壹級日本料理 (已結業)

近來外界對於新界區食事多了幾分關注，不時見有必食十大，人氣推介之類的文章 以往因親友關係，有時候都會山長水遠入新界聚餐，可惜也許運氣不足，外食經常遇著伏 當然心目中仍有正正路路，甚至表現不俗的餐廳可以翻兜，但只屬少數 結果我們不是自煮，就是去質素相對穩定的連鎖店，又或者直接約在港九就罷了 一個月旅行結束，回港後多數時間在家歇息，直至友人相約午飯聚才露個面 不過看看地址，有點疑惑，有點訝異，確定要在大圍？確定要在美林邨？ 而且並非在美林商場之內，倒是另一邊美化工程還未完成的熟食亭 此行目標壹級日本料理看似頗港式，性價比如何就未有分曉，我只知道要搵都有難度 先來牛脷 $38（串）開場，厚薄適中，明顯的間紋預告燒烤帶來的焦香 牛脷不會乾韌難嚼，倒是因著烤過而來得彈爽，至少叫合格 串燒重手調味不出奇，作為下酒菜，濃味才夠風味，不過剛到臨界值，有少少危 燒至金黃的銀鱈魚西京燒 $188是何其的誘人，簡單拍一兩張，趁熱享受才是應做的事 由小到大都知道銀鱈魚較貴，所之深明肉質味道有落差，都只好退而求其次買其他魚煮 然而當其燒至微焦，油甘香郁，肉嫩細順，且有點點甜意相伴時，就沒有相讓餘地了 燒

我同老公尋日放假,今日瞓到自然醒,起身已經11:30am,已經食午餐時間,加埋落雨唔想去咁遠,就諗住近近地落樓下冬菇亭試下呢間新開日本料理店,舖頭開12nn,大約12:10pm落到去,我地係第一檯顧客,兩個人各自點一個午餐,我叫照燒雞扒定食($40) ,老公叫吉列豬扒定食($40) ,每人加多支樽裝汽水,跟餐只係加$5,星期一至五午市不需加一服務費!等左約10分鐘左右,兩個餐都一齊來,絕對唔會因為平而hea俾我地,豬扒係熱辣辣新鮮炸起,雞扒都係煎到脆脆感覺到佢地做餐嘅誠意,而且服務態度良好,下次再試埋其他嘢食,希望再有其他驚喜!

美食不只存活於大型商場，走到屋邨冬菇亭，讓居民多個優質食肆的選擇。這晚便來到美林邨熟食亭的壹級日本料理， 初嚐 藍旗大腹， 那爽滑且爆油的口感，確實一試難忘，口感極佳，難怪人人對牠趨之若鶩。不太好其他魚類刺身， 也有我喜歡的帶子、海膽、赤蝦。   大片帶子 $48(4片)，鮮甜柔軟。半板海膽$144，味道濃郁， 入口甘甜。珍寶赤蝦 $68(4隻)，口感爽嫩且帶點黏黏的，鮮甜美味。黑豚腩串 $18 ， 本身肉質鬆軟， 燒烤後也掩不住那上乘的肉味， 香口惹味。雞泡魚干 $40，薄條魚干軟硬適中，口感有丁點黏， 同是吃不停的小吃， 佐酒一流。銀鱈西京燒 $188， 沒有甚麼調味料， 吃的是魚的鮮甜嫩滑。雜錦天婦羅 $72， 炸漿夠薄脆又不油膩， 一籃大約有8-9件，抵食。牛油果魚籽軟蟹卷 $88， 這個不敗的搭配， 喜歡軟蟹還有點點肉，不會完全炸得像脆漿，這樣才更有口感更美味。手握壽司也要推介的， 左口邊 $38(2件) 爽嫩滑溜；三文魚籽 $58(2件) 粒粒晶瑩飽滿， 味鮮香甜啊!

是日由俾朋友叫出來去食嘢，不過今次目的地唔係旺角又唔係銅鑼灣，而係去咗大圍美林邨由領展管理嘅屋邨冬菇亭食飯，但係已重新改建而成變咗一間大屋咁，位置係巴士總站隔離，一落車就見到好方便，條友仲未同我講今餐食乜嘢，去到就知道原來食日本料理呢到種類都幾多分別有爐端燒，炸物&天婦羅&鍋物&串燒&刺身&壽司&手卷&浜燒&卷物等等一時之間好難盡錄全部。先來係食浜燒特级安格斯，size豐滿十足未食已聞到香濃牛味，脂肪分佈平均在每一件度，至於肉質咬落鮮嫩又多肉汁，油脂甘香係囗腔停溜，唔點醬汁已經好好味再來係串燒有牛脷串肉質嫩滑多汁&黑豚腩串腩肉脂肪甘香同雞肉軟骨串爽口彈牙之後點咗剌身食咗幾款有帶子肉質結實爽鮮甜。藍旗中腹（中拖羅），未食已見拖羅魚油脂肪飽滿有質素，入口肉質滑溜係口裏慢慢溶化，超好味活赤貝，一樣口感十足爽口鮮甜。最後係爐端燒點咗洋蔥煙肉芝士燒蠔2只，面層厚厚芝士，撥開見洋蔥同煙肉包圍住隻蠔，而且仲係有2只份量十足，蠔肉質相當肥美滑溜入口多汁，超鮮甜話咁快又食完一餐日本料理。

我承認自己都幾港女，雖然喜歡宵夜去冬菇亭嘅風味，但着住高踭鞋落去食飯真係會 dirty。自從領展加入，確實為村民帶來不少改善，全新嘅飲食體驗，有卡位又有冷氣。天氣真係好熱，好彩巴士站落車兩步就行到過嚟啦！一坐低叫個涼浸浸嘅小食先牛蒡騰漬 $48，鍾意佢爽脆嘅口感。其次係一個我好喜歡嘅日本小食，雞泡魚干 $40，送啤酒真係一流。食物種類都幾多，串燒都有啊！我就點咗黑豚腩串 $18 。真係堅抵食，車仔檔都係呢個價錢。半肥瘦腩肉燒得好香。仲有刺身食添喎！我最想食都係海膽 ，$288(1板)，我哋人少少叫咗半板，ok nice 無腥味想飽肚唔使一定叫飯食嘅，卷物都唔錯。牛油果魚籽軟蟹卷 $88。賣相已經拍得住日本料理。牛油果+魚籽口感已經好正，再加上酥脆的炸軟殼蟹三文魚籽確實係我最愛，忍唔住要食壽司，$58(2件)，魚子粒粒晶凝通透，鹹鹹地充滿海水味。紫菜仲係脆嘅，細節位做得幾好食到最尾先記得要飲品可樂$10一支，冰涼到入心。

今日放工後跟同事回他家中攞玩具，同事帶了我去試新開嘅日式料理店，最特別係屋邨嘅冬菇亭！咁當然又可以試試，同事話當年嘅冬菇亭係好有特色，不過冇冷氣！但今時今日當然唔可以缺少！去到門口因為係新開張嘅關係，所以係試業中，話係試業，但個餐牌選擇亦好多，咁兩個人就各有各點了些食物吃，我就點了香口嘅雞泡魚干 $40，燒熱嘅魚干，軟熟香口，加埋沙律醬入口，味道鮮甜，肉質軟熟，而且師傅重切成條狀，方便入口！牛脷串 $38 ，燒得好香，一串有三大塊牛舌，肉質煙韌爽口，好有口感！而喜歡吃肉嘅我當然要點特級安格斯 $188，嘩入口時肉質嫩滑軟熟，最緊要係充滿肉汁，燒得好香，個啲燒完嘅網紋真係好靚！當然入口亦好味！同事特別愛吃銀鱈西京燒 $188，夠晒肥美香口，兩大片，啖啖肉，入口夠晒鮮味，最緊要吃完後你嘅口中仍然充滿了甘香嘅魚油！再加埋啲飽肚嘅卷物牛油果魚籽軟蟹卷 $88，脆口嘅軟殼蟹被軟熟嘅牛油果同醋米卷住，入口時就有又軟熟又脆口嘅感覺！最後加多份鰻魚壽司 $22(2件)，鰻魚肉質嫩滑軟熟，飯身軟熟！整體食物質素唔錯！係屋邨中有呢個質素，同事真係又多個開飯選擇了！

唔講唔知，原來呢度新開嘅幾間餐廳係之前嘅冬菇亭改建而成的。將之前陰暗嘅冬菇亭變成而家燈光斑斕嘅食肆，增添了不少的氣氛。喺外面望入去這家日式的餐廳感覺好寬闊，又有一排嘅卡位，正可以比我同朋友食下嘢傾下計。今日想簡簡單單嘅食一啲熟食就可以啦，所以點嘅都係一些熱食。先來的係特級安格斯浜燒，成塊牛扒，比手掌還要大才188元，十分相宜。燒到大概6成熟，口感剛好，有燒烤的香，有牛的濃郁，味道十分好。雪魚干作為小食，完全停不了口。燒行又脆又香，還配上沙津醬，比起其他小食優勝得多。燒鰻魚，朋友的至愛。在超市中雖有鰻魚的成品，但自己在家中加熱，完全做不了這個味道更好的這裡還有醬汁配上。黑松露牛油炒雜菌對於我呢啲比較鍾意食蔬菜嘅人來講，炒雜菌係我必選嘅食品。入面加了黑松露同牛油，雖然加左牛油但係炒落去食完唔會覺得好油膩，反而增添了香。仲有佢入邊有一種菇，我估係雞髀菇，大大嚿特別爽口，非常之好食。牛油果魚籽軟殼蟹卷，必點食物。 軟殼蟹即叫即炸，然後攞去包壽司，所以食落嘅時候會仲有香脆。最緊要就係佢上面加左牛油果同埋沙律，夾埋軟殼蟹嘅味道，簡直係冇得頂。 以份量來講呢間日本餐廳嘅份量絕對唔細，好似燒鰻魚咁，已

美林邨係一個陌生嘅地方，真係完全未去過。但係我一條友，無可能要人地一家人有大有細就我架，所以行遠d都無計嘅。呢間日本餐廳剛剛新開，還在試業階段，雖然佢嘅裝修未完全整好，但係地方都十分之寬敞，坐落去都好舒服。入邊除咗會有刺身，壽司之外，仲會有串燒，鍋物，種類都幾多。先講一講刺身，估唔到呢度嘅刺身除咗有最常見嘅三文魚，赤貝，帶子之外，仲會有最好食嘅刺身拖羅。今次大拖羅，中拖羅同埋赤身，我哋都有叫。個人覺得最好食嘅係中拖羅，入口啖啖油脂的美感，入口即溶。大拖羅嘅油脂雖然比中拖羅勁，亦美味，但係就會有少少根。除咗壽司之外，佢嘅串燒亦都係值得一題，特別就係佢呢個串燒黑豚腩，個人一向都係鍾意食牛牛多啲，但係呢一個黑豚腩確實係比牛肉更加優勝，咬落去有濃香嘅豬味。燒粟米都係必吃之選，食串唔一定要食肉嘅，有陣時蔬菜比肉類有勝之而無不及。燒粟米嘅時候再加埋牛油，令甜味更加提升。番薯天婦羅，呢度嘅番薯係用咗日本嘅紫心番薯，切薄片然之後加天婦羅脆漿再去炸。吃落又香又甜又好吃。雖然還在試業階段，有好多嘅菜式，味道還在調較中，但已經十分之不錯，等待真正開業時再來試試。

記得上次在日本一間很細只有一位老師傅主持的壽司店，吃過一件資金難以忘懷的Toro . 我們用幾個日文去溝通，知道老師傅已經有40年經驗，在這裏開一間小小的壽司店，只會容納好幾個人，但正正因為這種親切的感覺，讓再普通的食材都變得更加令人印象深刻。很久沒有吃過如此心動的日本餐廳了，還是十分之懷念這一片Toro . 這天來到大圍從前的冬菇亭，換了新外貌，轉了新餐廳，這間日本料理是新開的。和朋友點了一個刺身盛，就是為了這裏的中Toro 和大Toro . 刺身成10分豐富，三種的吞拿魚，帶子海膽劍魚腩赤貝和牡丹蝦。。。最吸引我的還是拖羅。入口即溶的這種感覺，和當時在這一間小店品嚐一樣，沒有根，細緻的在口腔來溶化。就為了這一口絕對值得有講到山長水遠來到大圍。記得那時很可愛的在City Super尋找螢光魷魚，這次我終於找到生的，很好吃，口感獨特。一客四條，有點不夠啊！醬油味道出色。三文魚子也是我十分之好愛的，朋友又再笑我，還記得那時在魚市場，我説細的不夠，最後買了大盒，吃到快暈，現在我懂了喜歡吃的，還是吃少少就夠，兩件剛剛好，三文魚子10分飽滿，又亮晶晶。還有蒲燒鰻魚，也是我10分喜愛的菜色，燒完

好久沒到過美林邨了，今天跟一位為食美美瑜珈老師約了朋友傾點事宜，之後想去某薄餅店食午餐，咁未到薄餅店之時， 見到三個冬菇亭的三間餐廳已全部結業，而搖身一變已見到三間不同餐廳進駐，一間賣日本料理、一間賣甜品、一間賣肉餅的，好似仍在裝修，不過見到間日本料理寫住試業中，誰不知為食美美已衝入餐廳話要幫襯，咁我唯有死跟.......一入餐廳見到十幾張埋牆卡位，餐廳正中間位置仍未有枱，反而見到好多櫈，地下仍然有裝修痕跡，相信仲未完工，原來我哋係第一枱客人，既然係咁，當然睇下餐牌有乜好食，見到有沙律、小食、串燒、爐端燒、炸物、天婦羅、鍋物、料理、麵、飯、湯、刺身、壽司、手卷、卷物、浜燒等，都好似有多嘢食嘢。見到壽司吧都好似幾似樣，所以先點了一些壽司.......頂頂肚，有劍魚腩($38/2件)、八爪魚($20/2件)、三文魚($28/2件)、北寄貝($28/2件)、油甘魚($38/2件)，望落去okay啦，劍魚腩夠肥美、八爪魚同三文魚不過不失、北寄貝夠爽甜、油甘魚算甘香.....壽司飯飯粒做得不錯，希望可以keep到。再點了一客特級安格斯($188)，單看賣相已很好，廚房已將安格斯牛扒切為條狀，見到