錢又抵，真係不可不吃。Wasabi安格斯牛仔粒，絕對係創新嘅一味菜，安格斯牛仔粒，入口香甜，充滿蜜味，而且又有Wasabi嘅香氣，有幾層味覺嘅感受，牛仔粒鮮嫩，唔會有雪藏味，肉質紮實彈牙，正。飄香醬海皇雞煲以雞煲作招來餐廳飯店，經驗話我知離不開都係用大量洋蔥、乾蔥頭、大蒜、芫茜及花椒八角等既香料溝埋一齊，加入大量既油、糖、鹽及味精去浸泡住啲雞，再俾你滾下滾下，由眼耳鼻舌身意都沾滿呢種味道，甚至連雞既味道都可以完全掩蓋埋，坦白講我真係唔知食梗香料定係雞，所以此店招牌寫明主打雞煲，點都要試一下佢地既招牌菜式既，睇下有咩唔同？雞既份量好充足，配料恰到好處亦都香氣十足，唔會太過死鹹或者甜到漏既感覺，雞肉好多汁而宜好嫩滑，一啲都唔柴，最後重點強調，雞係有雞味，而小妹亦好清楚係食梗一隻雞

當日是教會的福音旅行, 原本安排到元朗食盤菜, 但因天后誕, 所有盤菜都要為天后誕預備, 不招呼外來客. 為免班員失望到openrich揾下有冇特色食品代替盤菜, 找到圓老爺雞煲小厨先睇到有點特色. 再與老闆聯絡訂了當日的菜單及圍數. 到了當天未想到給我們預備的都盡善盡美, 美味的菜餚, 食到每個班員都讚不絶口, 招呼更是一流. 我們一共有四十多人每個都很滿意, 令我也很開心. 下次一定要再去幫襯. 最重要是價錢唔貴. 超值 

屋企個個都返夜，得返我同媽咪兩個撐枱腳，就決定帶佢食佢至愛既小菜之前食過圓老爺既雞煲同煲仔菜夠哂獲氣好送飯，相信其他菜式都唔會差。鱔柳即叫即炸，上枱新鮮熱辣、金黃香脆，夠哂香口外皮酥脆，帶有濃郁既鹹蛋黃香，鱔柳位置無骨肉滑，口感軟嫩鬆化。牛肋骨切片起骨，好易食，醬汁濃郁偏鹹、仲加左七味粉，惹味十足，用梗送飯岩哂係牛肋骨略嫌肥左少少，脂肪偏多，好處係口感較滑。有魚有肉當然要整返個菜先夠健康呢期茄子幾靚，夠哂厚肉，入口稔軟多汁。菜如其名，真係‘勁蒜’呀蒜蓉索哂豉汁食落更香口，好吊味～～～連嘴刁既媽咪都讚不絕口話無介紹錯，下次要成家人一齊黎試多幾味喎

朋友介紹呢間餐廳已經好多次 今日終於有時間品嚐 有驚喜但唔係太過大雞煲好食 味道夠濃雞又滑 值得一試酸菜龍躉 湯足味魚肉滑但淡茂茂 魚肉吸收唔到湯嘅味道誠意推介完條牛肋骨 無論色香味都俱全 媲美五星級酒店嘅味道豬寸骨賣相一流 但味道只屬於普通 但係都係值得一試嘅菜式見到呢度用嘅餐具係俾咗好多心機去挑選 所有菜式都唔係簡單處理 而伴菜都係用沙律菜 俾我一種好清新嘅感覺 打破平時食中菜嘅味道 價錢亦係連鎖茶餐廳嘅價錢 如果保持呢個水準做落去 不久圓老爺應該係元朗會創出好大嘅名氣

好朋友4月尾生日，兩個元朗人想簡簡單單食餐生日飯，於是去呢間豐年路既雞煲店食飯😋醬皇鮮味蝦蟹雞煲$178主角係雞煲，咁大煲裡面有半隻雞同好多大蝦，仲有成隻蟹,鋪滿左芫茜，更添風味，我地叫左bb辣，因為知雞煲愈耐愈濃味，呢度都唔例外，愈食愈過隱，愈食愈辣😋雞肉又嫩滑惹味～香茅蒜香皇子鴿$58鴿子本身烤得好香，味道好特別有蒜香同香茅味，同鴿子好夾～唔使點醬汁已經好好味，仲有擺盤好靚，不忍心整亂個調味區🙈金檬孜然豬寸骨$72真正既外脆內軟，出面炸得好香脆，鋪左孜然、花生碎同辣椒🌶️咬落去肉質竟然好嫩口，啖啖肉！🥰海味節瓜粉絲煲$58最後清清地叫返粉絲煲，節瓜切得好幼身爽口，最神奇係粉絲無痴底又唔淋，師傅好功底！有菇又有蝦乾又有元貝仔，簡單又好味既家常菜，樣樣餸都咁好食，兩個人食到好滿足，叫得太多食唔曬仲打包走～相信好快又拿黎食過😋

食左幾次，全部小炒都好有水準，價錢同大排擋差不多，反而雞煲個人感覺真無咩特別，算好食，但可能元朗太多雞煲做得好，無感覺特別比其他特出，但小炒同炒粉面飯和店工服務真一流，自帶海鮮加工價錢都好合理，最初只同朋友宵下夜，而家居企人食飯都會帶他們去。

這間食店是賣「江湖菜」的!掛「圓老雞煲頭」，賣粵式小炒肉。真身是「江湖大佬」。鄰近「大坑渠」，很多重慶辣雞和烤魚店，是深圳食風吹送所致?在內地，重慶菜的變調，是江湖菜。正如此店餐牌的標題 - 「大江南北菜」。由「大坑渠」轉入此巷，很多平民店、街坊舖，部份餐椅擺在門外。在內地，「江湖菜」的誕生，正是這類方便司機照應貨車的公路旁小飯店。此類位於市郊的物流業司機的充飢食店，餸菜口味要兼顧大江南北各省籍人的喜好，各大菜系的餸菜均有一點供應，主線是辛辣的，以挑起食慾和伴飯，滿足勞動人士的需要。土此店主打是重慶麻辣雞煲，已融入港式土味，有4大款式，店方推介的，反而是「飄香醬皇雞煲」。重慶的重麻勁辣味淡出，廣東濃醬蒜香味淡入。當然，食客可要求辛辣。我們點選了微辛略辣的。煲沸後翻炒三番，稍焗一會兒便可入口。炒雞時，會覺得嗆鼻，只要加熱時間不長，辛辣程度便可大降。濃醬的好處是可伴飯和佐酒，缺點則是略蓋雞的鮮味。重味濃醬是「江湖菜」的特色，多蒜，多葱，多茜，與廣東爆炒店如「大中華」，綻放著不同的魅力。有鄉土兼有本土風味，雖要專程入元朗，卻不枉此行。粗「江湖菜」第二大特色，是餐牌與酒家明顯不同，較市井，親民

今日老豆同我兩個人食飯 偏愛中菜嘅佢梗係要嚟茶餐廳 呢間新餐廳非常爆滿 於是就入去試下閒日都咁多人真誇張 而且客人係源源不絕咁入去 好在上面有閣樓能夠坐到好多人 望見餐牌都有好多特色小菜腐乳椒絲炒通菜 腐乳味道香濃 唔會好鹹 通菜夠新鮮爽脆 有大排檔風味到咗今日重頭戲 海鮮醬蝦蟹雞煲 個雞煲材料非常豐富 原來真係有原隻蟹同埋蝦 加上嫩滑嘅雞肉 蟹肉鮮甜 落咗海鮮醬更加惹味 同時帶出蟹肉質感 份量適中 蝦亦都唔錯 最特別係雞肉 索曬蝦蟹嘅精華 白飯都食到幾碗

元朗嘅朋友如果又有雞煲癮🤩 但又想食鑊氣小菜呢間就啱晒你啦 性價比極高‼️.#CAB牛肋條多士 $68呢款真係第一次見 應該係新派菜下面係炸多士🤤超脆口 而且唔多油中間係半溶狀態嘅芝士🧀 再黐住超淋嘅牛肋條成個口感就係‼️👉🏻一咬落去先食到香濃嘅牛肋條味 配小小芝士味 最後係脆嘅感覺😍 必試！.#金檬孜然豬寸骨 $72四大條豬寸骨🐷好似我手臂咁粗💪🏻 每人一條都夠飽超有鑊氣 雖然係炸嘅👍🏻但係一啲都唔乾身而且係好多好多椒鹽🥰 有冇人都好鍾意孜然味？雖然好多椒鹽 但係都唔會蓋過孜然味👍🏻.#飄香醬油雞煲 $122另外有#麻辣重慶雞煲 價錢都係一樣有小辣、中辣、大辣🌶揀 唔食得辣嘅揀小辣都好惹味😋雞煲大概有半隻雞🐥 兩個人share就啱啱好雞肉肉質都幾嫩滑 食唔出雪藏味醬油醃到啲雞入晒味👍🏻甜甜地幾好味

入元朗，真的不一定吃鷄煲，這間圓老爺鷄煲小店位於元朗一角，但人來人往，幸好等了一陣，父子兵終於可入內，一嘆美食，老爸表示今日想吃特別，打破傳統，入餐廳不一定吃招牌菜，抱探索之心去經歷一些事，預計不到的事正是人生要學的東西，woo!嘩！老豆又發功，阿仔又長知識了，不知這頓飯會聽到幾多人生大道理哩！小店不多，家庭經營，用心製作，童叟無欺，這感覺很强烈，看看這感覺如何走下去！餐廳餐牌琳琅滿目，以鷄煲見稱，但侍應也表示小菜也出色，可以一試，一試難忘！叫了以下菜式:1.夫妻肺片: 麻辣味肺片麻得有道理，麻的程度完全可接受，切到的厚度剛好，口感十足！作為前菜，贏了！2.西蘭花炒帶子: 家常味道，但竟吃出帶子的鮮味，很入味，西蘭花的配搭絶配，像酒樓擺酒菜式！3.星級原味牛肋骨: 成條上的牛肋骨，極盡奢華及派頭，配上秘製醬汁，牛肋肉的層坎又升高一級了，肉質軟稔，yummy x 3倍！4.莧菜時蔬: 尾聲了，夾上新鮮莧菜，好軟熟又能吃出大自然味，來個圓滿的謝幕，我知又是時候離開了，老豆又發功了:"每件事也有完結時，衹要好好享受當下，活好當下，哪怕曲終人散！人與事也有期限，無悔今生吧！"woo , 今晚父

平日食得西餐日本菜多都會想食下廣東菜小炒 朋友介紹大陂頭附近有間小炒晚市都唔錯我同老公咩都想食就叫咗五個餸 先黎個金磚百味豆腐 堆至密密麻麻 正方形金黃色好吸睛 豆腐炸至外脆內軟 內層滑溜 口感似流心 點上喼汁 有畫龍點睛之效魚香茄子煲 老公指定菜式 鹹魚香氣異穿整個煲 茄子結實之中帶軟 炆嘅火喉控制得好免治豬肉肥瘦參半更有咬口 難得無太油或太多醬想更有地痞風味 所以點個豉椒味菜炒肥腸 豆椒香味爆發 鹹酸菜味道香濃 加上三色椒洋蔥大腸外層爽腸 內層帶肥膏 整體而言夠獲氣青芥辣蝦球 脆卜卜蝦球澆上沙律醬 中和油膩感薄身炸粉 蝦肉爽彈 夾雜wasabi味刺激味蕾 最後金銀蛋莧菜係每次炒小菜必點 亦湯亦菜莧菜軟嫩帶少少回甘 菜汁係本菜靈魂 湯味鮮甜配上皮蛋鹹蛋以及金色蒜子 引出鹹香滋味食到飽一飽 飲埋天地壹號幫助消化去油脂眼見好多人都點雞煲 同老公約定下次天氣涼啲都一定要食

星期天，外賣天，外出晚飯是常識！😁😁但老人家始終喜歡傳統的中式口味，圓老爺正合我們這一家的需要 😘這裡環境乾淨企理，樓下多是四人枱，大枱設在二樓，適宜大家庭合家歡。點了海味雜菜煲 $68，材料豐富，有粉絲、西蘭花、小唐菜、生菜、鮮魷、冬菇、菜心、蝦米、瑤柱碎等等……應有盡有。還有圓老爺小炒皇$88，材料同樣豐富，韮菜花、蝦干、菜甫、花生、炸魚干、鮮魷、中蝦、紅椒等……跟雜菜煲有點近似，口味……源出一徹……😂😂！大蝦爽口，韮菜花嫩滑無渣；可惜沒有腰果，有點不夠完美 😅😅豉汁蒸大鱔 $128，份量頗多。大鱔薄切，料頭豐富惹味，傳統的口味。客家梅菜扣肉 $88，扣肉工序繁多，出外用膳就別客氣了😍😍。 生菜沾滿了扣肉汁，同樣惹味。扣肉肥瘦相間，最宜伴飯，極邪惡 😈豐富晚餐這就是練成的 😍😍圓老爺的餐牌款式繁多，味道不錯，價錢公道，份量慷慨，家庭樂最合不過。