太二老壇子酸菜魚

營業中

休息中

之前見介紹講到好正，終於去左又一城試，感覺好似吹大左啲魚係好食嘅，但係未覺得好好食太二嘅酸菜魚本身冇配菜，要逐樣收錢，而且冇辣度揀，好辣，唯一好係個湯唔算咸個芥末蝦球係完全失敗🤢，啲炸粉又乾又厚又硬，啲蝦又細粒，仲細粒過茶記小菜，要好似剝殼咁咬晒啲炸粉出嚟⋯有樣野好搞笑，一入去坐底個侍應同我地講普通話，唔係好知佢講乜，開頭以為係餐廳特色，點知聽到下一枱新客侍應同佢地係講廣東話⋯我哋一啲都唔似大陸人，唔明做乜同我哋講普通話整體嚟講，佢價錢唔平，味道一般，仲等左超過半個鐘，冇下次酸菜魚都係去返元朗食好過

幾年前第一次食酸菜魚就係食渠，所以都認定渠慨味道系最始祖慨味。晚餐時間不使等好耐就可以入座入到門口店員亦都好熱烈咁歡迎我喲好有氣氛 而且牆亦都有很多海報位置亦都好闊落 卡位可以坐到四到六個人適合一班人過嚟聚會酸菜魚咁梗係要點一個三至四人份量上菜好有儀式感大份上面滿滿都綁酸菜 同埋魚肉先飲啖湯不會好多油 酸酸地幾開胃魚肉亦都好嫩滑小食慨選擇有好多而且價錢都中規中矩一班人好適合叫一個酸菜魚加上兩個小食我自己比較推薦娃娃菜同埋小蘇肉小蘇肉香脆 香港亦都比較少地方整娃娃菜就好新鮮好解膩睇來以後都不需要特登去深圳食酸菜魚

♡‎ ♡‎‎ ♡‎ ♡ 九龍塘 - 太二酸菜魚 ♡‎ ♡‎‎ ♡‎ ♡‎ 『酸菜魚世一』最近喺香港開咗幾間分店嘅太二酸菜魚我今日終於有機會嚟試嚇啦～嚟到環境闊落 坐得舒服而且每個座位都會有牙線、餐具、紙巾、電話充電線提供返仲可以去自助區自制洛神花陳皮茶超貼心💖今次叫咗個酸菜魚 + 小品🔹老罈子酸菜魚 1-2人份 $258其實酸菜魚我都唔系成日嗌嚟食因為驚魚肉有啲雪藏味 或者有啲腥味今次見呢間打最旗號，連招牌都寫埋酸菜魚覺得應該冇死掛，點都應該試一試啦嚟到嘅時候先嘗一嘗湯頭真系酸酸辣辣 胃口大開啊而魚肉雖然大大嚿，但系都冇出現腥味或者任何怪味不過可惜嘅系冇得揀辣度，雖然只有小辣，但系如果唔食得辣嘅朋友就要留意一下🔸糊辣口水雞 $68口水雞件，我覺得味道比較似系香辣雖然望落好似好多辣椒咁，但系唔會太辣食落同聞落都好香 雞件滑身好正🔹脆椒小皮蛋 $48閃閃發光嘅小皮蛋好可愛😍而且晶瑩通透 中間配埋特製青椒蓉一齊享用 系🔸麻辣小酥肉 $52小酥肉好似層層疊咁配放增加玩味感啊～真系即叫即炸 嚟到都仲系出曬煙覺得最正就系佢嗰只辣椒粉，唔會太辣，就算點多咗都唔怕但系亦都將成個味道層次都提升咗！◆*．

酸菜魚是一道美味可口的中國菜。它的湯底酸爽可口，魚肉鮮嫩美味，配料豐富多樣。整道菜的味道層次豐富，讓人回味無窮。不過如果多啲款式咁就好啦👍🏼👍🏼👍🏼

老壇子酸菜魚餐廳自稱自家製作酸菜比起魚肉更好食，酸菜的酸爽加埋魚肉嘅鮮美，上枱已經聞到好香。湯底好滿意，以酸菜做基礎，加埋香料同辣椒，酸辣度岩岩好，魚肉又好嫩滑吸曬湯底味道。芥末蝦仁球蝦球鮮甜彈牙，每一隻蝦球都沾滿左芥末醬，中和左炸蝦球嘅油膩感。雖然份量唔算好多，但係作為小食岩岩好。喜翻翻砂紅糖冰粉紅糖冰粉一直都係我嘅至愛，呢一個冰粉甜度適中，唔會好膩，而且配料好足，每一啖都係充滿配料同冰粉，十分解膩解辣。Overall黎講，太二酸菜魚真係好值得排下隊去食，CP值都幾好，中意食酸菜魚嘅朋友真係唔好錯過。

同大陸一樣，太二酸菜魚都係主打酸菜比魚好食 。個人食落去，我都真係同意酸菜係好好味嘅。不過成間舖頭選擇就唔係咁多，小菜款式我覺得都係相對普通。而且喺酸菜魚裏面添加嘅配料真係少得有少少可憐 。加咗寬粉，但係前前後後加埋得嗰幾條。如果要返嚟再食過，我應該淨係會揀酸菜魚，其他小菜淨係得個辣味，相對比較油，而且味道一去到辣嘅時候我覺得幾款小菜嘅味道都係一樣 。唔係特別推薦小食。 環境方面一到舖頭好多都係全自助嘅，金橘同埋洛神花水可以自己沖都係免費嘅。另外店舖仲提供叉電線，紙巾等等配件可以自己用。

太二酸菜魚係香港開左分店！我地一早book定位，一黎到就入得😍！自助落單，有免費花茶供應，3粒陳皮+2粒洛神花，加入熱水泡2分鐘就飲得❣️！老壇子酸菜魚加左紅薯粉，金菇，魚片粉量超多，酸菜魚無得揀辣度，啲湯飲落去都幾辣！紅薯粉煮哂湯好正！大滿貫小食拼盤有雞翼、蝦片、薯波同小酥肉，每款都好香口，小酥肉加左辣粉食即刻昇華左！蛋酥軟糍粑我地差唔多食哂酸菜魚先落單，上菜時仲熱辣辣，超軟糯！配黑糖醬食一流！楊桃百香果檸茶可以解辣！平時都有飲開百香果，估唔到加左楊桃之後會fresh左咁多！香港既價錢都唔貴，抵食！識食一定係book定位食！

香港終於有太子酸菜魚！不再是大陸才食到😳這次專程來到九龍塘分店 裝修同內地分店完全一樣！成個氛圍都好有感覺！同樣店舖亦都有免費提供陳皮水 熱辣辣在這寒冷的天氣上特別窩心菜單都系以掃碼下單為主首先，叫了個老罈子酸菜魚3至4人份$388另外加了紅薯粉$20！上菜嘅時候 工作人員亦都會大説經典上菜對白，感覺非常熟悉。而酸菜魚真的大份，味道同內地食的是一模一樣，這次我哋三個人食一個三至四人份量亦都覺得好滿足。另外我們還叫了糊辣口水雞 $68肉質非常之嫩滑，辣辣地挺刺激蝦仁娃娃菜 $49真的有令人refresh的一味菜式，簡單嘅食材，完全能夠體現到食物本身的鮮味。重慶頂流豌雜麪 $48辣辣的 好惹味！上面有滿滿的肉碎包裹麪條，真的好滋味。現在太子酸菜魚來了香港就不需要特意回內地食，雖然定價比內地有所不同，但系亦都節省咗好多出行時間，和交通費！現在香港開了多間，隨時想吃就吃！

太二嚟到香港啦，佢喺又一城新開咗無耐每日都好多人排隊，今次終於嚟到食啦入面環境好寬敞坐位之間都好舒服，我哋揀咗二人份量嘅酸菜魚，佢哋由酸菜，魚所以原材料都做咗充足嘅監管確保所有食品味道嘅一致性同品質。酸菜入口酸度唔嗆喉，湯底帶酸甜易入口，魚片無骨所以食落可以好放心，魚肉好入味完全無腥，一啖魚一羹酸湯再配飯係最開胃。加上佢嘅白飯飯米圓潤飽滿偏黏口，好吸收湯汁你會忍唔住一啖接一啖。小酥肉炸到外脆入口鬆化，點一點個椒麻粉再點酸湯，外層炸皮會吸咗少少酸湯食落係好正㗎，好似用油炸鬼點酸湯咁，索哂啲汁多重味道感覺食到咁上下想中和吓口腔嘅辣感，就要食吓佢個軟糍粑，甜味會稍微減輕咗辣嘅感覺，又可以再食酸菜魚啦。

香港都食到太二酸菜魚喇😍作為酸菜魚控嘅我🐟之前返深圳食過太二酸菜魚已經覺得好正😛而家唔使北上都食到,喺九龍塘、啟德、尖沙咀同沙田都可以食到,非常方便😚九龍塘又一城店,設計以簡約型格為主調,用上黑白灰色調,加上金色點綴✨帶比客人現代化嘅用餐體驗😛而且可經連結訂座好方便👏🏻🐟老壇子酸菜魚酸菜魚有1-2人同3-4人份量可以選擇🐟太二主張「酸菜魚就一種味道,就用一種魚、一種辣度,不加辣也不減辣」🙌🏻確保客人品嚐到最完美嘅調味🤩魚肉用上鱸魚🐟魚肉彈嫩爽滑,肉質嫩滑緊實😛切片去骨後加進酸菜高湯煮,再撒上辣椒油🌶️集酸、香、辣身於一身👍🏻自家製嘅酸菜控時控溫醃製近一個月,酸度適中😝口感爽脆,唔會太淋或者太硬👏🏻另外仲可以加配菜：脆豆腐、紅薯粉、龍口粉絲、金針菇😍個個中意食雞翼除咗酸菜魚外,太二亦提供一系列特色地道川菜及小食🤩其中我試咗雞翼,煎得香脆可口,勁juicy滋味😋糊辣口水雞另外叫咗涼菜糊辣口水雞🐔麻辣鮮香,辣得過癮😛雞肉鮮嫩,有花生碎、蔥、紅椒等,仲有埋青瓜添🥒非常惹味😚蛋酥軟糍粑太二喺糍粑上加入咗蛋酥,即係用咗蛋黃同糖製作酥脆餡料,外脆內軟,軟糯香甜,食落煙韌☺️一定要點埋黑糖醬一齊食啊🥳

今日嚟到九龍塘呢一間太二酸菜魚🍡位於又一城L1，店舖裏面都幾舒服～有個自助區可以自助沖花茶(*¯︶¯*)好特別☺️☺️楊桃百香果檬茶🍹🌟：呢杯🌟楊桃百香果檬茶真係又酸又甜！楊桃嘅香味同百香果嘅酸度好搭配，再加上檬茶嘅清新口感，飲落去真係好開胃又解渴🍱好襯食酸菜魚飲用～而且杯茶嘅外觀好靚，滿滿嘅冰塊同果肉🍹脆椒小皮蛋🥚🌶️🌶️脆椒小皮蛋真係好特別！蛋殼煮得剛剛好，蛋白嘅口感綿密，而蛋黃就脆脆嘅🍪🍪加上脆椒嘅香辣味道，味道層次豐富❤️❤️一啖落口，辣辣嘅味道同蛋嘅鮮味好融合😍🥚🌶️個個中意食炸雞翼🍗🍗佢嘅外皮炸得金黃酥脆，裏面嘅肉質嫩滑多汁。而且配搭上啲特製嘅醬汁，味道更加香濃❣️食落去，啖啖都充滿咗鮮香嘅滋味。老壇子酸菜魚（1至2人份）🐟🌶️酸菜魚真係新鮮嫩滑，配上酸菜嘅酸辣味道，味道好豐富🍥湯底酸酸辣辣，令人胃口大開。而且份量適中，適合1至2人分享😍🌶️🐟

早於2018年的時候已在深圳品嚐過一次，想不到事隔多年後竟然能在香港吃到。店內設有自助區域可以自行沖泡花茶。等待上菜的期間還可以求籤，很不錯的構思。【大滿貫小吃拼盤】先來一個邪惡小食，一次過滿足你4個願望：蝦片、雞翼、薯餅粒、小酥肉，熱氣逼人、香脆可口。【藤椒撈汁海鮮雞】非常多元化的一道涼菜，主要有鮮蝦、蟶子、青瓜跟雞絲。紅噹噹的藤椒汁非常惹味，麻辣十足，有一種停不了口的感覺。【老壇子酸菜魚】餐廳主打「酸菜比魚好吃」，自家醃製的酸菜確實不像其他餐廳只有死鹹的味道，酸度適中。酸菜魚用上鱸魚，雪白滑溜，而且份量也不少。固定辣度愈吃愈起勁，怕辣的朋友要注意了。飲品方面也有小驚喜，其中一杯點了「奶凍綿綿紅豆沙」，紅豆軟綿香甜，加上奶凍的口感令整體更豐富。另外也點了一杯楊桃百香果檬茶，酸酸甜甜，極之適合解辣之用！

依家食酸菜魚唔使返大陸，最近九龍塘又一城新開咗一間太二酸菜魚。餐廳位於又一城嘅一樓，九龍塘站C出口就係又一城，雖然係一樓，不過上扶手電梯都要上好幾層先到。餐廳非常之熱鬧爆場，建議可當網上預約好方便。-嚟到當然要點佢嘅招牌老壇酸菜魚，果然不愧係號稱比魚仲好食嘅酸菜，個酸菜魚湯底非常好味，而且酸菜好惹味，攞嚟撈飯食簡直一流。我哋叫咗三至四人份量，入面魚肉都幾多，而且酸菜都好好食，我另外再加所有金針菇同埋紅薯粉，呢兩樣都好索味，鮮菜湯底嘅精華完全吸晒入去，非常好食。-另外仲有好多小食可以叫，例如有麻辣小酥肉、蛋酥軟糍粑、雞翼、菜心、無骨鳳爪等等，每一款都好好食，特別係小酥肉同埋糍粑，食落口風味十足，真係必點之一。-酸菜魚又麻又辣又香，食食吓先feel到越食越辣，不過又係辣到頂唔順，反而係越食越味嗰種。但係呢個時候，配返個冰粉就very good啦。分別有紅糖冰粉、西瓜椰椰冰粉兩種，兩種都各有特色，

我唸中意吃酸菜魚的朋友一定聽過太二😄現在不用去深圳，在香港都可以吃到！仲有幾間分店選擇，還可以網上連結訂座，免排隊輕鬆入座。餐廳整體感覺好熱鬧，一入座全場職員都會一起大叫”吃魚拯救世界”🤣餐廳環境設計方面有很多自己創作的標點，卡通插畫。食魚前還可以求籤。不小心倒左了好多出來，全部都係吉，運氣好好😂餐廳好細心，自助形式供應免費的陳皮洛神花泡茶，酸酸甜甜很解膩👍🏻老壇子酸菜魚1-2人份$258酸菜魚上枱時，職員又會大叫"酸菜比魚好食"😆好大盤，海鱸魚片無骨，新鮮嫩滑，份量都好多。湯底不能選擇酸辣度，全部都是同一款口味，酸麻辣配合得剛剛好，不吃辣的朋友會覺得有小小辣，不過都可以接受。酸菜係餐廳名物，真的根魚一樣好食！酸香爽脆，做得很出色👍🏻加了金菇$20和脆豆腐$20，脆豆腐質地很過癮，爽口彈牙，不錯。个个中意食雞翼$68炸得香脆可口，雞翼腌過，幾惹味。配了蜜糖芥末醬，幾特別。藤椒撈汁海鮮雞$68冰涼前菜，藤椒汁是另上，海鮮有蟶子和蝦，另外有青瓜，雞絲，全部捞在一起又麻又辣。西瓜椰椰冰粉$22食完重口味的野一定要食個冰粉😋有椰子脆片，西瓜，小丸子，冰粉都有兩種，原味和椰子味。食完透心涼又解膩

太子OpenRice book枱，唔知點解最多可以只揀五個人，沒有留餐廳聯絡電話，用各種途徑最後找到，打去好彩可以加多一個。食物有水準，性價比亦好，但唔知點解除咗門口個接待，裏便啲侍應嗰個黑口黑面，態度麻麻地，應對令客人唔舒服。我咁啱坐近廚房，有侍應收集食用完的碗碟，嘭嘭聲放入收集盤，令我哋有啲驚嚇。因有人生日，食飯前要求代雪藏蛋糕，食完飯後要求將雪糕提出，無法想像係原原本本成盒送上，並要求先收拾枱面碗碟，有侍應大大聲說：邊個得閒幫我收咗呢枱嘅碗碟，我哋都拗晒頭。冇問題，自己拆自己拎出嚟點蠟燭，跟住要求提供適用碟，果然只提供適用碟，再問他們有沒有叉提供，答案竟然沒有，最後唯有自己去櫃桶攞幾隻匙羹當叉用。幸好再問他們有沒有打火機，答案是有的，謝天謝地如果唔係我哋要鑽木取火，幾好食都冇用，我諗咁嘅服務我唔會再去。