大榮華酒樓

營業中

休息中

✨惹味平價傳統圍頭菜✨.最近星期日約6點半，一行四人去咗位於元朗嘅大榮華酒樓食圍頭菜，當時大概8成滿座，雖然呢類咁傳統圍頭菜多數係上年紀人士先鍾意，但其實我都好鍾意食😋貪佢惹味邪惡好送飯(✽´ཫ`✽).當日仲見到老闆食神韜韜，好驚訝佢瘦咗超多，佢仲走黎推薦啲菜式比我哋！本身想合照但我怕醜又黎唔切反應🙈.大榮華圍頭菜確實好好食，而且價錢相宜食咗咁多野都係人均$150，環境亦做到真正嘅傳統懷舊感，不過就同健康扯唔上咩關係，每道都非常油，而且都幾重口味同味精，亦因為每道都係咁，所以下邊唔每次都提及🙈.▫️圍頭五味雞 $100（7.5/10）見幾多人推薦，肉質好嫰滑而且入味💓雖然只有半隻但絕對唔會骨多肉少ദ്ദി ˉ͈̀꒳ˉ͈́ )✧.▫️腐乳通菜牛肉 $100（7/10）炒得夠鑊氣，牛肉亦入味口感都幾軟腍，係幾好食😋如果腐乳味再出啲更正！.▫️花膠雞絲魚肚羹 $100（7/10）估唔到又唔錯，早排食咗另一間價位貴少少嘅酒樓同一道菜，但大榮華更好食.▫️燒汁茄子牛仔骨 $100（8/10）有驚喜！平時啲牛仔骨都好韌下，但呢間相對好軟腍易咬，加埋炆得夠淋嘅茄子真係超級好送飯🥰.▫️蘿蔔牛筋腩煲 $100（6/10）呢

早幾日男友話想飲茶，而我又bookmark左呢間老字號好一陣子，一於去試吓～禮拜六12點去到兩個人等咗20分鐘左右先有位～我哋叫咗三樣嘢發覺全部都係飽肚野😂 所以諗住唔夠先再加～❤️雞蛋煎年糕💰2️⃣9️⃣我地突然好想食年糕😅雖然我地都prefer無雞蛋，但無呢個選擇🙈年糕口感煙韌，甜度適中，非常唔錯👍⭐️奶皇馬拉糕 💰2️⃣9️⃣聽講係招牌，但係失望🙈糕係鬆軟，但基本上只食到超級輕微既奶皇味…..只係一件超普通既糕點….(之後屋企人同我講夜晚好似係原籠一大盤蒸會好食啲🧐)⭐️避風塘炒麵 💰6️⃣2️⃣說好的避風塘呢？！😫極其量佢只係一個黑椒炒麵….完全零避風塘味….如果抱住食黑椒炒麵既心態去食佢味道正常，但如果係避風塘炒麵就完全唔掂😑整體失望….可能夜晚圍村菜先係佢地招牌😶有機會搵晚都會再黎試下既～

身為元朗人，大榮華CP 值高又好食，所以食左好多年lu~我老公每次黎都會嗌南乳吊燒雞，個南乳醬非常濃郁帶有酒香，冇得輸！雞皮非常脆雞肉都好嫩滑。另外今次試咗個新嘅餸就係冰川冰鎮咕嚕肉啦，估唔到好好食喎！外皮勁脆入邊啲肉好易咬開，醬汁酸甜味道適中，仲帶有百香果爆珠和藍莓，我仔差唔多成碟食晒😱跟住就係位位都會嗌嘅煲仔飯，嚟到自己到豉油同豬油，味道自己調校，我就習慣一匙羹豬油+1匙羹豉油。味道實在太香啦，成碗食晒好飽🤤

昨晚去了大榮華食朋友生日飯, 正在減肥既我心諗大獲了, 面對咁好味既野食, 邊有可能忍到口而且仲有我最最最鐘意食既鵝肝, 豬油飯, 黃金蝦, 就算其他菜式都係非常好味, 我心諗唯有食飽D, 聽日才會更有力氣減肥都有幾年冇去食大榮華, 但整體食物質素保持到第五波疫情前水準, 雖然環境仍然比較擠迫, 但綜合食物質素都不可挑剔了。 侍應招呼都不錯, 上菜既速度都非常快, 價格也相對怡人, 6月的朋友生日飯也計劃再安排在大榮華

五點55分到達大榮華，見可以六點入座唔使等，立即試下。肥滔親自埋黎推介燒鹅當然要試試。燒鵝特別在肉質不在味道，很軟很嫩， 酸梅醬味道也調配得很好。這個蟹肉腐竹菜羹味道也很好只是希了一點。陳皮豆豉蝦味道獨特，啜蝦頭有陳皮味，蝦殼有 豆豉味。這個茄子牛仔骨性價比高。

72년 된 딤섬집!!!!🛖홍콩 위안랑구 맛집👍🏻동네 유명한 딤섬집!!!딤섬집에 들어가서 점원은 다 정장입었어요🤵🏻‍♂️🤵🏻‍♀️ 동네고객들의 이름이 다 기억하고 인사합니다!😱😱관광객분만 아니라 동네주민 많이 추천 한 맛집!!!!시내 딤섬집 보다 전통한 딤섬종료가 다양하게 제공합니다!!!오늘메뉴:❤️-닭고기 왕만두 ❤️❤️❤️❤️❤️얼굴보다 큰 만두입니다!!! 이름이 닭고기있지만 돼지고기 화 야채를 포함해요!!! -양념 삼겹살 만두❤️❤️❤️❤️삼겹살을 전통 남우（南乳）양념을 찍어서 타로 같이 들어갔어요!!-돼지 강 쇼마이 ❤️❤️❤️❤️강을 아주 고소해요!!! 시내에 거의 못 보는 전통 딤섬입니다!*딤섬제공시간을 오후 1시까지입니다

前兩日去咗元朗呢間老字號酒樓飲茶，今次試左叉燒包、叉燒炒麵、豬腳薑同炸雲吞。原本想叫埋蝦腸但原來要十一點半前先有得食，可惜可惜….. 屋企人覺得d野食好正，我就認為不過不失啦。😋😌

細佬成日話去食豬油撈飯，其實我都唔知係乜，今日就出元朗一探究竟。大榮華酒樓憑外貌都睇得出佢有啲年紀，周未6:30pm 去到都要等左一個鐘先有枱，仲要有一半人到齊先只叫係開始比你等枱，到有野食到肚時都已經八點。大部份既菜式名我都唔記得左，睇返相估咋。叫左個生魚兩食，一食係豆腐魚湯，另一食係芥蘭炒魚片。魚湯一向多工夫，所以出街先飲係最方便既，魚湯好鮮甜，連豆腐都比我地食哂。炒魚片一向係我至愛，屋企食魚只係會係蒸同煎，所以我覺得炒魚片好矜貴，的確無令我失望，仲要係啖啖肉。馬蹄蓮藕炸肉餅炸得香脆，一份有八舊。魷魚炒菜心魷魚有啲少，仲有少少三色椒做配菜。陳皮豆豉炒蝦都好食，蝦唔會太細隻，夠鮮甜但無陳皮味。豬油撈飯原來只係白飯，自己撈鼓油及豬油，但又真係好好味喎。姐出街好少食飯只食餸既但都食左半碗豬油撈飯，豬油既威力真係不同凡響。食到咁上下仲叫左半份奶黃馬拉糕，家姐話佢個馬拉糕好出名，因為中間係見到夾左層奶黃，而且顏色同出面既馬拉糕都唔同，係好食好多喎。飲品方面本身都諗住飲茶就算，但見到佢一渣菠蘿檸檬(定係柑仔?)汁幾特別又試下啦，係真係有菠蘿渣架，倒出尼之前要搖均，唔太甜好清新我鍾意。每個餸都係

當日，我們一行3人走到元朗的南生圍！ 我們先去元朗 <大榮華酒樓>飲茶！這是一間老字號酒樓，更榮獲多年的米芝蓮推介餐廳殊榮！所以，難得她們由東區遠道而來，一定不容錯過！我們坐在近門口的第一枱！我們還有幸見到食神韜韜老闆！ (無影到他呀！)午餐：豬潤燒賣在香港酒樓已經買少見少， 豬肉加些少蝦肉，加上鮮美的豬潤，更加錦上添花！牛肉腸粉牛肉軟腍而腍滑，腸粉皮薄軟滑！煎蓮藕餅香口美食不可或缺！夾雜蓮藕碎，口感清爽卻不失彈牙，香口美味！腐皮卷經香煎後的腐皮，入口香脆，餡料富彈性又惹味！肉餅飯肉餅滿滿的，味道帶鮮味，白飯軟硬適中，加上豉油添風味！

當”滔滔易Fat”也瘦身, 連泉章居旺角店也要結業的時候, 我就知道傳統的事物和味道, 消失之快從來沒有估算過, 所以能吃的時候盡量吃, 將來不在也可以回憶起. 來到元朗朗的大榮華吃晚飯, 基本上沒有什麼改變, 除了價錢加了之外, 就是見不到滔滔, 但經典的砵仔豬油撈飯, 口感和味道十年依然如一日, 半固體狀奶白色的豬油與美味棧頭抽幾時經典的送飯配搭.鹹檸檬蒸烏頭的烏頭夠肥美, 用上鹹檸檬除了辟魚腥外, 也為其提供自然的鹹酸香味, 再加上陳皮, 與其烏頭的黃油結合, 味道層次豐富, 魚肉夠鮮嫩, 只是魚鱗還未除浄. 圍頭五味雞雞肉同樣鮮嫩, 就是煮得僅僅熟而得到的肉質. 用上花椒, 八角, 桂皮, 桔皮及草果伴以頭抽, 比起傅統豉油雞更添一份甘香, 亦提升其鹹鮮香味.燒味則令人有點失望, 乳豬外皮脆但欠缺油香, 吃起來乾得如薯片一樣, 缺乏口感上的層次. 乳鴿同樣肉質過乾, 咬起來沒有肉汁, 而且調味調得溫鹹, 就算不下淮鹽也受不了, 來到這裏, 還是集中點傳統的圍村菜菜式吧!

好多年前食過分店，無咩特別印象，感覺名過其實。今晚忽然摵起條筋想去食焗魚腸，walk in 總店唔使排隊好開心😊，而且食物有水準，老店出名係有原因。招牌砵仔飯，豉油豬油撈白飯真係絕配👍樓面叔叔仲貼心提示可以上咗菜先至落單叫砵仔飯，因為好快上，趁熱食。焗魚腸一上枱，香氣撲鼻，蛋面香脆，餡料豐富好濕潤，每一口都吃到甘香嘅魚腸，無一丁點苦味或腥味。中間食到好似麵包布甸嘅粒粒，諗咗好耐，終於醒起應該係油炸鬼👻家鄉釀鯪魚，一心只係諗住食屋企唔會煮嘅手工菜，都擔心會腥。但往往無期望下就會有驚喜，一上枱見到條魚咁肥美就知道好味。魚皮完整炸得好靚仔，趁熱食固然香脆，食到最尾攤凍咗都仲係好脆，尤其有魚鮨嘅部份，同食炸魚皮小食一樣咁香脆。鯪魚肉完全無碎骨無腥味，應該混合咗豬肉令味道更豐富，花生木耳增添口感。蟹肉豆苗其實都唔錯，雖然豆苗比較大棵，但都唔算老。只係另外兩個餸太出色，所以相形見絀😅落單時，樓面叔叔已經提咗我哋，馬拉糕係食完主菜先至上。食物份量足，本來食咗咁多嘢已經好飽，但阿姐一打開個蒸籠蓋，聞到馬拉糕嘅奶黃甜香，胃口即刻返番嚟。馬拉糕有三層，由外面到中心位都係咁鬆軟，好香奶黃味又唔太甜。食完勁滿

今日同一班舊同學一齊行山，之後梗係去食飯啦！話時話入夜後嘅元朗都幾多好嘢食，但講到圍飯，為咗可以一枱12人食飯，我哋最後揀咗大榮華酒樓食飯！拔絲咕嚕肉（$108）一份好嘅咕嚕肉應該將排骨生炸，然後淋上酸酸甜甜嘅醬汁，加埋菠蘿、三色椒咁就完美，今晚我覺得爭咗菠蘿🍍，有啲可惜蒜香金沙焗生蝦（$108）呢個鹹蛋味唔會好重，但係都非常惹味，金沙鋪滿成隻大蝦，剝咗殻之後原來都幾入味，但仍然食到蝦嘅鮮味，亦都非常之爽口彈牙👍豬油撈飯（ $11 ）呢間餐廳出名食咩？當然係豬油撈飯啦，我同buddies叫咗8碗飯大家share，瓦煲上，熱辣辣好鬼死正呀！小小分享：一碗好嘅豬油撈飯應該係一碗熱辣辣砵仔飯再加兩茶匙豬油，加埋頭抽咁就Perfect ！椒鹽九肚魚（$98）呢間酒樓唔會同你孤寒，九肚魚大大件夠晒攝牙罅，件件香脆可口，配合埋喼汁一流👌雞蛋焗魚腸（$98）一啲都唔腥，仲好有風味👍龍躉魚丸浸菠菜（$98）最初以為真係有龍躉😂😂😂，餐餐食濃味嘢唔掂喎，要清菜調劑下，中規中矩啦。甜酸酥炸大腸（$98）脆卜卜不在話下，佢洗得乾淨先係重點，食得安心又放心😌——————為食分界線——————大榮華酒樓 (元朗

完全不能接受的服務員態度七個人入座佢話見到八個人女服務員示就話見到八個人就要收八多個茶位之後原來酒樓仲有一個新規矩女服務員態度極惡劣的解釋坐我哋兩張四人枱就要收八位茶錢仲有女服務員講出另一個新規矩倚子上擺放袋都要俾茶錢的因為已經佔用了坐位不論任何年齡都要收茶錢所以就要收茶錢仲要比女服務員鬧簡直令人失望酒樓經理見到攣毛女服務員鬧人都當冇事發生

記得我ngjoin曾在元朗區居住一段短時間，長輩好喜歡帶我去大榮華飲茶，不過唔係現址那一間。今日老友帶ngjohn 去食好嘢，原來係去大榮華酒樓飲茶。本來好想食錦鹵雲吞，但係飲早茶未有供應。兩個人叫了六個點心，甜酸炸雲吞這個不錯啊，炸雲吞還是熱的，脆卜卜，放上甜酸醬好好味。豬潤蒸燒賣係我喜歡嘅點心，豬潤好大件又香又滑，燒賣啖啖肉，肥瘦剛剛好，好啱我胃口。鳳爪蒸排骨 排骨好稔滑，鳳爪又入味。蒜蓉蒸鮮魷 濃味得不得了，蒜香包裹着一件件的鮮魷，鮮魷還是爽脆的。鬆化叉燒酥 就有點唔係幾鬆化，酥皮比較硬，咬落去有點實。最後係雞球大包，個包真係有一個小湯碗的大，餡料十足有雞件、臘腸、火腩等，包皮粉質鬆軟，這個真是兒時味道，兩人邊食邊回憶細個踢波的往事，好滿足。

今日約左朋友飲下午茶, 2個人食幾件點心吹下水為主魚肉釀青椒,蒸粉果,蝦餃,鮮肉燒賣即點即蒸 先上魚肉釀椒,青椒釀滿魚肉, 魚肉鮮味彈牙 魚肉2面煎得香脆鮮肉燒賣夠大隻飽滿,肉質彈牙夠鮮味大粒粉果個粒好煙韌,入面有花生蔥同埋其他切碎既食材 口感豐富蝦餃個皮幾薄身,包住大蝦肉,咬開幾香 蝦肉夠大隻爽口服務一般,但係幾友善既,上碟收碟都快手元朗安寧路2-6號2樓平均消費$120評分8/10