大滿足 (已搬遷) 新店位置

都知道圖片只供參考，但都唔係咁貨不對辦 😡，應該得個蝦頭最近似囉，蝦身都有少少爽脆，免強可以，海膽先過份，得5粒仔，紫菜更過份「淋嘅」，拿上手都已經唔想食，佢仲要包得唔好，一路食飯粒材料一路跌 😩，食手卷都係喜歡脆身啫，飯就普通無特別。

海膽手卷食過幾間：有松板庫，勁回味⋯ 但海膽味都偏苦！今次試大滿足！正！👍🏻 海膽鮮甜無苦味！價錢只係$30好扺！另外仲食左個海膽三文魚了都好鮮好正 ($28)! 會再encore呢間！

葵廣興左好耐手卷，但平價半板海膽手卷就係最近先火紅。今日黎到葵廣就緊係買一份打下卡啦，＄30頂下海膽癮都真係唔錯。等左15分鐘，其實都幾耐，其間我去左其他鋪買野飲，都未等到件手卷，的確係太多人等緊啦。一拎到手，海膽有無半板我就唔知啦，不過每粒海膽略厭細粒左d喇，不過＄30既海膽都算係咁，一放入口，的確係口感好豐富既海膽，但味道就無咩鮮甜味。我無落到醬油，廢事com左佢應有既鮮甜味，但可惜落唔落都係無。＄30頂下海膽癮都ok既，但就真係無坊間所講好正好抵，因為食完又唔飽，又唔係特別鮮甜，去食個牛肉飯好過＄30仲有得找，仲要突登去排15分鐘，真係試一次就夠，睇下岩唔岩自己，而佢就唔係好岩我喇

呢幾日都好忙，所以到依家至有機會比返comment！🙇🏻🙇🏻🙇🏻同朋友去到葵涌廣場大滿足既時候，人龍已經非常長，人山人海的！我叫左海膽手卷，朋友叫左帶子海膽手卷由排隊到拎野食，等左15分鐘度，都算快店鋪設有立食區同調味料區海膽（半板）手卷 $29.99佢個賣相已經好正，好肥美既海膽鋪滿係上面，有廿塊海膽左右(特登數過😂)無咩海水味，但好重海膽既香味😋幾新鮮同大份，好抵食同我食過尖沙咀某間知名既手卷相比哩個贏幾條街🙈帶子海膽手卷 $38哩度既帶子勁爆鮮甜！😋好似去高級餐廳食刺身咁配埋海膽 成個口都係海洋既味道啊！雖然d料食幾啖已經無哂 去到後面只係食飯但質素好高👍🏻👍🏻性價比無敵如果去葵廣 一定要食啊！😁😁😁👍🏻

最近大家都談論的小食莫過於葵涌廣場的海膽手卷。最近某翻新左某啲部份，好多小食店進駐左。今日放工經過，就順便去食下。最有人氣的係係1樓的大滿足，$29.9半板海膽作招徠的手卷大排長龍。幸好閒日唔算多人，但都好多人排隊。小店唔大，小小的廚房隔離就係賣日本飲品的汔水櫃，價錢唔算貴，但選擇頗多。落左單等左約8分鐘就整好出黎。招牌牡丹蝦海膽松露手卷，賣相幾吸引，一大隻蝦拆肉，點上松露，再加上海膽，成個感覺好豐富。蝦同海膽好新鮮，松露都算有少少香味，還不錯。至於海膽手卷，雖說是半板，但感覺唔多，好單薄。但以$29.9的價錢黎講，係可以接受，而且海膽都算鮮甜。整體黎講，手卷味道不錯，飯唔算大嚿，海膽都足料，路經嘴饞可以一試。

早已聽聞葵廣小食多，食極都食唔完，依家就連本來是衣服店的地方都改為一連串的小食飲品店，今次要先開開眼界。葵廣出現得最多的店竟然是壽司店，而且價錢亦好相宜，套餐組合的壽司，每件有些不用5元，款式亦很多，琳琅滿目，我行到這間，見手卷不斷做，人流極多，就試試。目標當然是有半板海膽做成的手卷，見個個手卷上都有滿滿的金黃海膽鋪上，真係睇見都流口水，而且價錢都只需30蚊，係30蚊！！！一板海膽都要$89, 依家食兩個手卷都只需60蚊，真係超抵。人流多，等是常識，但我都只需6，7分鐘左右就有，附近有一個吉舖放了壽司鼓油，更有一支是已混合芥末，非常方便及細心。主角到！！！海膽手卷好厲害，真係半板海膽刮到手卷上，而且有青瓜絲及少量沙律醬，減輕膩感。海膽口感夠凍，夠creamy, 雖然每隻尺寸小，但無苦澀味，海水味豐富，分量多亦增加口感。飯不算熱，室溫，但不太黏，食一半時有倒塌的感覺，後半變得快食。紫菜相對沒甚味道，不過不失。如果海膽食得慢會有微融和感覺，其實這樣更好，可更融入飯內，更好味。性價比非常高，如果住附近都可不時一食回看單據上寫29.9，但我一直覺得是30，因為付100元找我70，溫馨提示這店如

心血來潮即興黎試手卷，見唔少人黎食半版海膽手卷，所以我都要黎試下先得。等左2x人先到我地，其實等左唔係好耐，因為野食都出得好快。又有立食區，望望廚房都幾清潔，手卷款式都幾多，第1次就更係試海膽喇。海膽細細粒，唔覺苦，夠凍，不過唔覺海膽味飯都算幾多，幾驚d飯係熱紫菜唔脆，但都算ok喇！另外唔記得乜蝦海膽松露手卷，蝦頭好大隻，蝦肉一般，可一試，下次可以試下全隻軟蟹手卷，唔知係咪真係全隻呢？

呢日假期黎到小食天堂葵涌廣場掃街！由於之前見到有媒體報導話有幾間手卷都集中係葵廣，又咁岩見到呢間手卷店新開張，就打算試下佢。一去到就已經大排長龍，見佢有幾款手卷都做緊promotion，都係$29.99，於是決定叫海膽手卷同牡丹蝦海膽拼黑松露手卷。落完單後，起碼等左30分鐘先有得拎手卷...立食黎計，都算等得耐。海膽手卷一拎上手都算吸睛，份量大概有半板海膽左右，整齊咁排左五行。而牡丹蝦海膽拼黑松露手卷就連蝦頭放係壽司飯面，連埋一行既海膽。可惜，樣就好睇，但食落就出事。海膽雖然creamy，但係就丁點鮮味都無，有部分仲有些少苦味。青瓜絲幼得可憐，完全無口感亦唔爽甜同清脆。最敗筆係個壽司飯: 從相片都可以見到，壽司飯係超級鬆散，一路食，啲飯一路跌，而且又無壽司醋既味道。圍住手卷既個張紙巾，薄到透，豉油沾上紙巾后就痴住塊又韌又難𡁻既紫菜。 手卷價錢雖然比坊間便宜，亦預左刺身都唔會特別有質素，但最基本既壽司飯，我認為有待改善，否則唔值得浪費時間排隊。

葵涌廣場確實是一個消磨時間的好地方！繼頂層的小食果汁店後，2樓都有日式壽司、自助乳酪、台灣豆花進駐～店舖位置起眼，人龍相對亦多。購買完食物後需憑收據號碼領取食物，等候時間都不算太久～提供多款不同手卷、丼、刺身選擇。旁邊亦有冰凍的飲品如日本酒類、紙包飲品、罐裝飲品等等..........海膽三文魚手卷 - 海膽排列得有板有眼，味道淡淡，不過尚算新鮮～三文魚薄薄的舖在紫菜飯上，味道一般般！紫菜夠脆，豐富了口感～

睇完網上雜誌介紹，見到幾間手卷店太吸引，今日揀左大滿足後黎試。超多組合的手卷，材料豐富到爆，最特式最吸引就係海膽手卷，因為用半板海膽，另外仲有一板海膽。C01海膽手卷（半板）$29.99睇下d海膽幾多幾抵食，多到爆出黎，果然$30有半板海膽真係好抵。不過味道就要食過先知。先食啖海膽，好軟滑好綿，味道唔算鮮甜，不過都易入口。但扣分既係d海膽有d腥腥地。加左d醬油食，味道好左少少，腥味都仲有d。整個手卷得個面係海膽，中間全部都係白飯，所以大啖食落去先得，唔係最後只可以食飯。C24海膽三文魚手卷$28當然有其他組合，友人食既係有三文魚，但海膽份量減半，同樣抵食。三文魚肥美新鮮，入口魚油香滑，加左醬油更美味。也夾到海膽，不過海膽都係有d腥。每人$28-30就有海膽手卷，的確好抵食，不過海膽就有d腥，可能甘岩個板唔夠好味，但其他材料都好味又吸引。但味道尚可，有機會試埋其他材料組合。

首先我要解釋點define伏呢隻字。咁平既手卷，我既要求只有一個，就係唔腥。所以只有笑ＯＲ喊，無ＯＫ揀。呢個半板海膽手卷，頭半份啖啖海膽。ｄ海膽夠凍，唔腥！而且有好微既青瓜味。而店方無講明係用上邊度既海膽。紫菜又未至於完全淋哂既，但脆度嚴重不足。而食到得番飯就覺得齋得濟，好在佢有好多唔同味既醬汁比你任加。

同朋友去左葵芳行街，發現開左間新店。29.9海膽手卷，見企系旁邊啲人系到食。個手卷已經好吸引！等左陣，好快有手卷！個海膽手卷非常好味，好鮮甜好滿足！有左小小青瓜絲，好清新實在太好味啦！希望呢個價可以keep住！薄利多銷，我會多多支持最緊要，新鮮整，紫菜好脆，不得了打完呢個食評已經好想再食

今日放工見有時間諗住去啖下30蚊海膽手卷，去到見到原來30蚊半板，但68蚊有一板，於是費是煩，叫左一板海膽手卷同牛油果炸蝦卷，外賣。返到屋企滿心歡喜咁打開個海膽手卷，出事啦！得四排，咁叫一板？咁半板咪得兩排？佢咁似呃緊我未見過一整板嘅海膽囉....講下味道，唔腥。但亦唔覺得有海膽嘅鮮味。但一分錢一分貨嘅情況下，可以接受。我係十分之唔接受哩度叫一板啫！！

葵廣手卷店愈開愈多... 今次又黎試新野...三文魚腩手卷:三文魚腩非常厚!鮮味雖然不及日本當地的新鮮但完全收貨...香蔥吞拿魚腩手卷:中等水準... 海膽手卷(半板):吸引幫趁的理由!!!非常抵食!!海膽真係好易變得唔新鮮... 但你見佢仍然水當當... 點能夠唔比5粒星

今日同男友有目的咁黎葵芳行街，目的就係想食下最近係網上瘋傳既（半板）海膽手卷 講到又平又抵真係即刻試下。一落到葵涌廣場2樓就見到大大張海報，仲唔係你？拿拿林衝去排隊，岩岩買果時冇人排隊買，只係等攞手卷既人多，約等3X張飛到。橫掂要等就諗住行下喇，先發覺網上報導果間係另一邊 真係超白痴。。。但都已經買左喇，唯有一試究竟，下次先再挑戰壽司X喇（我地呢對情侶真係好傻仔ar）等緊之際人流都越黎越多排隊。。。唔知係咪同我地一齊都係去錯左餐廳呢？等左約15分鐘到就到我喇相賣真係超吸引 左 - 海膽手卷（半板）$29.99海膽唔係大size，但份量真係幾多，而且海膽粒粒都好完整。海膽食落冇奇怪既味，幾新鮮始終唔算係d貴價海膽所以食落唔算好濃味，$30可以食到咁多海膽真係幾抵。右 - 牡丹蝦海膽併黑松露手卷 $29.99唔係講笑隻牡丹蝦真係好大隻！ 黑松露醬味道好香濃，食完口腔會留有果種濃香味道牡丹蝦好厚身食落好爽口配上黑松露真係好夾！呢2個手卷真係冇得輸 錯有錯著地食到好野！開頭唔知芥辣豉油會咁(公)鼻我仲起勢咁加，食完上面d材料一咬落飯度超(公)鼻，真係差d濁親，唔止我係咁喇格離有個女人都同我一樣