壹食就醉

營業中

休息中

約左好耐冇見嘅朋友仔食私房菜黎到尖沙咀嘅壹食就醉叫左兩個餸 分別係#清酒卜卜蜆 ($188)雖然簡單 但味道清淡純清酒經過煮熱後味道更加香濃😋放入肉質鮮美蜆實在是絕配👍🏻另外叫了#馳名避風塘炒蟹 (時價)三個字:香、辣、惹味 大量炸蒜和辣椒融和🦀LIKE FB仲有竹庶茅根飲添 清下熱氣😛_________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)

近年, 老是常出現的菜式『卜卜蜆鍋』, 我都只是聽過, 但從未食過!今次終於有機會試啦! 今次男友又問了他的美食大神朋友, 美食大神建議他試試【壹食就醉】~~要不是大神介紹, 我想我們應該不會留意到樓上店的壹食就醉呢!清酒卜卜蜆(小)《$188》※ 推薦指數: 5/5不用多想:「小二! 先來一客卜卜蜆鍋!」以我所知, 卜卜蜆鍋應只有蜆, 上湯和一些香料, 但這裡的卜卜蜆竟然還加了一樽清酒是港式MIX日式的概念嗎!?蜆雖然不大, 但份量超多, 整鍋都是蜆! 加上蜆肉很新鮮, 很嫩, 加上酒香真的很吸引!而且因為用了一樽清酒和大量蜆去煮湯底, 所以食到後期蜆的鮮甜轉移到湯底中, 所以我們都點了些菜去食盡那些精華娃娃菜《$38》※ 推薦指數: 4/5日本手打烏冬《$28》※ 推薦指數: 4/5黃金蝦《$198》※ 推薦指數: 5/5『黃金』『黃金』, 當然是近年大熱的咸蛋黃啦!黃金蝦都是大神推薦的! 大蝦真的很大, 肉多又爽實, 如果再炸耐一點, 可以連殼食會更好但欣賞他們的咸蛋黃真的很香很足夠, 每隻蝦都沾滿了咸蛋黃, 超好味!清熱五花茶《FB Like+Share=$0》※ 推薦指數:

有留意開熊貓食評的朋友，都留意到我熊貓呢期主要食中餐。今次發掘到一間好食又抵食的中菜推介。今次介紹呢間餐廳位於尖沙咀The One 附近，性價比好高👍🏽首先介紹呢度嘅招牌名菜，卜卜蜆。呢個係必食！啲蜆又多又新蘚。如果兩個人食，叫一部細size $188，分量已經十分足夠。佢個湯底味道好鮮甜，當湯滾了的時候，店員還會加入清酒。淨係食呢味餸已經值回票價。第二個度超推介的，就是這個牛柳粒👍🏽喜歡吃牛的朋友，千萬不要錯過。另外黃金蝦亦是必叫的。👍🏽👍🏽現在物價膨脹，尤其是在尖嘴這個鬧市，性價比高的餐廳已經買少見少。如果大家到尖嘴行街，又想食小菜的話，就必須去這家👍🏽

之前聽朋友講過，响金巴利道間壹食就醉啲主打菜之一卜卜蜆會唱歌，好想去大開👀界，仲於啲日同hony行完九龍公園後順道去品嚐。去到感覺餐廳係食私房菜格局，地方唔算大；但有幾間獨立房間，報置一般，魚缸內嘅魚好生猛，游來游游去。急不及代當然要點呢未獨有菜式，會唱歌嘅卜卜蜆，上枱見有好多配料，中國西芹同芫荽蔥；，再加埋一樽日本清酒，簡直係絶配又増潻風味，滾起後令湯香氣四溢，蜆肉肉質鮮嫩。令一味係脆炸黃金蝦，蝦好大隻， 金黃鬆脆，蝦肉彈牙；若連埋蝦殼入口，有點咬口感覺。喜歡吃煎炸嘢的我，再點未脆炸九肚魚，外皮鬆化，唯獨魚身肉少有點落差。

呢排天氣涼涼地，相信大家都打咗好多次邊爐😂呢次我就試下卜卜蜆，同樣滾住個湯食，暖笠笠🔥💥卜卜蜆(小) HKD$188我哋兩個人叫咗個細蜆，卜卜蜆一上枱發現細嘅都唔小，滿滿嘅沙白蜆配上蒜蓉香芹辣椒，湯底睇落都好濃👍🏻卜卜蜆包咗一枝清酒，等湯滾之後就可以加酒🍶清湯湯底夠濃味，落埋酒更帶出蜆嘅鮮味，蜆仔粒粒飽滿鮮甜，新鮮得嚟冇咩沙，同埋全部都有殼有肉，唔會得返個殼😂🙈💥茶位 HKD40/2位跟足指示like+share，仲送樽價值HKD$58嘅嘢飲👍🏻💥黃金蝦 HKD198一個蜆煲唔夠喉，見黃金蝦係set咗定價，唔係時價，我地就加個嚟試下。咸蛋黃惹味，蝦炸得香脆得嚟唔油，蝦肉彈牙，好味😋💥另加一服務費

男朋友睇Openrice見到尖沙咀有卜卜蜆食 咦？聽落好正喎 我試🤤 餐廳私穩度幾高 有私房菜感覺 似係會有班熟客晚晚嚟當飯堂嗰種👪 雖然衝住卜卜蜆嚟 但兩個人淨係食一鍋蜆又好似少少dry 望一望隔離枱 決定跟人叫埋黃金蝦😂我跟男朋友嚟無睇上網啲圖 估唔到個蜆份量都幾大 驟眼睇有好幾十隻 有蒜有葱有辣椒 濃味啲望落幾靚仔 係你面前煮到開口 (卜卜聲咁打開 所以叫卜卜蜆 好似係🤓) 再落酒就食得 小朋友見到一定覺得好得意😛 蜆肉唔算好大粒都唔算一粒沙都無 但係唔會食到有泥味 幾鮮甜 店員仲好貼心咁知道 我哋會食到成碟都係 幫我哋換咗兩次碟🤣再嚟黃金蝦 肉都幾爽唔會梅 而且個殻好香鹹蛋味 我哋'損'下'損'下 輕鬆解決一碟6隻 用嚟餸飯好滋味! 最後埋單差唔多500 唔算平 (大個先知中菜先係貴價嘢）但有成個鍋 又兩款都係海鮮 價錢合理啦 份量對兩個人嚟講都啱啱好 食得哂又唔會飽到頂住

今次朋友話食過間野好要帶我去試下! 個間野就係-壹食就醉!因為之前同佢食日本野, 我都好鐘意叫清酒煮蜆, 所以佢話上次係壹食就醉食過個卜卜蜆好正, 就即時諗起我啦~所以我放左工就專程出尖沙咀, 食我地2019年第一餐一齊食既飯!壹食就醉主要都係sell海鮮, 而佢地既酒煮系列就係其中既主主主主主打!因為我地得兩個人, 所以叫唔到好多野, 主要都係叫個卜卜蜆鍋同黃金蝦, 再加左D菜咁~朋友食過真係冇介紹錯!兩個主角都好正啊!先講下個細既清酒卜卜蜆鍋($188)~雖然要188蚊好似好貴, 但其實真係勁多蜆, 4個人share都夠!佢下面完全冇其他野, 全部都係蜆, 蜆同蜆, 真材實料! 更真材實料既係, 真係加左壺清酒落去嫁所以食落真係好香酒味, 加上d蜆都好新鮮, 所以勁鮮甜, 好正! 食到咁上下加d菜落去淥, d菜唔洗點任何野都已經好正~而黃金蝦($198)又係一定要試! 198蚊有6大隻蝦, 每隻都沾滿左咸蛋黃, 好邪惡啊蝦肉又爽又甜, 而且夠大舊, 啖啖肉真係好正~而且係新鮮即做, 岩岩食又係熱辣辣, 又香口, 又脆卜卜, 真係好正, 勁岩送飯呢~最後推薦大家黎壹食就醉試下佢地既海

本身諗住打邊爐，點知上到嚟見到menu有卜卜蜆食，而我仲未食過已經大熱咗一排嘅卜卜蜆😂🙈擇日不如撞日，就即場決定轉食卜卜蜆💪🏻原來呢到除咗火鍋同卜卜蜆仲有多款小菜食。⭐️茶位 HKD40/2位Like Facebook+share post，仲送飲品。我地揀咗羅漢果水，幾濃味，唔錯😋⭐️卜卜蜆(小) HKD188我地兩個人，細個細嘅都夠。有香芹，蒜，同紅辣椒，配上一大鍋湯蜆😋上枱即開火等煮滾。湯滾嗰陣啲蜆就會卜卜聲打開口，呢個時候落得清酒🍶呢個卜卜蜆夠哂味，仲有酒香🤤.兩個人淨係食個卜卜蜆唔係幾夠喉，於是我地叫多個小菜。⭐️黃金蝦 HKD198蝦身炸得香脆，咸蛋黃掛汁啱啱好，唔會太多整冧隻蝦，令蝦身好香咸蛋黃味之餘可以保持香脆👍🏻

好多時出尖咀食飯都係食西餐多，呢晚朋友仔話要同我去食中式既樓上私房菜所以放工就黎到呢度準備開餐啦呢度既環境都幾闊落，空間感夠大，坐得幾舒服除左有唔同既小炒中菜可以選擇之外，我地仲見到有人打邊爐添啵不過呢日朋友仔既目標係海鮮小炒，所以就唔火鍋住啦我地先黎左個細既“清酒卜卜蜆”HKd$188+10%個卜卜蜆鍋上左之後就會上埋枝清酒等滾起之後就落酒，然後就會不停聽到卜卜卜卜卜既開蜆聲話咁快就可以食到帶有酒香又飽滿既鮮甜蜆肉之後再黎個超夠鑊氣既“避風塘炒蟹”（時價）蟹蓋勁多膏，仲有大大隻蟹鉗，一人一隻唔洗爭食住啲咁香口惹味既野，飲品當然唔少得啦like左佢地既page就有飲品送當然我地like完之後就揀左呢枝冰涼解喝既竹庶茅根啦~~~爽

同姐姐係栢麗大道 shopping 完，要醫吓個肚，經過金巴利道見到有個招牌寫住「壹食就醉」，素來喜歡飲少量酒嘅我要上去睇吓點樣咁易一食就醉🤣。私房菜格局，地方唔算大，但有幾間獨立房間，可容納10幾人，家人團聚、朋友相聚同飯局，最佳之選。我點左個青酒卜卜蜆鍋；配埋一樽日本青酒，一滾起就聽到迫力拔啦！原來係啲蜆剛熟，打開口嘅聲音，好似啲蜆喺度唱歌仔👍；熄咗火淋上清酒,湯底配咗芹菜蒜，陣陣香氣撲鼻，濃湯鮮甜可口。 姐姐點了個黃金蝦，與別不同嘅係成隻蝦連埋蝦殼，沾滿蛋黃液一齊炸,一上枱就聞到香噴噴，大蝦肉鮮甜彈牙,蝦殼需然香脆，但連蝦殼囗感一般。

好耐冇食過中菜啦，見到呢間餐廳個名咁過癮咪試下囉，睇下點樣可以食餐飯就會醉呢度既格局都唔錯，算坐得幾舒服！岩岩先行樓梯上來，坐底飲啖茶，抖返順條氣先啦，第一度菜係卜卜蜆，我問朋友點解叫呢個名，佢話因為d蜆開既時候會卜卜聲wo一路燒，一路聽住卜卜聲係幾有趣既當差唔多開哂既時候就可以落清酒啦，成個湯都好正！第二度菜係黃金蝦，個蛋黃醬幾惹味，不錯！食落都好脆，蝦肉又夠結實！今次雖然淨係試左兩個小菜，但係都好滿足！

Openrice 介紹尖沙咀間壹食就醉話好正，就約埋豬隊友元旦後過嚟食。或者係因為星期一食所以冇乜人，不過裝修得都幾好👍，店員招呼算係咁，或者係因為坐房所以要咩都要叫出去😂😂叫咗以下嘅餸菜清酒卜卜蜆：有輕微酒味，唔會過熟，不過細隻咗少少😏黃金蝦：幾香口，大少適中，味道唔錯，送飯幾好，如果有酒就更好😜，不過係咪因為無剝殼所以就無挑腸🤔，所以見議挑腸會衛生啲🤭南乳豬手煲：連送飯都覺得真係幾鹹，豬手得幾件，要同豬爭食🙄花生就幾多同埋好好味😋😋清炒紫淮山：第1次見紫淮山，用咗西芹同雲耳去炒，成碟都好靚，西芹好香好好味😋，整體嚟講可以俾90分👍😋

今日陪咗朋友去尖沙咀試禮服，試完就去咗天文台道附近揾食。係餐廳樓下見到卜卜蜆嘅招牌，心思思就一齊上咗樓上！餐廳呢偏向私房菜嘅形式，座位都幾寬闊，坐得幾舒服。麻辣卜卜蜆叫咗一份細size嘅麻辣卜卜蜆。雖然叫咗細份，但份量都唔會話好少，蜆肉都算大。慢慢等個湯底滾開，啲蜆殼逐隻逐隻慢慢打開，超治癒。芫荽同辣椒令到個湯底聞落好香，蜆肉好鮮嫩，冇沙，又夠入味。避風塘炒蟹蒜粒炒到粒粒金黃色，惹味又香口，蟹肉結實，搞到我同朋友都要叫多碗飯泥送！椒鹽九肚魚同朋友仔真係唔熱氣唔鍾意！另外仲叫多一份椒鹽九肚魚，椒鹽炸九肚魚又係好香口嘅餸，九肚魚肉質都幾滑，炸粉做得好薄，唔會話有一層好厚嘅粉皮。馬拉盞炒生菜食咗咁多熱氣野，梗係要叫番啲蔬菜啦，生菜炒得啱啱好，唔會煮得太耐搞到好淋。

星期六光光顧但出奇地冷清⋯⋯冇乜客人，今晚叫了幾味小菜！包括：酥炸筒蠔丶雙蚌炒時蔬丶魚肚上湯浸勝瓜丶Sake 卜卜蜆丶牛肉粒丶酒焗蝦丶瑤柱蛋白炒飯！最得的是酥炸筒蠔丶牛肉粒丶紹興酒煮焗蝦！不過無折扣優惠⋯⋯價錢略高！

元旦一月一號甘岩屋企人又放假，所以都特登去尖沙咀行下順便食飯。屋企人鐘意食中菜，所以就揀左呢間都好多好評既火鍋小菜館試下。整體黎講食物質素平平，但成晚就好掃興既。一入到去，只係見到得兩個客人打緊邊爐，感覺幾冷清，有D心感不妙。佢安掛左張大既圓台之後就走開左，我要走返去COUNTER位問佢令餐牌，但點知個阿姐叫我自己去隔離枱拎黎睇，好彩有個後生D既STAFF即刻拎過黎。自己拎唔係問題，但語氣可以禮貌一點。-之後落單15分鐘都冇人拎茶水黎，見到佢地幫打邊爐既客人斟左幾次水，都冇諗過拎杯水、拎壺茶出黎！？呢個位都幾嬲，又係要自己出去叫佢地拎水先有。-再差既就係等左40分鐘係冇咩客既情況下都未有任何一碟野食，令到屋企人等到攰我自己都覺得唔好受元旦日竟然有個甘不愉快既經歷，一定唔會再幫襯。我見到佢有PROMOTION叫人寫食評送野飲燉湯個D，唔怪得之個個好評！真係一肚氣！-餐牌上菜色選擇都多，最後總共ORDER左五樣款：1.梅菜蒸菜心2.南乳豬手3.薑蔥魚腩煲4.椒鹽豆腐5.咕嚕肉梅菜蒸菜心係用碟裝起再放入蒸籠蒸，梅菜同菜心份量係多既，梅菜唔會好咸，算係不過不失。薑蔥魚腩煲大概有7-8件，但魚肉