大榮華酒樓

營業中

休息中

今天跟母親大人shopping據她報稱元朗大榮華酒樓質素不錯，便跟她上去嘆個午茶。這是樓上店，步入大門，即見環境還挺擠迫的。有位坐低後，即刻看點心紙都幾多選擇最後，點左蒜泥蒸魷魚，馬拉糕，西生菜，蓮蓉包先來西生菜與馬拉糕，然後母親出去拎左碟腐皮豬肚 西生菜很好食，好入味，應該有落麻油，因為好香。相反，馬拉糕就‥‥一點也不好食，凍的 真的有點兒失望，因為我最愛食馬拉糕 幸好，腐皮豬肚幫他挽回不少分數，很讚 最後，蒸魷魚同蓮蓉包一同送上，魷魚還算不錯，蒜味好夠;蓮蓉包就皮差餡正不太好食。最後埋單九十幾，其實也不太化算

同朋友去完錦田摘士多啤梨, 見咁近元朗, 就慕名來到大榮華. 我地見到order紙上既餸就樣樣都想試. 最後4個人竟然叫左 6樣餸. 金沙蟹粉扒西蘭花: “金沙”即係鹹蛋黃. 用鹹蛋黃同蟹粉煮西蘭花, 食落有鹹蛋”鞋鞋地”既感覺, 個汁又多蟹肉, 個人鍾意食個汁多過d西蘭花.鮮腐竹蟹肉菜羹: 味道鹹鹹地, 都ok, 但裡面竟然有好多碎蟹殼. 食既時候要好小心, 如果唔係真係連牙都咬崩. 燒腩仔: 有好多肉汁, 層皮仲好脆好香.五味雞: 隻雞都幾多肥美, 而且仲好入味. 唔駛點豉油同薑蓉都夠味.炒長遠: 見個名咁特別又出名, 就叫來試下. 但原來只係炒粉絲. 馬拉糕: 見到每一枱都有叫, 心諗唔通真係咁好食? 雖然已經好飽, 但都叫來試下. 佢係即叫即蒸的, 上枱時真係熱乎乎, 聞到好香. 咬落去好軟綿綿. 成餐最好食就係佢! 因為我地實在太眼闊肚窄. 搞到好多野都食唔晒, 成半碟雞要打包! 下次要同多d人來食先好.

既然過得元朗,點會唔去咁出名既鋪呀?叫左4碟野食,另外,雖然自己一個人,檯亦未坐滿,但老酒家嘛,搭檯都正路既。首先黎既係蝦餃、燒賣同水晶飽(先講服務呢環,佢好得意,20分鐘後未到就要聯絡服務員,但佢地本身就已經打成一片,傾下傾下就過晒了XD)蝦餃既澄麵同蓮香樓一樣咁黐,但係佢係用兩三隻蝦仁落去,連筍尖都俾你見到,証明好足料,燒賣切肉都大大舊,而水晶飽既奶皇都唔係好滯,足夠讓我食到最後黎既蝦米腸.....佢煎得都好香夠脆口,但個人更欣賞佢先落麻醬+芝麻豉油.....個水仙成十一蚊,但係都唔係寡,一飲就唔見左半壺.....

我公司在2月28號搞咗一個挪亞方舟一日團,經由發達行辦團的,其中安排在大榮華吃飯....大榮華有2間,一間係元朗,另一間係九龍灣,我都是頭一次幫襯,只知道此店是由肥韜開的導遊叫團友乘電梯按2字,一出lift,咦...似住宅...唔似酒樓,原來安排團友去其中一個單位吃飯.此單位不算大,不過也可以坐五圍枱的人.大家依指示按枱號坐下後,就將碗筷用熱水洗一洗,我隻碗唔知搞乜,越洗越滑散散既感覺,再洗都冇用,後尾放棄叫侍應換過一隻....搞咩 ....咁dirty講番我們團餐吃的是什麼....是九大簋,但是什麼菜名,真係唔係記得太清楚只記得有雞 - 個個話幾好味東坡肉 - 聽D朋友講,都唔錯,我冇食,不發表意見蝦 - 比較細隻,不過都幾入味鯪魚球 - 大大粒,唔腥,味道OK炆冬菇 - 冬菇夠大隻,厚身...好味道蕃茄豬扒 - 同我阿媽煮既差不多鴨定鵝 - 冇影相,冇吃,朋友既意見係.幾好食,食咗幾件馬拉糕 - 飯後甜品,本來冇打算食,後尾聽D團友講,馬拉糕係好出名,咁...就試吃了,果然....真係幾好味,到最後當然吃晒.白飯 - 肥韜話呢D係粘米,所以特別好食,再加埋此店既豬油撈飯,真係好正.

元朗 抵食, 好味. 所以再來幚襯. 5 pm 入坐.2 人叫左~ 每碟 $551. 香茜燒米鴨: 隻鴨有味的, 但無 mug 香茜味, 佢皮唔脆. 不過公平d, 圍頭菜既鴨, 唔系食脆皮的. ok ga.2. 乳香酥炸生蠔: 炸粉好厚. 一d 都唔得鬆化，生蠔算新鮮.3. 陳皮豆豉蝦: 呢碟超抵食. . 蝦新鮮. 大碟. 如果用豉油抄重得我歡心. 讚! 會再來.

早幾晚一行三人去左元朗大榮華食飯, 點左拖地义燒, 酥炸生蠔, 砂鍋紅酒燴牛仔骨, 咸酸菜蒸金錢鱔同埋咸蛋蟹黃扒菠菜。先上拖地义燒-- 肉質尚算ok但其實應該叫'义燒麥芽糖', 甜到嘔, 淨係食到好厚嘅麥芽糖, 食完糖尿病.咸蛋蟹黃扒菠菜--係底嘅菠菜仲成碟水就pat個汁扒係面, 但係個汁又唔啱味, 淨係食到好多咸蛋lor唔好話蟹黃, 蟹柳碎都唔見有!早知叫上湯浸可能無咁失望 !砂鍋紅酒燴牛仔骨--佢地d牛仔骨乸到無牙阿婆都食得!咸酸菜蒸金錢鱔--鱔真係有鱔味嘅, 不過食唔到其他味, 刀工好, 真係切到金錢咁薄.酥炸生蠔--無心機再寫, d粉厚過石屎, 成底油係個碟, 叫油浸生蠔就差唔多, lap sap !

已經不知不覺連續五,六年的大年初一夜飯選擇在大榮華,價錢由來$38一碟.食到現在的$55一碟,食咗咁多年都已經無乜新鮮感,不過又好過周街的酒樓全部都要食指定餐,所以繼續選擇大榮華.當日波士頓龍蝦$160,足一斤四兩,加伊麫底+$20,在當日計真的好有良心波蘿生炒骨就粉太厚,其他都ok不過不失,但最失望就係隻雞因為五味雞食咗好多年,而今年見到有樣新款雞就試吓,"麥芽桂花雞"點知放落口佢只不過係一隻超級平凡ge鹽焗雞於是問職員有冇攞錯餸,佢堅持無錯,再問經理,隻雞同鹽焗雞有乜分別,枝枝咗咗一論結果係無,原來雞都怕改錯名,其實隻雞唔係咁差,不過就因為個名令到我有點失望,哩隻係第一隻由個名形响我味覺 ge 雞

喜歡吃豬油撈飯的人, 相信一定去過粗菜館。而大榮華由於位處元朗, 未必有人會山長水遠去吃一碗豬油飯, 吃過的人, 又往往把它「神化」了, 覺得粗菜館的不能與它相提並論。其實呢, 兩種豬油撈飯, 相距甚遠。雖然我一向鍾情粗菜館的豬油, 但也想不偏不倚地, 指出它們的分別。親身去試過大榮華的, 它的確是人們所說的「燒豬油」, 燒豬時所滴下來的油, 燒臘味道頗重, 撈飯的效果, 有點似臘味飯。建議不要下太多豉油(雖然樽身寫係頭抽), 因為會過鹹。相對來說, 粗菜館的豬油, 就是豬的油脂, 本身沒有鹹味, 只有油香, 吃時淋多一點豉油也無妨。如果你喜歡食臘味, 自然會覺大榮華的豬油吸引, 但個人就覺得粗菜館的比較獨特。在大榮華, 同場又吃了雞油豆苗、黃酒薑蔥雞和家鄉芋泥。豆苗好吃, 夠油(第一次見到雞油豆苗會有舊「雞油」), 雞就好差, 酒味不足, 半隻雞竟然沒有髀沒有翼, 有點呃秤。家鄉芋泥水平卻極高, 又香又好味, 口感亦一流, 難怪見到員工用膳也有吃此餸。

是日和家人去大榮華食晚飯, 不用等位, 叫了四味餸,一個甜品:五味雞 -- 件件都好入味!咸旦蟹粉波菜 -- GD! 不但有蟹粉, 仲有好多蟹肉!栗米扒脆豆付 -- OK, 豆付都好滑!梅子鳥頭 -- 魚有黃油, 不錯!馬拉糕 -- 好味, 但不是每件都一樣大件下次會再去食~~

回想第一次見女友父母，是去年的團年飯聚，地點是元朗大榮華酒樓，記得當日身體抱恙，而且心情緊張，表現相當被動，幸她父母友善健談，絲毫沒有長輩的架子。一年已過，為慶祝女友爸爸的生日，再次來到大榮華，偏偏我又患上感冒，莫非滔滔同我的八字唔夾？今餐飯由女友爸爸發板，先來的是「大班兩味」的西芹炒班球，切成段的西芹入口爽脆，用油不多，班球也炒得香口，肉質夠嫩，但魚骨較多，吃時要小心一點。頭抽蒜片煎生蝦，由於下了頭抽，蝦色水靚，夠新解，味道鮮甜，是簡單又討好的菜式。緊接的薑蔥枝竹生蠔煲及南乳蓮藕木耳炆腩仔都不合我的口胃，只好淺嚐，前者枝竹炆至腍身入味，生蠔數量不少，亦算肥美，算是交足功課；後者蓮藕下得不多，入口也不爽，味道古怪，而腩仔肥瘦竟近九一比，脂肪比例極高，相信不是人人都敢放入口。此時侍應奉上「大班兩味」的香茜豆腐骨湯，湯底下了魚骨煲，以香茜辟了魚腥，味道份外清甜，加上入味的豆腐及皮蛋，不需上乘食材，也可以炮製美味，正正是圍村菜的特色。一場來到大榮華，不可不試其馳名的豬油撈飯，先下一滴豬油，再灑上頭抽，撈勻後，飯粒盡是精華所在，單是這樣已可吃光一碗白飯了。至於柱侯牛腩炒手打麵，牛腩炆得不夠腍，

零九年一月由一月的大榮華團年宴說起，農歷年前後春茗、團年的單接不停手，老自號酒家不愁沒客路，他們一晚可做兩～三輪客，找他們寫菜及包廂房，若非付上宴席特別價，老經理多一副愛理不理態度，還幸三顧草蘆下，老經理覺得來吃的大伙兒誠意非淺，遂安排了二樓的廂房給大家高興歡聚，而收的費用亦合理，每位$220，能嚐到出色的炒長遠，沒下油卻能以上湯弄出味豐清爽的炒粉絲，看似清麗，卻有著上湯的鮮濃味，軟柔不粗實在難得，還有圍村盆菜豬肉與及千層馬拉糕，是叫人回味的圍村味道。

今天下午入白泥郊遊. 元朗 咁出名, 今次終於可以試下. 2 人點了 3 個$55 圍頭小菜:1. 圍頭五味雞.2. 雞蛋焗魚腸.3. 蜆介炸鯪魚球.+ 砵仔飯$9. 可自制豬油撈飯.1. 圍頭五味雞~ 每一枱都order. 無他, $55 成隻雞比晒你. 當然一定系冰鮮雞, 但味道幾好, 似豉油雞, 但甜甜地同有香味.2. 雞蛋焗魚腸~ 我覺腥. 一試無訪.3. 蜆介炸鯪魚球~ 它是我至愛, 彈牙, + 上蜆介! '好意思' 好好食. 3 樣都好大碟, 望下隔離枱, 人地D 野又系好大碟 Wor~但, 砵仔飯就好少, 飯剛剛到砵底.....好似好珍貴咁, 飯真系好少, 要再叫. 豬油撈飯. 對未到40 嵗, or 富貴人家來講, 確系好新奇,新鮮既野黎既. 重有, 裝豬油果個樽. 我就有點意見. 咁樣求奇用果汁樽裝裝豬, 個賣相都倒胃, 難引起食慾...............希望會改善下啦. 抵食, 有機會 會再來. 不過要早!假期, 若要大枱 4:00pm 要來攞位登記, 好誇張 ga.未到 7 pm 的人, 幾拾人巳企滿樓梯.我地 2 人 ,

我说：“我有多久没吃过这么难吃的菜了？”Qing说：“难道我们在忆苦思甜？”用一个字形容：“粗。”我们的结论——这是在香港最失败的一次觅食经历。 想就近找家餐馆吃新年饭，搜索到元朗的大荣华酒楼，高居openrice香港餐厅排行榜66位，为元朗仅有的两家进入百名榜的餐厅之一（另一家是甜品店）。而这个“荣华”，跟香港电台或车站广告中经常出现的、做“荣华腊肠”的同属一家。 元朗属新界，街面热闹，各类小店密密层层，地摊货居多，类似内地的乡镇。走在街上，人流密集，很有过节的感觉。 到了酒楼。楼梯上长长的队伍，我们拿到103号，喊号不过到29，于是下楼逛街。 在街边吃了油炸青椒酿、豆腐酿和茄子酿；又竟然发现“八方云集”饺子店，赶紧买了碗面线。看到路边一个花店，普通大小的盆栽植物只要30块左右；说起来，超市里的仙人掌小盆景都要卖到40呢。这样小小逛了一圈，再回到荣华，已经喊号到99了。 从99号到我们的103号，却等了大半个小时。我们6点半拿到号，在桌边坐下时已经快8点，后面还有不少人排队，可见生意之旺。 荣华是以“围村菜”出名的。所谓围村菜，就是香

昨天晚上同媽媽嚟左呢度慶祝佢生日,一行十二人,一早訂左5:30pm,但一定要齊人先入得,不過我們差幾個人都俾我們入左,未夠六點,成條樓梯及入面都係人,好誇張,我們坐二樓,就靜d,舒服d,叫左九大簋大的套餐,都好抵呀,888有九樣野.五味雞-雞都幾好,但我食唔出有幾隻味燒鴨一隻-好味,唔算肥幾多肉冬菇-好大隻冬菇呀鯪魚球-冇食不過都幾大粒生炒排骨-有些紫薑好味,洋蔥等,排骨都好味炒粉絲-冇食,不過佢地話好乾芋頭扣肉-好味,芋頭好淋,扣肉都好入味豆豉蝦-呢個可成隻食,都幾香口蒸烏頭-好味,都幾滑白飯一桶配豬油及頭抽一支水晶飽-呢個都好好味,好多奶皇,又唔係好甜麥米粥-好味呀,都好多料,但唔算太甜呢度只收現金,不過服務又唔算差,我地叫佢收野,俾袋及盒都好快及有禮貌呀.其實食物係普通野及都幾多油,不過間唔中食一次都ok.

It really isn't easy to get a table here. This is the second time I have tried to book and they have said the restaurant is full. So I had to use my contact, a friend who knows the owner well. I hate to pull strings but we don't often go to New Territories, so it was worth lowering my values.Everyone knows this restaurant for their Pork Oil with rice where you mix a steam bowl of rice in a clay bowl with pork oil and soy sauce. Since it is winter, we ordered a jug of Yuji water to share. It was