壹級日本料理 (已結業)

每次到大圍美林邨探望姨媽姨丈必定會到小表妺最愛的壹級日本料理用餐一間價格親民、食物選擇又多、又新鮮的餐廳在外面真的很難找到呢～壹級由漬物、炸物、串燒、爐端燒、刺身壽司、鍋物到飯麵烏冬都一應俱全每一款都好像很不錯吃Hmmmm...每次都會引致選擇困難症大爆發呀！！忌廉蟹肉炸薯餅這是 Dayz 從小到大都很喜歡的炸物炸得香脆的麵包粉外殼裡頭是滿滿的白醬忌廉薯蓉再配搭鮮甜的蟹肉跟粟米粒一切開，忌廉內餡就緩緩流出香味四溢～好吸引呀！！刺身拼盤包括珍寶牡丹蝦、帶子、薄切八爪魚、赤身、油甘魚腩及劍魚腩這個豪華的刺身拼盤～ Dayz 想吃很久了！！話說上次來壹級的時候，Dayz 正在懷孕所以沒有吃到（哭）不得不提大大隻的珍寶牡丹蝦～顏色是漂亮的橙粉紅而通透肉質細綿爽口、味道極度鮮甜蝦頭裡還有大量甘香細滑的蝦膏絕對是一試難忘呀！牛舌串燒頗為厚切的鹽燒牛舌口感結實、有嚼勁牛味濃郁又多汁不用另外沾醬都很足夠、很美味了～鰻魚炒飯百吃不厭的鰻魚炒飯～ Dayz 每次來到壹級必點的！切成小粒狀的鰻魚柔軟多汁、入口即化黏韌的珍珠米再配上蔥粒與紫菜絲淋上香甜濃厚的鰻魚汁略炒至粒粒分明實在是太太太太太好吃了！！

星期六和女朋友去午餐，剛好經過這家餐廳，看見沒有什麼人便入去試一試。點了一個吉列烏冬和咖哩雞飯。咖哩沒有咖哩味可言，十分失望。女朋友的吉列互動湯底10分咸，十分失望，不會再食！

中意呢到嘅價錢無離地，合理的價錢，美味的食材，還有就是用心整。唔會因爲價錢收唔貴就馬虎了事，看到隔離枱的炒飯當真笑了出來，像山一樣高，起碼有5碗飯，是炒飯山？哈刺身5點盛，5種不同的刺身各有三片，新鮮無容置疑，每次我都必點的。還有就係雞泡魚乾同鱈魚乾，起初我從不吃呢兩樣，因為我對乾身的食品興趣不大。但呢個真係香，自己手作烤不出，出外亦難以食到呢份香。今天還點了火鍋，估唔到呢到嘅火鍋真的不錯。份量大，質素高，同等的價錢喺連鎖的快餐店係絕對吃不到。我特別喜歡嘅係呢到的豚肉，豬味濃，不會韌，打破了我用豚肉火鍋的想法。還有就係不得不點的烤菠蘿，原隻新鮮菠蘿切片，外面加上一層砂糖火燒，形成外面一層脆衣，酸酸甜甜，超好味。

冬菇亭美食之行 - 「大圍」壹級日本料理 ╴╴╴╴╴╴╴╴╴╴╴╴╴╴╴╴ 難得早幾星期，天氣放晴，當然要同陽光玩遊戲踩單車，踩完單車肚餓，當然要祭一祭五臟廟啦。踩到大圍，港鐵站附近沒什麼好東西吃，朋友就建議走進一點，去美林邨的以前冬菇亭，看看有什麼東西吃。 . 雖然美林邨冬菇亭位置有點格涉，不過朋友帶路，而且又有好東西吃，當然沒所謂。美林邨冬菇亭有三間不同的食肆，不過由於踩得一身熱，我們決定選擇「壹級日本料理」，吃日本菜，過冷河。看一看餐牌，種類都好多款，由刺身、小食、熱食、串燒都有，而且價錢都是小店價不會太貴。 ╴╴╴╴╴╴╴╴╴╴╴╴╴╴╴╴ 先食刺身拼盤，有赤身、油甘魚腩、劍魚腩、帶子、珍寶牡丹蝦 、薄切八爪魚。 刺身都十分新鮮，厚切魚生片。整盤ms. C最愛珍寶牡丹蝦，鮮甜爽口，而且蝦頭仲有好多膏。 P.S 店員解釋，大部份刺身都是4片為單位，如果不夠吃的，可以4片後可逐片加，這個安排很貼心！ ╴╴╴╴╴╴╴╴╴╴╴╴╴╴╴╴ 炸物小食，點了忌廉蟹肉薯餅($28/3件)，薯餅外脆，夾著內裡軟滑的忌廉蟹肉薯蓉。 明太子乎羽($48/2隻)， 雞翼外皮香脆，內裡保持

無論係冬天又或者夏天我都好鍾意食啲湯食品，所以火鍋，湯麵一定係我優先嘅選擇。之前嚟到呢度大多數都係食刺身壽司又或者係定食但係今日嚟到見到有兩種唔同嘅日式火鍋，有黑豚肉火鍋同埋有醉雞雞火鍋，即刻好想試下。黑豚肉火鍋選用左豬骨嘅湯底，湯底顏色呈奶白色十分的吸引，飲落去當然就係濃濃嘅豬骨香，還有麻油的香。呢度嘅黑豚肉嘅脂肪同埋肉嘅比例剛好，係一半嘅比例，我其實唔係好鍾意食豬肉，因為火鍋一定係食牛肉嘅比較多。但係我覺得今日嘅黑豚肉比牛肉更加優勝，食落去豬嘅味道好明顯，而且入口時還有一陣豬骨湯香，配合得很。另外我仲加左一份牛肉，選用了半肥瘦的安格斯牛肉。呢個套餐嘅份量十分之大，除左除咗肉類之外，仲會有蔬菜，如果兩個人食嘅話其實唔加另外份牛肉，個份量已經啱啱好，但係仲想食得豐富啲加埋亦都十分之滿足。

自己都幾大食唔知関唔関工作問題影響所以先會食咁多，講番呢期又去食日本料理，平時食開多數都係日式放題店居多，點解因為平靚正食物質素各有所取，至於日式料店當然係散點食物不過都會有套餐供應，雖然呢次係去屋村裏面食日本料理睇落會覺得怪怪，但大家又未食過又點知食物質素分分鐘食落會有驚喜，其實餐牌菜式基本上同出面食開都一樣，而且價錢都會親民D，仲有自選配搭晚餐提供，我當然唔會錯過機會又可以食多幾款美食，先來係火炙安格斯牛肉飯丼飯跟味噌湯安格斯牛肉份量足，而且牛肉火炙過表面食落特別香口，肉質入口香嫰又肥美食得滋味，再飲啖湯繼續品嚐，而凡惠顧自選配搭晚餐仲可以加$18食日式小吃，我都點番款辣味螺肉食下先而另一款係鐵板厚切豚肉(燒汁）跟飯，熱辣辣鐵板再淋燒汁係豚肉上，豚肉肉質豐厚，輕輕切開已見肥廋適中，食落又估唔到咁鬆軟肉味濃有驚喜美食又何止呢D再來有軟殼蟹火炙芝士三文魚籽卷，入口食到軟殻蟹夠香脆鮮嫰，芝士香滑魚籽甘香，食落口感十足再來有墨汁蜆肉帶子炒烏冬，先食咗帶子大隻夠鮮甜，墨汁鳥冬入口滑溜味濃郁連埋蜆肉一同品嚐，當然食到滿口都黑晒啦話咁快又食咗一餐日式料理美食。

星期六係附近做完野，行經呢頭搵野食，好耐冇黎過美林邨冬菇亭，見到有間食日本料理店，價錢又唔算太貴，歎返個日本午餐先。睇一睇果午餐單，都有好多唔同的選擇，除左有刺生丼外，都有熱既和食、滑蛋飯、滑泉玉子咖哩飯飯等，拉面 / 烏冬都有，單睇果午餐Menu都有成廿幾款，最後叫左個北海盛跟味噌湯 $78外賣。餐單上寫個北海盛有帶子、鯛魚、赤蝦、三文魚、三文魚籽、蟹籽，開頭想住呢個價錢都唔會抱太大期望，點知拎到外賣時驚喜十足。真係有齊晒咁多款料之外，分量都好多，而且用料新鮮，絕對唔似$78既貨仔。

520 去美林邨探契仔，夜晚去冬菇亭食飯，商場入邊嘅食肆價錢唔係咁啱口味。真係好難得美食亭有咁高質素嘅日本料理，價錢又唔太貴，最緊要有冷氣。仲要對到正巴士站，落車行幾步就到啦！一家大細可以坐圓枱，爸媽就比較喜歡。四至六個人又可以坐卡位，私隱度高啲，傾計都可以大聲啲。食物選擇多，點解咁多食客夏天食日式火鍋？又有份量大嘅二人套餐，豐儉由人。我哋首先叫咗壹級自選配搭晚餐，好抵食因爲 $38起，晚飯加一都唔貴。我自己就喜歡食丼飯，夏天就是開胃。雲丹北海盛 $128⋯⋯有我最喜愛的海膽、帶子、鯛魚、赤蝦、三文魚、三文魚籽、蟹籽。精華之中嘅精華就係海膽，甘香鮮甜又唔腥，水準之作。套餐仲跟埋跟味噌湯添。還有好久不見的支裝汽水，跟餐加$9，飲落特別冰凍又好有汔。契仔成日黎食都係有原因嘅，真係好食又抵食，惠顧晩餐加$18 仲可以有小食。我最鍾意食和風餃子(2隻) $18，老公就最愛忌廉蟹肉薯餅(2件) $18 ，入口 creamy 又夠流心，正呀！在座各位見到我食蝦食得咁滋味，一於追加兩份珍寶牡丹蝦(2隻) $98 。手掌咁長，爽甜肉厚，膠質黏感果然令人回味無窮。好戲在後頭，聞到香噴噴的 BBQ 味道，

前排工作忙，無時間搵好野食今晚終於有時間，跟男神男友去食餐好好耐無黎呢頭搵食，每次黎食都有唔同的驚喜當然食咩都係其次，最重要係同邊個食者呢間壹級日本料理，食物性格比高，環境舒服，不論拍拖定朋友聚會都係好選擇火炙安格斯牛肉飯 $98餐廳夠貨真價食，我同男友一人一個餐，再SHARE食都好夠食，多層享受，唔駛再加小食甜品呢個飯，絕對唔係普通牛肉飯，牛肉的厚薄剛剛好，肉質新鮮飽滿，所以牛肉可保持嫩滑的口感鐵板厚切豚肉，跟飯湯都只需$78呢個餐係性價比好高之選，豬扒肉質豐厚而軟滑，燒得火喉十足，恰到好處更開心係有體貼的男友切成細細件，容易入口，加上心意更為美味愉快又滿足的一餐

同朋友去飲去食嘅地方，有時會按自己是否就腳去選擇，而今晚就完全放棄呢個想法，就係因為這裡嘅質素高同價錢相宜，而點解會知道呢到就要多謝住係呢條邨嘅朋友推介，這裡前身係是冬菇亭，而經改裝後就變成現在嘅餐廳，地方都寬敞，有梳化位置、吧枱、重有大圓枱選擇，一座下就見到個壽司吧，咁話明係日本料理，當然要食呢到嘅刺身，但見到張點餐單時，真係覺得朋友無推介錯，成張單嘅食物價錢，相當大眾化，今晚就點了個蒲燒鰻魚飯$78，點餐後可以多加$18選擇小吃，款式都好多選擇，今次就點了忌廉蟹肉薯餅，而望埋個餐牌就加了個刺身，有三文魚腩$58、油甘魚腩$78、劍魚腩$68、帶子$48，每樣都係一個價錢四切上枱，同埋三文魚頭鮫 $68最快上枱當然就係刺身四切，望到係厚切嘅刺身，唔係按價錢而將份量減去，讚！而入口時就夠晒新鮮，當然要由最肥美嘅油甘魚腩入口先！切得都厚身，但入口時就感受到超濃魚香味，加埋肉質滑溜柔軟，夠晒油潤好有嚼頭！而劍魚腩都十分肥美嫩滑，而三文魚腩都好軟滑肥美，而帶子就夠晒鮮甜軟熟！而跟住上嘅就係個三文魚頭鮫，本身唔係好會吃魚頭嘅我看見其他人吃得好滋味，於是就係咁都點了一份，上枱係半邊嘅魚頭同魚鮫，

住新界，有時候放假又唔想搭車出九龍食飯，見過呢間食評唔錯，就走去試試！一試之後，水準中上，價錢合理(當然以屋村價錢嚟講算偏贵),但以大圍沙田友嚟講，唔駛出城又有咁嘅質素，呢度係encore之選一坐低就點一個$98晚餐～A9火炙安格斯牛肉飯，晚餐都有好幾款，但今晚太想吃牛了！昵個牛入口簡直不得了。 未到入口就溶，但就有類似感覺。惠顧晚餐，就可用$68換三文魚一客我另外點了兩款刺身這個明太子手羽，帶點辛口味，如要挑剔，可說烤得有點過火。這個忌廉蚧肉薯餅，都係睇網友介紹，當然要試，結果，係無得輸還有蝦天婦羅，炸漿剛剛好，蝦肉爽口串燒牛舌夠哂厚串燒白鳝，大蔥雞肉串也不錯二人埋單呢個價錢，我認為可encore.

來到美林邨，有幾間餐廳，和朋友一起走進了這間日本餐廳。可能因為這家店門面是黑色的，不是太起眼的關係，所以晚飯時間7時也不用等位。店裏面的座位很寬敞，適合一班朋友聚會，可以舒適的坐一個晚上。喜愛吃刺身的我，當然要吃三文魚刺身，這家的三文魚刺身性價比高，而且挺肥美的，值得一試。河豚乾沾沙律醬，味道很不錯，喜歡喝酒的朋友應該也會吃吧，因為這畢竟是送酒的最佳小食！另外，不得不推介的是這家的燒菠蘿，因為它跟我平常吃的燒菠蘿有些不一樣，它的表面用火槍燒了一層薄薄的焦糖面，令到菠蘿夾雜着脆脆的口感，法式crossover日式，第一次試到這個做法，但出乎意料地夾！

之前參加了蘋果優惠app用$1去食壹級日本料理食熊本魚餅拉面, 於是便去試試, 入到去不用排隊便可入座品嚐熊本魚餅拉面,整碗熊本魚餅拉面賣相吸引, 上桌時熱辣辣, 湯底熱辣辣, 味道香濃, 鹹度適中, 拉面面條爽滑, 配菜有昆布和粟米粒, 昆布食落爽口, 粟米粒味道清甜, 主角熊本魚餅共有兩塊, 魚餅炸得熱辣辣, 賣相吸引, 魚餅食落爽口彈牙不油膩, 整碗熊本魚餅拉面賣相吸引, 質素不俗, 不會因為$1優惠價而將貨就價,好美味的熊本魚餅拉面。

大圍多好野食就好多人都知，但大多數人會去既都係集中係積富街、積存街附近，今次一於行遠少少，黎到美林搵食，見到壹級日本料理，就俾佢好似獨立屋仔既外型同埋外牆上既相樸手吸引左。黎個餐前小食先 – 鱈魚乾 ($40)鱈魚味道香濃，烤得乾身脆口，有咬口得黎又唔會太韌，點埋沙律醬食，真係引唔住食完一條又一條。忌廉蟹肉薯餅(跟餐+$18)薯餅炸到金黃色，非常香口，但又唔會太油膩，最surprise係裡面係流心架，一咬開d忌廉就會好澎湃咁流出黎，正！三文魚刺身($68@1)呢度係兩份既份量，三文魚幾厚切，色澤夠靚，最重要係肥美新鮮。牛油帆立貝拉麵(轉烏冬) ($60)作為烏冬控既我，當然要轉烏冬啦。烏冬夠彈牙，湯底濃郁，帆立貝有兩隻，都好鮮甜。除左食物好食、份量夠之外，呢度環境都好夠大，枱與枱之間有足夠既距離，唔會逼，方便傾計，加分！鍾意食日本野既一定要黎試下！

上星期同一班舊同學聚會，順道幫一個朋友慶生我地最怕排隊人多，想去啲可以坐耐少少傾下計嘅餐廳，但又唔想去樓上café喎最後見到呢間日本餐廳有好多好評，價錢又唔太貴，就決定黎到大圍試一試佢﹗我地叫到成枱食物share，有幾樣食物要大推比大家1) 串燒菠蘿 $28必叫﹗我第一次見有「串燒菠蘿」作為一個菠蘿迷，聽個名已經好吸引hahaha菠蘿上面有一層薄薄嘅燒焦糖甜得黎又好脆，食落同個菠蘿好夾﹗不過我最驚喜嘅係菠蘿又甜又多汁又無渣，我地個個都大讚﹗ 2) 蘋果豚肉卷串 $22一上菜嘅時候，我地都唔記得點左咩…唔知呢串係咩黎XDD豚肉包住蘋果個味道都幾特別蘋果好爽脆但又唔會同個豚肉好唔夾喎可以一試~﹗ 3) 三文魚刺身(10片) $68 食日本野點少得魚生？我地一叫就兩盤(20片$136) XD呢度嘅三文魚比出面嘅平啲之餘我覺得係一樣咁新鮮﹗ 4) 鱈魚干 $35我地叫左好多小食呢個都係比較受歡迎的一個脆脆地~點埋啲沙津醬好惹味大家都食唔停口 5) 甘蝦魚生片飯 $88高質魚生飯﹗同三文魚一樣好鮮味真心好抵食愛魚生飯之人絕不能錯過 總括黎講，呢間餐廳性價比都幾高食物新鮮、好食、多選擇，重點係價錢