太平飯店 (已結業)

今年真係一個唔錯嘅年份，岩岩收到一份甚佳的時間表，可以有n日day off，不過壞處就係變左唔會去住宿，都多左時間係屋企。但係都搵到一日同以前個室友約出來食飯嘅。不過今次就就我啦，將食飯嘅地點揀左係離我最近嘅北角。食嘅野，都係我所提議嘅依間太平飯店。兩個人，食到嘅野並唔係好多，一個炸蠔餅，再加一份溏心蛋，其實都差唔多飽。飯店嘅環境都唔錯，侍應比較殷勤，傾計都傾得比較愉快，看在你條死友咁慘四日八半，今餐就算豪比你我請啦哈哈。炸蠔餅keep 到平日嘅一貫水準，好脆，而且蠔嘅份量都冇縮水，啖啖都好有飽滿嘅蠔肉，加埋熱氣騰騰，實在係我最最鍾意嘅菜式之一。溏心蛋平日我都唔多食嘅，因為實在有點貴，但以前食過好食，今次就當介紹比朋友試下，平時出街食溏心蛋又好，茶葉蛋又好，滷水蛋又好，通常個蛋白都唔會好有味，較淡，但做得好嘅溏心蛋個蛋白嘅味道真係好正，同蛋香一齊透出來，所以間唔中食下都係幾慰勞自己嘅。

依排已經路過左幾次，但係都係見到出面都有人排隊，所以都覺得唔想排隊，今日咁岩見到冇乜人排隊，於是馬上就趁依個機會黎試下依間潮州野。一行兩人，食唔到太多野，我地叫左兩味餸，一個係白灼鵝腸，另外一個就係叉燒撈麵。白灼鵝腸唔算獨有，坊間都有唔少食店有提供，最緊要都係新鮮鵝腸，灼得剛剛好，然後點一下醬汁就係最正風味。依間嘅鵝腸，係我食過嘅，可以排係top 3 ，鵝腸有熱氣冒起，超級爽脆，並唔會太肥，口感同味道都正。另外一個嘅撈麵就係無心之選，叉燒睇到個色澤同肥瘦比例係靚叉燒，食落香軟。而冇估到嘅係撈麵鋪左大量嘅白芝麻，令到個麵香左好多。麵身爽，撈得均勻，是意外之喜。可惜兩個人嘅飯量有限，本來有意欲食多啲其他野，但最後都係冇肚食。今次食落個質素頗有驚喜，下次可能會再黎 : )。

陰天…今日同朋友諗住食潮洲野！咁啱又係香港區！見到呢間食評唔錯就過黎試下！我地四個人叫左8樣野…鹵水鵝片 - 鵝肉就幾嫩！不過鹵水未如食評般香醇！其實我覺得比較淡！韭菜豬紅 - 豬紅都幾滑又唔會一夾就散！韭菜就霉霉地！鹵水鵝腸 - 鐘意食肥就啱啦！因為都幾大條同肥美！不過鹵水唔得！如果改做豉油皇應該好D！墊底有芽菜，一齊食感覺就冇咁肥膩！胡椒豬肚湯 - 本身好好呢味野！不過呢間真係唔好飲！原全冇胡椒味！個湯又太咸！XX撈麵 - 個麵就一般！唔講啦！不過碗湯都係唔掂！偏甜！味道唔討好！飲左啖就放低左！兩面黃 - 味道還可以！不過中間就唔夠乾身！口水雞 - 潮洲野有口水雞？見姐姐極力推介就試下！其實不過不失！個擺法都幾阿鴻！最後…反沙芋！我係預計佢係最後黎！我同個姐姐講之後先叫！佢話多功夫要早落單等師父準備！我話冇問題！不過我話食完飯先上！佢話當然啦！甜品嗎！點知中段就殺左出黎！到食時都凍哂！唔好食！腎腎地！所以就算熱食都唔會好食得去邊！埋單接緊$800！基本上質素真係一般或低於水平！唯一係服務唔錯！不過，總括黎講都係冇下次！

本人一向對潮州菜有好高嘅要求，滷水味道要正宗，蠔仔要夠新鮮，凍魚要做到唔醒有魚味... 呢間餐廳全部做到晒！仲做得好出色店員有禮貌，親切有笑容，仲好快咁安排座位俾你（潮州餐廳來講的確少有）。環境乾淨衛生，餐牌食物選擇多而且價錢非常合理。啲食物嘅擺盤仲好有心機，好精美！唔會求其擺上個碟就算好適合一班朋友過嚟一齊食下嘢飲酒影相嘅潮州菜館！下個月我有個澳洲朋友過嚟香港，我一定會帶佢去呢間餐廳食 'Authentic Chiu Chow Marinades' (正宗潮州滷味）, 尤其係滷水鵝件同埋滷水鵝肝包佢食到wow wow聲！

菜式無論賣相同味道都有驚喜仲要每一樣嘅水準都係高平時食潮州或滷水通常好油好鹹，但呢度嘅食物樣樣都調味道恰到好處，唔覺油膩價錢相宜性價比好高成六個人食咗成八樣嘢以上，非常滿足，每個人都係＄200有找買單！食過一次會，一定會返轉頭！

九月，差不多有秋意了，雖前陣子還下了一場盛夏風味的雨，日間卻已有些許涼風。此日風吹到北角，就在地鐵站左近，把我吹入一間潮州飯店。通常潮州飯店，最為著名的都是滷水，其配方自然重要，而之後的煮的工夫也不可小覻。點了滷水三拼，有墨魚，鵝片，豬大腸，滷水做得不錯，味道中和而不會過咸，鵝片肉質甚嫩，豬大腸腍軟帶爽。鵝片自然是我們的至愛，而墨魚片也是爽而帶鮮，回味甚香。除了滷味之外，還有一個豆腐菜脯，小菜一般，炒得微辣挺香，菜脯脆而豆腐滑，口感豐富，用來送飯也是不錯。吃了兩個菜和飯，肚子已經飽了，原本還想試著吃黃金糖醋麵，幸好沒有叫，否則就會變成浪費了。

我好想讚讚呢間餐廳… 講真 係真係幾surprise， 香港地仲有咁肯俾心機搞好食物質素，做實力既餐廳 加油呀!!我自己係住北角既~但之前都無行過黎呢個位搵嘢食…始終唔係旺位…係今次d舊同事book左呢間餐廳聚會，我先發現到佢存在 仲有隻咁既鵝媽媽響門口好搞笑以前應該係無地方唔大，七個人有d迫… 但佢d出品真係幾啱我口味。例湯好好飲，無味精（我敏感所以呃唔到我），叫左口水雞同鵝肉炒飯都好好食。仲有烏頭魚同豬大腸都好好食!! 鵝要讚下，做得好滑。我最欣賞係佢地個XO醬蝦子撈麵，無誇張，我係無食過咁香既撈麵!! 唯獨係飲品無咩選擇，可能中餐廳都係咁…希望可以快 D黎試埋其他嘢! 希望都係好似今晚D嘢咁正啦門口有幅自己菜色既水彩畫，好靚好有心

星期一放工，同男朋友想搵d中菜食，本來都以為兩個人拍拖好難搵到夠浪漫又夠特色既中餐，好彩經過渣華道呢間太平飯店，而咁岩距地新推呢款二人餐。見張menu咁猛料，加上迷人老闆細心介紹，當然比個機會距。。。試一試個餐啦。門口d鹵水已經好吸引！！！（係啊，我記得地下仲有2隻鵝無影到，太cutecute）wine list （我地簡左蘋果酒）二人套餐menu～～～好啦 期待左咁耐，一上菜，絕對無令我地失望！！唔講咁多，直接上圖！我地簡既係涼拌香瓜（前菜）＋口水雞（小食）＋滷肉拼盤 ＋叉燒撈麵 ＋娃娃菜 ＋老火湯。。。媽啊，一次過滿足你無限個願望！！我地都鍾意食辣，前菜香瓜微微酸辣，好開胃。加埋口水雞麻辣，非常惹味（當然唔食辣既朋友有其他選擇）。拼盤種類應有則有，岩曬兩口子既食量同慾望！！撈麵味道好好，乾身撈麵配甜甜地、脆脆地既叉燒，真系一流。菜既味道同份量都剛好，岩曬我呢d咁健康既女士喔xddd老火湯嘛，識飲一定最後飲，一黎食既時候唔會搞到你成肚水咁，二黎一餐飯既結尾用暖暖既老火湯作結，咁樣先完滿又不失浪漫幸福感架嘛！！！食飽飽，我地一定會再黎架！！（同老闆打眼色）

恰好是開學不久，功課仲未好忙，趁機會約左個仲滯留大學嘅朋友出來一聚，順道祝福佢學術之路走得通暢。知道佢鍾意食鴨舌，所以首先就點左個頭盤三香鴨舌。兩個大男人也不怕吃不完，又再點了滷水兩拼，和一個撈麵。鴨舌的三香，據店員說是酒香川香和麻香。嗜辣的我就比較喜歡川香，雖然也不是很辣，只係少少惹味咁，但配埋鴨舌本身做得滑彈，食味幾好。酒香同麻香都可以，青菜蘿蔔各有所好，朋友就鍾意酒香多啲，話時話，都好耐未飲過酒，於是也順勢把下次酒聚的時間定下來。滷水兩拼，鵝片是必要的，還可選豬大腸或墨魚，我偏愛豬大腸，於是也選了前者。豬大腸不過不失，但係鵝片就真係唔錯，沒有在外一般可能食到嘅嚡感，口感唔錯，雖然價格唔低，但都算值得。最後喊嘅麵，係叉燒鮑魚汁撈麵，中規中矩，勝在大份，撈上黎也不錯香口，食飽喝足，相當過癮，下次再聚，該是兩個月以後了。

人生有很多天，但每個人，除了一日三餐之外，其中一個想得而不可多得的，就是下午茶一餐，這個餐，總是閑逸的重要標誌，所以對於有要求的人來說，這一餐，總是要格外珍惜。少有來這裡吃下午茶，以往來過幾次，都是吃午餐，吃那獨具風味的潮式食物，從未想到這裡竟然有公司三文治可以吃。看來無論是哪個地方的特色飯店，到來香港，也難以例外地混和了本地那種靈活變通的茶記文化了。意外地，這個公司三文治還真的挺不錯的！麵包微微烘過，帶點熱度和脆邊，內裡有爽脆的蕃茄片和生菜，還帶有一片芝香和蛋香。公司三文治的份量不少，分成四份，幾乎都是一個午餐的份量了，我竟有點吃不完！不過這麼好吃又不想浪費，只好吃了一半後打包回家當宵夜。在夜裡在焗爐中烘過後，仍然風味不減，只是沒了中午那一杯港式凍檸茶作伴，總覺得有點意猶未盡！

老實講，住咗北角20幾年都冇咩覺得好好食，平時自己一個搵食都唔會行去渣華道果邊，今日就特登係A出口出，決定睇下嗰邊有啲咩好食，一出地鐵站隔離見到間太平飯店，睇落去都冇咩特別，驚自己一個人就求其咁食下啦，點知竟然有驚喜喎。自己一個人食唔到幾多，就叫左一個薑蔥叉燒鮑魚汁撈面，啲叉燒好靚好光澤，一睇就知唔係隔夜叉燒，份量比我想像中多好多，起碼有67 舊，個撈麵啲薑蔥油好多，夠晒重料，薑蔥味又濃，出面一定食唔到咁重料見唔係好夠喉，就話係多咗個糖心蛋，酒味好樂好好味，啲蛋黃真係流出黎架。講真，係香港食好少會有驚喜，但係呢啲小店真係好令人驚喜，會再幫襯既一間。

其實北角有咩好食呢，想食潮州嘢選擇真係唔多，又唔想去街邊啲打冷鋪咁頹，有間野真係經過好多次好想試吓，又無機會試喎，今日就試吓啦見老豆生日，佢想食潮州嘢就陪下佢啦，最後去咗太平飯店到試吓。其實吸引我嘅首先係個門口，成日都好鍾意一大塊玻璃望到晒入面有啲咩，起碼污糟污糟都見到，唔使食完心掛掛。見到又夠光猛又乾淨又好似坐得幾舒服就去試啦。 食得潮州野，滷水併盤就一定唔少得啦，就叫咗鵝片雜併，一嚟到，真係嘩咗一聲，d 色水靚到呢，188 唔係平，但一定係抵，你睇下d 鵝既肥瘦均勻到呢，其他野又入味wo老豆鍾意食魚，咁隻眼做完俾佢食啦，有大眼雞同烏頭，最後就揀咗烏頭，好抵喎，$128/條咁大條，又滑d 肉又實，最驚喜係起埋黃油Tim 架，證明夠新鮮。其實仲有叫糖心蛋，蠔餅，奶油津白，好多好多，講都講唔晒，所以就推薦兩個比大家試吓，呢兩個最有驚喜。

天氣不似如期, 雨勢時大時停, 真令人費解, 到太平飯店發現佢地既花鵰鵝肝濃香可口, 油脂在口中陪迴, 忘記膽固醇的罪惡感👍 鵝片也是必點之選, 另配搭元蹄跟大腸. 元蹄爽脆, 大腸油脂十足, 鵝片鵝味濃郁, 有咬口, 不過不失

路經太平飯店，見到出名滷水拼盤，就入去試下。滷水鵝入口即溶又入味，墨魚又淋。另一推介蠔仔粥，蠔仔又多又大大隻，粥綿綿的，好入味。服務員又殷勤又有禮，佢地會悉心介紹菜式。

點咗個貴妃雞飯，11件雞，算多，正路，一半靚位，一半雞胸（鞋就梗架啦）最大問題係個米飯，乾，鞋，吞咗後個口會有粉粉的感覺，呢啲係咩米黎架....個飯佢落咗啲汁，竟然唔係滷水，聞落似茶業蛋味，個汁本身無問題，但因為個飯太唔掂，個汁感覺十分唔搭調，總之就奇奇怪怪，唔似食緊雞飯，望住件雞會諗起茶葉蛋，好似食緊分子料理凍檸水，唔夠檸檬，4片但薄過機切肥牛，好在服務員阿姐肯加多兩片俾我，還好。