城寨風味 (已搬遷) 新店位置

去九龍城食飯，只會諗食邊間泰國菜，今次要同住附近嘅長輩食飯，就選擇了這間食中菜。吾難搵，環境吾錯，坐得舒服。不過要早交返張枱，都有足夠時間食，同年紀大早食飯 😅好似乳豬好出名，叫了一只，賣相幾靚，食落好ok，吾肥，有肉，D皮好脆，個孔豬醬好得，一定要點嘅食。個雜菜煲好大煲，足夠成枱人食，好多吾同菜類，有圖有真相，😁牛柳粒，冇乜特別，ok好食。重有叫乳鴿，都好好食。這裏食完好處係，走去附近左右就有甜品食。哈哈 😁

好耐冇去九龍城食飯，一向覺得呢區啲餐廳不錯，加上見open rice 食評又幾好，所以兩人就去試試。環境不過不失，要上二樓，入到去員工問我們有冇訂位，心諗今日星期二都要訂位，唔通真係好嘢。後來安排了一個口卡位，很舒服。看看餐牌，價錢都不算平，點了兩隻BB 乳鴨，來的時候已不太熱，但仍皮脆，淡味道。一個金銀蛋時菜，見餐牌是$98， 問員工時菜有乜菜，他說有生菜，菜心，娃娃菜，豆苗，我們選擇了豆苗，最後埋單呢個餸竟然$148 。仲有個所謂特色石窩花膠煲，兩塊魚肚同埋啲湯好似漿糊。難食之作。仲要茶介$15 一位。埋單四百幾，貴不重要，最怕又貴又難食，一定不會再光顧。

城寨風味🥢～～～～～～～～～～～～～～～～～～😍‪九龍城‬食泰國菜就多，好少食廣東菜，依間色香味俱全，裝修的確有城寨風味。😍🥢金牌醬燒雞（半隻）（$175）燒雞即叫即燒，需時，但值得，肉質鮮嫩，個皮燒得薄脆，金牌醬有花生粒，少少已經好惹味🥢生炒上肉排（$138）雖然有少少貴，但真係好味，生炒肉排粉唔會太多，脆得黎唔會𠝹口，保留住肉汁。🥢龍皇鴛鴦蒸豆腐（$168）蒸豆腐上面分別係帶子和蝦滑。豆腐夠滑，重豆味，蝦滑可以彈牙D，配蒜蓉味道不錯，帶子唔算好有鮮味。🥢豉椒斑片煎米粉（$158）呢個係成餐最好味嘅，煎米粉好耐冇食過，出面餐廳多數整到個米粉好濕，但佢整得好乾身，配上豉椒汁剛剛好，斑片保留最有骨膠原嘅位置。～～～～～～～～～～～～～～～～～～

秋高氣爽，約了後輩C去九龍城趴趴走。會合後，先去裝潢古香古色的「城寨風味」，吃一頓午飯。 挺喜歡，牆上掛著的一幅繞富哲思的掛飾 - 「不由人算：人有千自算 陰謀暗算 終歸失算 天只一算」。午飯時間，有數款經濟實惠的套餐和燒味飯供客人揀選，奉送例湯和飲品。 是日所見，有不少人叫了砂窩午市套餐，圖中男子，一邊玩手機，一邊津津有味地吃著砂窩色治牛肉飯。 除了午市套餐，客人也可以點選餐牌內的菜式。C住在宿舍，三餐總是求其了事，難得出來吃飯，決定讓她吃個痛快﹗ 午市一壺茶$15，可以任飲任添，且不設加一服務費，相對晚市來得更為化算﹗C說，她想吃豆腐﹗外香且脆，而內裏細滑富豆香的七味黃金豆腐$78，她一人獨吃四份之三﹗ 餐廳的即燒脆皮香豬$158/例牌，也是不容錯過的招牌菜之一。客人落單後，師傅才開始烤製以秘製醬料醃製的乳豬。烤製後，師傅會以熟練的手法，去除乳豬表皮下的一層脂肪，再把乳豬切件上碟。 乳豬皮薄、瘦肉多，咬下去，乳豬皮如脆片般，卜卜脆，發出「咔嚓」一聲。瘦肉味濃而不過鹹，適量的肥膏位則增添了一分的油脂香氣。吃時，蘸上師傅調製的海鮮醬，味道更為一絕﹗ 近期以鹹蛋黃入饌的菜式大熱，餐廳也推

九龍城已經很久沒到來，周圍處處還是工程路段，該是趕沙中線的關係。相信之後九龍城會變得更熱鬧。找到城寨風味，發現有客飯，那就跟同事一起共膳吧。七味黃金豆腐先點小食，豆腐十分滑溜，外脆而且不厚粉是簿脆，一口接一口很快清光了。黑椒鴨客飯味道很不錯，若黑椒味多d就更惹味城寨石鍋花膠見價錢十分抵，就點了來品嚐一下，沒留意原來是跟飯，因已有客飯，所以送來的白飯，我們也退回一客，免得吃不完浪費了。用石鍋來到，湯十分滾，而且份量很足，花膠的膠質溶在湯內，絕不能錯過。

自從機場遷移至赤蠟角已很少踏足到九龍城了。今天適逢要去這區探舊同事，順道由他做響導帶領我們去食好嘢啦！ 當大家見面寒暄了幾句後便帶領我們入到一間裝修得很別緻和有懷舊feel 食肆。此餐廳匯集了中國各地的美食；如特色粵菜、川菜、江南名菜和杭州料理等等，包羅萬有。同學旣是地頭虫當然由她發版。秘製紅燒乳鴿乳鴿是食肆的招牌菜。遠處已聞到香噴噴，乳鴿燒得熱騰騰的，外表油潤飽滿；皮脆肉嫩咬落肉汁味濃，用手撕開來食別有一番滋味。上湯膏蟹煎米餅膏蟹大大隻絕不欺埸，肉質結實鮮甜又多膏；以上湯烹調更帶出蟹的味道。配上香脆可口的煎米餅，口感豐富不少。豆酥醬蒸海斑從來都不知有豆酥醬這調味料，用來蒸魚都是我第一次嘗試的。 惹味之餘亦能帶出魚的鮮味，是 唔錯的配搭。桂花炒魚肚魚肚切成條狀加上艮牙和桂花一齊炒，清爽毫不 油膩。鮮豆漿枝竹勝瓜浸魚腐以豆漿和枝竹做湯底，營養豐富；加埋勝瓜清甜 可口。再用魚腐吸取湯的精華，滋味不少。

很小踏足九龍城, 由其沙中線一日未起好, 來這裡都唔係太方便。 這個星期六來這裡相約了住九龍的妹妹吃餐晚飯。 她喜歡食中菜，所以我選了   都幾易搵到, 位於南角度的街口位置。裝潢方面也較有特色，以中式小菜館來說明顯是有心思的。看看餐牌真的不得了， 選擇多到不得了，而且布些小菜是坊間不容易食到的。但店員提示, 因為碟頭較大, 所以兩小菜一湯已經夠晒數，唔想眼闊肚窄，多謝提點。  店員推介 $68 即管試一試因為用上竹絲雞所以小了一分油膩亦更加滋補；螺頭滋陰；令味道更鮮甜。湯頭清澈，鮮味點到即止，順喉好飲。價錢雖然唔平, 但相當值得一試。以其名而立的菜式，都令客人有所期望,所以特意點了 半隻 $175做法是將雞用上湯餵熟，再切件上木筒中，加入雞湯蒸熟，讓雞肉吸收湯的精華，雞肉尚算香滑，亦富彈性，雞湯亦可以撈飯，幾有特色。妹妹是海鮮控, 所以點了 $188 我一心以為是我吃過的煮法， 以錫紙包著食材加入牛油焗熟。點知一上枱，原來和我吃過的是兩碼子的事 。幾種菇類有雞髀菇、東菇、秀珍菇等先炸再加入帶子兜熟，先講賣相真係唔太靚，亦不能引起食慾。  野菌薄又脆，岩晒喜歡食香口野既客人，但因為

九龍城隨了泰國菜有名氣之外，其實有好多臥虎藏龍，只要搵一搵就會發現好多有水準的食店。城寨風味曾經來過一次，印象中有些餸菜是坊間少有，好特別。今晚邀請了幾位朋友從外國回流，相信對中菜的思念一定有。秘制紅燒乳鴿香噴噴樸鼻而來，即叫即製，熱呼呼噢！皮脆得惹味，肉質嫰滑，不過略謙調味鹹了一點。上湯糕蟹煎米餅煎米餅脆口，蘸著醬汁，由脆化軟，有層次。蟹隻肉厚，啖啖鮮味，還有不少蟹膏啊，邪惡得很！豆蘇醬蒸海班火喉控制得宜，魚肉滑溜，非常可口。豆蘇醬汁不會太鹹太膩。鮮豆漿枝竹勝瓜浸魚腐感覺上好滋潤！湯底美味，清甜。勝瓜，魚腐吸盡精華，滋味無窮！朋友們大呼美味可口，絕對外國找不到如此有水準有服務的中菜館。

自從公司搬咗去新蒲崗後，間中都會和同事過嚟九龍城食晏，不過晚飯就比較少。趁這天老公要來這邊開會，就相約在附近吃頓晚飯才回家。老公想吃粵菜，左挑右選，最後看中了這間主打懷舊及地道廣東菜嘅「城寨風味」。餐廳位於南角道，店內裝潢採清初江南古店風貌設計，牆身以青磚紅泥鋪砌，令人想起昔日嘅城寨圍牆，襯托可一覽江南水鄉生活風貌的清明上河圖，盡顯古典氣息。門口牆身嘅街頭 graffiti 圖案，色彩斑斕奪目，令人印象深刻，配上店內的詩詞牌匾、掛牆的竹簡，表現出新舊融合的時代美感。餐廳嘅菜譜非常厚身，入面匯集了各式中式料理，包括江南各地名菜與小吃、杭州料理、粵菜及川菜，另外亦有一系列特色私房菜，而茶芥就每位 $15。只有兩個人，胃納有限，不能吃得太豐富，就簡簡單單選兩個小菜同一碟炒米。筆者愛吃魚，第一時間點了這客金蒜燒汁斑頭腩 ($198)，斑頭腩用上脆炸方式烹調，成品非常大碟，分量十足。挾起細看，外層以薄薄的燒汁包住，炸至甘脆焦香，入口酥而不膩，而入面的魚肉亦雪白嫩滑，鮮味可口，加上惹味的燒汁，用來佐酒一流。欖菜肉鬆四季豆 ($105)，碟四季豆炒得夠曬鑊氣，而且火候拿揑得很好，食落爽脆甘甜又有豆香

自從機場搬了之後，現在已經少到九龍城，今日一去就直到城寨。年幾兩年前來過城寨風味一次，當時食晚飯，今日又試吓下午茶，最近推出了石鍋系列，我認為非常抵食，60幾蚊一個鍋，有四款選擇鮑魚、翅、花膠，我選了魚翅，加10幾蚊，升級套餐包埋白飯及酸蘿蔔，即是一共$78。清雞湯作底，芽菜很多，但當中都搵到唔少翅，用嚟撈飯幾隻正，又夠飽肚。心思思點多款七味黃金豆腐，簡直超滑，味道又香，這樣一個午餐怎會有投訴。見到其他午市套餐都好抵食

九龍城可謂飲食界臥虎藏龍之地，無數出色的中亞西菜館都可以在這裡找到。城寨風味就是當中的表表者。其高質素的出品吸引不少明星青睞啊！金沙蝦球   ($178)鹹蛋黃菜式是近期的大熱，來這裡都點了一道黃金蝦球。蝦球好像披上黃金戰衣般，脆漿薄薄的一層，剛好緊緊地裏著蝦球，完全不會鬆散。外層的鹹蛋黃有起沙的效果，顆粒幼細，味道鹹香得來略帶微甜。而蝦仁亦夠爽脆彈牙。好吃得足以令人一口接上一口。海鮮稻庭烏冬   ($168)一窩足夠三至四人食用。呈奶白色的湯，以為是魚湯，原來是豬骨湯，雖然味道都很甜，但總覺得海鮮烏冬一定要配上魚湯才是最最最匹配。稻庭烏冬呈方扁狀，好滑溜，好吸湯。餸料方面有龍躉片，蝦仁，帶子，魷魚等，相當豐富，且份量充足。龍躉腩鮮甜肉爽，無雪味，魚皮彈牙有膠質。而蝦仁，帶子，魷魚均鮮甜，雖然只是麵食的配菜，但也沒有交行貨。漂香燒汁和牛粒   ($178)以石鍋上桌，醬汁在石鍋內滾燙著，滋滋作響，香氣四溢。和牛粒份量多，食得出沒有添加鬆肉粉，沒有澀澀的味道，以及能夠保持牛肉的嚼頭。每口盡是濃郁的牛肉味及牛油香。醬汁的主調味道是黑椒，另加入九層塔，蒜片，椰菜等，頗有台式熱炒的風味。是超級

九龍城好多泰國菜館同火煱店，講到中式小炒就真係唔多，見呢間開咗都幾耐，呢晚終於嚟試試。呢度仲要係開到零晨三點，幾夜都唔怕冇得食。見到餐牌，第一樣最吸睛係BB鴿，唔多中菜館有，要好似呢度咁五十蚊一隻就更少見，一於試一隻。真係好ＢＢ，原隻上，燒得好脆，亦唔會太肥，一個人食一隻份量啱啱好。真係好抵食！餐牌上另一推介菜式係石鍋鮑魚/石鍋海參/石鍋花膠，推廣價$62/位，好似幾抵食，我吔揀咗鮑魚同海參各一客。實物有少許失望，每客都附上兩條小棠菜，餐牌上好似每款都好唔同，但食落就似係用上同一個汁，似係一大煲煮哂鮑魚，海參同花膠，然後就分開唔同石鍋上菜。鮑魚同海參都唔係好大隻，海參更係用上韓國貨，汁就好多。試下無妨，以呢個價錢可能揀其他小菜會抵食啲。七味黃金豆腐都係幾多人叫嘅菜式，好似好簡單的一道菜，完全係有驚喜，雖然食落應該係百Ｘ牌豆腐，但每件都炸得好靚，再加埋豆腐面嘅一啲芝麻同味粉，好香口得嚟又唔會太熱氣。好味！想食蔬菜但又想試啲特別啲，呢個野菌焗帶子真係唔錯嘅選擇，好香香草味，用上焗嘅煮法就唔會好似酒樓常見嘅炒野菌帶子咁油膩，好乾身，好香口，讚！另再揀個雞嘅菜式，呢度都有唔少選擇，想香口啲就揀

之前係openrice搵下kln city有咩好食, 而我不嬲都幾中意食中菜, 所以就bookmark左呢間一直想試!今次就另外邀請左3個同事一齊去食~😋我係兩星期前就已經訂定位啦! (但奇怪地其實去到果陣都唔FULL, 一直都有吉檯, 但係係星期五晚😵)黎到當然要試石鍋海味啦! 一碗既份量唔多, FOR一個人係岩岩好既, 個花膠味道較清, 海參較濃, 試齊2樣balance返就岩岩好啦! 用料都幾足~第一次食魚腸, 無得比較, 唔知呢度算唔算出色, 不過至少食唔到D咩臭味, 味道係可以既, 亦唔會太咸, 同事都話呢度整得唔錯! 有兩個同事都係好中意食辣既, 所以點名叫左個辣子雞, D辣好香, 唔算太油, 雞都唔會"鞋", 不錯!個芥蘭炒得岩岩好, 又有D咸香味, 用黎送飯一流!乳鴿可能真係太BB, 得好少肉食...個飯都好香, 味道唔錯, 唔會太咸~呢餐飯同事們都好滿意, 仲話我無介紹錯! 其實我都係撞彩, 哈哈😁😁

想食中菜，在openrice search 下見到依間食評吾錯，就試試啦。2個人叫左$62的翅，足2兩架，2個人share 都ok。仲有蠔餅，半隻招牌雞，黃金豆腐，金銀蛋菜。其實全部都好好，招牌雞好滑，係咸左少少。蠔餅加左菜蒲，有少少沙，但味道很不錯。要讚係食完完全無口乾，應該極少味精，金銀蛋都好靚，好嫩，d菜煮到岩岩好，吾好太燜。座位都好，但坐時有d蚊周圍飛，要注意一下。

九龍城是一個食肆密集的地區，雖然印象中這區的食肆以泰菜為主，其實近幾年這區的食肆已變得更多元化，而「城寨風味」是區內較有實力的中菜館，不時創作出新菜色。菜館位於南角道，餐房設於2樓，地舖是家出售名貴鮑參燕窩海味的「御品薈」。在靠行入道的外牆有幅玻璃窗會看到燒臘部的情況，透過玻璃窗口，可以看到師傅在烤爐烤乳豬及燒鵝，相當吸引 ! 餐廳環境古雅懷舊，裝潢佈置配合了城寨的歷史背景及清初江南的特色，以青磚紅泥牆及仿舊的裝飾配襯，配上別緻的餐具，處處滲出老中國的一番風味，事後先知原來好多擺設、掛畫都是老闆從大陸搜集回來，怪不得甚有古蹟氣息。餐廳設有貴賓廂房，加少少中式擺設，牆上掛有一幅竹簡，舒適自在。靠窗卡座窗口可以望見街道，四週還有很多的樓宇衹有四至五層高，保留着以前九龍城的獨特風格。「城寨風味」以多樣化的菜式著稱，讓客人細味大江南北的味道。 打開餐牌，就有一整頁介紹九龍城寨嘅少少歷史及餐廳嘅背景，翻閱餐牌發覺菜式有粵菜，有川菜，亦有杭州菜，由冷盤、燒味、特色菜、燕窩、海參、湯羹、鮑魚、羔蟹、海鮮、小菜、煲仔菜、素菜，以至飯麵生滾粥、四季盆菜都有。除散點外，原來亦有私房菜供應