大壹燒鵝 (MOSTown Street新港城中心大街(3期))

營業中

休息中

之前嚟食但冇食燒鵝，成日都心旭旭，終於今日再嚟試佢個燒鵝。今次叫咗燒鵝飯同埋燒腩仔瀨粉，兩個加埋都係120幾蚊，2碟飯都好大而且我哋額外叫咗一碗老火湯。燒鵝真係好好味，個皮好脆而且唔會有肥膏，食燒味嘅話喺馬鞍山大一燒鵝可以話係數一數二之選。不過大家記得如果下次嚟食燒鵝飯， 如果要下莊即係燒鵝脾嘅話就會貴40蚊，但係我覺得都值得一試。因為我見到隔離枱叫嗰個鵝髀睇落真係好正。另外，個燒腩仔其實都好好味，個皮好脆，同埋個瀨粉又多，個湯底好鮮味。絕對都要試埋佢哋個瀬粉。

今日原本係去表嫂家食晚飯，點知佢話要偷懶，唔想煮，於是就落街食。表嫂話這間以燒鵝為主打的餐廳係新開嘅，估唔到閒日都好多人排隊等位食飯，証明這區都好多「無飯」家庭。我地叫咗4個餸，都幾有水準。半隻大壹燒鵝 - 果然係招牌菜! 肉質唔乾身，一咬即爆汁，皮脆肥膏少，份量都幾大。拔絲咕嚕肉 - 有誠意! 肉質有點似梅頭豬扒，菠蘿並非普通罐頭菠蘿，仲幾粒有酸蕎頭。香煎墨魚餅 - 好香呀! 好香墨魚味，混合了切小粒嘅墨魚，所以有些口感，加甜酸醬食更好味。魚香茄子煲 - 有料到! 呢款送飯一流的菜式，食完煲底唔係成氹油，做到恰到好處，大廚好叻呀!我地食完飯都差唔多9點，都仲有人係門口排隊，好犀利!

大壹燒鵝今晚去馬鞍山探朋友，晚飯就在朋友樓下餐廳 「大壹燒鵝」，去到門口已見人龍，朋友話這裡燒鵝是自家燒烤的，皮香肉嫩確實新鮮正貨，所以每晚都要排隊入座。👍👍當我睇完餐牌發現多一個形容詞，就是價廉物美果真貼地抵食。🥢下庄 （例牌）我們叫了一碟下庄深褐色的燒鵝烤至皮脆肉嫩，大口咬肉汁慢慢在嘴角噴出肉嫩汁豐，無比香氣在口中綻放感覺到的是滋味難忘。😋🥢小炒王朋友話一碟小炒王可見廚師功夫，他問我對這裡小炒王感覺如何？小炒王我覺得是一道工序繁多菜色，腰果、乾魷、鮮魷、鮮蝦、蝦乾、韭菜、菜甫、魚仔乾、炸芋條再落 XO 醬同炒，火喉溫度全部都是𢲡攝得好，不能乾身也不能濕，這碟小炒王做得非常出色，入口甘香惹味有嚼頭真能令我食指大動！👍我最欣賞芋頭絲烤得香脆可口！😋🥢乳豬飯大大件乳豬難得每件都是脆卜卜入口鬆脆，是令我滿意的另一道燒味！🍹凍檸茶清香解膩冰凍宜人爽啊👍店員不時自動食客加茶添水服務同禮貌都不錯，我隔離檯叫了碟胡椒焗大蜆香噴噴勁吸引，下次再來時必叫。

馬鞍山山美食沙漠之名一點也不沒錯, 除了連鎖集團就彷彿沒什麼選擇. 小店不多而且地方點解分散, 種類也不豐富. 作為從事飲食業的商人, 這絕對是一個機會, 只要質素ok, 不是一些well known的集團, 但又有些名氣, 就能打出名堂. 尖沙咀的雲來軒看中這點, 就在這開了大壹燒鵝, 主打的燒鵝味道比附近的海港酒樓來得豐盈, 肉汁豐富, 外皮香脆之餘內𥚃脂肪走得恰到好處, 除了炭香外還滲出陣陣木香, 在剛開張時嚐鮮, 就能吃到她的最好一面. 對馬鞍山區居民來說, 也許就是久旱逢甘露吧!

知道馬鞍山之前開咗間燒鵝餐廳 - 大壹燒鵝，今次大概六點經過見到條人龍啱啱起，所以就排隊一試。我哋叫咗蒜蓉開邊蝦， 拔絲咕嚕肉， 同埋化皮乳豬, 上菜也快。因為屋企有人敏感，所以今次冇叫燒鵝留返下次先叫。 個開邊蝦賣相好靚而且蝦都算大隻，味道不錯不過個粉絲可以多啲啲，因為我哋都鍾意食，拔絲咕嚕肉都好正而且加咗無花果煮， 正。 乳豬就一D都吾肥，最緊要皮夠脆。下次一定試佢個燒鵝同埋椒鹽軟殼蟹。質素不錯&街坊價錢, 抵食!!!

朋友話屋企附近開了間新餐廳，一於放工過去找他吃飯。見到廚窗燒味好吸引，我們點了燒鵝乳豬雙拼飯同小菜兩份吃，凍檸檬茶加幾元轉餐飲。燒鵝乳豬雙拼飯大大碗好豐富呀！平時食燒味來來去去都是叉燒油雞，今日可以吃到燒鵝同乳豬。哈哈乳豬皮燒得非常鬆脆，咬下時卜卜聲，肉質嫰嫰又多汁。燒鵝也是外脆內軟，燒得甘香肉嫰。馬鞍山小炒皇這款不得了，材料有韭菜花、蝦乾、蝦仁、腰果、魷魚、銀魚乾仲有芋頭絲。鮮蝦夠爽口彈牙，韭菜花配合以上材料加埋惹味醬汁一起炒真的絕配有風味。三杯雞煲熱辣辣香噴噴，即叫即做醬汁香濃雞肉鮮嫰，這款菜式撈飯吃真的可以吃兩碗呀！

最近樓下開左間新餐廳，個個街坊食完個燒鵝都讚不絕口，不論午市晚市都坐無虛席，今晚一於帶埋屋企人一試究竟。到達時已見人龍，我地等了10分鐘左右入座，店內有大魚缸游水海鮮，玻璃櫥窗排列整齊嘅乳豬燒鵝，待應已招呼不暇，但服務態度都好親切有禮。我地總共落了四個菜，其中燒鵝和蒜蓉開邊蒸蝦差不多是每枱客人必點的。燒鵝4個人食叫半隻都覺得好大份，鵝皮入口夠脆，鵝肉肥瘦剛好，大大舊肉厚有肉汁，當然唔少得點埋酸梅醬一齊最好味啦蒜蓉開邊蝦大大碟份量十足，蝦肉新鮮爽口，再配上啖啖蒜蓉粒同豉油汁，簡直係這道菜嘅最佳食法，唔好唔記得食埋粉絲，蒸至軟身唔會太硬，撈蒜蓉豉油索汁食最正豉椒炒蜆 蜆肉大大隻無沙夠新鮮 汁煮得剛好食埋配菜青椒不會太鹹啫啫通菜煲 用燒熱嘅瓦煲盛載，熱辣辣夠晒鑊氣惹味，肉碎留來撈飯食一流這裡上菜速度快，服務態度良好，還有有乳豬、燒味、海鮮、避風塘都好吸引，一次過都試不完，難怪不乏捧場客呢。

這間食肆開左都一段時間了，但下午茶同晚市長期都排長龍，今日唯有試下早餐先早餐時段都爆埸，坐位寬闊坐得舒服，侍應有禮，希望keep 到啦！早餐款式比其他食店多少少選擇，我叫左香煎豬扒麵，肉質唔韌，一咬就開另配二款餸，特別之處有茄汁焗豆，唔係處處有早餐已包多士，唔使另加錢，仲要熱辣辣

這天到新港城的繁花互動感官展，之後在附近找地方吃晚飯，近來吃得太多西餐，所以想找間吃中菜的。網上搜尋到這中菜餐廳，就走過去，剛到的時候已經有很多人在排隊等外賣。我們進去時剛好有一張二人枱。野生香菇蒸谷道雞 $108雞切得細細件，淡淡肉，肉質鮮嫩入味，加上冬菇丶薑丶蔥丶陳皮絲，蒸出來特別香濃味美野菌勝瓜魚湯浸魚肚 $98一上桌已有陣陣魚湯香味，足料豐富清炒時蔬(油麥菜) $68想不到清炒也這樣好味，帶少許魚湯的香味這裡的招呼也相當不錯，侍應會不停為客人添熱水。吃完之後餐廳外已大排長龍等位。

今天到馬鞍山大壹飯店吃飯。門面窗廚掛滿燒鵝，乳豬，鷄等食材。美食當前，即入內坐下看看餐牌嘗嘗美食。餐牌有各式各款美食臨籮滿目。我們選擇四款菜式~第一度菜當然是此店有名的燒鵝，燒鵝一到就嗅到濃烈清香燒汁味。再一嚐燒鵝肶的肉質，入口非常幼嫩肥美，燒汁味濃厚剛恰到好處。第二道菜有豉椒炒蜆，。蜆肉不但肥厚，配料有青椒，洋蔥等鮮味十足，賣相非常吸引。第三道菜是蒜蓉開邊蝦，賣相也非常吸引，蝦面放滿蒜蓉碎，多汁，蝦味新鮮，肉質爽口，蝦身大細適中，易入口。最後道菜是啫啫通菜煲，這菜煲不但多菜，還有肉碎，調味也恰到好處，菜不但嫩滑，正是時令菜之一。吃飽結賬也不太昂貴，物有所值。因今餐味味餸都很好味，賣相又好看。此飯店由我坐下開始人流都不絕，可能此店的美食太好味，真是色香味俱存。

有星級大厨坐镇大壹燒鵝係馬鞍山開張，當然有人排隊喎，但係條龍唔係好長，於是就排埋一份啦，好快就有位喇。佢係有名燒味嘅茶餐廳，厨房側邊吊著一隻隻的燒鵝，似乎出名係燒鵝，我就叫一碗燒鵝乳豬飯， 乳豬皮脆，燒鵝肉嫩，皮夠令身，肉汁一般。另一碗是叉燒燒鵝飯，叉燒比較乾，味道也可以。加多一碟 XO 醬雞柳炒一丁，賣相唔錯，有洋蔥紅椒配雞柳，可惜整體比較咸，食到一半就放棄了。簡潔，燒味也不錯，但未算超好，3人@65，正常價錢，間中去食也可以。

一早起床食個靚早餐先，咁啱經過見到新開左間大壹燒鵝 (之前係新創發)，見到早餐價錢合理$36蚊起，凍飲加$3。可能太早，無乜人，唔洗等位即入。。。我叫咗個五香肉丁麵配餐肉炒蛋多士，熱菜蜜，多士係熱同脆口，炒蛋好食五香肉丁麵正常老公叫咗個沙爹牛肉麵配腸仔煎蛋多士，我偷食左少少，沙嗲牛肉好厚切，一D都唔慳皮呢D早餐Set，只要夠熱夠新鮮，用料足，就已經掂晒。另外，睇餐牌晚飯價錢好似都成舊水一個小菜，唔知質素如何，留待下次試

和朋友在馬鞍山新港城睇電影，順便用膳，同行朋友在附近居住，她帶我們到新港城3期中心地下的「大壹燒鵝」吃晚飯，謂質素不錯且街坊價錢。侍應很有禮貌的招呼我們安座，上菜也快。燒鵝飯份量頗大，白飯可以兩人分享，燒鵝皮脆香酥，鵝肉豐厚鵝味濃、脂肪少，的確是名不虛傳的招牌菜。 有驚喜的乳豬瀨粉，脆卜卜的乳豬件和嫩滑的乳豬肉，吃得十分滋味！拔絲咕嚕肉，配料有喬頭、無花果和菠蘿，咕嚕肉外脆肉鬆化，甜酸味道皆宜。椒鹽鮮魷是佳選，鮮魷肉質鮮爽，椒鹽調味合味道，如果喜歡重味道，也可佐小碟子的椒鹽。免茶費，免小費，又抵食。

馬鞍山自從新創發茶餐廳冇做之後都好少餐廳可以開到凌晨兩點， 係同一個位置開咗大一其實我都好期待，開張頭幾日好多人去排隊，所以冇去。兩個禮拜之後決定一試，試咗燒味飯完全喜出望外，特別係啲叉燒半肥瘦，烹調味道非常好👍服務態度一流👍由門口至收銀到侍應都非常之咁好態度，值得加分。晚上小菜，不過不失，大家可以食燒味同埋小菜， 整體都乾淨企你賣相ok，但我覺得始終不及燒味做得好，可能燒味始終都係主打。呢煲仔菜同小菜都不過不失，不過手撕雞真係有點不敢恭維😂 ， 感覺啲肉質唔係咁好。同埋如果你晚上去食一個燒味飯加杯嘢飲要成五六十蚊感覺上係有少少貴🤔但整體嚟講由服務門面到食物質素，我覺得都屬於中上水平值得去支持嘅。

最近見到新港城樓下開左間新冰室, 以食燒味為名, 今晚就去試下先😊 7點去到已經坐滿人, 不過好快就有位, 餐廳有個大玻璃櫃, 擺滿準備拎去燒嘅鵝同乳豬🐖 餐牌都幾多餸菜可以選擇, 有d都幾特別, 我地一行6個人就叫左6個餸😊話明大壹燒鵝, 緊係要整隻例牌下庄嚟試下🤭, 燒鵝燒得唔錯, 皮脆肉厚, 味道ok, 如果油脂多d會更好☺️ 例牌乳豬🐖, 個皮非常脆, 好香, 咬落去d肉幾juicy, 唔乾, 食多幾件都唔膩, 加埋個乳豬醬汁, 正! 個人覺得乳豬比燒鵝好味☺️馬安山小炒王, 小炒王入面有蝦乾, 魚仔乾, 蝦仁🦐, 魷魚🦑, 腰果同韮菜, 咸咸香香嘅味道, 而且鑊氣十足, 送飯送啤酒一絕!蒜蓉白菜仔, 味道不過不失, 白菜都炒得ok, 唔老🥬避風塘軟殼蟹🦀, 一上枱香味撲鼻, 軟殼蟹熱辣辣, 炸得幾脆, 味道亦岩岩好, 唔會太濃太咸, 加埋炸蒜一齊食, 正! 非常惹味開胃😋😋 推介!👍🏻👍🏻碧綠龍躉斑球🐟🥦, 班球幾厚肉, 幾香口, 唔會好咸, 不過魚嘅份量唔算多總結味道唔錯, 價錢亦唔算貴💵, 白飯🍚份量都正常, 唔會好似出面酒樓咁細碗, 上菜速度都幾快👍🏻