大壹燒鵝 (MOSTown Street新港城中心大街(3期))

營業中

休息中

馬鞍山，呢個美食荒漠嘅稱號，稍有少許緩和，不過，整體區內，菜式嘅選擇其實唔算多，當然質素亦有少少參差，就例如燒味一樣，除咗快餐店，街市及酒樓之外，其實就已經冇乜選擇不過，呢間燒味開咗之後，成日見到有人排隊買野，聽講話，佢啲燒味都唔錯架，所以今日我同朋友就來試試佢由於我哋今日糖食，所以應該都幾唔錯，可以新鮮熱辣禁食，佢有一個燒味套餐，價錢屬於正常，不過我同朋友一係唔食，一食就食個雙拼飯，叉燒拼燒鵝髀！其實除咗燒味，呢度都仲有其他小炒菜式食㗎，見到選擇都OK多，可以加個菜添所以我哋都真係加咗個菜，呢個係菜心炒牛肉，都幾有驚喜喎，見佢整體份量雖然唔算話真係好多，但係相對貴少少嘅牛肉，份量都真係幾多㗎牛肉都做得幾嫩口，唔韌，而且味道啱啱好，菜心更加係好食，因為非常爽脆鮮味，感覺到係新鮮，而且幾靚嘅，一個普通嘅小菜，帶有少少驚喜！影個全相先，兩大碗飯，加中間一碟小菜，連同兩杯飲品，兩個男人食，都已經非常滿足，非常足夠主角就梗係呢碗燒鵝髀飯加叉燒啦！係咪好吸引先，燒鵝髀成個感覺其實真係好奢侈，但係又真係好吸引，而且真係唔係成日食，所以呢碗飯一上枱嗰陣，已經比佢深深吸引着其實可以就咁燒鵝加叉燒飯，不

對返工嘅阿媽來講，有時真係唔想煮飯。今日落去試吓大壹燒鵝，喺馬鞍山呢個美食沙漠，好彩有時都會搵到好嘢食！一行三人叫咗四個菜，燒鵝梗係唔走得甩啦！講真真係唔錯，皮脆肉香，好食過馬鞍山其他嘅酒樓。半隻嘅份量都幾多！第二個餸係拔絲咕嚕肉，拔絲就唔係好見到！但味道好食，用新鮮菠蘿更加係驚喜！再加上喬頭出奇咁搭！好食到停唔到口！第三個餸係避風塘軟殼蟹，避風塘啲蒜蓉好香！但軟殼蟹唔係好入味！第四個餸係蒜蓉炒通菜，都幾大碟。今餐食得好滿足！埋單五百幾蚊！抵唔抵見仁見智！但我就食得開心！

晏就成日都黎呢度嘆lunch or tea, 因為燒鵝真係一食難忘🙈今次第一次係度食晚飯🥰招牌燒鵝❤️必叫之選！皮脆肉嫩，燒鵝超入味，唔點醬都已經好夠味！炒西蘭花❤️惹味菜式，無草青味，有濃濃蒜香，微辣，餸飯一流👍避風塘軟殼蟹❤️炸蒜份量多，非常香口！軟殼蟹即叫即炸，炸漿唔會太厚，食到啖啖蟹肉😋大壹炒飯❤️粒粒金黃又彈牙😍炒飯整體味道濃郁， 又唔會乾爭爭， 仲食到淡淡嘅鵝香😍好出色👍食左咁多次，每一道菜式水準高上，服務又好，值得推介😃

至從發現左呢間大壹燒鵝後，就冇再幫襯過太興😅大壹又平啲又好食！叉燒同燒腩仔好出色！💯係我食過最好食嘅燒味！！👍🏻不過燒腩仔經常售罄！想食就一定要早燒味單拼飯$52，熱飲+$5，凍飲+$7(其實叉燒唔止咁少，一嚟到太肚餓食左兩舊先記得影相😂）叉燒非常林滑，肥瘦適中，味道啱啱好，唔會太鹹！真心推介！👍🏻💯豉油雞亦都好出色！好滑好有雞味！就算雞胸都好好食！👍🏻乳豬同燒鵝我都試過，反而冇叉燒，燒腩仔同雞咁出色乳豬太肥，燒鵝皮唔夠脆另外值得一提嘅係服務態度非常友善！服務員好有禮貌而且只係惠顧百幾蚊 食個燒味飯，店員都多謝前 多謝後！絕對係值得時常幫襯！！

初初見到佢哋開張真係好開心，因為大家都知道馬鞍山出咗名係美食沙漠，諗住可以多個選擇。講返頭幾次嘅光顧，感受係唔錯嘅，叉燒就算冇叫肥叉都唔會話好瘦好柴，滿心歡喜以後多個選擇，直至到後期次次光顧都唔愉快（因為冇咩選擇所以仍然光顧多幾次）食埋今晚我決定以後唔會再回頭啦！🙄不愉快事件一 （服務求其）叫咗個外賣雜扒飯配黑椒汁，一打開檢查俾咗咖喱汁，我同佢哋講我係叫黑椒汁嘅，阿姐就話不如直接比多一碗黑椒汁你，但係嗰啲咖喱汁已經係淋晒係啲飯同扒度⋯我接受唔到咖喱汁同黑椒汁一齊食囉😅 咁求其都得嘅咩？不愉快事件二 (食物質素下降）今晚係我最後一次光顧佢哋，叫咗外賣炒餸, 如下:燒鵝👎🏻首先佢叫大壹燒鵝, 咁你對佢燒鵝一定會有期望，味道還可以，但係份量比較少主要都係骨頭。 大壹炒飯👎🏻用得自己個名做個餸名，通常都係對個菜好有信心，但係真係離晒譜，首先個飯係無味嘅，基本炒均勻都冇，仲見到白色嘅飯咕嚕肉👎🏻一早睇食評見到好多人都有點呢個菜，睇相好似好正咁，唔知係咪我今晚唔好彩，啲肉超細粒，主要係食佢外皮啲粉🙄非常失望炒菜心👎🏻食得出菜心係預先灼熟，再落鑊炒，非常油膩，似食緊好油膩嘅烚菜心總括，由初開張食物質

最近香港連續多日錄得零確診，疫情雖然未過但有所緩解，所以飯還是要吃。收工後就和朋友兩個人來了家附近這家燒鵝餐廳。平時都是要排隊等位的，今天就不用等了，看來大部分人還是認為eat from home比較適合。 入門量體溫，再用酒精搓手液清潔雙手。較近的檯都會用膠板隔著。這些都是近期香港大部分餐廳都會採用的防疫措施。做了不一定有用，但不做就一定沒用。 招牌燒鵝就當然要吃。燒鵝的精髓在於燒鵝皮燒得如何，入不入味，能不能鎖住肉汁，大壹的燒鵝做得算不錯，配上定律要求要點的酸梅醬，入口滿足。如果白飯能淋上多一點燒鵝汁會更好。 另外我們還點了兩個小菜：馬鞍山小炒王和炒淮山。小炒王十分足料，有腰果，芋頭絲，蝦乾魚乾和韭菜花，口感十分豐富且美味。炒淮山是一道比較健康的菜式，鑊氣十足，是送飯佳品。 希望疫情快點過去，大家可以吃得更加開心和放心。

叉燒油雞飯賣相不錯，看上去不乾身，肉又飽滿。油雞很出色，肉非常之嫰滑，皮脂肪很少，適合我這種怕肥的人，而且豉油味香，我覺得我可以再吃多一碗。叉燒肥瘦均勻，肉也是軟的容易咬開，外皮很香甜。米飯的口感很驚喜，軟硬適中，粒粒分明，少有的餐廳在飯上也好吃。叉燒韮黃炒蛋飯份量很多，炒蛋加韮黃是不會輸的組合，非常好吃。炒蛋的叉燒比起燒味更瘦一點，每塊都好大片，適合用在炒蛋，叉燒的肉汁炒在雞蛋裡一流，味道更加豐富。

上星期去左馬鞍山買野，記得有個同事介紹過有間食燒鵝好正嘅，咁就去試下。距離新港城遠啲果邊，近住宅，一過天橋就係，仲可以回憶下以前讀書嘅日子。一去到有好多人等外賣，同埋堂食都唔少人，應該有品質保證喇。下庄大壹燒鵝：黎得呢度必試喇！果然名不虛傳！皮脆肉嫩，肉汁豐富，皮薄而不油。我平時唔食皮嘅都咬左一小口，真係幾香。下庄就有脾食，啖啖肉。黑蒜紅皮炒飯：俾佢個名吸引左，原來紅皮係燒肉皮。有啲黑蒜甜甜地有蒜頭香，飯炒得乾身，粒粒分明。加埋啲豆角令到成個飯有唔同層次嘅口感。拔絲咕嚕肉：不嬲都鍾意食啲酸甜野。呢個咕嚕肉一夾起真係拉絲架！炸到個皮好脆，內面舊肉唔乾，同埋真係有肉架。唔同有啲餐廳個咕嚕肉得舊粉。仲有啲菠蘿係新鮮菠蘿，所以果種天然嘅酸味可以中和返拔絲嘅甜味。正！

今日興起想去踩單車一個人由沙田踩去馬鞍山天氣真好踩完一輪就去食下午茶見到呢間嘅茶餐都幾啱食就入去坐茶餐好豐富有個雜錦蕃茄通粉配火腿奄列仲有一個奶油豬仔包加飲品肥仔喇！雜錦蕃茄通一啲都唔hea比起一啲自稱濃湯嘅都更濃蕃茄味！雜錦通仲要唔係俾雜豆係火腿，餐肉等等嘅雜肉粒😍😍好味！火腿奄列都好大份，有半隻碟咁大奶油豬仔包都唔錯唔會硬繃繃香口得黎都軟熟飲埋杯熱朱真係一個完美嘅下午茶！點解屋企附近無咁正嘅茶餐廳㗎🤨

成日聽到馬鞍山係一個美食沙漠。的確係既馬鞍山由一間餐廳食燒餓好正，同朋友到步後，原來係叫大壹燒餓，原來呢間餐廳啲燒鵝同乳豬係佢地自己燒的，可惜我當天病咗，品嘗唔到乳豬同埋燒鵝😢，唯有等下次再嚟幫襯。聽朋友講，就知道馬鞍山唔再係沙漠，係綠洲。拔絲咕嚕肉，一般嘅咕嚕肉就食得多，拔絲咕嚕肉我都係第一次食，每夾一件咕嚕肉，一絲一絲的可見，甜酸味調校的恰好，而肉質又鬆化，沒有一陣雪味的幣病，假使稍為涼左，也不會互相粘在一起，而且入口更是香脆，完全沒有影響外脆內軟的口感。 砵酒焗生蠔 每件生蠔都是很飽滿的樣子，未吃已覺吸引! 咬開蠔肉，蠔汁滿載，隨之而來是濃郁的蠔香，中間又帶點點酒香，味道令人滿意 心裡想，若加一兩片蒽，未知效果會否再昇華哩!?

近排在馬鞍山返工，發現了這間超受歡迎的茶餐廳，而且這裏的燒鵝真是無與倫比。近排疫症肆虐，本來以為餐廳會比較少人，不過這間餐廳仍然座無虛席。難得開公司單食飯當然食好啲！【大壹燒鵝髀飯】八角香味幾出，皮香又脆，肉不太鹹但夠入味。燒鵝髀最吸引是中間的一層油脂吸盡精華，而且鵝髀肉質比其他部位鮮嫩，配飯比瀨粉更合我。【大壹燒鵝上庄 （例牌）】一隻燒鵝髀都不足夠，決定點多一碟例牌上庄，鵝背部位是我第二最愛，這碟沒有鵝膻味，肉汁亦夠多，一吃滿咀油香，真心抵吃！【木瓜湯】雖重木瓜味道，但偏咸。【紅豆冰】紅豆軟腍，有沙，椰奶比重剛好，好足料！

今晚去朋友介紹的一間新開只有幾個月的燒味店，店舖位於馬鞍山新港城地下，未到七時已有8成位坐滿，裝修樸實，簡潔舒適。晚市除燒味套餐外，以小菜為主，選擇也不少，第一次來, 當然要試試主打的燒味。我們先點了一客燒腩仔套餐配米粉，另加一碟燒鵝(例牌)(下庒)。燒味單拼飯 (腩仔配米粉)燒腩仔份量比相像中多，米粉軟綿綿，爽口彈牙，配清湯底，不油膩，質素不俗。腩仔皮燒得非常靚，有點厚度，非常脆口，如同食餅乾一樣，腩仔肉嫩，帶少許咸香，啖啖肉，我個人就非常喜歡。燒鵝(下庒)這裏的燒味由自家製作，舖內更設有一個專用的風乾櫃來風乾燒味，經徹底風乾後，燒出來的燒味才會脆皮及上色，所以對於這裏的燒味有點期盼。例牌的份量也不少，烤得皮香肉嫩，肉汁豐富，口感鬆化，脂香味濃。試過主打燒味後，對餐廳出品有信心，所以又點了兩個小菜。銅盤焗蜆約一斤份量，加入沙薑、黑胡椒、蒜頭等再以鍚紙密封，銅盤承載，以大火焗成，水份及海鮮鮮味得以保留，侍應一剪開鍚紙，立時香味樸鼻，蜆肉粒粒肥美飽滿，無沙，盤底鮮甜的蜆汁，混和了沙薑、黑胡椒的味道，簡直令人食指大動，屋企人連汁都不放過，全盤清晒。碧綠龍躉斑球主角龍躉斑球，連皮，大大嚿，肉

平時見到呢間鋪頭好多人排隊都冇機會入去試吓，今日早餐時段經過唔使排隊就試一試！入座見餐牌選擇款式很多，港式早餐最啱胃口。五香肉丁米粉配茄汁焗豆、火腿、多士，飲熱華田。五香肉丁大大粒，肉質不錯，容易咬。米粉中混合少量粟米粒，賣相特別，口感多一點粟米甜味。茄汁焗豆和火腿正正常常，多士有一點韌。

特地到馬鞍山找朋友吃飯這個有「美食沙漠」之稱的地方竟然有燒鵝吃還有小菜 感覺豐盛 便決定一起試一試這間 — 大壹燒鵝蒜蓉開邊蒸蝦開邊蝦十分新鮮 蝦肉肉質緊實彈牙加上滿滿的蒜蓉 味道更香底下鋪了大量粉絲 吸收了湯汁的精華 好味道野菌勝瓜魚湯浸魚肚魚肚湯有香菇、勝瓜、魚肚、木耳和腐竹等用料十足 大大盤好豐富 味道清清甜甜 不錯不錯大壹燒鵝飯來大壹燒鵝店當然要點一點燒鵝來吃燒鵝外皮十分脆 點上酸酸甜甜的醬汁 味道十分夾 最重要是燒鵝不會太肥 吃下去好滿足

來到這裏吃燒味或是下午茶都是不錯的選擇，店內的燒味感覺還可以，鬆脆的燒鵝皮是例子，下午茶有魚柳包有炒麵作選擇，價錢屬於中等，餐廳裝修簡單舒服，不妨約三五知己來這裏吃個飯休息一下。