更多
2021-04-22
1962 瀏覽
聽講Hotel Icon既buffet出名好好食,但我地一直都未試過,反而去左酒店入面一間中菜廳 「天外天」飲茶🫖。🍖 巴馬火腿咸水角 ~ 3件 (價錢: 68)除左巴馬火腿,咸水角本身既餡料都頗多,外脆內軟,仲有煙靭既口感。🦀 陳醋蟹肉蛋白餃 ~ 2件 (價錢: $78)廚師將陳醋製成數粒放系點心上,非常精緻。🦞 金箔松露龍蝦餃 ~ 2件 (價錢: $108)金箔同原片松露顯得點心多一點貴氣,龍蝦相當爽實,可惜即使咀嚼原片松露,但松露味都唔夠突出。🦐 筍尖鮮蝦餃 ~ 4件 (價錢 :$62)蝦餃中規中矩,蝦肉爽實。🦪 脆皮海膽豆腐春卷 ~3件 (價錢: $78)春卷外皮非常脆口,但小編食唔出海膽味道,而且唔太習慣春卷餡係豆腐既軟稔口感,比較鍾意食返往常既厚實餡料,如蝦春卷。🥩 酥焗黑椒和牛包 ~3件 (價錢: $88)黑椒味頗重,同時用左雪山叉燒包既外皮,和牛包面脆面層甜甜的,可以一試!🥧 原隻鮑魚雞粒撻 ~ 每件 (價錢: $68)鮑魚口感剛好,唔會太林亦唔會過硬,雞粒撻則味道普通。🍝 乾炒肥牛肉河粉 (價錢: $228)乾炒牛河幾有鑊氣🔥,雖然偏油,但因為夠熱,所以都覺得好好食😋
🍖 巴馬火腿咸水角 ~ 3件 (價錢: 68)
除左巴馬火腿,咸水角本身既餡料都頗多,外脆內軟,仲有煙靭既口感。
🦀 陳醋蟹肉蛋白餃 ~ 2件 (價錢: $78)
廚師將陳醋製成數粒放系點心上,非常精緻。
🦞 金箔松露龍蝦餃 ~ 2件 (價錢: $108)
金箔同原片松露顯得點心多一點貴氣,龍蝦相當爽實,可惜即使咀嚼原片松露,但松露味都唔夠突出。
🦐 筍尖鮮蝦餃 ~ 4件 (價錢 :$62)
蝦餃中規中矩,蝦肉爽實。
🦪 脆皮海膽豆腐春卷 ~3件 (價錢: $78)
春卷外皮非常脆口,但小編食唔出海膽味道,而且唔太習慣春卷餡係豆腐既軟稔口感,比較鍾意食返往常既厚實餡料,如蝦春卷。
🥩 酥焗黑椒和牛包 ~3件 (價錢: $88)
黑椒味頗重,同時用左雪山叉燒包既外皮,和牛包面脆面層甜甜的,可以一試!
🥧 原隻鮑魚雞粒撻 ~ 每件 (價錢: $68)
鮑魚口感剛好,唔會太林亦唔會過硬,雞粒撻則味道普通。
🍝 乾炒肥牛肉河粉 (價錢: $228)
乾炒牛河幾有鑊氣🔥,雖然偏油,但因為夠熱,所以都覺得好好食😋。
🥭 楊枝金露 (價錢: $68)
除左有楊枝金露, 仲配有桂花糕同合桃酥,雖然楊枝金露既材料好足夠,但花奶味偏重,唔太食到芒果味,所以小編較喜歡食利苑同龍皇既楊枝金露。
🍰 椰香紅棗糕 (價錢: $50)
紅棗糕甜度剛好,好重紅棗味,亦好煙靭👍🏻。
🌟 總結,餐廳既用料名貴,用上如金箔、和牛、巴馬火腿等食材,令每樣點心都添上一點貴氣,但有D點心唔太合適小編口味,價錢偏貴,CP值唔太高,不過每樣點心都整得精緻,環境同服務唔錯,值得讚賞的,同時,亦無阻我想試Hotel Icon既buffet🤣。
🌟 以上價錢未加服務費及茶芥等費用。
————————————————————————
🐷 整體食物: 3/5
🐷 環境:4/5
🐷 可達度: 3.5/5
張貼