壹級日本料理 (已結業)

之前食過肉餅哥，之後見到附近有間日本野，於是特登過大圍試下，然後再去練波。壹級丼飯見到同鋪路名一樣，所以叫黎試下。都有幾多野，三文魚都幾大份幾新鮮。有海膽、仲有平時比較少食的蟹膏，個人都幾鍾意食，如果個份量再多d，我會開心好多。麵豉湯係跟餐正正常常無咩特別加左個忌廉蟹肉薯餅味道都熱辣辣，幾好味2件加州卷（跟餐）味道唔錯，但就無咩驚喜有雪米'池'做飯後甜品凍檸賓整體感覺都算抵食的，但以肥仔的食量去睇，如果大碗少少會更正

住得近，自然會留意附近餐廳有什麼好吃之前來過兩次，最近看到新推出餐牌 有鐵板餐跟温泉玉子丼等等 那就找一晚過來試試看 晚餐選擇多了 價格也更加親民 壹級丼飯有三文魚、海膽、三文魚籽、蟹籽、蟹膏刺身算鮮甜，海膽入口即化，甜而軟滑蟹膏鹹鮮滿載，令味道更豐富一口飯一口刺身，幸福感覺盡在口腔送加州卷兩件、麵豉湯、小食鐵板西扒可選燒汁/黑椒汁/鮮茄汁，白飯/薯條/意粉西冷扒配黑椒汁，薯條西冷扒具嚼勁卻不柴口 加上黑椒汁同吃添惹味 香脆炸薯條質感粉糯温泉玉子香煎鵝肝飯煎得香口的鵝肝，配上滑溜的温泉蛋將所有食材拌均勻這碗飯，沒有不好吃的理由焦糖菠蘿酸度自然又惹味比起之前的紙包飲品現在也有更多飲品選擇大圍美田路30號美林邨熟食亭1-4號舖

最近很少到屋企附近的餐廳吃晚飯，不過最近沉迷燒廚房遊戲，晚餐當然一家人落街解決。很久沒有再到這餐廳用膳，見餐牌多了款式，進去吃吃看。多款套餐供大家選擇，價錢也相對親民。温泉玉子香煎鵝肝飯份量蠻多，個人覺得拌勻後更美味，溫泉蛋和鵝肝汁滲入飯後令整碗變得更香滑。鐵板西冷扒(可自選醬汁和配菜)我們點了黑椒汁加薯條，西冷扒份量十足，肉質嫰滑，薯條香脆，黑椒汁不算太辣帶一點甜。 壹級丼飯份量相對多，有三文魚、海膽、三文魚籽、蟹籽、蟹膏)，還會附送加州卷兩件、麵豉湯、小食及甜品日式吉列炸雞炸得外脆內嫰，肉汁鎖在雞肉裡面，點沙律醬更滋味。日本甜薯，翠肉瓜，這裡的燒物做得滿好食，甜薯味道香夾甜，翠肉瓜爽口，重點吃起來也不覺太乾。 餐飲點了熱即磨咖啡，為忙碌人生減輕一點點壓力。

每次說起去冬菇亭吃飯，總會聯想起大排檔中式小炒。想不到在大圍美林邨的冬菇亭，竟然會有間日本料理店，價錢還夠親民，$68 就有質素不錯的刺身丼飯，感覺超值！最重要是便宜得來有質素。外表仍然是古舊的冬菇亭面貌，以為會熱辣辣坐得不舒服？裡面的環境可是大有不同。將建築物翻新以後，改為密封設計，再改良了抽風系統，有冷氣坐得舒舒服服，環境乾淨企理。樓面雖然不大，但樓底很高又引入了天然陽光，感覺寬敞闊落，完全沒有以往冬菇亭給人擠迫局促的印象。環境變得高雅舒適，價錢卻依舊親民，定食才 $40 起，有 5 款刺身的丼飯也只是 $68，晚市價錢不變。還有多款拉麵都是 $38 起，另加 $8 更可配手卷、壽司、刺身或小食。加 $4 起有飲品也是好便宜。我們兩個人共點了兩款刺身丼飯和兩款小食。A5 刺身四點盛，有帆立貝、油甘魚、三文魚、赤蝦，比較豐盛所以相對價錢貴一點 $88。刺身厚切有份量，新鮮甘甜，油甘魚入口滿是油脂香，蝦肉爽脆鮮嫩，質素不錯。另一款是 A2 北海盛，有帆立貝、鯛魚、赤蝦、三文魚、三文魚籽和蟹籽，只是 $68，比 A5 少了油甘魚，但換來鯛魚、三文魚籽和蟹籽，便宜了 $20，好像更加抵食。

壹級我終於黎試下你啦~睇見唔少人大讚你好味又多款揀，今日一放假就過黎一試究竟!門面幾有風味喎~~~~環境都幾特別，坐卡位，好坐又寬闊~加分叫野食啦~佢既推介: 壹級魚生飯$98，唔~料都算新鮮，三文魚好好味，肥脂分佈剛剛好~不過整體料偏少，如果多返D就好啦~跟餐有湯，中華沙律同加州卷，不錯不錯鮪魚飯$48~呢個性價比極高，魚整得好好味，趣趣香香又唔腥，加分加分同樣跟餐有湯，中華沙律同加州卷我地仲加左個鳗魚手卷~跟餐加$10食飽飽仲好relax坐左陣傾下計~埋單有加一果然網友都無介紹錯~下次黎試弄佢地既扒餐先

店舖位於大圍美林邨附近的冬菇亭，因在住宅區附近，環境安靜，而且店舖裝修舒適，設備亦很新，店舖不算大。雖然價錢平民化，但想不到這餐廳的質素令人滿意。大家都知道，香港很多所謂日式餐廳，吃完都不知道是日本菜。但這日本餐廳的食物非常有水準。午餐的定食大約$50有面士湯。價錢非常公道，食物水準滿意，起碼會令你感受到這是日式的菜。這次只吃了午餐的咖喱吉烈豬扒飯。希望下次有機會跟朋友過來吃其他日本菜式，試一試魚生壽司的水準。

在公屋長大的我，冬菇亭同大排檔是陪著我成長的。到多年後的今天⋯⋯冬菇亭同大排檔已經同以前的有很大分別了⋯⋯好彩⋯⋯同樣是充滿著美食。 在大圍美林村的冬菇亭，就有隱世日本料理了！ 在日本料理，你竟可以找到鐵板豬八戒餐，還可以跟白飯/薯條/意粉，仲有麵豉湯⋯⋯都只是＄188 一盤豬八戒，有齊三個來自不同地方的豬扒，分別是日本黑豚、美國豚肉、巴西豚肉⋯⋯如果將它們分開吃⋯⋯你可能會分別不出，但同一餐吃三款不同的，就會分辨出各有不同，我就比較喜歡日本黑豚、美國豚肉了！ 我們還加了一份忌廉蟹肉薯餅及炸蝦，每份2件，都是＄18/份，真心抵食。 話到底是日本料理，還是點了刺身拼盤來吃。 只是＄328 的刺身拼盤，有海膽、三文魚籽、蟹膏、蟹籽、赤蝦(3隻)、三文魚(3片)、帶子(4片) 赤蝦大到一個點，鮮甜好味！海膽及蟹膏用紫菜包來吃，實是一流。 日本料理還點了＄78 的清酒蜆。 在日本料理中，這道菜是我十分喜歡的，清酒的味道，加上鮮味的蜆，實在是1+1大過2的。 最後，點了焦糖菠蘿來作結。 一頓美味的冬菇亭美食，又讓我渡過了愉快的一晚。

日本之旅回來後，依然好想念日本美食，無辦法，跟不太喜歡吃刺身、串燒的家人/朋友去旅行，沒有多少機會可以吃到盡興。這晚便跟朋友來到壹級日本料理補償一下。立刻來個刺身拼盤(海膽、三文魚籽、蟹籽、蟹膏、赤蝦、帶子及三文魚) $328，沒有過多的魚生，太合心意了﹗加拿大海膽肥美又香甜，粗身赤蝦，彈口且帶點黏性，勁多蝦膏呢﹗厚切帶子，口感十足，夾雜著蟹籽、蟹膏同吃，鮮鮮鮮﹗刺身後有串燒，白鱔串 $48 一串，爽口不腥無幼骨，無阻美味程度。黑豚腩串 $18，及 蘋果豚肉串 $22，豚肉爽口，鹹淡得宜，加上蘋果更顯清甜。之後有極度嫩滑的極上火炙三文魚腩壽司(1件) $38，三文魚腩魚油豐盛，以火炙形式輕燒，減輕了油膩感，更讓魚腩更香口。繼續是熟食類，忌廉蟹肉薯餅(2件) $18 及 日式吉列炸雞(3件)$18，即叫即製，可口鬆化不油膩。最後，有焦糖菠蘿(1客5件) $28，菠蘿多汁幼嫩，加上薄薄的脆口焦糖層，可算是我吃過最美味的焦糖菠蘿。推介﹗價錢大眾化，質素佳，下次要再吃多些串燒呀﹗

壹級丼飯（三文魚、海膽、三文魚籽、蟹籽、蟹膏）$98五樣配料，款式多，但份量少，就快連wasabi都多過啲配料。三文魚大概有三塊，算厚身；海膽，麻麻地；蟹膏應該都罐頭嗰啲貨，一分錢 一分貨。晚餐配有加州卷兩件、麵豉湯、小食（中華沙律）、甜品（雪米糍）。先講加州卷，普普通通，其中一嚿更加係無乜料喺入面，可能係頭尾嘅關係；麵豉湯，唔好飲，好淡，完全唔係嗰回事；中華沙律，本身買返嚟就係咁，無評價；雪米糍，一樣無評價。明太子手羽 $48手羽即係雞翼，同想像中好大出入，48蚊兩隻！雞翼入面嘅明太子，食唔出係明太子，無乜味。牛油果三文籽軟殼蟹卷 $88都好食嘅，不過軟殻蟹同牛油果份量少之又少，唔講都知有呢兩樣嘢係入面，表面嘅芝士三文魚籽就好足料，但其實叫得呢個名，芝士唔應放上面，應該係放牛油果，唔知係咪慳料！原隻長魷魚 $88唔好食！上菜時已經唔熱，凍冰冰一隻燒過嘅魷魚上枱，而且魷魚無味！另外，仲叫咗碗拉麵，拉麵嘅湯底真係不了，味精水一食就知！拉麵可以不試！

今天朋友通知有特價日本拉麵，只售$10，另外$6加一服務費，好奇去試試，因為優惠要用手機app，所以每個人都要出示app給職員檢查，只見在前面的女士被職員教訓不應該按那個［已領取優惠］的按鈕，今次就算了，其實我們包括其他同時入去的客人都按了那個按鈕，可能是app指示不清晰，但是都不應是這個態度，入去後職員安排我們三人座BAR枱，朋友見有大量卡位，問職可不可以座，職員只是回應BAR枱，多一個字都沒有說，十足十是命令的態度，我感覺到像難民，排排坐在等一碗平價拉麵裹腹，本來有張食物紙可以揀其他食品，但遇到這些服務態度，本來想立即走人，但朋友想吃，唯有快快吃完，那碗麵，麵質偏硬，豚肉乾硬，蛋沒有味道，全靠湯底搭夠，用優惠招來客人，客人來到又要趕走，什麼生意頭腦？

早前與友人去了大圍的壹級日本料理食飯. 先點小食. 胡麻番茄豆腐沙律. 豆腐夠滑身, 加上新鮮爽脆的蔬菜, 與胡麻醬好夾, 感覺清新, 好適合依加天氣食. 清酒蜆. 蜆尚算大隻, 沒有沙. 入口有淡淡的酒香味. 見到這裡新推出鐵板餐, 決定試下. 我地選了壹級豬八戒餐, 當中包括日本黑豚, 美國豚肉和巴西豚肉. 醬汁有燒汁, 鮮茄汁和黑椒汁, 自選一款, 我地選了燒汁. 白飯, 意粉和薯條自選一款, 我地選了薯條. 另外, 配有麵豉湯. 鐵板餐上枱後, 店員係客人面前淋上醬汁, 特別香味撲鼻. 三款豚肉也稔身, 唔會太乾和硬身. 我自己最鍾意食日本黑豚. 最後, 再點多一款菜式, 軟殼蟹火炙芝士三文魚籽卷. 軟殼蟹幾脆身, 加上卜卜聲的魚籽和我鍾意食的芝士, 多重口感.

果晚放工後又同幾個朋友到位於大圍美林附近的冬菇亭食壹級日本料理，我地四個叫左好多野食啊。首先黎個黑豚肉火鍋，豚肉個湯底奶白色，剩飲都已經夠哂清甜。除了一盤新鮮的豚肉外，還有一盤好吸引的菜，（見附圖真的好吸引）。另外還叫左次次黎都必食既原隻長魷筒，香味俱全又好咬口，十分推介。另外當然唔少得叫刺身啦：叫左三文魚、珍寶蝦（超鮮甜）、北寄貝、三文魚腩同赤魚，入口即溶既口感好正。我地比較大食當然唔少得叫飯食，藍旗呑拿魚蓉帶子蟹籽飯、仲有個蟹特盛丼（仲送碗麵鼓湯）食飽飽之餘吞拿魚蓉撈埋wasabi 落d飯到真係好好食好開胃，最後飲返啖湯真係冇得頂。冬菇亭都可以食到性價比高既日本野，岩哂我地呢d打工仔放工去慰勞一下自己。（另外要賺服務人員，姐姐好貼心）

之前出過一post係講我喺西環屋企附近遇到嘅一間好難食的日本餐，某程度上我覺得好難搵到一啲好食嘅日本餐喺街坊地區。 過到嚟大圍呢附近探朋友，同我講樓下開咗年幾嘅日本餐依然保持水準。我話咁難得一定要試吓啦。螢光魷魚一客四隻，味道唔會過鹹。送酒必備。強烈推薦柞薯餅即叫即炸，好creamy a . 就算唔點沙律醬都好正。火焰三文魚腩，厚切都不行，應該係三文魚愛好者必食之選。刺身拼盤新鮮蟹膏蟹子海膽帶子三文魚子三文魚腩同牡丹蝦。先至講緊二百幾蚊咋！呢個係招牌菜嘅燒菠蘿，好味到形容唔到，原來$28咋我好想佢開一間分店喺我屋企附近。至少我一定唔會失望

到美林邨看友人，順理成章便到附近開餐；這裡也是個不錯的選擇。軟殼蟹火炙芝士三文魚籽卷~$88軟殻蟹手卷一向都屬Hot Item，香酥脆口特別討喜；這個版本舖了芝士在上，以火鎗輕炙，熱溶的芝香滲入飯中，加埋三文魚籽，脆香、鹹香兼備；吃得份外過癮。赤蝦(3隻)~$98長過手掌嘅赤蝦，肉質鮮甜爽彈，乍看有點像牡丹蝦，但CP值更高，三大隻才$98，沒有不吃的道理。壹級丼飯(三文魚、海膽、三文魚籽、蟹籽、蟹膏)跟加州卷兩件、麵豉湯、小食及甜品~$98 吃到魚生飯套餐，而且不泛海膽及蟹膏這等貴價食材，當然要一試，飯後飲番碗熱騰騰的麵豉湯，真是至好不過。焦糖菠蘿(1客5件) $28 x 2 = $56一客只有五件唔多夠喉，爽快一次過叫兩客，一人一件唔洗爭；焦糖化後甜味更濃縮，卻仍保留了一點點酸度，推介之選！壹級日本料理地址: 大圍美田路30號美林邨熟食亭1-4號舖電話: 28139368

事隔4個月再一次同朋友黎到呢間餐廳食日本野，今次同一大班朋友黎食，可以叫既種類多左，唔驚食唔曬，好欣賞呢間餐廳既服務，當日落大雨，入到去幫我地拎返把傘出去，仲好有禮貌，老實講我地都有啲唔好意思講返食物，今次要提一提佢地既藍旗吞拿魚蓉帶子蟹籽飯，每一樣食材都食得出好新鮮，配合得非常好，同埋一定要試試佢地既珍寶赤蝦，雖然唔算係平，但絕對性價比高 ，手掌咁長既蝦刺生比較小見，味道相當唔錯！！！如果下次再到大圍，一定要一再幫親