壽記海鮮酒家

營業中

休息中

一年前的清明節，來過這裡，記得吃後印象還不錯; 今年來吃，質素差很遠。- 煎蠔餅($68) - 不夠乾身，使到拿起來的時候會「散晒」，可是味道也不錯，「蠔仔」夠鮮。- 椒鹽蝦($95) - 最貴又是最不化算的一道菜; 一上檯已不到「十隻」(我們五個人，每人兩隻小蝦)，size也未到「中蝦」水平; 椒鹽又不夠入味，蝦本身好像也不太新鮮。- 芝士汁西蘭花($65) - 真的是用些芝士汁，就這樣淋在「灼過」的西蘭花上(絕無取巧，因為他寫明是「芝士汁西蘭花」沒有說會「焗」的)，碟低有積水。西蘭花好生，好硬。- 薑荵生蠔煲($90) - 這個生蠔煲，味道是鮮，但那蠔真的是小了很多吧。那是做「蠔仔餅」的蠔「仔」吧？- 豉椒炒蟶子($88) - 這是最正常的一道菜。「量」尚算可以，「size」叫例牌，不大不小。味道野味，肉質爽口彈牙，吃完有種不捨得的感覺。計埋茶費、飯錢(每人一碗)、加一，埋單盛惠$501。順帶一提，那些玻璃杯有漬，用前請看清楚和洗乾淨。

陪朋友去南丫島探親戚，探完去食晚飯，個朋友話食飯都幫襯開呢間，所以都係去左呢間。呢度裝修無市區d 酒樓咁靚，睇落都係走街坊路線，不過呢度出名係海鮮，見佢有個孖寶都叫呢試下。點左貴妃蚌同大蝦，貴妃蚌十分鮮甜，大蝦亦都好大隻，仲有一條好鮮味既魚。之後叫左碟吊燒雞，真係雞味十足，做到皮脆肉嫰。食完埋單，阿姐竟然話有甜品同生果送，埋單都係一人百零蚊，都幾扺食。南丫島嚟講呢間其實算唔錯！

勞工假期既關係, 同朋友帶埋狗狗一齊入去南丫島玩番一日, 行到6點幾, 本身無食埋飯既打算, 但係出番去又驚好攰, 所以就留係到食番餐好既....本身想去碼頭附近兩間海鮮檔, 可惜滿座, 唯有走入少少, 去到呢間, 又有seaview, 可以同狗狗一齊坐出面, 決定一試叫左個4~6人餐...紅燒乳鴿兩隻 - 味道ok, 無諗過係呢到, 都會有乳鴿食到白灼蝦 - d蝦都好食喎, 夠新鮮清蒸游水海鮮 - 今日係家鄉油菜 - 好大碟既菜心, 新鮮紅燒豆腐 - 都係好大碟, 味道唔錯豉汁炒蟶子 - 好新鮮, 又夠大碟唔知係咪之前食過都唔係太好食, 定還是呢到真係....比預期中好, 因為開初諗住, 價錢唔貴, 會唔會無碼頭個d咁好新鮮呢, d野食, 會唔會好少呢, 不過係完全出付意料之外, 個人覺得, 個seaview仲好過碼頭個邊, 有機會入黎, 一定會再幫襯

星期日晚七點半左右到達, 被安排坐望唔到海既露台位..周圍有三圍檯外國客, 很嘈很嘈...我地好快就點好菜, 叫左炒蟶子, 粉絲蝦煲同香芒牛柳..另外叫了支ASAHI啤酒~等呀等, 見到伙記不停上菜俾果三檯鬼佬客, 我就呆左坐係度等野食到..連支啤酒都飲哂, 蟶子都未上到俾我, 照計佢地行出行入到見到我地坐咁耐都未有野食黎架...不過d伙計又完全唔理到最後足足等左半個鐘有多, 先黎到一碟蟶子, 之後就快左, 總共45min先到齊三個菜...炒蟶子~ 好大隻同幾好味, 不過份量少左d啦!粉絲蝦煲~初初以為可能會有菜底, 點知真係得粉絲同蝦. 味道一般, 夾埋應該都有十二~三隻蝦, 不過就得三四隻較大, 其他就好似手指咁大香芒牛柳~牛柳好味, 唔un唔鞋口, 只係芒果比較酸, 可能季節唔o岩啦!不過不得不提既係碗白飯好硬.....好彩兩個人只叫了一碗!兩個人埋單320, 略貴...如果唔計要我等果果半個鐘...其實都可以接受既..不過下次有機會會去番隔離果間囉!

係南丫島走前係壽記食ＬＵＮＣＨ，＄２９一碟飯／麵，＄５茶介，送例湯湯：菜乾豬肉湯，淡某某，一Ｄ菜乾味都冇叫了２份ＬＵＮＣＨ，　一份係干炒雞Ｃ烏冬，份量好少，好油好咸，食完好口乾，另一個係星洲炒米，只係用左火腿Ｃ炒，Ｄ米粉又炒得不好，一Ｄ白色，一Ｄ黃色，但比烏冬好吃！！好在吃的只係ＬＵＮＣＨ，食完ＬＵＮＣＨ對ＬＥＥ間野的ＤＩＮＮＥＲ　一Ｄ期望都冇，不會再去！！！

抵達南丫島已經晚上八時，天氣熱得叫人皮膚可蒸出水來。兩人想要找可以看海的地方吃海鮮，在榕樹灣大街走了幾圈，結果在這裡一個向海角落位置坐下了。沒聖子，就叫了清蒸龍蝦、蒜蓉粉絲扇貝、炒蜆，又炒了一個菜。龍蝦吃下去新鮮，很大一隻，肉白而實。扇貝、蜆也能吃到鮮味。環境實在是不壞，視角很大，陣陣海風比冷氣更消暑氣，有蚊，還有一隻大黃貓。看著沿岸燈火隨向晚夜深而漸渺，南丫島慢慢的靜下來，旁邊一直伸往海裡的小堤霸上人亦漸稀，感覺很有漁鄉風味。但埋單時兩人八百多，就覺得有點小貴。

本來一心諗住入索罟灣食海鮮, BUT 落雨大家都費事過去, 行過見到呢度有間近近地就入咗去, BEC 落雨冇得坐出面睇 SEA VIEW 已經有啲失望~之後我地叫咗3個海鮮 & 幾個小菜 TOO BAD......1. 芝士龍蝦伊麵, 啲芝士味完全唔夠香濃~2. 豉椒炒聖子, 正常略淡味~3. 椒鹽瀨尿蝦, 好唔掂, 好明顯係煮定放咗喺度好耐, 啲瀨尿蝦全部都凍冰冰 & 細細隻, 而且冇椒鹽味, 我啲朋友仲食到幾隻"梅" GA TIM... 之後其他 GA 小菜, 4. 招牌乳鴿, 又"鞋"又 DRY5. 琵琶豆腐, 好難食, 舊豆腐一哎就散開, 豆腐魚肉完全分散, 碎濕濕 GUM...其他仲有通菜, 沙拉骨, 都 OK, 全枱只有一碟唔知咩芒果牛柳我覺得好食 LAW!!!埋單每人$150左右, 食啲咁 GA 嘢, 只能夠講一句"NO NEXT TIME"~~~

今日天氣已經唔係好好, 整天都下雨, 時大時細, 但都入左來南丫島行下, 所以早d食飯.係冇咩選擇的情況下, 就入左去 "壽記海鮮酒家" 食飯.當時大約6 點半到, 人唔係好多, 都係得3, 4 枱到食我地8 個人叫左8 樣食物.講真, 樣樣都真係唔係好得, 欠缺左d 野咁, ........- 燒乳鴿2 隻 : 雖然 唔算好細隻, 但老左d, 係我樓下的出名酒樓, 都做得好食過佢.- 豉椒炒聖子 : 叫例排, 半斤, 但得好少, 一人一隻, 之後好似得隻多出來..d 味又冇, 好清, 完全有豉椒味- 芝士龍蝦跟依麵 : 隻龍蝦已經唔係大, 又分得唔好, 都唔夠8 件, 分到有大有細件, 又冇芝士味, 比我預期的差好多- 椒鹽賴尿蝦 : 賴尿蝦已經細, 當然肉更加少, 又冇椒鹽, 好清- 椒絲腐乳通菜 : 一出來睇落好似好靚, 幾青唔老, 但食起就差左d, 又係冇味- 沙拉骨 : 這一碟諗著係一般的餸菜應該ok啦, 點知, ....又硬, 又少肉- 琵琶豆腐 : 一般般,多汁, 但另外出面的餐廳好似會淋d, 入味d, 佢整到好似硬左d, 唔似琵琶豆腐- 芒果牛柳粒 : 最正常, 個芒果

20080501公共假期的港外線碼頭境況著實恐怖，我們一行十二人逃難似的擠進開往南丫島的航船，不過這只是與人潮抗爭的開始，榕樹灣大街的熱鬧程度並不輸於旺角西洋菜南街……隨意找個標榜有海景的餐廳坐下，隨意寫些菜，真正的行山還未開始，況且還要留肚食豆腐花，舍海鮮而取小菜，大家都吃得很有保留，所以文後注明的單人價錢做不得准：）兩味菜類（蒜茸白菜仔和上湯竹笙津白）都還清新鮮甜，當然，不知道是不是出於這樣的心理作用：離島的菜蔬總會新鮮些：）椒鹽九肚魚：怕熱氣沒吃，據說味道是很不錯的，只是刀工有點奇怪，大家一開始有些不確定自己吃的是不是九肚魚，題外話就是……日前在藝穗會看到一張對進食魚類的建議卡片，居然九肚魚列入“避免”的一類，因為它們已遭受到過度捕撈或以破壞生態的方式養殖……諸位嗜魚的食家不妨都去取一張這樣的卡，好做一個環保的老饕：）揚州炒飯：如朋友M所言，這類招呼慣鬼佬的鋪頭其揚州炒飯多數不差，可惜這間就是個例外，想他不是用隔夜飯來炒的，是以不夠乾爽，兼且調味不足，淡淡的，也就難怪清不了碟。星州炒米：怕油膩沒有試，據說還是可以的。服務態度不錯，手腳快，地方也還乾淨，當然，最好的，還是那個海景：

今天跟同事呢間食，個舖好似唔係碼頭附近咁有海景，是在大街內的，點知原來入到舖，先發現一樣有海景view, 咁先有風味。芝士龍蝦依麵- 芝士味濃，龍蝦新鮮，最正呢碟清蒸青斑- 鮮甜蒜蓉粉絲扇貝- 我覺得一般豉椒炒(虫聖)子- 爽口唔(革刃) 燒乳鴿- 好少吃到皮脆但肉身仍滑(唔鞋)的乳鴿，(當然龍華的乳鴿最正) - 第二味"正"的菜清炒菜心- 新鮮，菜好碧綠生炒排骨- 有驚喜，以為是一般好多粉的外皮，但他們的生炒排骨唔多肥肉又唔會瘦到(革刃) 揚州炒飯- 大碟多料，但飯身較濕，唔得爽生果叫左汽水，唔係好凍，0岩我，但如果大熱天去，就覺得要加凍雪櫃服務好，換碟快，上菜快

兩個人食叫左豉油王蝦碌+ 蒜精扇貝半打+ 沙拉骨+ 炒菜心豉油王蝦碌好夠味~~"損"完d殼再食....正斗蒜精扇貝....都幾難唔好味.....沙拉骨..呢味就差d....太多骨...冇咩肉.....茶心超多.....成坐山咁多....上菜好快.....幾好招呼....呢間野好易認....d台布係綠白格仔....美味情緣果間

同朋友去南丫島玩...食海鮮...壽記超正!!!叫左蒜蓉粉絲蒸扇貝半打、薑蔥炒蟹2隻、椒鹽賴尿蝦、豉汁蟶子,好大碟呀~又好味!!!唔餸飯都夠飽~淨係嗌左4味餸,埋單500蚊~~~強烈推薦呢4味餸!!

上星期六同朋友一行八大兩细入咗南丫島住一晚，本來晚餐想試Deli Lamma，但係驚有大有细食西餐唔太方便，行過壽記見到有套餐，價錢又唔貴，所以試吓。套餐價錢$980，寫住足十位用，菜式如下：菜膽雞一隻(隻雞無嘜雞味)豉椒炒蜆(一般)蒜蓉扇貝(唔錯，蒜蓉唔會多到蓋過扇貝鮮味)清蒸魚一條(唔知嘜嘢魚，但係蒸得唔錯，好新鲜)煎蠔餅(啲蠔仔幾大隻，無沙，洗得幾乾淨)蠔油芥蘭(啲蠔油落得太多，但係啲菜好碧綠)椒鹽賴尿蝦(收呢個價錢預咗啲蝦會好细隻，賴尿蝦细隻就無肉食，所以食剩哂)揚州炒飯(一般)生果上菜都算快，只係個炒蜆要催咗兩次至嚟。另外我地叫咗個節瓜排骨同埋2枝啤酒，啲節瓜唔諗，麻麻地！今次每人消費约$141，有海鲜，有魚有肉，呢個價錢都算係咁啦！

去南丫島，點可以唔食海鮮。為左留肚食豆腐花，所以2個人只係叫左椒鹽鮮尤同沙拉骨同碗白飯。椒鹽鮮尤唔夠乾身，但幾新鮮幾香;沙拉骨熱辣辣，幾入味。

去到南丫島，唔食海鮮似乎對不住自己，行下行下就行到去壽記海鮮酒家，它和近碼頸靚位置的景觀有一些差別，但我志在食，故沒受影響，一於叫我最愛的聖子、炒蜆、扇貝及生炒糯米飯。本應期望不大，但出奇地味道很好，好過去西貢那間黑店金輝很多倍，雖則生炒糯米飯令我們等了達30分鐘，但真是即炒又惹味，故都不忍心責怪。最後總數共$270，兩人來說算是合理得很了，有機會去南丫島定必光臨。