安東尼小廚 (已結業)

久久未有回來寫食評, 但昨天老闆的一席話, 如果我不下筆, 就有負荷包的一分一毫.記得上次因為兩周年紀念, 所以來到安東尼小廚. 只是慕名而來, 其實沒太大期望.鵝肝, 羊鞍, 蜆肉意粉和蘑菇湯, 吃過就算, 價錢也不是比其他的便利, 沒有一點點的驚喜.昨晚再一次光顧, 不同的只是 order 了海班焗飯.來過的朋友, 都知道這兒需要等吃, 需要等位. 坦白而言, 小弟對吃沒太多耐性.海班焗飯等了45分鐘才到, 不是因為生日飯關係, 早就大發雷霆. 但是, 同一時間, 老闆 Anthony 也上來吹吹水.作為一個廚師, 一個老闆, 根本沒需要與一班"生客仔" 寒暄,但是, 最令我覺得 "下火" 的, 是他對食的熱誠."因為你們先前沒有訂位, 所以未有預備你們要的食材. 我們知道就馬上去買, 去預備..." 老闆 Anthony 講道. 我們吃過之後, 發現老闆沒有吹水, 新鮮的海班和雪藏班塊, 懂得吃的一吃就可以分辨到, 還有蘑菇湯, "拉鑊" 炒麵粉和鮮忌廉的味道, 與一般白湯比下去. 為了高質素的食物, 食材和工夫 Anthony 都非常認真."你叫我跟出面餐廳一樣做法, 我真係做

上次來這裡吃完都有一段日子了, 本來早前文迪已經想翻炒, 但又沒有成行, 終於到了這晚大家才有機會過來晚餐. 差不多八點來到, 不算好多客人係樓下, 不過應該有其他客人係坐係樓上的. 我們兩個人, 自然坐係店內, 也有電視看.未到之前已經定了要食的菜色:咸金桔雪碧 $14: 8分, 再一次要了杯咸金桔雪碧, 落了相當之多的咸金桔, 溝埋雪碧, 冰涼的感覺, 但又有點鹹鹹的, 好正.鮮忌廉蘑菇湯 $35: 9分, $35一客湯, 以小店來講, 不算便宜的價位, 但飲完就覺得真係值的. 相當濃郁的忌廉湯, 不過又不會太杰, 也係下了不少蘑菇, 飲到啖啖都有蘑菇, 好足料. 這個鮮忌廉蘑菇湯同上次喝的牛尾湯一樣出色, 兩個人來吃最好一人一客分喝. 另外跟兩件蒜蓉包, 炸得好香口, 也好脆, 食落口熱辣辣的, 面頭帶點點焦香, 蒜蓉味足夠.芒果大蝦 $170: 10分, 沒有辦法不再吃多一次這個芒果大蝦, 實在係相當之精彩的. 一場來到, 沒有不吃的道理. 是晚都等了一大輪先有得食, 不過我們不趕時間, 無問題. 上次吃過已知道重點係果芒果汁, 是次也先攻個汁, 撈炒飯吃, 炒飯本身已經炒得好

星期天，正值午飯的高峰期，店內已坐滿顧客，所以主人與奴隸獸有小小失望。正打算轉移陣地，老闆娘就告訴我們，食店樓上原來還有雅座，地方尚算寬敞。我們安坐後就點了：1. 牛尾湯配蒜茸包（HK$35）：此湯濃稠適中，Creamy兼味道濃郁，好味得不得了，令人擊節讚賞。2. 芒果大蝦配白飯（HK$170）：食店的得獎菜式，由老闆主廚安東尼親自端上桌，令我們受寵若驚。經過燒烤的大蝦配上金黃色的芒果汁，賣相吸引。蝦新鮮甘甜，肉質爽口彈牙，味道確是唔錯。令主人印象深刻的，是蝦頭經過細心處理，只需要用刀叉輕輕一撥，很容易就食到蝦頭內的蝦膏，避免了淑女們食蝦頭時的狼狽情況，值得一讚。芒果汁的味道則較為清淡。3. 煎羊鞍扒配雜菜（HK$130）：我們要的是六成熟，結果是八成。沒有什麼特別，味道還算OK。

和U mate 入了塔門行了一轉, 出返西貢一行八人就到此店食晚餐.先前已經打探過地點, 不難找, 不過打去問點行, 接聽的竟然唔係好識怎樣由巴士站行過來!我們坐在二樓, 睇返相片, 紫色檯布, 牆身的畫, 又幾靚.講返d 食物, 要了caesar salad, 蒜蓉包, 三椒蜆意粉, 燒春雞, 燴牛尾意粉, 羊鞍扒, 焗田螺等.Caesar salad 可謂無難度, 不過事關有朋友話見隔離檯果碟好似幾正.蒜蓉包配咖喱汁, 蒜蓉包是烘得幾香脆, 不醮咖喱汁一樣好吃, 咖喱汁有點像咖喱魚蛋那種.田螺不算是特別的出色, 不過墊底的薯蓉就好好味, 好香.三椒蜆意粉, 也許是其望太大, 也許沒有看舊食評, 一般一般, 不過花蛤倒是幾好食.燒春雞, 沒有期望反而更好, 雞應該是新鮮雞, 肉也很嫩, 不o鞋.燴牛尾配意粉, 意粉沒有驚喜, 牛尾則煮得剛好, 肉沒有和骨分開散哂, 不過咬下去食就好易.最好吃的是羊鞍扒, 有羊味, 煮得剛好, 鞍扒也大塊, 肉味也不錯, 蘆筍幼幼的, 但也甜.送的甜品有tiramisu / strawberry cheesecake / mango mousse c

何時吃這裡, 已忘了, 但味道卻記得一清二楚, 跟男友來這裡吹吹風吹走煩惱, 大概都是我喜歡西貢的景和人, 那份感覺是很難忘懷的.2個人, WALK-IN進來只是純粹撞彩, 不知有沒有2人桌, 幸好還有一千零一張.點叫焗豬扒飯, 牛尾湯, CHEESECAKE, 2個人吃這麼多就夠了, 還要留肚吃HONEYMOON的甜點呢!豬扒飯很香口, 牛尾湯很香濃, CHEESECAKE又是香滑的, 3樣東西合起來就一百分了.每次來, 都有新鮮感, 老闆娘的親切, 令人很WARM.

來了很多次，最近最愛吃蒜蓉飽，但一定要即食。老板娘好好人，沒有遇過不禮貌，可能我也是個挺有禮貌的客人吧！其實成間店地下不過五、六張枱，坐門口位也很平常。價錢我就覺得好合理啦，二十五元一客內醬意粉，大家樂都唔得啦，羊排百幾元一客都合理啦，幾十蚊一客比到d 咩好野你食呢？

之前真係好少入西貢, 但係近日係比較多, 寫完西貢的中式海鮮, 又寫下西式海鮮去比一比.公眾假期的中午, 早餐都未食, 就搭車入西貢來個笨豬. 天朗氣清, 心曠神怡, 係讓人更有朝氣. 間唔中係郊外走走, 確實有益. 一早定了係度食, 落了車就沿海皮慢慢行入來.這店的午市係以車仔麵為主, 做街坊生意, 都算經濟的, 雙拼$18, 三拼$20, 只見對面鋪的石油氣店也過來外賣, 假日緣故, 也見樓上有人成圍食海鮮. 當然, 我們一場來到, 肯定唔係為了食車仔麵. 其實店方係有兩款相簿, 一中一西, 但係中個邊的選擇不太多, 都係揀了幾樣西餐的心頭好.老闆娘的態度都幾友善, 慢慢去推介菜色給我們, 沒有遇到前兩位食家的問題. 係我們好彩, 定係遇到變色龍?鹹金桔雪碧$14: 8分, 熱辣辣, 先要了杯咸金桔雪碧. 其實同鹹檸七係有異曲同工之妙, 不過鹹的金桔跟雪碧起的化學作用更為明顯, 一篤落去, 係真的渣渣聲的. 飲落口係酸酸的, 相當開胃, 一支雪碧, 委實不夠候.牛尾湯$30: 9分, 要了一客牛尾湯分喝, 要成$30一客, 不便宜, 但飲落口就知道係值回票價. 係非常之濃郁, 牛尾

我都遇過同一待遇, 就是中秋假期後一天, 可能公眾假期關係, 本來之前來店舖, 明明跟安東尼有傾有講, 今次來店鋪可能有很多預訂, 我已提早到店舖(約下午五時)告知我可早食, 約六時及先選菜色. 怎知同樣被安排一張門口位, 老板娘一句"我都無辦法, 下次早D訂座, 如不滿意, 你們走啦!" 真冷漠!我上次都有試羊扒, 價錢是HK$60.00/片, 出面很多餐廳做MAIN COURSE, 約HK$150.00, 都有3-4片, 所以他們的價錢都幾貴!

我第一次到此店時, 打算試試招牌菜, 甚麼忙果大蝦, 其實價錢HK$150.00只有2-3只大蝦, 又不是太抵! 羊扒都收得幾貴, 又是HK$150.00左右, 完全有大餐廳的收費. 本以為家庭式應可收費降低點! 而且坐位亦不太舒服, 但第一次到倒可接受試試, 其實沒有太大喜悅!第二次去此店, 只是想帶朋友試新東西, 並於當日訂位, 沒有想到竟安排一張路口加面璧位置, 我們當然不接受, 居然老板娘一句"不滿意, 你們走啦, 下次早D訂座!" 完全趕客FEEL, 我再次幫襯, 不是全因他們的食品, 是安東尼的友善, 沒想到第二次幫襯, 換來一肚氣.老實說, 以餐廳的位置及裝修, 外面大有餐廳可做到, 如果連基本對客態度都這樣, 我就絕對不會再來!

驅車到西貢覓食, 想起了一致好評的安東尼小廚(Anthony's Kitchen). 由於不知道位置, 差點兒便衝入了另一間叫"Anthony Catch"的東西, 幸好記得網友提過, 餐廳裝潢是茶餐廳格局! 唯有打電話問清楚店舖位置啦, 原來就是在一列海鮮酒家後的橫街, 不好找的.吃了:1) 牛尾湯及磨菇湯(跟四塊蒜蓉包)牛尾湯一般, 磨菇湯一流! 磨菇湯又香又creamy.　2) 薯蓉焗田螺我覺得一般, 但朋友很喜歡配角－墊底的磨菇.3) 芒果大頭蝦炒飯芒果汁不太酸不太甜, 剛好, 由於是晚的大頭蝦特別大, 廚師安東尼專誠走出來問, 介不介意要收九十元一隻蝦, 我們說無問題啊! 蝦頭內的蝦膏充足, 蝦是炭燒的, 入味而又非常彈牙! 4) 香草煎羊鞍扒說到最最最好吃的, 還是這個羊鞍扒! 雖然, 朋友要五成熟, 我要七成, 但出來的效果似一個七成一個十成! 但依然無損美味! 羊鞍表面輕微燒焦, 一口咬下去外脆內軟, 肉汁四溢非常juicy! 伴碟的也好, 有燒蕃薯、茄子、露筍、蕃茄仔,全部甜甜的中和了吃肉的膩. 吃後朋友跟我不約而同的說-- 下次可不可以多吃一件?5) 荔枝薄荷布甸畫

星期六上網見到安東尼有咁多好評之下，決定同外母大人及老婆一齊試吓新嘢。去到真係比佢車仔麵既外形動搖咗少少信心，不過諗到啲食評就覺得定啲。我哋一坐落就點咗三客蘑菇湯，再ORDER個羊鞍，然後加個芝士龍虾。但點知突然聞到隔離枱傳過來陳陳久違了既味道，原來係客家炆豬肉。於是我心血來潮，唔理自己之前點落既西餐同個碟頭飯夾唔夾，一於嚟個客家滷肉飯。蘑菇湯、羊鞍、芝士龍虾當然好食，但個飯真係唔講得少，食到好耐以前婆婆煮既味道，好懷舊，好有客家風味。而且啲鹹菜同木耳仲好鬼正，入哂味，真係餸飯一流。後嚟我同老板娘傾傾吓先知佢係客家人，所以想煮啲家鄉菜比大家試吓。今次我覺得安東尼真係一個令人驚喜既地方，令人食得有家既感覺。

看了openrice的食評,在上星期五的晚上到了安東尼吃晚餐,點了磨菇湯,牛尾湯,芒果海鮮飯,羊排,果然名不虛傳,好好味!尤其是係芒果海鮮飯,有大蝦,蜆,魷魚和魚塊,用料好新鮮,香味四溢,我下次去一定再叫! 另外,仕應服務相當有禮勤快,大廚更出來問我們味道如何,分享他的煮法! 老闆娘知道我們是從網上得知店舖,竟然送我們兩客甜品,一件芝士餅,一個布丁,制作也絕不馬虎呢!

Remembered the first time I came to Anthony, it was my parents' friend brought us there to have dinner, cause we would like to try something new rather than the chinese seafood in Sai Kung. Therefore we ended up in Anthony.The first impression was a little bit disappointed when I came to the shop and it shows "車仔麵店" in the front of the shop.Our table was set in upstairs and the decoration was a bit unsophisticated, with a small 14inch to entertain.The starter was mushroom soup or ox tail soup wi

今次已經係第二次嚟...星期六晚，想渣車去遠d食飯，想食豬扒飯，就諗起Anthony嘞 ^^今次無book到位，去到咁啱有兩人檯，真係好好彩嘞。今次點咗：1)豬扒飯一客連凍檸茶少甜一杯：豬扒飯唔同一般茶餐廳或大XX水準，豬扒好腍，飯亦唔會太油，不愧為廚師推介2)芒果海鮮飯：用心之作，海鮮有蟶子、蜆，蝦及鮮魷等，海鮮都好新鮮，芒果汁用新鮮芒果做成，有芒果茸，酸酸哋好開胃最後我都想試吓個cheese cake，侍應姐姐見我哋等咗咁耐，仲送多一個cheese cake俾我哋食添^^個cheese cake好滑，芝士味重，唔會硬實實，食落又唔會太“漏”，做得幾好。兩客飯兩杯飲料加兩個cheese cake，埋計都係$129，真係又好味又抵食。

想食西餐，好耐無去過西貢，上OPENRICE睇吓食評先。嘩，安東尼差唔多全部都係好評，就去試吓。星期日，緊係打電話去BOOK咗位先啦，有個女仔接聽電話，服務態度都好好，仲問我使唔使留定D海鮮先，我話我第一次嚟，想睇咗個餐牌先決定囉。去到環境一般啦，好有茶餐廳FEEL，一層得幾張檯，不過好似有上層，我地就無上過去喇。我地一行四人，叫咗兩客磨菇湯，有四塊蒜蓉包送，磨菇湯味道好濃，好好味，蒜蓉包夠熱夠脆。凱撒沙律，呢個普通啫。薯蓉焗田螺，一碟有六隻田螺，味道OK。椒汁炒蟶子，雖然唔係好大碟，但炒得幾好味。芝士龍蝦意粉，勁正，我地要咗四人份量，有好多意粉，食到好飽。臨尾個朋友仲要一個芝士蛋糕，佢話好好食喎。免茶芥及加一，總數五百二十五元，我地都覺得好抵食。一定會再有下次。