宮崎日式燒肉店 (已結業)

星期日是爸爸生日 我地一行13人 來到一間經朋友介紹既地方『宮崎』一黎到門口已經見到人山人海 心諗好彩我地早左一星期訂位加落埋訂金 吾係都吾知要等幾耐我地係訂左19:30 但都遲左10分鐘入去 後來先知上一台客人因遲左還台 害我地要白白等多10分鐘好了入正題 我地先被安排到貴賓秀 一入到去已經有汽水 大大隻虎蝦 親友們見到都非常開心仲有個什錦拼盤係台面 侍應該都好詳細咁解釋點解會有尼D野先 當然我地都係為左『虎蝦』而黎 哈哈咁我地都好聽女侍應講 邊燒住D拼盤邊take order 黎爭最D時間先講下牛肉類既野 橫隔肌 叫左好多次都係冇黎 查問之下先知冇 點解吾一早講尼 黑椒牛舌 好食 夠彈牙 沙朗心 口感出奇地非常好 (吾記得問佢地係牛邊個部位 到最後都吾知) 一口牛 彈牙 一口一粒 『正』 牛小排 有一陣陣香草味 但賣相有點兒那個本人係牛肉主義者 無牛不歡 尼幾樣野都係本

第一次寫食評....雖然事隔３個...由於同舊同事飯聚要諗去方食，而家人食過所以推介比我雖然一早ＢＯＯＫ左位但當日去到都係要等多２０分鐘左右先入得去，正因為甘所以原本只包一杯野飲變左二杯，當係補償比我地入到去坐個環境都ＯＫ，食物上菜速度都ＯＫ而且冇漏單情況，食物都好新鮮，尢其係佢送ＧＥ每一隻大蝦~啖啖肉，好好味~雖然大蝦只得一隻，但其他海鮮都唔錯，仲有Ｄ刺身都算新鮮仲有我覺得佢Ｄ一口牛好好味，好多肉汁~食左好多不過佢Ｄ腸就比較普通同埋佢Ｄ order紙每樣食物每次最多只可以點４個就好唔方便同好浪費Ｄ紙

預約左xmas 既9:30 時段, 去到門口已經一大推人等緊位....好在安排都好好, 等左大約10分鐘就已經入到位....係大時大節...算係唔錯啦埋到位已經有一盤野食等住你...分別係兩隻大虎蝦, 翡翠螺, 仲有少少肉咁....個兩隻大虎蝦好正....仲長過一隻成年人既手掌....咁當然更係即係燒左佢來食啦....一路燒就一路order, 牛豬雞呢d 當然走唔甩啦.....仲叫左d 熟食....但覺得熟食表現一般姐...肉方面都幾好...有隻牛肩肉好好食....另外牛柳粒亦encore 左幾次.....反而蔬菜個方面冇咩點叫, 因為佢一開始俾個d 都係燒兩燒已經燶晒....全晚都有KEEP 住落ORDER, 但可能真係太多人既關係啦...一係唔到...一到就幾次ORDER 一齊來咁....其實係真係試得過既....唯一唔好係佢連水都冇杯...一開始得一杯可樂...如果再要就要計錢.....個人認為水一定要是供囉...

平安夜約哂成班人去食野 一早打左電話BOOK位 重上埋來比訂金點知去到的時候重要等位 個時BOOK位的時候,服務員重叫我地唔好遲到 點知都一樣要等姐!入到去已經有個拼盤同一杯可樂 只係只有一杯…再飲的話要自己加錢一坐底知道大家都餓啦 即刻點野食先!大虎蝦好新鮮 咁大個人第一次食咁大只蝦哈哈叫左海蝦,,青口,,多春魚,,青魚…只有多春魚唔係好得 雖然好多蛋…但係唔係咁好食青口就重有芝士係底 好香好正!重叫左炸物,,有自己最中意食的吉列蠔 好好食^^ 而且又香口 即叫即做!肉類都冇咩大問題…一口牛: 好腍幾好食雞翼:都好入味^^雞肉太大舊啦 有點難燒啊!但係羊架真係好難食呀! 味食都知道好羶 食左當然就.....剌身就有三文魚,,章魚,,北寄貝等等 都算新鮮 但比起一般的放題少好多種類=)壽司麻麻地…可能因為佢主要都唔係食壽司掛 如果要食番壽司的話 我諗去番放題比較好但係佢只限時兩個鐘 又遲左放我地入去 … 又要我地食唔哂D野要計番錢$100@100G! 有冇過分D呀! 漏單情況都有小小 但都算可以接受…

幾個禮拜前同朋友食飯 錦arm個幾人轉冷 友人建議食宮崎 話唔錯 幾好味，所以就星期六夜晚走左去試去到大約九點到 但已經有十幾廿十人係到排緊隊 又唔係做緊特價或者團購 香港人真有閒情逸致等左廿分鐘到 終於都入左去 坐低已經有個拼盤同一杯汽水等緊我地 只係得一杯 汽水10蚊 其他就$25 或者加$45任飲拚盤有海螺 羊肉 牛肉 雞翼 另外侮人送多隻6吋長大虎蝦 全部都幾新鮮 螺肉喲味怪怪地 其他就一般 大虎蝦最正 又大又多蝦膏 好味 由於驚時間唔夠限時兩個鐘）所以我地一開始嗡左好多 一邊燒一邊點野食選擇很多 有七八張紙 有黑豚肉類 雞／羊類 卷物 和牛 野菜 炸物 壽司 海鮮 刺身 飯／麵 沙律 滿足曬我地喲mud都想試想食既心態我地四個男人都算大食 同埋幾鐘意食牛 所以主要叫左牛助肉 沙朗心 牛小排 黑椒牛舌根肉 辛味牛肋肉沙朗心同牛肋肉好正 夠淋 肉味濃郁 唔會太乾太鞋 其他都ok 牛小排有喲難嚼開我地仲嗡左海蝦 青口 多春魚 雞中翼 雞肉 豚肉 羊架 等 樣樣都叫左少少青口幾新鮮 燒多春魚好正 魚子好多 羊架有喲騷味 幾好燒肉放題同韓燒差唔多 但價錢昂貴些 久未嚐過之下也有新

網上見d人話宮崎唔錯，所以上星期四同埋啲friend去試。已經有盤拼盤等緊我地，盤上有海螺（爽甜新鮮）、肉及雞翼。同埋一人一隻大虎蝦（OK喇）。時間關係（限時兩個鐘）我地一路燒一路點其他野食，選擇算多，order紙將食物分成幾類：有黑豚肉類、地雞／羊架類、卷物類、和牛類、野菜類、炸物類、壽司類、海鮮類、刺身類、飯／麵類，及沙律類，數過共有74種食物任君選擇。不過有野唔好就係得一杯野送 , 燒野食一杯一定唔夠 , 熱茶$5/杯 , 汽水$10/罐 , 其他就$25或者加$45任飲! 只係熱水唔洗錢!!!!!!我地兩個鐘意食牛，所以第一時間叫左澳洲一口牛助肉（一般）、美國極上沙朗心（好味）、醬油帶骨牛小排（咬唔開）、黑椒牛舌根肉（一流好咬口）、辛味牛肋肉（唔會有下次）及青檸蒜味牛舌根肉（好好味）。見好多網友話呢度d服務好差，我地兩個就特別留意一下，啲侍應有奴有唔好, 不過多數都係聽唔到你叫佢, 叫人落order時好似去咗大排檔咁樣 (大聲呼叫好多聲先有人認你)食到尾聲(差不多夠兩個鍾**大約10:00pm，當時有好多好位 , 而我哋仲有好多嘢未食晒) 有位男侍應走過黎放低幾杯雪糕就行開左，

係出面大大個字寫住有一人送一隻6寸長虎蝦,都唔係好信...今次自己去食先知原來真係有6寸長,好大隻啊....食物種類唔係好多,不過質素就唔錯,有青口,蝦,羊架,雞肉翼啊...佢個牛真係掂,好淋,不過有野唔好就係得一杯野送,燒野食一杯一定唔夠,汽水10蚊,其他就$25. 或者加$45任飲!雖然係任食,不過都冇咩點漏單,上野都好快.原本諗住得二個鐘可能唔夠不過都OK!早40分鐘就問你有冇漏ORDER!

前幾天食的一間不知所謂燒肉, 簡直食到一肚火.又貴又唔抵食. 為了補償那日的食不飽, 今日同老公再去 "宮崎" 食放題.(又食燒肉, 真係好放肆啊)這裡好多卡位, 二人檯都唔迫, 坐得舒服.一見到燒肉就發晒狂, 食到尾聲才發現冇叫我至愛的吉列蠔, 仲有很多野未試啊, 激C我了, 好想食不過已經超級飽, 唯有下次啦! 呢度D和牛雖然不算好高級數, 沒有入口即溶, 仲幾煙韌下, 不過都好有牛味.而大部份醃肉 (雞, 豬) 都幾好味, 羊架我就麻麻, 連嗜羊的老公都覺得超級羶.食物款式又多, 每人平均二佰頭左右, 日式燒肉來講算好抵食.

見到openrice評分好高!就去試下啦~~果然冇令人失望 唔錯ge 任食燒肉餐廳啊!!!一入去佢地就準備o左野食俾我地燒住先!方便我地入去tick完野唔洗餓住個肚等好貼心的idea如果當中有野唔o岩食,可以退左佢的ps 壽司麻麻地~~可以不點...刺身以任食黎講~~都尚可接受! 最重要!!!!!!!!!!!!雞脾菇!!!!!!!!!!!!!!!!!!!!!!!!一定要食!!!!!!!!!!!!!!!!!!!!!!!!!

好友的不定期聚會，這次來到這間「宮崎」吃日式任食放題。其實之所以來這裡是我建議的，好友們都一致同意，所以便來了。這裡的晚市日式放題其實不算特別出色，食物款式雖然都有不少，但留下深刻印象的不是太多，以肉類來說，各款牛類食品比豬和雞好，羊架也比較膻，不是每個人都會喜歡。至於海鮮，我最為喜歡的是每位客人奉送一隻的大花蝦，既新鮮，又大隻，確是不錯。翡翠螺則算過得去啦！這裡較特別的還有鮑魚天婦羅，不過人多手腳亂，結果我竟然沒有吃到呢！其他留下較深印象的食品還包括細細粒和牛炒飯、細細兜魚生飯和大大碗的日式叉燒拉麵。我的一位女友人吃到最後竟然還叫來一碗勁大碗的叉燒拉麵，實在教我們大吃一驚呢！至於刺身，這裡的則是常見的選擇，好像三文魚、八爪魚、甘蝦等，質素普通。這兒的汽水第一杯是免費的，不過要是再來一罐又或叫其他飲品喝的話，則要另加 $10。總括而言，這裡的晚市日式放題只是不過不失而已，個人覺得沒有午市那麼抵食呢！

男友網上見d人話宮崎唔錯，所以上星期五放工走左去試。原本book左6:45pm，但早到左，6:25pm入座。坐低已經有盤拼盤同兩杯汽水等緊我地，盤上有海螺（爽甜新鮮）、肉（唔好食 ）、牛肉（幾好）及雞翼（冇下次）。另外新開張送兩隻大虎蝦（大概8-9吋長，爽口）。時間關係（限時兩個鐘）我地一路燒一路點其他野食，選擇算多，order紙將食物分成幾類：有黑豚肉類、地雞／羊架類、卷物類、和牛類、野菜類、炸物類、壽司類、海鮮類、刺身類、飯／麵類，及沙律類，數過共有74種食物任君選擇。我地兩個鐘意食牛，所以第一時間叫左澳洲一口牛助肉（唔錯）、美國極上沙朗心（極正好味）、醬油帶骨牛小排（咬唔開）、黑椒牛舌根肉（一流好咬口）、辛味牛肋肉（唔會有下次）及青檸蒜味牛舌根肉（唔錯）。再order左印度洋海蝦（唔新鮮）、太平洋海螺（爽甜）、紐西蘭青口（普通）、魷魚鬚（爽口彈牙）及多春魚（多春好味）。雞中翼（再試都係唔掂）、雞肉（普通），豚肉（嚡）等，樣樣叫左少少。另外，試左蕃茄沙律（幾清新）、豆腐沙律（還可以）、北寄貝（幾新鮮）、甜心栗米（超甜好食）、鮑魚天婦羅（麻麻地）、辣味噌煮牛舌（其實係蘿蔔煮牛舌渣

想與家人品嚐位於尖沙咀的的日式烤肉店，得知週六日暫停套餐供應後，心想全港也不止一間的選擇，在Openrice內稍加搜查，知道旺角亦有相若的店子，選了位於雅蘭中心二期的宮崎，除了週六日於供應午市套餐之餘，餐廳在此下午時段，亦只收取六折價錢。於開門前早十分鐘已經到達，翻看門口的Menu，午市共有八款套餐選擇，價錢由六十餘元至百餘元不等，以這樣的配套來說，整體上是實惠的。至於環境來說，樓下的Lawrence兄已略作介紹，也不作重覆了。入坐之後不久，每人也奉上一套醬料，說穿了即是不能隨意添加，另外也有一個類似冰桶的東西，問明之下，原來是用作裝載吃剩的骨塊之用。咱們一家總共點了四款定食，其中兩款約六十餘元的，分別有雞中翼、五花腩肉、牛小排、牛舌及鯖魚等，除肉類之外，每個定食亦備有粟米、鮮冬菇及南瓜片等時蔬。另外兩個較貴價的，一個以肉類為主，分別有豬頸肉、豬里肌、五花腩、牛肋骨及雞中翼等。另外一個以海鮮為主，有鯖魚、魷魚、青口、加拿大海螺及主打的大虎蝦。除了生料之外，定食已備有白飯、味噌及和風沙律等，飯菜湯肉也兼備，亦能兼顧得到口味均衡的需要。可惜沙律所用的時蔬，勉強只能說句合格而已，味噌也淡了一

昨天下午原定與小兒往旺角吉壽吃中午自助餐，但到達後才知一至五的營業時間由晚上六時開始，故改往其它餐廳用膳。想起附近也有日式食店，便改往宮崎吃午餐，入座後餐廳經理說現時餐廳午市燒烤定食六折優惠(但加一按原價計)，故點了二客138的定食，內有一碟主菜，包菇、牛脷、豚肉、牛肉、雞翼、豬肉及南瓜各二片及一件粟米，再加白飯一碗，湯、沙律及飲品一杯。所有烤肉也很好吃，由於現時有六折優惠，較正價平100，所以非常低吃。但晚市放題方面，只有120分鐘，如須傾計，就沒時間燒烤食物，二擇其一，就只好盡快燒烤食物來填飽肚子了。

小弟牛一, 一時想不起吃些什麼來慶祝, 於是由太太發板, 出發往旺角, 路上我問她會吃什麽菜式, 她一概不回答. 出了地鐵行到雅蘭中心, 來到一間名為”宮崎” 的日式燒烤店, 看見不同時段有不同收費, 由於之前在迪士尼看烟花, 為時已21:30, 進場收費為每位$198, 二小時放題. 一坐下來很快奉上大蝦兩隻及一碟燒肉拼盤來個熱身, 看準那款合口味再加單, 首先覺得牛舌肉質嫩滑, 味道恰好. 煙肉腸味濃, 我的至愛, 往後加單必選, 至於其他, 如豬肉類, 配合不同調味料都很平均, 款款都不令人失望, 我比較喜歡: 血地獄豬頸肉及黑椒五花肉. 雞肉類方面, 我們沒有加單, 因為肉味薄弱, 並且醃不入味, 要改善. 至於環境方面, 地方夠大, 清潔及舒服, 不錯的約會地方. 值得一題 最後柯打了美國牛素打心, 嘩, 心裏暗叫下次再來要吃個夠啊!

食物都好新鮮，但味道好淡，每人會有一隻大虎蝦，抵讚既係一坐低就會有幾樣燒烤食物放係檯，不過只得120分鍾，待應一夠鍾就會叫你走，一大班人就唔建議去啦，因為一定燒唔切。