大壹燒鵝 (MOSTown Street新港城中心大街(3期))

營業中

休息中

朋友想吃燒鵝，於是便找了這間名叫大壹燒鵝的餐廳。首先出場的是老火湯，我們見老火湯加購價只需$12一碗，便加了兩碗，可以每人一碗☺️見價錢這麼便宜也沒有太大期望，怎料湯料十足，而且味道香濃，有媽媽的感覺呢😚😚喝完暖透心呢！！！到主角了，是肥美多肉的燒鵝髀呀🤤味道香濃而不會太咸，喜歡它有陣特別的香味，吃燒鵝不吃皮是罪喔，記得一定要連皮吃！我們倆搶着吃，很快便清了一碟😛下次可能要叫半隻才夠吃呢！因為只有兩個人，不能叫太多餸，所以在士多啤梨骨和拔絲咕嚕肉中決擇，最後當選的是咕嚕肉👏🏻👏🏻👏🏻絕對沒有選錯，是我吃過最好吃的咕嚕肉，每一塊肉都沒有骨，而且非常脆口！它是真的能夠做到拔絲的效果，不是只有熱騰騰的時候，而是凍了也有拔絲的效果👍🏼比平時吃的咕嚕肉不同的是竟然有無花果,加上甜甜酸酸的汁，非常夾呢！最後放上餐牌照給大家參考。

大約晚上9:45左右去到餐廳，店員都好貼心，叫我地坐多一陣，等10:00有宵夜時段，結果我地等到10:00叫嘢食時，點知叫5樣4樣都無，連燒味飯都只有叉雞，無其他選擇，好彩我地夠快落單，坐多5分鐘左右已經所有燒味嘅嘢都無曬，嘢食味道係唔錯，但服務就麻麻，佢地好鍾意強行叫D客坐埋一邊，盡量留多D坐俾佢地做生意(重點在當時並不是繁忙時間)餐單價錢都唔平，唔明點解唔可以俾客人坐得舒服D呢

今日食完早餐， 食物質素普普通通， 主要係有個年輕後生男侍應態度非常惡劣， 我地只係叫佢拎兩杯水， 佢放低完俾我地發悔氣叫我地下次自己斟， 我唔介意自己斟， 但係如果要顧客自己斟， 應該係當眼位置貼張告示出黎叫顧客自己處理， 我睇唔到間舖有告示， 就算我睇漏左都唔應該用咁惡劣既語氣同個客講， 同埋我坐左咁耐都見唔到有食客係自己斟水，都係侍應姐姐幫手斟，你忙唔想做可以唔做， 叫其他阿姐斟， 我地食完埋單俾錢佢仲用勁無禮貌既語氣講拜拜， 你咁既態度唔講好過講， 聽完更加嬲。 我明白只係去茶餐廳， 唔應該期望會有5星級服務， 但佢個態度真係好差， 就算間野幾好食都好， 我唔會再幫襯， 馬鞍山大把餐廳， 唔係一定要揀依間

呢間主打燒鵝燒味店，平時見好多人 排隊， 諗住今晚放工，星期一冇咁多人就同老公去試下。 間嘢裝修普普通通，同茶餐廳冇乜分別 ，餐牌有小炒有燒味飯 。我哋兩個就叫咗兩個燒鵝拼乳豬飯 ，諗住係佢招牌菜， 應該穩陣。 嚟咗兩碗飯， 賣相同一般連鎖快餐廳冇乜分別。食落去嘅味道就真係 唔係咁好啦！ 連普通快餐廳都不如，但係收嘅價錢就68蚊一個 唔包嘢飲，嘢飲另計。 本來好肚餓嘅，但係都夾硬食。 我嗰碗飯就唔係好夠熱，汁又唔夠，燒鵝冇甜味， 乳豬皮又有啲靭 。食完之後， 我同老公都覺得完全名過其實， 聽人講話個主廚喺出名嘅，點知令人好失望。而且價錢仲要唔平，下次都唔會再幫襯 ！呢個價錢喺馬鞍山仲可以有好多好嘅選擇啦！！

My families and I went to a restaurant called “KITCHEN ONE ROAST GOOSE” (大壹燒鵝) located in Shop 7-9, G/F, Block N, Phase 3, Sunshine City Plaza, 8 On Shing Street, Ma On Shan馬鞍山鞍誠街8號新港城3期N座地下7-9號舖.Affordable tea time sets are available when we arrive this restaurant at afternoon!!Tea set 下午茶 （14:30-17:30）.‘’BBQ meat combo noodles tea set‘’雙拼燒味粉麵HKD$45 ( with a free drink 配一杯免費飲品）I chose the char siu(叉燒），pork hock （熏蹄）and rice noodles (瀨粉）...Loveeeeeeee the pork hock!!!..Tender, juicy and soft!!ou

星期六晚上，路過見到有間專食燒味店，見到燒味是在店內設有大燒爐，即場燒燒味，感到好新鮮，不是運送過來的。今晚就一於去試下，但6點半已經門外排隊，吹一陣風先，等了一陣。坐的位置麻麻，地方潔淨一般 ，晚飯要搭枱，多麼奇怪，員工態度也一般。下午茶款式少選擇。然後叫了碟燒鵝，义燒太硬，不是半肥瘦义燒，味道唔夠，唔香口，油雞胸味道淡， 乳豬唔錯 ，燒味味道一般，有點失望的感覺，燒鵝味道不夠，叫餸味唔錯，咖喱雞好味。

傳說中有間燒鵝飯極好食，在馬鞍山這美食沙漠的！就是呢間位於新港城地下的大壹燒鵝喇門口掛哂隻隻肥美的燒鴨，好想食呀!!燒味飯5十幾至60蚊，加12蚊有個湯，中湯極濃郁，材料豐富，燒味店的湯特別足料，因為好多肉喺入面。招牌脆皮燒鵝飯登場!! 個皮是靈魂呀，勁香脆，有煙燻過我香氣~!皮的底層沒有大大舊的脂肪，大概是脂肪都變成了液態的鵝油了，吃起來份外覺得JUICY美味！每一口脆皮咬下都會有Ｄ濃香的鵝油溢出，齒頰留香，好想日日都食呢碗燒鵝飯呀!食慣好野的老公，話只吃燒味飯做晚餐硬係唔夠滿足，要叫番D醒神的菜式先可以成為完美的一個晚餐~就叫左呢個鐵盤焗大蜆!!真係好大隻呀!剛剛好熟，非常多汁甜美，冇沙，好好味!!最後仲要GO GREEN，加個蒜蓉炒白菜仔，營養均衡D~~~食咁多野都係2百蚊鬆D，下次絕對絕對會再黎! 

今日去馬鞍山探朋友諗住同個朋友食午餐，估唔到被視為美食沙漠嘅馬鞍山都有一間以燒鵝為名嘅餐廳。朋友之前都食過都話好好味特登帶我嚟試吓。佢哋有午市套餐，我就叫咗個燒鵝髀飯。呢度嘅燒鵝係自家燒嘅真正嘅皮香肉嫩。燒鵝皮非常之脆一啖咬落去肉質慢慢流出非常好食。朋友另外點左油雞叉燒加鹹蛋，叉燒十分出色肉質好食，而且叉燒皮有小小燒焦，非常香口。另外我哋叫咗凍咖啡，凍咖啡非常香濃而且上面嘅咖啡粉增添左啲杯咖啡嘅賣相亦都令佢更加香。

馬鞍山呢間新餐廳，坐立喺馬鞍山嘅中央。其實剛開業沒有多久，奇就奇在日日都排長龍。究竟係啲乜嘢令到一間茶餐廳會排長龍呢? 今日大K帶大家去探過究竟! 準時六點半門口已經不少於五個人排隊。 七點開始更係一班人要等半個鐘頭先至有得入去坐。 想食好嘢梗係要付出代價㗎啦。既然佢叫個名做燒鵝一定係燒鵝招牌菜。 另外乳豬一樣係卜卜脆香嫩新鮮絕對係上等靚豬。講多無謂上枱一睇就知道有沒有。 頂級處理嘅燒鵝立立令咁樣放喺你面前又有誰可以抵抗這個 誘惑呢?同場加影，使用正宗巴西龍躉泡製酸菜魚一碟。 白雪雪滑捋捋的巴西龍躉背骨片到一片一片厚薄恰到好處。 這個中辣的水煮水，大K推介比有少少膽量同食量，又食得辣的人，那種刺激同味道絕對使你想再返來再食。同女神豪叫豪食都只是3百幾，香港地真係難找第二家了。

家住馬𩣑山的閨蜜從內地工幹後回港, 第一時間找我, 省卻她的交通時間, 我一於入去她的地頭傾個夠! 我們簡簡單單隨隨便便地找一家 燒味茶餐廳去醫肚選擇了這一家餐牌如下:主打是燒鵝, 大大隻整整齊齊乾乾淨淨吊掛在玻璃櫃內我選擇了至愛的皇牌叉燒, 無比驚喜, 熱辣辣香噴噴, 表層沾了蜜糖, 一口咬下, 軟腍適中多汁, 半瘦不肥, 無得輸, 必食馬鞍山小炒皇是閨蜜點的, 因為她比較喜歡吃香口的韭菜, 有腰果,蝦乾,蝦仁,魷魚,魚仔乾等 香口的配菜, 廚師火候較得好不太油膩, 但又炒得起, 看腰果顏色便知道, 金黃色爽脆香口, 鮮甜的蝦仁及滑溜的魷魚是我的至愛家鄉炒米 我打算叫白飯去送叉燒的時候, 閨蜜要求吃過家鄉炒米, 有洋蔥,韭黃,蝦仁,雞絲把主角米粉 炒了起來, 非常可口, 秒殺掉整碟米粉下次有機會再來我必定要再吃皇牌叉燒

今晚帶友人去馬鞍山食飯，見到有一間非常有特色的燒鵝店，剛巧友人太掛住燒鵝的味道。於是前往品嚐 餐廳非常熱鬧，絕對係一間熱鬧的街訪食店，無論接待點菜上菜都非常迅速，即使繁忙時間要等候一陣 都非常值得。先來必點燒鵝飯 雖然燒鵝可以拼粉面 但是友人認為要配飯 燒鵝配淋上的醬汁 先食得過癮。 小菜當然都要炒兩碟 麻辣去骨口水雞 我非常滿意這碟菜！ 份量十足 去骨後啖啖肉  又麻少辣 食得真係好爽見到餐牌都有避風塘系列 於是便試試軟殼蟹。果然，沒有令我失望，避風塘軟殼蟹火候味道都恰好 食得我和友人津津有味。 飲品方面 不得不提是 我非常欣賞食店的杏霜，並非每一家店都會有這個喝 友人一頓飯竟然點了兩杯喝 就知道you

一直聽聞大壹燒鵝小菜出名，難得於美食沙漠馬鞍山開店，當然要掹著家人一起試試！入到去見環境十分光猛，座位雖然有點兒迫，但也是舒適的見到燒味架上掛滿燒鵝，當然要點一入田來試試！大壹招牌燒鵝例牌（$118）質素果然不錯，燒鵝外皮香脆，肉質很滑，咬落有汁，而且有淡淡的炭香味，有大酒樓的水準另外點了大壹炒飯，炒飯十分香口，飯粒分明而且乾身，食落不覺油膩， 十分不錯！配料用鴨肉、蔥、蘑菇等，雖然配料簡單，但這類炒飯十分考師傅的功力，很易會有油膩感覺在點了大壹小炒王，這味菜十分適合送飯，炒得香口，而且十分多料，有魷魚、炸芋頭條、鴨肉、果仁等，必點！值得推薦這間小菜店！

今晚兩個人落樓下食晚餐，嚟到大壹燒鵝。之前聽朋友話，燒鵝同燒腩仔都新鮮出爐，一行到去都見到有街坊等緊位，好彩等一陣就到我哋啦~我哋叫咗燒鵝叉燒瀨粉、香煎墨魚餅同銅盤焗蜆。本身想試埋燒腩仔架，但喺師傅話燒緊要等下，唯有下次先食啦~燒鵝同叉燒賣相都好靚，肥瘦啱啱好。而墨魚餅一碟有8塊，啖啖墨魚肉仲有馬蹄呢。焗蜆就有少少黑椒味，送飯食就啱晒啦。仲叫咗我鍾意飲嘅咸檸檬七喜！呢度嘅份量都好大碟，兩個人食到好飽呀！

喺馬鞍山，一直俾人認為係呢個美食嘅沙漠，但係大壹燒鵝就扭轉左一個困局。呢度都幾近新港城，出咗新港城行一兩分鐘，就可以好快去到大壹燒鵝。仲以為現今香港嘅情況餐廳會好少人，點知呢間第一笑我就全場爆滿，仲有人等緊位，可想而知呢間食肆幾咁犀利。嚟到大壹燒鵝，梗係要試吓啲燒味啦，聽聞佢嗰個燒味師傅係喺啲高級嘅餐廳裏面出嚟自己獨立開一間賣燒味嘅餐廳，所以一定要試佢啲燒味，你見到佢啲燒鵝同埋乳豬，掛晒喺入邊，一睇就知佢係即刻燒俾我哋，唔係喺某D地方運過黎加熱嗰啲次等嘅燒味。我叫咗個燒味雙拼，雖然都唔平，但係為咗食佢嘅燒鵝，又食到佢嘅燒乳豬，加少少錢都值得嘅。先講下最出名嘅燒鵝，皮脆肉嫩，真係一絕。層皮一般好多油，但佢啲皮啲油已經燒走晒，入口好正好正。燒乳豬都係超級好食，一般我哋平時去飲宴嗰啲乳豬，啲皮雖然脆，但係冇乜乳豬味，淨係得個個脆字，一啲都唔好食。但係大壹燒鵝嘅乳豬就好脆得來仲要好夠味，食落口嗰啲甜甜地，唔係甜醬咁簡單，而係佢燒嘅時候技術真係好好，食落去仲有啲與眾不同嘅感覺，一定要試！最後呢個銅盤焗蜆，又係必食佳品。我喺其他地方食咗咁多嘢，都未曾見過呢款菜式。佢入邊係好似有蒜香嘅味道，同一般嘅

馬鞍山新港城三期地下開了間茶餐廳，開張時大排長龍；旣然期待已久要試，就擇日不如撞日入去碰碰運氣啦！好彩時間尚早，不需等位。但隨後已陸續坐滿曬人。大壹燒鵝脾义燒雙併飯燒鵝肉質嫩滑不乾身，食落 juicy 又惹味。义燒是半肥瘦，又淋又滑；就算厚切亦不鞋口，是我至愛。拔絲咕嚕肉以梅頭豬肉切件再沾上薄薄脆漿，固外表炸得很脆很香，而豬肉咬落非常淋身和啖啖肉，完全無骨。最重要的是果個酸甜汁味道適中，芡汁亦不太濃，剛好把炸肉掛上做成拔絲效果。值得一提是配料全不馬虎，採用新鮮菠蘿、無花果和蕎頭；能幫助增加食慾。蒜茸白菜仔D菜仔洗得乾淨食落冇沙，而且炒得很有鑊氣，油水足。]]]]]]]:11]