壹級日本料理 (已結業)

大圍變了一個美食樂園已有一陣子, 但想不到兒時常到的美林邨也俏俏的年輕起來, 村內的冬菇亭已大變身!! 由本地化的屋村茶餐廳, 變身為豐儉由人的日式食肆, 食物更是銅鑼灣食店的質素。如果不說, 很難想像這兒曾經是又舊又熱的冬菇亭。不過食店同樣主打街坊生意, 看見不少一家大細來開餐。天氣這麽熱, 當然先來一個刺身作頭盤。作為香港人, 當然是點三文魚。 這個極上三文魚腩刺身十分漂亮, 橙白相間, 魚腩位還是閃令令的泛着銀白色, 十分新鮮。咬下去爽滑滋味, 魚油在口中爆出, 大滿足呢! 相不到屋村食肆也有這樣新鮮的日本食材。之後我們點的幾款串燒送上, 雖然沒有用上什麼醬汁醃製, 只用海鹽調味, 讓我們體會食材的原味。其中燒牛舌和黑豚腩串我們特別欣賞, 燒得外脆內軟, 十分JUICY, 油香和肉香令人食指大動, 很快就把整碟串燒吃完。其實只要食材好, 調味真的不需要太多。這件燒白肉厚肥美, 跟燒鰻魚又是另一款風味, 這個味道較清, 不會太膩, 配了燒汁就更惹味可口。不用二十元一串就有這個級數, 比一般串燒店平不少。我們也點了個冷麵, 這個稻庭烏冬非常爽口彈牙。夏天吃冷烏冬真的很適合, 冷麵汁非

話說細細個的時候，常在家附近的冬菇亭晚餐，直至某年大火之後，冬菇亭的頂部由布式的頂層改變為石屎頂，自此之後我也沒多去那裡吃晚飯，一來價格高昂多了，二來風味大不如前，所以就到別的餐廳去。直至最近，好友家附近的冬菇亭轉手了，有新的餐廳可供選擇，在好友大大力推薦下，我們來到位於美林的冬菇亭熟食中心。 沒想過冬菇亭入面會有日式餐廳吧，今次這家更是品嚐刺身的好地方喔。 香芒龍蝦沙律 ($78) 這個沙律也蠻足料的，芒果相當鮮甜，龍蝦在芒果的映襯下顯得相當出色，十分爽口，味道也夠鮮味的。沙律清新，感覺一點也不膩，作為前菜用來調整胃口，確實是不錯的選擇。 刺身4切 刺身拼盤($1,123) 藍旗中腹(中拖羅) ($438/4片)極上三文魚腩 ($108/4片)帶子 ($120/5片)海膽 ($144/半板)劍魚腩 ($68/4片)珍寶牡丹蝦 ($245/5隻) 刺身拼盤往往是吃日本菜時最吸睛、令人最期待的，一來它鮮艷的顏色讓人喜歡，二來它的種類可以由自己選擇，打造最適合自己的拼盤。這邊的刺身拼盤是這樣子計的：主要以四片為單位，四片以後可以逐片加上，價錢也是以逐片計算。刺身拼盤中，件件鮮甜可

俗稱「冬菇亭」的熟食亭是伴隨著香港公屋而衍生的一種配套設施，為亷租屋居民提供平宜並多樣化的飲食，甚有庶民特色；是香港的一道很獨特的風景。冬菇這名稱實是來自於建築物頂部中間的一個用作加強空氣對流的拱形排氣口，形似冬菇，因而得名。經翻新後的冬菇亭已加添了冷氣調節，天窗的作用也已改變，像這裡的的便可起到採光的作用。食物種類多樣、豐儉由人，最經濟的；每位三十五元（午市飯/麵)便有交易，貴價如帆立貝、活北寄貝、牡丹蝦、中拖羅、大拖羅等也有供應，正是平有平食，貴有貴食。螢光魷魚～長度大約只有3英寸，多分佈於日本海及四國沿海一帶；個頭細小，黏黏滑滑，味道鹹鮮；最重要是無喱「腥氣」，鮮的表現！香芒龍蝦沙律～這個闔家歡的菜式大人細路也會愛呀！脆卜卜的蟹籽躺在香甜的芒果片上面，吃出雙重滋味；加上置底的龍蝦肉，是一道非試不可的沙律。銀鱈西京燒～油脂豐富的銀鱈魚與白味噌非常搭配，鹹中帶甜的醬料更能引發魚肉的甘甜；啖啖都皮脆肉嫩，脂香味美。黑豚腩串～燒得頗為香囗，肉質爽嫩，最愛是連着的小許肥脂，直是令美味指數加倍提升！灑上少許檸檬汁，帶出另一種清香的食味。白鱔串～外層燒得鬆脆，加上白鱔的油香味，真是一絕，我和朋

日前跟朋友相約在美林體育館打波，打完波到美林邨找餐廳吃午飯，來到熟食亭，發現一間日本料理，於是決定試試。燒鯖魚，份量頗多，魚亦煎得香口👍燒雞排手打烏冬，手打烏冬很出色👍👍屋邨裡難得的日本料理，價錢親民，味道亦不錯，值得推介！

近來身邊既朋友唔係準備結婚就是有左小朋友 所以近來同朋友間食入伙飯就真係多左好多 最近又有個之前結婚識既朋友仔 因為將會有小朋友出世既關係, 就搬近了她的奶奶家,同時為左我地既久遺既小約會 朋友就話帶我地食好野!! 佢話佢奶奶屋企附近最近開左好多間新食市 其中有一間連老爺奶奶老公都話好食抵食又好味 仲變左佢地屋企既飯堂咁話 即使朋友仔食唔食生冷野都話要要帶我地食 就睇下呢間野係乜東東啦 呢間位於美林邨既冬菇亭既壹級日本料理 說真的...第一次聽係冬菇亭做日本餐廳 因為多數都係做中菜/茶記多架嗎 係六點幾黎仲係好光猛,唔洗點開燈都好夠光 重點係好夠空間感,有時去到D餐廳樓底好矮 食落好有壓迫感,唔知大家有冇試過呢? 今次朋友先生發板,先來一個沙津來一個解解暑 近來既天氣唔係落雨就係焗到人都癲 這個是香芒龍蝦沙律 $78 夏天吃芒果是最好不過,既當做重點係實甜的 你以為純芒果加d 菜?唔係咁簡單 係碗底入面好多既龍蝦肉碎,由芒果生菜同埋龍蝦肉 三種滋味盡係口中,極力推介勁好食!! 重點係夠曬份量,唔係同平時既日本料理咁 食完都覺得咁就...$5X 碗啦 然後就有朋友極力推介,話佢每次

見到有咁多個好評，以為好正啦⋯😔啲好評都唔知真定假架！😡我住係隔離村的，知道新開咗新餐廳，即刻上嚟睇吓啲評價啦～見唔錯咁！上星期特登行過去食晚餐，19:00卡位已full,我地2大1B，因為呢度冇BB椅，所以一定要等卡位⋯等了十分鐘左右有位，價錢唔平！諗住味道唔錯啦，點知都係一般般😒個和牛炒飯少到呢⋯$78得一碗仔咁！得幾粒肉味道同餐記差不多，重味精味⋯海老叉燒湯稻庭$128，一上枱暖的⋯不熱，湯有腥味，叉燒係舊肥肉，蝦梅的⋯😡都唔知點解要買百幾蚊碗！安格斯$188，份量又係好少，味道普通冇特別，啲配菜菇係苦的軟殻蟹卷$88，味道0k～三文魚，三文魚腩，鰻魚，帶子壽司，味道普通正常冇特別總括份量少！2個大人一個歲幾BB，$722係唔飽的！😤呢個價錢味道又麻麻！真係冇下次囉！多好評唔一定好，親身試過先知道⋯😓Ps:呢度冇BB櫈架，有BB要諗過先去

上一次來美林村, 已經是2015年4月的事. 兩年多沒來, 原來冬菇亭也大變身, 全都成為有冷氣的餐廳, 有茶餐廳, 甜品店, 更有日本餐廳啊!這間位於冬菇亭的日本餐廳, 裡面有圓桌, 有卡座. 並沒有什麼日本特色的裝潢, 倒是平實簡單, 乾淨舒適.見餐牌上有幾款沙律, 於是點了一客香芒龍蝦沙律. 淡黃色的芒果塊, 覆蓋著沙律菜, 沙律中間再放置著龍蝦肉. 芒果是出乎意料的鮮甜, 龍蝦肉和沙律菜的份量也不少, 尚算是清爽的前菜哩.然後, 當然是吃我最期待的刺身拼盤. 這一大盤的刺身拼盤包括了中拖羅, 大拖羅, 三文魚腩, 帶子, 海膽, 活赤貝及珍寶牡丹. 每一件都是新鮮貨式, 每一件也是厚切奉客. 而其中, 拖羅的確肥美, 豐腴油潤, 帶子亦異常柔軟鮮美, 珍寶牡丹的蝦身比我的手指還要長, 肉質彈牙可口.燒鰻魚香氣四溢, 碎骨亦不多. 肉質緊緻的魚肉, 吸收了滿滿的醬汁, 吃起來更覺惹味. 銀鱈魚西京燒不單止質地軟滑柔嫩, 吃著吃著, 油脂也慢慢地滲出來, 很不錯哩.  友人大力推介這個浜燒特級安格斯. 咦? 安格斯牛扒上的網紋清晰可見, 看來有板有眼. 牛牛的邊位有不少脂肪, 有少

唔跟朋友過黎都唔知美林東菇亭翻新完開左幾間新野係正巴士總站隔離，不過坐開火車都係係火車行過去，懶得排隊轉車反正都係十至十五分鐘左右就到不過唔講你又估唔到係美林邨呢到會開定位比較高既日式餐廳餐廳裝修都幾企理廁所夠大，夠舒服 XD食飯前可以舒舒服服洗個手坐低叫左兩個小食先開開胃可惜未有酒牌，叫左個鱈魚干($35)同螢光魷魚($45)未有啤酒/清酒送下 -3-鱈魚干比較乾身，有酒送下會開心好多不過螢光魷魚本身比較咸香，細細隻可以一口一隻，咬爆佢香芒龍蝦沙律($78)都算幾大份，同做形唔錯芒果算多，用黎圍邊仲要搵蟹子收埋左D 龍蝦沙律同班FD食到一半先記得下面仲有龍蝦 XD清清甜甜幾開胃仲有個稻庭烏冬($52)好好食冷麵式既稻庭烏冬好岩夏天食浸一浸個醬汁，再放入口好食，易食，唔洗講太多最快食完既係佢，咁你自己想像到啦 ^^最後再share多左個刺身呢個算幾驚喜，屋邨商場附近既東菇亭賣既刺身一D 都唔屋邨留意下刺身個紋理，油脂同色澤都知唔錯當場唔係入口即溶啦 =P感覺上隻牡丹蝦最好食

星期日(16/7)晚行過路過大圍美林邨，居然發現了這間隱蔽的冬菇亭日本料理店！立即上Open Rice查找，有不少好評，便立即入內嘗試一下！入了店子後感覺不像入了屋村中的冬菇亭，被簡潔、乾淨、現代化的裝修吸引，侍應有禮貌地帶領我們到旁邊的卡坐坐下，看看餐牌便點了：三文魚蟹子炒飯 (鮮味十足）炒野菜（野菜新鮮、不會滿口油）雞肉串（香口）胡麻中華冷麵（汁的濃度剛好、麵爽）和牛炒飯（不錯、不過牛肉略少）左口邊壽司+劍魚腩壽司（鮮甜、尤其喜歡伴碟的子薑，侍應還應我們要求多加子薑給我們哦）忌廉蟹肉薯餅（好⋯⋯⋯味、薯蓉好滑）野菜天婦羅（不油膩但沒有白蘿蔔蓉）

Oh my love you're Ichiban, 當看見壹級日本料理的名字, 自然想起這首歌. 那些逝去的光陰, 真好. 說回這店, 位處美林邨熟食亭, 從大圍港鐵站走過來, 大約十分鐘腳程, 當然, 如果搭巴士來到美林邨, 就更加方便.熟食亭, 即是冬菇亭, 進到壹級日本料理, 才發現這裡環境是挺舒適的, 是升級版的冬菇亭, 但價位就很親民, 以這個價錢在晚上吃日本料理, 真好.海老叉燒玉乃湯稻庭 $128: 先來一客海老叉燒玉乃湯稻庭作為小晴晴的主食, 大蝦份量十足, 至於稻庭烏冬, 小晴晴是吃到停不了口, 一個人把整碗烏冬吃光了, 用行動來表達這碗烏冬的水準.白鱔串 $48 x 2: 8.5分, 至於我跟文迪就先來兩客串燒, 白鱔串相當肥美, 也燒得很香口, $48一串, 吃得過.菠蘿 $28: 8分, 至於菠蘿, 賣相靚仔, 而其實清甜的菠蘿, 簡單的燒一會兒, 已經是無得輸的.銀鱈西京燒 $188: 8.5分, 在爐端燒的一欄中, 選來銀鱈西京燒, 火候控制得剛剛好, 皮帶點微脆, 魚肉相當嫩滑. 其實這時候配上一碗白米飯就是一間美物了.特級安格斯 $188: 8分, 來

屋邨長大的我對冬菇亭內的大排檔份外有感覺，時移世易這時代的冬菇亭也來了一個華麗轉身！像這天我們到大圍美林邨內這間壹級日本料理 Ichiban Japanese Restaurant就正正帶出冬菇亭的變化。 坦白講真係冇想像過會在冬菇亭舒舒服服有冷氣嘆的環境下食日本料理，而且這餐還充滿驚喜呢！ 最能表達冬菇亭的正正是這個煙通位置，現在已經變成了裝飾和標記。 餐廳內的魚生櫃放滿新鮮的刺身，看見也胃口大開待會必要點客刺身嘆下先！ 先來點小吃有我喜歡的螢光魷魚＄45當然不假思索地點下來，鹹鮮到一個點的螢光魷魚質感很滑溜，吃下沒有丁點腥味異常美味！ 接下來都這份清爽的香芒龍蝦沙律＄78，鋪滿香甜芒果及卜卜脆的蟹籽， 原來墊底還有不少龍蝦肉沙律，成件事都很清新怡人！ 大家也愛吃刺身就點客豐富的刺身拼盤＄1050，內有中拖羅，三文魚腩，帶子，劍魚腩，半板海膽及珍寶牡丹蝦各四件，一上檯見到潤澤的各款刺身已覺得值回票價，。 先享用肥美中拖羅，入口極盡魚油芳香令人回味，海膽色澤金黃鮮味十足，但講到最喜歡的還是牡丹蝦，那份軟綿鮮甜的口感在嘴巴內痴纏真的很享受呢！ 這兒的卷物亦有質素火炙芝士香芒蝦卷＄88，

冬菇亭一定食cheap野？未必！上週日與好友來到大圍美林靚裝熟食亭之一的壹級日本料理吃late lunch；餐單選擇多樣化、價位豐儉由人，刺身、壽司、卷物及熟食水準都不錯，同行菇頭妹妹吃得超開心呢～ 壹級日本料理位於美林村內的熟食亭內，該處共有三間冬菇亭，各有特色，其中壹級日本料理含蓄雅致，最愛天花中間的透光位，引入徐徐日光，環境十分吸引～店內食物選擇極多，我們先由刺身開始吃：想不到店內也有矜貴離地的藍旗中腹 ($438/4片)、鮮甜美味的海膽 ($144/半板)，以及巨大爽甜的珍寶牡丹 ($98/2隻) 等高級貨色，全新鮮味一等一，配合舒適環境及輕鬆氣氛，大家都吃得極為愜意！除了矜貴刺身，也點了貼地抵食的 三文魚壽司 ($28/2件)、左口魚邊壽司 ($38/2件)，比起一般連續壽司店高質很多，一吃就知店方的誠意；連 Wasabi 及壽司醬油也品質優良～特別推介 明太子手羽 ($48/2件) 及 牛油果魚籽軟蟹卷 ($88)，前者微辣、香口惹味之極；後者則軟滑細膩中見清脆，超級美味呢～ 最後還分享了挺有口感的 墨汁蜆肉帶子炒烏冬 ($88)，以及幽香迷人的 黑松露帶子炒飯 ($98)

不要被饍稿所欺騙作為一個大圍居民，見到美林冬菇亭有新搞作，好自然會心思思想試下。開業初期，食評唔多但清一式都係好評，心中帶有幾分懷疑之下決定勇闖冬菇亭。由於大圍始終欠決有水準既日本菜，當我見到餐牌上有罕見嘅日本直送刺身e.g 活北寄貝時，都感到好喜出望外。可惜想叫既刺身一係就over-priced（4片中toro 叫價$288，4片赤身叫價$98），一係就未有供應，令人大失所望！好唔容易落左單，check 單時竟然發現侍應入錯勁多（一份炒飯變兩份，三文魚刺身變三文魚腩刺身多左無叫既壽司同串燒..甚至第二次改完都係錯），就連枱號都搞錯，接二連三將我地既order 送到另一枱，安排極之混亂！我明白開業初期，廚房同侍應都要時間去熟習工作環境同流程，假若食物質素好，都還可以拉高整體分數，比多次機會佢改善。事與願違，最關鍵既食物出品只可以叫合格！刺身雖然算新鮮，但係熟食真係強差人意...和牛炒飯份量少不在話下（目測只有碗半飯），牛粒碎如免治...墨汁蜆肉帶子炒烏冬既椰菜多過蜆肉帶子，同埋成個配搭都怪怪地，絕到叫唔上好味！串燒不過不失..但唔建議大家order 霜降和牛粒串，因為仲韌過我條命成張單

經過了3個星期的歐洲之旅，每天都是麵包、意粉、芝士，雖然我本身就鍾情意大利菜，但3個星期每天如是確實生厭...........所以一返到香港就要食亞洲菜，更指明要食飯的啊！首先點了個午餐 - 雜錦刺身定食，刺身新鮮又厚切，尤其牡丹蝦鮮甜至極了，飯是粒粒飽滿而且軟硬適中 I'm loving it 這個份量對小妹來說是有點太over，幸好今天有3個人，一份午餐加上幾個小吃，Fit！還好有點天婦羅，不然今天就做了不折不扣的食肉獸！番薯天婦羅，炸漿薄身脆脆的沒有油膩感銀雪魚滑滑的一點腥味也沒有，oh 對了因為用了味醂去腥，但這魚醃得真的很入味，而且味道也很有層次。明太子雞翼是每次食日菜的必吃之選，因為小妹愛雞翼但不喜歡吮骨嘛，然而這個雞翼是稍鹹的且太油了，即使加了檸檬汁提味鹹味依然。本來豬腩肉就一定要有肥肉才是上品，這個味道及肥瘦比例還好吧，但女生為保苗條身型還是少吃為妙去的時候，餐廳的外圍還有工程，不是太好找的，總之那裡只有3個冬菰亭，最近巴士站那一間便是了。歐洲之旅後的第一餐日本菜，還是我想念的味道，還是滿意的味道。

香港人最愛的，一定少不了日本料理了吧？走到去大圍食日本料理，想不到會有驚喜了吧？？ 先黎食上個刺身拼盤，超正的！ 當中有好鬼正既藍旗大腹 － 大拖羅HK$488得四片咋！但係個種肥美的肉質，加上入口即溶的口感，當真令人一食難忘了吧？ 還有藍旗中腹 － 中拖羅HK$438 得四片，同樣也是味美非常！ 還有海膽，半板HK$144，金黃色，而且食起上黎十分鮮甜。還有甜美的帶子，HK$48 有四片，呢個好抵食啊。 活赤貝，也是我的最愛！很少地方食到新鮮活赤貝哦～～ HK$48 一隻，抵食！ 其他刺身，仲有劍魚腩、油甘魚、珍寶赤蝦等等。 牛蒡騰漬HK$48 漬物小食，食上特別的牛蒡！咸度剛剛好，加上了爽脆的質感！開餐前小食，很不錯哦～～ 呢度既串燒，都值得一試！全部燒得火候剛剛好，而且夠晒惹味。雞肉軟骨串很嫩滑。而牛脷串是我很喜歡的。因為厚燒，而且牛味濃郁。個種炭火，很好味呢！ 還有黑豚腩串，半肥半肉，入口半溶，好正！ 素菜類的燒物，必食粟米，真係超甜粟啊！還有翠玉瓜，跟木魚碎一齊食，好正！ 另一必食小食，就係雞泡魚干。十分甘香，送酒一流！ 雜錦天婦羅，當中有三隻大大隻的天婦羅海蝦、