大同韓燒 (已結業)

收費 (另收加一)星期一至四:小童(3-11歲): HK$99/位成人: HK$159/位*星期五/六/日/公眾假期及前夕加HK$10/位------------------------------全自助式兩小時任飲任食韓燒, 豬牛羊雞肉, 魚類, 魷魚, 扇貝, 蔬菜, 冷盤, 熱湯... 呢度既韓燒同出面既有少少唔同, 爐上面有張牛油紙, 野食放上面燒唔會咁易燶同埋痴底, 食都食得健康d~ Bouns既仲有三文魚刺身, 不過數量唔多, 所以寄望唔好放落刺身同壽司度喇... 個人中意佢地預早醃定既鹽燒雞軟骨, 其他韓燒地方好少有, 而最入味既係龍利柳, 正!!甜品雀巢雪糕, 都係任食, 二百蚊唔洗就可以瘋狂咁韓燒, 抵啊! *酒精類飲品需額外收費

前陣子與家人到大同街食西餐,看見對面街韓燒店有條小人龍。是晚與媽媽到奧海城看畢電影後肚餓了,腦海忽然想起這條街,於是徒步行過來！去到人生人海,在沒有訂位的情況下等了約20分鐘便可入座！印象中價錢與我多年前食的韓燒價錢無異！餐廳環境寬敞舒適,周圍尚算整潔,一洗以往食任食韓燒亂糟糟的印象～主食食物數量尚算繁多,大致分為肉類、蔬菜類及海鮮類。亦有供應如麻油菠菜,泡菜等等的韓國前菜及一些熟食！有個小角落放著熱湯及涼茶,飲品櫃亦有數款紙包飲品及罐裝汽水任飲！爐上放著韓國牛油紙防止黏底及迫出油份～金菇肥牛卷 - 金菇雪白爽口,肥牛肉味略淡,但質感卻挺有嚼勁。雞翼 - 皮層較易燒焦,亦甚為肥膩！不過肉質卻挺嫩滑易分離～青口 - 肉質挺厚身,但味道略為淡！紅腸 - 比燒臘店的更質感厚身,食落啖啖肉,頗軟綿綿！魷魚 - 質感軟稔,食落爽口煙韌,讓我倆不停追加！^_^五花腩 - 肉質不錯,肉味不過不失,肥膏不算多。冬菇 - 大大隻而且軟稔入味,易入口～將近尾聲,最後食個飯後果！西瓜爽口尚算清甜！菠蘿多汁又甜,可以滯滯膩。雀巢雪糕 - 印象中好像有四款口味選擇！不喜歡食雪糕亦有其他糖水可選擇～

今午去了奧海城飲茶，飲完仲夠時間同太太睇套戲，由於泊了日泊，唔急走，我地本來想行去旺角方向，行下行下行了去大角咀，望望手錶，已經6點多了，太太見到韓燒就提議食韓燒，原來我們好久沒有食過了！餐廳光猛，座位也很闊落，我們先拿了點壽司和小食，小食中小魚干味道很好，醃得好滋味！豆腐卜都很出色，我喜歡夠辣，辣味被豆腐卜吸收了，很入味！壽司飯反而比較硬，再試試生野。韓燒的食物種類好多，放滿了兩個食物櫃，而且排列整齊乾淨。我先吃了澳門青魚和腸類，澳門青魚睇名已經覺得搞笑，青魚燒完散發好香的魚腥味，由於無用任何調味，所以可以食到魚本來的香味，魚肉唔霉又唔靭，青魚皮還很滑！汁燒牛肉好入味，牛肉唔係一片片，係一絲絲，感覺有點像肥牛，但是瘦的，牛肉好juicy，燒完放入口仲可以嚐到香濃的汁。雞翼也是汁燒，但牛肉有點咸味，雞翼沒有，雞翼皮燒完仲脆脆的！雞翼我好欣賞，因為好貼心，每隻雞翼都係中間𠝹了一刀，令雞翼更入味，而且更易熟，雞翼無雪藏味，味道很到位！雞肉和雞骨容易分開。燒冬菇我一向都覺得很難燒，因為冬菇的顏色比較深，我很難看到生還是熟，這裡的冬菇顏色較深，似是醃過，燒完無縮水，好入味和滋味！另外餐廳還有海

網上見到大同韓燒159一位咁抵，即刻打去book枱，book到冬至夜晚之餘，仲唔計假期唔使加多十蚊，人頭連加一175左右，燒肉、果汁、汽水、甜品都係任飲任食，是晚開開心心黎食返餐，嫲嫲仲係第一次咁樣燒烤，哈哈大大個廣告牌，159一位仲想點就算係假期都係加多十蚊。等左好一陣先有枱，好肚餓呀，即刻出去拎野食先。飲品喺雪櫃自己拎，有汽水，果汁，烏龍茶等，可以去櫃枱要啤酒，後頭仲有菊花茶機同無糖檸檬水，旁邊有人參雞湯同蜆肉紫菜湯，熟食有漢城炒飯（即係揚州炒飯？），仲有熱嘅壽司……因為太受歡迎，一出即刻被人拎哂，飯都未涼又出下一round，至於說好的三文魚刺身就見唔到了，不過主要黎食燒肉，可有可無吧。涼菜款式很多，攞了泡菜，泡蘿蔔，麻油菠菜，大荳芽等，好入味好正喎。另外熟食仲有咖哩角，薯角，炸三文魚骨，炒年糕等，燒肉未熟可以食住先。肉方面，一般牛肉，牛仔骨，豬肉，雞翼，腸仔等都有，醃得幾好味，基本上夠哂味，燒熟完都唔使點醬油了。仲有翠玉瓜，冬菇，茄子，鯖魚，多春魚，青口，扇貝，魷魚等，都好多款式的，冬菇預先醃過，燒起上黎勁入味，好正，翠玉瓜又係，燒完之後好多汁，encore了數回。食到咁上下，見

今日去大同新邨探朋友，朋友提議一齊去附近的大同韓燒食晚餐，餐廳不算很大，但座位寛濶，坐得很舒適。這𥚃是任飲任食韓式放題，2小時任食，所有野都是自助的。食品相當豐富，除應有的肉類、蔬菜類，熟食還有韓式前菜、湯類和一些菜式，甜品有雪糕。重有我的至愛：三文魚刺身👍新鮮肥美，不過要留意佢拎出來的時候，一出就好快比人拎曬，之後要等15-20分鐘先再出。最貼心的服務就是店主會為客人在燒烤爐上加上一張紙，防止食物容易燒燶。值得一讃👍

天氣呢排又轉凍，不禁令人又想去食韓燒。 以前公司係旺角，知道大角咀有好多抵食餐廳，所以今晚就黎左大角咀間<<大同韓燒>>搵食。 因為是晚是平日，$159加一服務費，任食任飲，好抵食呀。 入到黎，環境闊落，最緊要係無乜煙味。 拎左位就可以出去拎野食喇。 海鮮類有秋刀魚，扇具，八瓜魚，青口，墨魚，多春魚，龍脷柳，也有腸仔，紅腸，脆肉瓜，金菇肥牛卷，茄子，青椒等。 當然有食肉獸的最愛，牛仔骨，豚肉，五花腩，牛脷，梅肉，雞翼，雞軟骨，雞腎，羊架等等，好多選擇。 行過D就係前菜及小食區。韓國泡菜不能少吧。 不過最驚喜係有壽司呢。 水果有西瓜及菠蘿。 再行過D就係飲品雪櫃，主要以紙包裝及罐裝為主。有我最愛的烏龍茶解解韓燒的油膩感。 再過D就是雪糕櫃，多款雀巢雪糕口味。 再入行小小，還有一個飯及湯的區域，湯有兩到三款。 燒野先，食小量泡菜墊下胃。 我就拎左碗紫菜花甲湯，好足料又健康。 呢度有個大特色，就係會放一張牛油紙於爐上燒。一開頭燒肉是最好的，因為可以讓肉的油份流出，冇咁容易黏底。雞翼及牛肉是不錯的選擇，這裡的雞翼已被中間剪開了一邊，

依家可以任飲任食嘅韓燒餐廳好似真係買少見少，以前有一排好盛行嗰陣時，我都成日去食。但係每一次都記得自己食到成身都係油煙味，好討厭嗰種感覺。喺呢度食完之後神奇事就發生左，就係上身都冇油煙嘅味道，就算我係着咗羊毛外套去，都無咁嘅情況發生。連個頭髮都冇嗰陣味，實在太開心。咁神奇嘅事我梗係要問一問老細點解喇，原來佢話呢一個係用咗佢嘅獨特抽煙系統，係啲油煙釋放出來嗰陣時候已經即刻吸番入去，所以係唔會有油煙味架，好特別。呢度嘅食物有刺身，頭盤，燒烤物同埋甜品。首先講吓佢嘅頭盤有三文魚刺身，亦都有壽司。另外仲有韓式嘅涼菜，例如芽菜，泡菜，青瓜等等，一應俱全。燒烤嘅肉類同，海鮮大概有四，五十款。肉類除咗有最簡單嘅牛扒，雞扒，雞翼之外，仲會有牛舌，雞腎，呢啲比較特別嘅部位。而海鮮就更會有青口，墨魚仔，魷魚同埋扇貝。另外仲有幾種唔同嘅蔬菜，茄子，翠玉瓜青椒等等。特別推介係涼菜嘅魚仔，食落去好有咬口，味道好甜，甜得嚟又有魚香。肉類就特別推介佢嘅雞翼，呢度嘅雞翼好有心思，佢係將雞翼界開咗兩邊，方便來燒烤更加容易。唔會出現成日外邊燒到燶唒，入邊仲未熟嘅情況。平時韓燒好多人都好鍾意食肉，但係我就比較鍾意食蔬菜，但

今日學完車，同男朋友周圍搵下有咩好野食。兜下兜下去到大角咀果邊，見到有條街都幾多野食，中間位有間韓燒，望落環境幾闊落，隔離又有個車位，即刻泊低架車。就入去試下啦。落車行去門口，姐姐好熱氣咁叫我地入去。門口見到個餐牌，都幾抵食wor，而家好少放題做呢個價。環境闊落，完全無油煙味，又坐得舒服。哥哥好nice，教好爐前招呼我地拎野飲先野食都好多種類，有海鮮，蔬菜，肉類，羊架，各式牛類，熟食，連刺身壽司都有！d 肉類全部都好夠味，羊架幾好食。最意外係，呢度d泡菜種類好齊全！好有誠意。男朋友話d 泡菜味道好正宗，同韓國食既差不多！另外，第一次食韓燒放題有五花腩肉，仲有新鮮乾淨既生菜比客人包，而且連埋醬料，呢樣好滿意呢個辣味魷魚可以end call，好惹味，好淋。韓燒竟然有無最愛既菠蘿比我燒呢樣我自己都食左一碟，好甜！真係好歡樂。最後買單，哥哥好熱情叫我地拎卡片，我平時食放題都少打食評。呢間韓燒真係值得推介。野食種類多，服務態度好，價錢又抵。簡直系平靚正之選

今日黎大角咀揾個朋友，跟住為左揾個地方好好坐低傾下偈，就費事走出我mk揾野食，一上openrice就見到呢邊有多間食韓燒嘅舖頭，於是就去左睇下有咩好食，行行下見到呢間舖好似好正作為肉類發燒友嘅我地，就簡左呢度開飯喇。豚肉片豚肉片好有口感，夠晒厚身，加埋佢本身果種淡淡嘅肉味，加上本身嘅調味都已經好夠，真係令人滿足。羊排未煮之前嘅非常亮身，煮後羊排入口啖啖肉又夠羶味，羊肉緊係要夠羶味先正，令人感覺夠惹味。魚肉煮後嘅魚肉入口夠彈牙，而且唔會有陣陣腥臭味，肉又夠晒結實，餐廳肯定係用新鮮貨嘅。各種韓式前菜餐廳嘅韓式前菜真係唔小選擇，經食咁多肉之後，食下呢啲前菜傾下偈都幾寫意，咁多種選擇真係令人驚喜，好小有餐廳會提供到咁多嘅選擇。甜品食完後餐廳都好貼心，仲有埋西米露俾客人滋潤下今次嘅體驗都算幾好，比起一般任食韓燒嘅舖頭所有野都做得好更到位，食材亦都更加新鮮，有機會都要再黎先得

本身想去奧海城商場食lunch，去到停車場full左，咁就轉左係附近街鋪，去到雖然無咩人食，勝在靜靜地，我地兩個大人一個五歲小朋友，叫左兩個午餐燒烤！例湯（海鮮湯）自家製，唔係湯包，有水準飯（珍珠米）唔係平碗，係座小山，好大碗飲品（菊花茶）自家製，唔係糖水溝出來前菜每個餐有三款，我地試左六款唔同，除左芽菜一般，其他都唔錯肉（牛肉，五花肉）又係好好好大碟，味道幾好，只係五花肉有d厚總括：好滿意既lunch，準備下次試埋晚餐

這間韓燒正正開在我工作地方附近，午飯時就跟同事前來試試。餐廳內有不同韓燒套餐，有烤肉、石頭鍋飯、或者自助放題。而我跟同事就各自點了烤肉套餐，每人有兩碟前菜、一碟烤肉以及一碗白飯。前菜選擇種類非常多，各人可以揀到自己想吃哪款。而且烤肉份量騷一人份量，對男士而言，勉強夠食。每樣前菜做得皆不錯，味道濃郁，食材又夠新鮮。肉類有多款選擇，脂肪含量不會太高；肉的比例較多，可以做到啖啖肉效果；肉味屬於中上，不過肉香不太突出，略微失色。豬頸肉和牛舌味道不錯，兩者都做到爽口又有咬口的效果，當烤得外皮香脆時，而烤肉的肉香亦慢慢滲出來，非常好味。

店鋪雖然不是在顯眼位置，但是門面十分乾淨企理。當日與朋友留了電話等位，店員會待有位時主動call back，服務態度值得一讚！這裡沒有一般燒烤店的油煙味，坐得舒服自在。食物種類和一般韓燒店差不多，但勝在有大大隻元貝，是其他韓燒店較難找到。這裡供應的海鮮算得上是新鮮，各類肉的醃味也不錯，不會過份濃味。店鋪有三文魚刺身的供應，當然不要奢望會有日式刺身店的水準，是不俗的。食韓國餐我最期待的各款前菜也沒令我失望。前菜選擇多，泡菜夠辣，而且補加速度夠密，不怕食唔切。總括而言，價錢公道，食物水準中上，侍應招呼不俗，會再幫襯

好多年冇食過任食韓燒, 不過既然o係屋企附近, 點都要試下?唔知點解大角咀呢幾條街近期開咁多韓式食肆, 原本已經有兩間, 近期再連開三間 (包括呢間大同韓燒), 但又執左兩間以前成日幫襯o既日式食肆同埋一間茶餐廳, 搞到突然間好似少左好多選擇咁不過呢間點都係有 D 唔同, 因為有爐畀你自己燒, 其他幾間都係煮畀你食味道就, 間間韓式燒肉 D 肉都係差唔多味道, 冇特別問題, 肉o既款式都夠我覺得呢度最特別係有供應海鮮 (蝦, 帆立貝, 龍利魚, 魷魚等) 畀你燒, 以前我幫襯漢 _o個 D 韓燒肯定唔會有蝦同帆立貝先 (而家就唔知了, 太耐冇幫襯)三文魚刺身都有, 不過好似出得較少, 次次都拎唔到 (定下下都畀人掃晒呢...)同埋飲品有我最鍾意o既道地柚子綠茶...價錢應該都係同旺角o個堆差唔多唯一覺得比較不足o既地方- 食物區冇標示每一盤係乜黎, 有 D 唔駛寫都知係乜 (e.g. 豬頸肉, 雞肉, 豬扒) 但有 D 真係一時間分唔出 (e.g. 牛/羊)- 用黎夾生野擺落個爐燒o個隻夾好硬, 夾多幾下已經開始手軟