大壹燒鵝 (MOSTown Street新港城中心大街(3期))

營業中

休息中

第一次經過這間餐廳時就想入去試，但是見到要排大隊就放棄，今晚終於給我等到了！燒鵝乳豬飯（$68）加$7 就有凍飲舖名好清楚讓你知道一定要試燒鵝，偷心一點仲試埋乳豬添，果然名不虛傳，燒鵝同乳豬的外皮都燒得「脆卜卜」，肉質夠嫩滑，到這餐廳，唔食燒味又點對得住自己。拔絲咕嚕肉（$98）好欣賞這𥚃每道菜都做到「熱騰騰」，切記千萬不要立即將食物放入口中，否則好容易「燙」傷口唇！這道菜的菠蘿應該是採用新鮮菠蘿，所以較為酸些，咕嚕肉的外皮也炸得很脆和帶點拔絲的效果，整體酸酸甜甜，「餸」飯一流。避風塘軟殼蟹（$138）無想過可以在此店舖可以食到海鮮，所以揀選軟殻蟹嘗試一下，炸漿不太厚，亦能將軟殼蟹炸得外脆內軟，好有「穫」氣，非常惹味。已經諗住下次要試埋避風塘瀨尿蝦肉。食完後才看到舖面貼著逢星期一至五，每天都有不同燒味優惠，幾時想加料的話，可以參照一下！

上星期多咗日假，梗喺約埋家姐食個晏先啦！大壹燒鵝未開前，我同家姐都成日嚟原本間茶餐廳食晚餐，轉咗做大壹燒鵝成日都好想嚟試！終於有時間啦～ 樓上酒樓都係以燒鵝做賣點，要令馬友變心應該都唔易 嚟到見到好多人都嗌燒鵝雙併飯，豬太郎都好心動呀！ #燒鵝燒腩仔雙拼瀨粉太晏起身嘅關係，決定同家姐share一個主食～本身淨係想食燒腩仔，不過竟然燒鵝先係呢度嘅主打，當然要試下！燒鵝皮脆、多汁、肉嫩，午市價錢都只係63蚊（雙拼！），燒腩仔肥瘦均勻，重要係個皮都係脆卜卜㗎！絕對高質#海蜇燻蹄嗌一個粉當然唔夠食！所以嗌多咗個小菜～單睇海蜇紅紅哋又有啲辣椒，以為好嗆口，原來都係少少辣吊下味，再點啲醋，酸味味好開胃㗎！另外燻蹄咬落爽口又唔會肥腍腍，而且份量真係好多，再多個人都無問題呀！#鹹檸檬七喜嚟港式餐廳當然要嚟返杯鹹檸七，酸酸甜甜，喺豬太郎嘅港式至愛！

馬鞍山多咗唔少好嘢食，喺新港城三期地下新開左呢間大壹燒鵝，喺舒適嘅環境裏邊，食到明爐燒味，再加上大排檔風味嘅小菜，實在難得燒鵝乳豬飯$68+鹹蛋$10$68就可以食到兩款鎮店燒味，乳豬皮燒到卜卜趣又鬆化，燒鵝鵝味極濃，真正做到皮脆肉嫩。見好耐冇食過鹹蛋，加咗一隻，蛋黃黃油流晒出嚟燒汁野菌牛仔骨$108牛仔骨份量絕對唔少，以呢個價錢來講，係街市可能淨係夠買材料。牛仔骨嘅火候啱啱好，咬落去比較軟熟但亦夠「𡁻口」。加咗少少野菌，更能帶出牛肉嘅味道椒鹽鮮魷$98魷魚炸得夠乾身，沒有油膩的感覺，食落椒鹽味突顯惹味，炸粉唔厚，更容易食到魷魚嘅鮮味大大碟又大大件，百吃不厭餐牌抵食嘅燒味套餐仲有唔同風味嘅小菜。想坐得舒服，食得有水準，呢間餐廳值得一試

其實我真係好少係餐廳既食店食晚飯炒小菜，因為之前係度食過早餐，覺得幾好幾足料，見呢間主打係食燒鵝，所以一行6條友，6點左右黎到已經爆場，好彩等一張枱就有位大壹燒鵝 半隻 $228 味道同肉質不錯，唔肥，不過燒鵝皮唔脆避風塘軟殼蟹 $138 軟殼蟹都幾大隻，又香脆，少少辣，好食燒汁野菌牛仔骨 $108 都有成5件牛仔骨干炒牛河 $88 有鑊氣，夠乾身酸菜魚 (沙巴躉) 例牌BB辣 $188 酸菜好咸，咸到有D難入口，魚係好食，湯底唔係大陸食既酸菜魚味道，底下有薯粉，黑木耳，蓮藕片香煎墨魚餅 $88 手打墨魚整餅，好住家Feel坐位濶落，服務幾好，侍應又吹得水又搞笑

馬鞍山已往給人感覺是美食沙漠，沒有什麼好食的店舖，過了今晚之後我應會改變這看法……近月見有間食市新開張，廚窗掛滿了燒得好靚的各式燒味，今天行經此店ㄧ於去試ㄧ試。晚市時候食客都坐得滿滿，心中亦有種期待的感覺，店內裝修設計簡約，跟ㄧ般茶餐廳沒什麼分别，但直望見有個廚窗掛滿了準備燒烤的乳豬和燒鵝，便知道這裡的招牌燒味是什麼了…… 再睇睇餐牌，原來不只有燒味，還有好多好吸引的小菜選擇，真係睇了ㄧ陣子才可選出今晚食什麼。當然，首要點個燒味飯，再加兩個小菜吧！乳豬燒鵝飯，乳豬外皮燒到赤紅色，好靚😍燒鵝亦烤得好靚，鵝皮程現出的格仔紋理，果然是真材實料。嚐ㄧ口後，薄薄的乳豬皮夾住ㄧ層脂肪，再配上乳豬醬汁，鬆脆可口，食指大動。燒鵝醃得剛好，肉質嫩滑，鵝油還滲入了白飯中，甘香美味，好快便食完整不碟飯。拔絲咕嚕肉，看似簡單不過的菜式，但要調配適宜真係要花很多心機。好似這碟拔絲咕嚕肉，炸過的梅頭肉腍滑又有咬口，配菜不但用上新鮮菠蘿，還有無花果和蕎頭作配搭，真係又好味又有不同層次的酸甜味。醬汁方面稀稠程度恰到好處，將肉塊緊緊包住醬汁，還可拔出一條條的醬汁絲，真係冇得頂。避風塘軟殼蟹，顧名思義這道菜式，著重於火喉

今日阿姨請食晚飯，阿姨話佢屋企樓下新開左一間餐廳燒鵝幾好味，所以就去左大壹燒鵝食晚飯。我哋叫咗兩份燒味瀨粉，分別係乳豬瀨粉同燒鵝瀨粉，再加多兩個小菜。- 乳豬外脆內軟，不過有少少肥- 燒鵝冇得輸！食落口有一種煙熏嘅味道，燒鵝皮好薄，食落好香口，唔會好油膩。所以一定要食。椒鹽鮮魷 - 份量十足，睇得出係即叫即炸，粉漿唔會太厚，入面魷魚炸過都依然好彈牙，唔會𡁻極都𡁻唔到。拔絲咕嚕肉 - 咕嚕肉個皮好脆，應該係用梅頭肉食落淋身，舊舊肉，完全無骨。 佢個掛汁唔會過多，酸甜味剛剛好，而且少見用蕎頭解膩，又可令整體味道帶酸。

估唔到作為美食沙漠既馬鞍山，會有間專賣燒鵝既小菜餐廳，平時都有同屋企人出開去食飯，今晚老豆話想嚟食下燒鵝，咁我哋就一行4人一齊出動，點知 7 點嚟到都排到人山人海了！新鋪果然係新鋪，人氣旺盛，裝修得美輪美奐，好多種坐位組合，一家大細，朋友聚合都適合！入門口就見到既燒味廚房都幾企理！呢度主打燒味，小菜，選擇多到連海鮮都有，價錢都幾合理，60幾蚊都有個小菜食！餐廳入面有個窗口睇到醃製同風乾步驟既燒味，令作為食客既我都信心大增！我哋4個人叫左半隻燒鵝，份量十足，皮脆多肉汁，點d酸梅醬酸酸甜甜咁食仲好味！呢度雖然人多，上菜速度都幾快，拔絲咕嚕肉好快送到，餸如其名，真係有少少拔絲效果，汁黏得嚟唔厚，咕嚕肉外皮keep到脆口，加上酸酸酸甜甜既菠蘿，餸飯一流！另一個小菜魚香茄子都好快送到，幾有鑊氣，份大，性價比十足！ 味道帶點點咸魚香味，辣辣地，亦都係我既心水！最後一個香煎墨魚餅，大大粒既墨魚餅，賣相十足！爽口彈牙有咬口，爽口既原因係因為加入左馬蹄！ 煎得幾香口，加埋個酸辣醬嚟食仲惹味！呢餐有幾好食？睇相就答到您！清晒4 人埋單既價錢，都算合理！

馬鞍山近年開的開閉的閉，來來回回換了很多不同餐廳。今次跟男朋友看完戲在附近搵野食！行行下見到新開大壹燒鵝比門口一排燒鵝吸引到😆😆店面十分光亮，感覺乾淨企理。我地2個人因為唔太餓就決定散叫，首先緊係黎設個照牌燒鵝啦！勁肥美！照牌黎講真係算大碟，超多肉，皮脆肉嫩👍🏻👍🏻👍🏻椒鹽鮮魷，皮軟內脆食得出鮮魷十分新鮮！👍🏻味道適中，熱食十分正！呢間價錢屬中上，但食物質素絕對有保證👍🏻👍🏻服務也算好，侍應加水收碟都好快手，仲好有禮貌唔該前唔該後😆

今日返工攰到攤攤腰，放工又係慰勞自己嘅時候，想食好啲，於是去大壹燒鵝😋😋有電視睇，一個人食飯都唔怕悶。選擇非常多，由燒味、小菜、煲仔、海鮮以至粉麵飯都一應俱全。大壹燒鵝脾+貴妃雞 飯 $98 + 5+鹹蛋 $10/隻一個人的浪漫，當然係叫招牌燒鵝脾，雙拼都只係加$5 ，咁抵食冇理由唔加埋貴妃雞！食個晚餐超過$100 好似有點小貴，但睇到大大碗飯，賣相極吸引，又覺得好合理。鵝皮香脆，肥瘦均稱，淡淡油香，配以酸甜適中嘅酸梅醬，一流！貴妃雞皮滑肉嫩，蘸薑蓉真係好好味。大大兜醬，店家好慷慨😀鹹蛋黃送飯無得輸，不過如果蛋黃油多啲就更好了。凍奶茶 （跟餐+$7）食完今餐真係飽到上心口，但心滿意足😊

"大壹燒鵝",依間食店我都食過幾次,味道同價錢都相當高性價比,尤其是係d燒鵝真係非常好食,可惜我個閨密唔食得燒鵝,所以我都冇得食😢。不過其他食物都非常之有水準,我地叫左香煎墨魚餅手打的墨魚，非常香脆可口欖菜肉鬆炒四季豆飯依個都係我其中一個favour,肉鬆醃得好入味,豬肉入口即溶,辣味適中,唔會太咸太辣,送飯一流,值得推介。雞扒炒公仔麵雞扒煎得好香口,外脆內軟,而且塊雞扒大塊過我塊面,非常底扺食。公仔麵唔會煮得太淋,軟硬適中,有咬口,好有誠意。啫啫生菜煲味道香濃無比,配料足料,有我最愛食既蝦乾,非常惹味,而且最鍾意聽到果d"渣渣"聲,非常治癒😁。

到朋友家作客，他說在馬鞍山這個美食沙漠開了一間不錯的燒味餐廳，成為了他們一家人的飯堂，所以特地帶我一試。來到大壹燒鵝當然要試試燒鵝，下庒份量果然不少，肉汁豐富，香味濃郁！燒腩仔貌相吸引，皮脆肉嫩，切開了一小件一小件亦不會皮肉分離，可以有這個水準，實在要歸功於師傅功力！馬鞍山小炒皇，夠穫氣，色香味俱全！銅盤沙姜雞，雞肉入味嫩滑，這個煮法能一直保持溫度，把沙姜味完美保留！碧綠龍躉斑球，配上蔬菜紅黃椒，色彩繽紛，主角龍躉斑球有鮮味冇腥味，朋友都讚口不絕！

A very famous combination recently , which is chicken and BBQ pork , and match it with ice lemon tea as well. I think more than 90% of Hong Kong people will know what it is . Today I went to a restaurant near my home to have the famous dnlm meal. The bbq pork is ok , it tastes quite tender and nice . However the chicken is a bit tough and dry. It makes it very hard to swallow . Hopefully next time they can improve the quality of chicken .

細佬升職當然要一家人一起外出吃飯慶祝！爸爸最愛吃小菜，最近見屋企附企新開了一間燒味餐廳，於是大家放工後便一起去吃。平日晚上都座無虛席，來到當然要試一試燒鵝，點了例牌下庄，上桌還冒著煙，皮薄肉味濃，熱騰騰的特別好吃！除了燒鵝，我們還點了金牌燒腩，嘩，份量很多，皮脆！中間有層薄薄肥膏，吃完都不會過份有罪惡感🙈半隻銅盤沙姜焗雞，很少見這種煮法，夠特別！碧綠龍躉斑球，有8塊龍躉斑球，魚肉彈牙！超正！在馬鞍山吃飯當然要點一個馬鞍山小炒皇😂用料豐富，用來送飯一流！餐廳職員有禮親切，充滿人情味！

今日入來馬鞍山探朋友，他帶我來到市中心新港城三期地下的大壹燒鵝。看看門面見到燒味很吸引，就決定叫一個乳豬飯，再細看餐牌，發現除了燒味，還有海鮮，小菜和各式炒粉麵飯，種類非常豐富。馳名乳豬飯乳豬燒得非常脆口，燒乳豬的時候，熱力把多餘的油脂迫了出來，吃下去沒有肥膩的感覺，皮和肉的厚度恰到好處，一啖一滋味。餐廳內還見到乳豬是現場即製的，難怪水準不錯！豉椒蟶子皇：蟶子夠大隻，好新鮮，配上青椒紅椒及洋蔥去炒，份外惹味蒜蓉炒白菜仔：白菜超鮮嫩，咬落索索聲，仲好大碟，好似食極都食唔完咁

今早8:45去食早餐, 員工忙到自己找位，下單也要等。叫左豬扒公仔麵，多士，炒蛋，午餐肉豬扒OK，麵就一般茶餐廳的公仔麵，好粉+冇味。另叫沙爹牛肉公仔麵，多士，荷包蛋，腸仔完全冇沙爹味，牛肉拿到冇牛肉味, 有啲韌， 個麵好粉(早知+$5改出前一丁).根本可以话難食，食左一半投降，食唔到了。杯鸳鸯好行貨，味道完全冇鸳鸯味，.似奶茶多D。最得人驚係個杯口仲有DD臭味，好像未洗乾淨。😣好驚，唔敢再飲。搭枱食早餐，D單又搞錯晒，要重新對單。