富臨酒家 (燒鵝大王)

營業中

休息中

之前講過買外賣粥好抵，但原來係假象嚟架！果日明明係13.5再買已經係19.5同時段同一位職員出單同樣既粥竟然唔同咗價錢?(唔係寫完食評就立馬加價吧?!)見到有異樣當然要開口問吓喇~著西裝既女部長/經理就答我:「之前收少咗你架喇~外賣唔同堂食架嘛！」OK!FINE!YOU WIN!講到咁理直氣壯好似係你既職員完全無錯咁！而家飲食業既態度真係頂呱呱!(SORRY囉!無端端SO咗你大嗱嗱6蚊，呢啲氣係要受吓嘅!!)

每日都會經過呢間酒樓先返到公司，成日都唔知食咩好，一般去酒樓都只係會飲茶食點心，諗諗吓其實都可以買碗粥當早餐食架喎！入到去就去收銀位落單，竟然只係13.5就買到皮蛋咸豬骨粥，講真！去任何一間粥店都好難見到呢啲價錢喇！等咗8分鐘就有的拎嚕！真係算快手，啱哂要趕頭趕命既返工一族！係人都知喺酒樓堂食會用一個幾大既碗，而外賣佢都好公道，因為外賣碗只有一般既細size，佢裝咗2碗比我，其實對於一啲細食既女仔而言，呢度應該夠食2餐！粥都好足料，皮蛋同咸豬骨都各有3至4件，呢個價有呢倨份量既料，真心滿足！

母親節一早已訂檯晚上7點鐘 5位, 我地6點9到達。 去到櫃檯登記, reception呀e話你地而家少左個。。。我話咩少左個, 我訂5位, 睇返佢張訂檯紙, 我個電話少左一個number, 然後係6位。 人都有d燥燥地. 叫侍應帶位, 帶我地入左間房, 俾張4人檯我, 我話邊坐得落, 坐到都擺唔晒d餸啦!!! 佢同我講, 出面冇位喎。 咩意思, 我一星期前已經打黎訂位, 你應該預左俾我, 冇可能預張四人檯俾我。最後, 佢俾左另一間房既其中一張檯我, 隔離開左一檯麻雀, 好嘈。 我地5個人, 叫左佢地sell 既海鮮餐,海鮮餐包括班腩, 白灼蝦, 蒸帶子, 瀨尿蝦, 蟹, 炒菜, 花蛤, 龍蝦, 鮑魚, 珍珠雞。 滿4-6位, 送例牌燒鵝。 我地order了4位海鮮餐, 另外再加叉燒及菜。7點半落order, 散叫既餸開始上檯, 燒鵝, 龍蝦, 白灼蝦亦陸陸續續上檯。。。之後餘下既餸, 差不多每15-20分鐘才送上一碟, 坐左2個幾鐘, 仲有3個餸未到, 已經係9點9, 見房出面既客已經走得七七八八。 我地一催再催, 催侍應, 催經理。。。。。最後3個餸係10點3前上檯。 只係一餐普

之前晚市既時候都黎過，會勁sales海鮮，我估佢都係行鯉魚門入面海鮮檔既路線！今日就過黎飲下茶，日間佢地正常茶樓模式d。點心同平常富臨食開既無乜分別，大同小異。

今日風和日麗遊咗去鯉魚門行吓，遊到食飯時間，見到有富臨諗住食物同價錢都會實在啲，所以就貢入去。一坐低位服務員就同我地介紹呢個海鮮套餐，價錢二百幾蚊一位，覺得唔算太貴，就試試啦！其實都預咗份量唔會多，但係無諗過真係小得咁交關😪魚-得四小塊，蜆-殼多過肉，蟹-炸到乾晒，無乜肉食.....😑食完成個餐好似無嘢落過肚咁😔就求其叫多個生煎包頂吓個胃，唉😪失望！吹咗三次先上到枱都不凸止，包皮煎唔透，唔香口，裏面啲肉仲凍嘅，食咗半舊就放棄咗☹️無下次😤

父親節食飯，大家庭每次聚會都要周圍搵邊度可以坐得舒服，有足夠空間打麻雀今次黎到鯉魚門富臨，空間充足，有麻雀打有k唱。燒鴨：上菜時溫度夠，皮脆不油蟹鉗：大大件不油膩西蘭花炒帶子：賣相靚，味道爽口新鮮，但帶子份量少

難得一家人都在家，當然要共聚天倫樂，所以今次選擇了離家較遠的富臨酒家飲早茶，這一頓早餐亦十分豐富:鳳爪排骨飯($6.8):這個價錢不能再挑剔了吧，材料算足，飯亦軟硬適中。生菜魚滑粥(單售$12.8 配點心拼盤 $27.8): 材料豐富，有不少生菜和魚肉，而吃粥最重要的熱度它亦                                                             做得到。鮮蝦腸粉($14.8):味道尚可，但腸粉不是熱的，只可算是暖吧!蟹皇燒賣($14.8):一般酒家的水準，材料是多，但有點咸了。魚肚棉花雞($14.8):雞肉頗多而且味道不錯，魚肚亦相當夠味，值得推介。山竹牛肉($9.8):只可以說非常飽肚，但其實以面粉居多，沒太多牛肉味。紫薯水晶包(中點$15.8):看到圖片，以為非常特別，只可以說試過便算，沒太多味道，像是沒有味道的                                   豆沙水晶包。點心拼盤(單售$21.8 配生菜魚滑粥$27.8):味道一般，唯一好處是選擇夠多，但中間兩樣不太好吃，一                  

富臨在鯉魚門開業約一年，訂枱時酒家職員說明會提供兩小時免費泊車服務，原來泊在富臨對面露天停車場，心想都方便攞車。餐牌只有兩款套餐選擇，散叫選擇並不多，老人家想吃乳豬，但無乳豬拚盤，便叫了一隻乳豬，額外叫一個套餐，不久傳菜阿姐端上一隻燒乳豬（完整未片皮切件），接下來更精彩，女待應拿出鉸剪將乳豬剪成大塊 ，乳豬肥肉多過瘦肉，我們都是第一次吃鉸剪燒乳豬，為免老人家不快，我們沒有投訴但心裏有數，蒸鮮鮑魚仔、蒜茸粉絲蒸元貝（粉絲多元貝細）、椒鹽瀬尿蝦（蝦肉並不新鮮，有勬點誨）、椒鹽焗蟹（蟹膏算多）、清蒸海斑（不過不失）、珍珠鷄（茶市剩餘物資👎），最後仲欠碟清炒時菜遲遲未到，我們催促了6次，足足等了40分鐘才上炒菜，就剛剛過了兩小時免費泊車時限，要額外付每小時泊車費$36，大家才明白究竟發生什麼事了！

暑假期間難得老妹回來，家人說要約吃飯 地點吃什麼由他們來選，那好吧後來決定好買團購了，是富臨集團在鯉魚門開的分店，1行6人 當中有老人家跟小孩大概都知道會吃得不多之不過這團購5位或以上的話會額外再送一些菜式啊，精明的家人當然不會錯過有時候家人聚餐也會到富臨吃飯，不過來這吃海鮮還是第一次不會抱太大期望啦，一進餐廳空間很大寬敞，樓底算高，但到後來人多了就吵雜到聊天都很難由於已經預好了份量，所以菜式上桌的速度比吃還要快花膠響螺濃雞湯 濃郁的鮮甜味，還有幾片響螺在裡頭湯頭帶黏黏痴咀的效果，蠻滋味的好喝，是個好的開始清蒸大鮑魚 1人1隻的鮑魚品質也算參痴喔 蒸得剛好不過當中有2隻是濃烈的臭味椒鹽瀨尿蝦這道沒拍到，瀨尿蝦的肉質也削都水水的不鮮不甜蒜茸粉絲蒸元貝肉偏薄一點，蒜茸跟蔥末的調味不錯迷你珍珠雞 這套餐是海鮮餐，但這個有點格格不入而且料不多，不吸引豉椒炒黃沙蜆蜆肉飽滿鮮味，豉椒的調味也香濃5位或以上可享蟹有2種烹調方式，輕怡的花雕蛋蒸 或是 惹味的避風塘炒蟹，我們當然是選了後者嚕大大隻的蟹沒被炸乾要偷笑了，畢竟這晚的質素真的有嚇到，肉鮮扎實蟹蓋還有滿滿的膏，實在太棒甜美肥滋滋的本想一個人獨享

呢晚, 因為朋友比既一張報紙 coupon, 大老遠走入黎油塘。今次一行 4 人, 就係去試 coupon 上面果個 4 人海鮮晚餐 (套餐)~Coupon個set係無野需要揀既, 因為菜單已經定咗, 包括…避風塘瀨尿蝦 - 碟上滿滿既炸蒜粒, 香口野味, 瀨尿蝦一人一隻, 都好大隻厚肉, 而且肉質鮮甜結實又彈牙, 讚!!鮑魚 - 果皮清蒸, 鮑魚唔算大隻, 不過肉質彈牙, 口感豐富, 果皮味就好淡, 還好鮮味搭夠, 唔錯!!豉椒炒蜆 – 夠味, 可惜食既時候已經凍咗~白灼蝦 - 細隻咗D, 不過幾鮮甜~鹽焗奄仔蟹 - 感覺過火咗少少, 因為蟹腳既肉乾晒~清蒸xx 魚 - 都幾大條, 肉質唔算好滑, 不過都無蒸到過火, 唔錯!!粉絲蒜蓉蒸扇貝 - 無咩蒜蓉味, 不過清清地仲好, 可以食到原味, 扇貝爽口彈呀, 不過 size 唔特出, 佢將扇貝開咗邊, 視覺上就好似好大隻咁~~炒菜芯 - 爽脆嫩口, 不過都幾油~糯米雞 - 糯米多, 配料少, 不過味道還可以~花膠燉雞湯 - 好香好甜既一個湯, 味精點都有, 不過唔多, 用料好足: 4份1件雞件 + 5-6件花膠 + 5-6 隻新鮮雞腳

享報紙見到有coupon,$228一位食海鮮餐，好似幾抵，雖然鯉魚門遠少少，但都想去試下，結果有驚喜！我地叫咗個5人餐，包括以下10餸1湯：1）燒鵝 - 超好味！其實呢間酒家以燒鵝為名，真係幾好食，皮脆又多汁，我覺得好食過深井嗰啲多多聲！2) 芝士焗龍蝦 - 芝士好香，龍蝦細隻啲，不過ok! 好味！3) 避風塘炒蟹 - 炒得好惹味，隻蟹有好多羔！4) 清蒸鮑魚 - ok5) 椒鹽瀨尿蝦 - 椒鹽味唔夠濃,但都ok6) 蒜蓉粉絲蒸元貝 - 呢個幾正！個元貝好新鮮！7) 清蒸海上鮮 - 係石班仔，蒸得好滑，新鮮好味！8) 豉椒炒蜆 - 蜆肉夠肥, 但係豉椒味可以再重D呵!9) 清炒時蔬 - 好大碟啊，食唔哂，攞走！10) 迷你珍珠雞 - 比你當飯食總括而言，呢個餐好扺食, 食到抱住個肚走，大滿足！仲有要讚下樓面D姐姐，佢地好nice同熱心介紹D餸，連傳菜個姐姐都賣力推介: 「好味再黎食過呀，中秋都仲有呢個餐架，好抵食架！」真係敬業投入，very good!! 

一肚氣！衰1）叫套餐，無落單，問佢係咪無落，死口唔認，套餐第一道菜等大半個鐘無上2）個個職員都發緊夢，叫幾碗白飯，叫第四個伙記先明要落單3）6人餐龍蝦e麵，來4件碎濕濕似龍蝦物體4）勁味精湯5）完全無清過枱6）食物味道整體全味精餐7）甜品益力多糕，超難食8）勁無禮貌我一家人食咗$2000，唔係團購，換來一句這𥚃是做D唔睇價錢叫餸的客喎！如果有興趣食一肚氣的，這𥚃真係首選！有生以來，在酒樓食晚飯最衰的一餐，我好少寫食評，我多數會寫讚的，這間太唔掂，唔提醒其他人，對唔著自己！