壽司淳

營業中

休息中

同朋友諗住慶祝生日,就決定試吓呢一間人氣omakase。價錢算係相當合理，最平嘅話八件壽司($280) 。我哋就嗌左12件壽司($480) 。壽司質素算係新鮮，但覺得餘生溫度可以再掌握得好少少。因為有啲刺身會偏凍咗啲。然後整體來講餐廳冷氣都開得好凍。但壽司師傅非常風趣幽默，同我哋有介紹吓食材，又有講吓笑咁樣。然後我哋食到一半話太飽，師傅都好貼心咁樣淨係上刺身，唔上飯。呢一個價錢可以食到大拖羅同埋海膽真係好抵

We have been going to Sushi Jun for almost 5 years and we have always had excellent meal! Quality of food is consistent however keep on surprising us every time. Tuna bone marrow is a star tonight!Chef Ryan is the best! We love him! Service is attentive and cozy like good old friends! Highly recommend! Made our next booking for lunch but unfortunately have to wait till mid August if you want to enjoy a sushi lunch on weekend!

壽司淳Omakase當中以刺身類比較多，總共十幾道菜，食完真係超級飽。全部選用時令新鮮食材，最正係可以一次過試過試晒三款海膽，包括原隻紫海膽、白海膽同埋馬糞海膽，全部都鮮味十足，紫海膽甘甜度適中，加上三文魚籽同拖羅，更加令味道昇華。好欣賞佢個秘製手卷，mix左唔同嘅魚，餡料十足，精粹係用火槍燒左d魚油加落d飯度，雖然好邪惡，但真係好好食。師傅每道菜介紹得好清楚，仲好熱情，好多閑計傾，令氣氛更升溫，見到整體d師傅同客人好互動，不知不覺食左三個鐘。

推薦香港3大最好食的Omakase 》在疫情下沒有晚市，lunch 都照殺啦😋全部相都係iphone直出，無filter無調色，美食本身就係咁吸引😍 之前試過2次都係晚餐，今次第一次試lunch ，佢都係食到你飽到上喉嚨😂海膽好食係基本的，佢地通常會有2-3款海膽俾大家食，而最終都會睇番季節當造黎決定。下晝同晚餐分別 主要下晝會多壽司🍣 夜晚刺身多DOmakase 最講當造，我個時係秋刀魚，之後已轉左做香箱蟹🦀而家可能又再轉左～每次必須要留肚食佢嘅Signature 手卷，佢係燒條魚嘅魚油撈落飯到，重點燒完條魚唔要，然後再加d餡，再配上脆卜卜紫菜，真係好那好食！！！😍😍😋😋😋😍😍Omakase 香港我試過6間📍灣仔 壽司淳 真係香港3大好食！🥇鍾意食omakase 嘅你可以去試😋我搵開風趣幽默嘅Wilson 師傅☺️食物 🌟🌟🌟🌟🌟🌟環境 🌟🌟🌟服務 🌟🌟🌟🌟🌟CP值 🌟🌟🌟🌟Btw疫情期間真係好Full, 記得預早預約！希望大家鍾意我嘅飲飲食食系列 🌚coffee tea 餓 mi 🌚

今日（1月20日）同幾位朋友去食個late lunch，點知最後大家都好唔開心，尤其是我地同個板長相熟嘅朋。事緣我地5個人去到就叫左個Omakase lunch $780 一位，跟住個位板長就話今日香箱蟹最後一日供應，但佢跟住就走左去，咁我地唯有問吓嗰位板前，隻香箱蟹幾多錢？佢話$300，其實水尾香箱蟹唔值$300嘅！跟住就出事喇。食食吓開始發覺有問題，頭幾樣食物完全無鮮味，後來就好啲。因其中一位朋友嘅世侄女昨日，即19日食過，所以就問板長點解今日嘅嘢同昨日唔同，板長無答。到最後埋單加一連香箱蟹，每人$1,738。問板長點解咁貴，佢話幫我地upgrade 左個餐。咁都得！唔使話聲我地知㗎，就算點熟都要講聲啦！以後都唔會再去。

灣仔想搵間有質素啲嘅日本菜都唔係好多選擇，呢度就一間樓上壽司店專食omakase（廚師發辦），不過omakase郁d都過千銀，真係聽見都心傷，好彩呢度午市就有好多款套餐，除咗壽司、刺身飯之外仲有d熱食，$200-300左右已經有交易，價錢非常親民，壽司套餐款式真係廚師發辦，可以坐係吧台睇住師傅整，omakase嚟講可以食到呢一個質素真係幾抵。特選壽司（包括壽司8貫、茶碗蒸、沙律、卷物、甜品）因為同佢朋友係熟客嘅關係，今日師傅私人醒多一件壽司，9款壽司依次序分別係針魚、鯛魚、鱆紅魚、深海池魚、鰤魚、右口魚邊、赤貝、帆立貝同中拖羅，要留意每次款式都會唔同。本身壽司飯已經有調味，所以完全唔洗點豉油都已經好夠味，飯粒唔會鬆散之餘仲保持到粒粒分明有咬口。面頭嘅刺身更加唔洗講，每款都非常新鮮鮮甜，刀工好好，厚薄均勻，而且每一款上面都配上唔同調味，例如薑蓉、柚子蓉、醬油、海膽等。我個人就最鐘意右口魚邊同中拖羅，兩款都係入口即溶，針魚同中拖羅上面嘅海膽好鮮味軟滑（注意：中拖羅上面嘅海膽原本係無架！），食完滿口甘香。餐牌上寫住係最後有卷物，不過今日就變咗做烏冬，食完壽司之後師傅會提供少少柚子胡椒，可以食

大家都覺得可以encore嘅omakase🤤壞人師傅話令和之怪物好稀有一定要影相📸真係好好味呀！師傅俾咗好多海膽我地食🤤仲有好juicy嘅拖羅，食到我地3個好飽郩唔到！總點係個拖羅手卷簡單而又出色！樣樣都高分！好飽滿嘅一餐！

$480 Sushi Set 12 pieces 每一件都好好食 ！特別推介：秋刀魚🍂🔪🐟 上面嘅係秋刀魚干我未食過咁好食嘅秋刀，師傅話秋刀魚係中秋節前後兩個星期最肥最好食🤤肉質厚實而鮮嫩，因為係lunch，魚係前一晚運到，放了一晚，魚味更出。🐟一開始都係左口魚，貪佢夠清新，又唔肥。🐟鯛魚好食。🐟帆立貝好肥美，新鮮材料，其實不用加工太多，已經好美味。🐟赤貝俾師傅好大力咁拍咗一拍，肌肉組織收縮，立即擺入口食最好，超級彈牙。🐟深海池魚，爽口！略帶油香🐟油甘魚上面加左烏魚子，唔講都唔知道，原來台灣的烏魚子比日本的好吃🐟之後都係油脂偏高嘅魚，拖羅，右口魚裙邊(比左口魚裙邊更肥)，喜之次，好吃！🐟最後來個海膽和魚子，不過不失啦！

Sushi Jun既邪惡手卷果然明不虛傳，非常好味。一定要食 。入面有天婦羅脆脆加上肥美魚油同超脆既紫菜包住，超正！ 份量足夠真係一隻手，唔會係mini個種。今次食左Omakase 廚師發板唔太記得每個壽司d名🙈但拖羅同灸燒壽司永遠是我最愛 ❤️ 頭盤有蘿蔔，壽司薑，同蒜頭，食完師傅會再幫你添。蒜頭都好突別個味食完個口唔會臭😆。師傅好有禮貌同客人會有交流，令成個興奮好好，加份。影左個日Omakase相大家可以睇下 😋🤤

我經常幫襯壽司淳，因為食物有質素，又近公司，今次沒有特別安排相片，但主要想要求店主同Reception 的同事反映一下，他們總是好唔友善地有禮貌，每次我book位full了，那同事總是語氣掘一掘很不友善，實在唔係同你乞，語氣親和點可以嗎，麻煩你吖，我周圍搵食都想食得順心啲開開心心啫，唔想打幫黎都要俾你得，拜託！

I hope I don't get the order of these photos wrong, since there are certain foods we eat, the chef was kind enough to tailor-make our lunch menu to our likings which I was very satisfied with Loved the flavour of this fish when mixed with its sauce and the fragrant flowers.I was given this scallop instead of the oyster, the texture wasn't as soft as I was hoping it would be.These different kinds of prawns were presented so elegantly I think this was a sardine with its sour sauce.This was a seare

生日喎，當然要對自己好啲啦！抽唔到時間去食晚飯咁就食午餐啦。餐廳午市時間係12至3。訂枱嗰陣即刻定12點，話晒都係閒日唔想同人哋迫食飯時間。食飯當日有電話同我再次確認訂枱。去到嘅時候真係一個人都冇㗎，安排咗我哋坐響師傅面前。估唔到我就嘗試左我以前一路都唔食既刺身。師傅枱面已經放好晒好多漬物（有牛蒡、蒜頭粒）我就諗都唔諗要廚師發板😋，老公就揀咗迷你刺身飯加天婦羅餐。首先睇咗老公個餐先啦，個迷你壽司飯都唔迷你㗎，雖然唔確定師傅放咗啲乜嘢魚生，但就有大大粒魚子。啲天婦羅都冇出邊食蘿蔔蓉嘅醬汁俾你，原來咁先係正宗喎🤔，無油林林。之後梗係要講下我嗰個廚師發板啦😃有沙律、漬物同埋前菜。漬物既蒜頭完全唔辣，我忍唔住叫師傅之後加過俾我。而前菜係水母同埋茄子。茄子冇乜特別，水母就有少少爽口，食落去同墨魚差唔多但係就冇墨魚章口嘅感覺。刺身出場。蠔肉爽口，上面放左蠔膽既汁，鮮咸味啱啱好。赤貝，北寄貝，帆立貝，全部師傅都係新鮮切好用毛巾印一印血水（師傅話係佢嘅日本師傅教既）之後放響檸檬片上面。主要話係食佢嘅鮮味。我個人都認為新鮮嘅海鮮，貝類係唔需要搞咁多調味嘅。結果真係食到佢哋嘅鮮甜同埋爽口。同埋舊舊都好厚肉

隱世嘅壽司淳位處商業大廈，其實都好近地鐵站，喺灣仔地鐵站A1沿駱克道行5分鐘就到。今次襯lunch去拜訪吓，呢度有Omakaseおまかせ同午餐定食。先講吓個Omakase，有季節前菜、刺身、壽司、手卷、麵豉湯同甜品。午餐定食都好多款，我今次揀咗海の丼定食，先嚟個沙律，份量啱啱好。之後就係丼飯，上盛食材有海膽、鮑魚、牡丹蝦、松葉蟹肉同三文魚籽，都係我至愛。之後就喺個麵豉湯同茶碗蒸蛋，加埋個芝麻雪糕，完美大滿足!!

一個月食一次好東西，都唔係好過份啦! 我地黎咗幾次。每次都會掙扎揀邊個午餐食。佢哋有個$380嘅刺身餐，跟個烏冬；仲有一個$480 12件壽司嘅套餐；仲有一個$280有八件壽司+卷物嘅套餐。如果叫$280 ，我哋會另外叫買一個吞拿魚手卷🙈因為今日時間許可嘅關係，我地最後揀左呢間食$480嘅12件壽司set。可以一件一件想慢慢食！雖然我地已經揀左壽司bar台，可以睇住師父邊傾邊食，不過記憶有限，記唔曬🤣🤣🤣☝🏻日本魷魚，非常好食呀！右口魚😋😋😋😋😋😋最後黎咗個令人不能抗拒嘅海膽三文魚子🤤🤤🤤呢度環境舒服，乾淨衛生，而且師傅都好好人，我哋會繼續去架😆

今次慶功宴來到灣仔覓食，訂了這間位置不太顯眼，但似乎呼聲很高的Sushi Jun。我們一行13人包了壽司吧位置，壽司師傅頗風趣搞笑，所以當晚氣氛很不錯(當然酒精都很重要  sake好飲btw)。全晚大概吃了有16-18道菜，大家都差d食唔晒捧住肚走。冷盤有魚及貝類sashimi，壽司一般有toro、和牛等。不像其他omakase，當晚我們大概只有大約2-3件壽司，其他都是刺身，對不太吃碳水化合物的人來說性價比相當高。當中一定要提及的是那一塊Kama-toro，脂肪極為豐厚的部位帶有雲石般的花紋，而且每條魚只有一小部分Kama-toro，十分珍貴而且真正做到入口即化，是我當晚最愛的一道菜。另一道性價比很高的是海膽杯，海膽非常新鮮，師傳亦很大方所以份量很足。師傅特意解釋了他們用的紫菜比外面的餐廳貴很多，所以放很長時間都不會軟掉，口感很爽脆，用來包海膽食一流。整體來說，當晚所有菜式都很值得一試，令人想一食再食的Omakase!