多彩皇宮

營業中

休息中

原來再嚟多彩皇宮都已經事隔一年喇，對上一次嚟又喺做節食團年飯，今次都喺，不過，分別喺上年就同一大班親戚，筵開兩圍，而今次則只喺小弟原生家庭一家人5個咁大把，輕輕鬆鬆同老爸、細佬妹食番餐。訂咗枱7:00pm，去到都未喺好多人，食食吓就已經全場爆滿，大廳尾仲間開被人搞宴席，中國人始終喜歡大時大節聚一聚高興吓。跟往年一樣，團年飯梗有套餐供應，對照返舊年小弟個食評，估唔到多彩皇宮都幾慳皮，兩個套餐「團聚宴」及「鴻運宴」唔單止個名一樣，食嘅菜式都無改過，只喺價錢上調一下。因為我哋揀週中食，唔喺旺日，唔使分兩輪。菜式上都仍有好多選擇，更有一系列新春好運小菜，不過，都只喺美其名好聽啲啫。但喺，睇一睇，有啲就未免夾硬嚟，好似蟹肉扒西蘭花，點都諗唔通點解會喺「運轉乾坤」，而欖香冰梅骨喺「意氣風發」……，哈哈，一笑置之。酸菜 $12食中菜，餐前酸菜就喺慣例，其實我鍾意佢俾啲鹹酸菜、醃青瓜，總好過咁行貨嘅現成青豆、蠶豆。順帶一提，茗茶每位收$11，另收加一服務費，飲茶就喺多依啲雜費。金粟燴魚肚羹 $118通常酒家都會有是日嘅老火例湯，既然無，就要一窩金粟燴魚肚羹。個羹做得金黃，蛋花又唔會太碎，又有好多魚肚，

之前幾餐同一大班親戚食嘅節日飯都喺晌深水埗德興，貪佢嘅全包宴一圍12人千七蚊都唔到，本來今年嘅團年飯都打算再去德興，不過，團年飯就做得無咁平，較低嘅一款都要成$2,881。講質素，德興只屬於中中等等 ，所以，團年飯繼上年之後，今年再次翻兜多彩皇宮，一來份量比德興更多更足，二來質素上亦比德興高少少 。團年套餐主要有兩款：團聚宴（$2,630 / 圍）及鴻運宴（$3,180 / 圍），兩者都喺全包宴，即喺包茶芥12位、酸菜、加一服務費，仲有每席啤酒汽水共12罐。最終我哋揀咗貴嗰款，因為有龍蝦，一年一次，貴啲都無所謂 。個鴻運宴包8道菜、一個糯米飯、糖水、果盤，特別鍾意揀全包宴，價錢好預算啲。不過，今年遲咗先定實地點，要食第二輪8:00pm。 上湯波士頓龍蝦（2隻，伊麵底） 睇佢成大碟，碟面滿滿龍蝦就知無呃秤，足兩大隻啦，而且睇埋隻鉗，大得無比，蝦身亦好厚肉 。大廚處理得隻龍蝦好好，以上湯燴熟，鮮爽入味兼且啖啖肉，而底下伊麵亦份量超多，又無煮得太散太爛嘅問題 。 鴻運乳豬大拼盆 除乳豬件以外，個大拼盆仲有叉燒、燒鴨、油雞、海蜇拌筍菜，跟上年個鴻運燒味拼盤差唔多。幾款燒味

屋邨茶樓啲嘢平, 叫合乎預期。但今次真係遇到　－　抵食夾超大件，真係要"些牙(Share)"吓 (希望老闆唔好介意...令你破財)九點十五分去到, 特價時段只餘十五分鐘, 唔理三七二十一, 立即剔晒特價點心, 還掂對屋邨茶樓都係乜期望, 重點係安撫個胃。初時以為雞球大包, 最多咪大過雞包仔小小, 點知大到嚇死你, 仲大過我塊包包面, 都係賣 "8.8"!P.S. 為免影響大家食慾, 用茶壼代替我塊面去Compare俾你睇! 真係巨型過茶壼。唔好以為實係皮厚肉少, 真相係皮薄餡多 (有半隻蛋, 冬菇同大量雞肉)。大隻哥哥, 都絕對頂到一餐飯!

多彩近年裝修 裝到真係好似皇宮咁 樓底又高又金碧輝煌又勁多電視機但D成本就轉嫁哂比我地D消費者身上啦 個價其實係唔算係平好多都係大點特點 都差唔多 $20 一個點心嫁我知不嬲飲茶都唔係窮人玩意 都幾貴 食下食下都唔覺咁但都唔係質素咁差叉燒飯既叉燒 勉強啦 但真係唔係話好食煎蝦米腸 無豉油既話真係咩味都無同埋食左成半碟先食到有幾粒蝦米 另外半碟太飽打包走但唔算難食 OK到左最犀利既春卷!!!!!!! 睇落好無問題~伏黎既~!!!!!! 入面全部都係芋頭 嚇到我眼都凸埋 無知既我真係上wiki check:春卷是中國民間流行的傳統小吃 以中國為例，一般人多用蔬菜及肉作餡料台灣: 各式煮熟青菜（包含五辛在內）以及蛋皮白肉等等菜色越南: 餡料以蝦肉、豬肉和當地蔬菜為主香港: 內裡餡料豐富，如冬菇絲、豬肉絲、甘筍絲、竹筍絲、粉絲和木耳等法國: 製作法式春卷所需的材料有麵包、雞肉腸、雞蛋、火腿、沙拉醬我心諗 呢個係邊到發明既春卷啊??? 芋頭卷芋頭平 塞埋塞埋就比我食!!! 收我近 $20 蚊你都幾好賺我一心好想食春卷

卒之去到最後一餐團年飯，亦喺大除夕正日嘅年夜飯，就喺同一大班親戚一齊食，因為都幾大棚人，大人細路有成27個，所以包咗個房，筵開兩圍，不知幾開心高興。其實「多彩」依間街坊酒樓，我哋一班親友確喺有啲情意結，未改名前叫「多彩海鮮酒家」，兩年前新裝修兼改埋名叫「多彩皇宮」就未嚟過，以前中秋、冬至、團年經常晌度包房做節食飯，但喺自從大姑媽過咗世，好耐無再嚟多彩喇，小弟就無機會再跟佢嚟嘆早茶添。由於有親友要去睇Big Four演唱會，所以我哋就一早6:30pm開席，食到8:30pm左右就完晒。不過，仲有大部份人未走，因為包咗房可以玩到酒櫻閂門，所以一班表姪仔姪女就晌度唱K唱到夠，有啲就遲少少走去行花市，小弟有咩搞，咪返屋企包利是囉！個全包宴菜式跟一般酒席分別唔大，一共8道菜、兩個飯麵、壽包、糖水、果盤，講明全包，茶芥、卡拉OK、加一服務費自然亦都包埋，仲送啤酒汽水共12罐及紅酒一枝。由於有親友跟酒家相熟關係，價錢跟番平時五、六、日個價，無用節日價，算喺平少少。白灼生海蝦（1斤半）份量足秤，相信絕對夠1斤半，啲海蝦又幾新鮮大隻，無霉無爛，挺鮮甜，蘸點豉油已經好唔錯。鴻運燒味拼盤（22兩）唔知點解張菜

自上次,在多彩與家人一起用餐後,一直覺得這間酒樓的食物水準很好,所以全家選擇今晚到多彩用膳今天晚上特別多人,不想等太久,只好選擇一些套餐,令上菜速度可以更快當晚適合我們一家四口的精選套餐有精選「海鮮餐」、「貴妃雞餐」、「片皮鴨餐」和「燒乳鴿餐」 經我們商量過後,決定選擇燒乳鴿餐($288)燒乳鴿餐有紅燒妙齡鴿、豉汁蒸黃立倉、原煲老火湯、欖角醬燒骨、金銀蛋莧菜和精美甜品先上老火湯,是日老火湯是海底椰XX湯(湯渣有雞肉和海底椰等等)火侯足夠,令味道鮮甜,十分清潤(未食飯我已喝了三碗湯水,超正!)不會太鹹,飲三碗都不覺口渴第一道菜欖角醬燒骨,味道與京都排骨相似,醬汁鹹甜相宜,好入口肉質鮮嫩,炸的時間掌握得很好,不會令肉質過老肉的份量亦比骨多,抵食之選第二道菜紅燒妙齡鴿,迷你版乳鴿,外形比乳鴿細,而且肉的部分頗少,但肉質細嫩,外皮亦夠香脆可口第三道菜金銀蛋莧菜,品嚐此道菜的精髓在於它的湯底,湯底味道鮮甜,而配料有皮蛋、咸蛋和已爆香的蒜頭,份量不少,尤其莧菜吸收了湯汁,令味道更佳菜式一道接一道上桌,終於到了最後一道豉汁蒸黃立倉,我認為蒸魚是一門十分教功夫的一道菜式,蒸的時間要把握很好,不然肉質會

這星期,我們家整天都為搬家的事忙碌,是日晚上,忙到快九點,才想起吃飯這回事,所以我們打算到新家附近的酒樓開飯石硤尾附近真係有好多間酒樓,我們最後選擇了多彩皇宮之前,多彩皇宮是叫多彩海鮮酒家,裝修過後改名為「多彩皇宮」裝修過後,環境真的挺優雅燒鵝半隻($168)首先上枱的是燒鵝半隻,本來我們打算要例牌燒鵝,但這間酒樓卻沒有例牌沒辦法,舅父愛吃,所以只有被迫要半隻燒鵝燒鵝入口時,溫度微暖,燒鵝皮色澤紅潤,燒鵝不會過老,皮下油脂剛好,肉質鮮嫩且肥美,充滿肉汁,可說是皮脆肉嫩福祿鮑螺片($68)面頭大約放有8-10片又厚又大的鮑螺片(夠足料!)口感滑嫩得來略嫌過韌,但生菜卻十分爽脆蠔油茨量多而且濃稠度剛好,味精不重,撈飯一流!豉汁涼瓜炒牛肉($68)四道菜之中,最好吃就是這道菜了牛肉份量頗多,質地幼嫩,好淋好入味,一點也不會太老涼瓜厚薄適中,爽口得來又不苦,非常入味,而且炒出來一點油膩感也沒有,但穫氣卻十足!最重要的是在炒涼瓜和牛肉的時候,加入了豆豉和薑蔥來提味,令整體的香味提升了許多,簡直有大師級的水準值得一讚!海味粉絲什菜煲($78)每次到酒樓食飯我們家也會叫什菜煲,這已成慣例了,所以一試

2012-06-17 ****今日父親節,,特登去多彩買燒味返屋企加送,,買咗我自己最鐘意既叉燒 同 燒鵝,,仲有媽媽指定既燒肉叉燒: 平時喺美心/大家樂食既燒味飯,,d叉燒都又幹又鞋又冇味,,叫肥叉先食得落,,但系呢度既叉燒系肥瘦適中噶,,而且冇咩白肉wo,,咬落一d都唔鞋,,甜甜地,,好有肉味,,超鐘意,,每次食都有好滿足既感覺 燒鵝: 可能系外賣既關係,,都隔咗成2個鐘先食,,d皮已經唔脆啦,,但個皮燒得幾好,,唔”燶”又金金黃黃，好香＾＾應該系每日即燒既，因為ｄ肉都仲好有肉汁，唔乾：）配埋酸酸甜甜既酸梅醬,,好開胃燒肉：個師傅特登幫我喺個發泡盒開個窿，因為熱力會整到個脆皮＂林＂曬，開咗個窿就可以ｋｅｅｐ到返屋企都仲脆卜蔔：）個皮真系好脆,唔系硬ｗｏ，，而ｄ肉又可以ｋｅｅｐ到有肉汁唔乾,雖然我唔多中意燒肉,但都食咗好多件ｘＤＰＳ：拎住袋燒味行去搭車時,就不斷聞到ｄ燒味好香好香啦ＸＤ　下次試埋ｄ燒乳豬先　：）因為趕住開飯,,食到一半先醒起未影相,下次影返俾大家睇d好好味既叉燒PS: D 燒味部既哥哥/叔叔 都好nice,,做開熟客仔生意?!

去完賽馬會創意藝術中心, 就到這間酒樓飲下午茶服務真麻麻, 我不知道朋友已經叫左人開茶, 咁岩個阿姐係我旁邊, 咪順便叫佢開, 但我朋友即時話已經叫左, 個阿姐即刻回應話叫左唔好再叫, 而語氣又唔好食物叫了叉燒包, 牛肉腸 同咸水角牛肉腸入口頗滑, 可惜熱度不夠, 炸咸水角的火候控制得恰到好處, 炸得均勻而不燶, 甜甜的皮配上咸香的饀, 兩者互相中和, 入口又鬆脆, 至於叉燒包係即叫即蒸, 送上枱時是熱呼呼的, 包身入口鬆化, 醬料甜度適中, 食到這裡, 先知唔記得影相埋單兩人HK$42, 尚算不貴