富臨酒家 (燒鵝大王)

營業中

休息中

菜與餐牌圖片天差地遠。白飯，小菜價格離譜。不僅如此，點菜等一個小時都沒到，服務生問了三次才說菜未煮，簡直浪費時間，店家亦沒有表示歉意，難道是這樣對待客人？完全不推薦。

無操手！太過份！傷心！失望！話說今日外買咗兩隻宜家做紧特價的松葉蟹。我本人認為明碼實價，你賣得給人，無理由死晒的蟹先賣給人。你仲要扮晒野在個養缸度撈出嚟。你放啲死蟹擺落個養缸度? 呢啲咩技術？咩的玩法？你一定話你俾我嗰時新鮮的。我唔信10分鐘返到屋企，打開個袋，兩隻蟹都少一隻腳，蒸完出嚟，入面兩隻蟹內臟全部發黑的。係咪非洲松葉蟹？

破敗不堪的茶樓。首先入門口幾分鐘冇人招呼。入座之後冇menu，冇人理。小食令人完全冇胃口，但不可以退，一定要收費。服務人員態度都好差。餐牌組合非常奇怪，服務人員都不熟悉餐牌。一條蒸魚過千，最普通的清炒時蔬賣98蚊…食物味道都不合格，燒鵝鹹到不得了，蒸魚反而冇乜味。整個環境陳舊，燈光昏暗，座椅皮革都開裂，有奇怪氣味。性價比太低，體驗又好差。完全要被時代淘汰，不能夠與時俱進。好失望，作為街坊都不會再來…

今天到鯉魚門開會，開完已是午飯時間，與同事行出嚟便見富臨，同事話食過Ok ，它雖然不是我杯茶，也試試吧！它裝修與大部份茶樓一樣，光猛企理，因有大半個場租了給社團做活動，變得很多人，不方便影相。點心都算多選擇，也有小菜。我們叫了一個點心拼盤（$58）、咸水角（中點）及叉燒腸（大點），兩個女仔都差唔多了。點心拼盤有7件點心，2個叉燒包、蝦餃、燒賣、潮州粉果、雞包仔、紅棗糕各一，算抵。叉燒包味道普通，包皮太厚餡太小。燒賣味道唔錯，蝦肉算多，肥廋均勻。潮州粉果一望知唔掂，皮太厚。反而紅棗糕是整籠點心最好味的一個，咬落軟糯綿綿，有紅棗香味。其他冇食，不品評。咸水角很普通，外皮不夠脆，有點軟🤔，兼且有點油，似是炸好放了一會。👎🏻叉燒腸味道唔錯，皮算薄，叉燒不多，但有菜補返，所以食落味道和口感都Ok。👍🏻茶亦ok，雖然是茶包，頗香。整體而言，它的水準與大部分大路茶樓一樣，無驚亦無喜。

We went to this place on a weekday given all the seafood restaurants in the area seemed to be empty. The service was appalling:- We asked if the waiter could turn the AC down as we were cold at our table and his reply was "you shouldn't have sat there if its cold...- Tried to add one more dish and kept waiving but no one seemed to care to look at our area so I walked up to the manager and asked if we could add one more dish, his scolded at me for not writing my table number down on my "din sum s

父親節嚟呢間食晚飯，6:15分到，都有兩台客$1隻乳鴿熱辣辣幾好食海參鴨掌煲～除咗鴨掌其他都唔好食，尤其係海參生炒排骨～賣相唔錯，但係一啲都唔好食燒鵝一般斑片好鞋冬瓜盅～好鹹原本我哋要叫多兩碟餸，但係酒樓都話冇，我估佢哋入少咗貨，因為始終人流唔多今日食得唔暢快，下個禮拜再補祝父親節

拜山一行14人，完咗點都要揾個地方食個晏。今年搞掂哂有啲晏，又多人等車落山，就索性行落山，直接去咗富臨飲茶。四人限聚要分枱，都等咗陣，因為都多位，大概五分中都入得哂四張枱。入到去剛好兩點三，有下午茶。四張枱，差不多同時點餐，只有我哋一張枱好快泥齊啲嘢，其他三張都等咗好耐，我哋食哂其他枱乜都未有，三點九就last order。姑姐嬲咗走埋叉燒瀨好食(＄9.8），食得出冇味精。鴛鴦炆米($38) ，巧大碟，料都多，有啲唔均勻，可以再濕啲。乳鴿($28)，皮帶脆，好食有encore，但第二碟冇剪開四件，叫極都冇人攞把鉸剪，最後要自己去廚房拎薄撐，小厚，但都好食，又係好大碟，四人就難啲食晒，好彩分枱拎咗半碟去隔離枱鹹水角，不是下午茶優惠點心，好油好油

今日去鯉魚門行吓 因為年初三所以好多其他餐廳都唔開 咁逼住就試吓依間酒樓去到已經3:30 不過都算旺 坐滿樓面又唔多侍應 冇乜人招呼揀咗個位自己坐底 好在啲侍應都勤力 見佢哋好辛苦好忙點心都係基本款式 腸粉 蒸包 炒麵炒飯 粥 亦有啲新年套餐 不過貴啲同埋多數4人份我哋2個人叫咗5碟點心原本想叫粥同糯米雞 但係全部賣晒1️⃣蒸蝦餃一籠兩粒 平時出面多數一籠三粒 不過佢依個算大粒味道唔錯 餡料多 而且加入蒜頭同蔥 幾香幾新鮮皮亦算薄2️⃣叉燒腸粉一碟三條 每條大大卷已經淋上豉油看似唔錯 食落就麻麻哋 入面餡根本係叉燒包餡 醬油多過肉 味道遍濃餡料分佈又唔平均 叉燒肉亦唔香 比較多肥膏3️⃣潮州粉果依個我冇試 不過睇個樣已經唔得個皮超級厚屋企人食咗話唔好食4️⃣北菇蒸棉花雞依個就相對黎講比較好食底層放咗芋頭同一舊北菇面頭啲雞大大件 最搞笑係忽然有舊蟹柳食落多肉 肉質滑嫩 新鮮雞肉味夾雜少量雞皮同肥膏 加上少少油同鹹味 味道唔錯👍🏻望落都好光滑5️⃣椰汁蒸饅頭一客三大個 白雪雪 肥肥白白配上煉奶 不過個煉奶怪怪地 超級’傑’所以冇沾到饅頭原先已經超香椰汁味🥥唔甜 相當特別而且包質地軟棉棉 幾好食😋一食就食咗2大

今日去屋企附近嘅酒家飲茶，由於限聚令嘅關係，所以決定外賣自取返屋企食。乾炒牛河好夠鑊氣，豉油顏色均勻，河粉比較乾身同埋煙韌👍🏻馬拉糕好厚身同鬆軟，山竹牛肉球吸滿曬喼汁好飽滿🥰叉燒包同蘿蔔糕有傳統酒樓嘅風味

富臨酒家 一世都未試過48折!點解可以平過茶餐廳! 水準高過好多高級食府!👉清遠雞半隻48$👉 錫紙香菜炒牛肉超好味50$😁 西蘭花炒蚌非常新鮮65$😁 泡椒雞前菜20$ 非常惹味🍎 脆脆蘿蔔古老方法20$呢個時勢唔食等幾時食高級嘢!曬去富臨酒家支持下香港企業!

母親大人生日去咗鯉魚門富臨酒家燒鵝大王叫咗一圍菜。乳豬全體正常不算出色。翡翠蝦球湯片蝦球處理十分好，爽口彈牙。之後上的酥炸廣島生蠔，味道最好，外皮酥脆，生蠔算大隻，新鮮又好味，蠔味不會過濃。豉汁蒸帶子，帶子size比較細，火喉尚算OK，但托底的粉絲十分鹹。花膠扣冬菇，花膠非常有膠質，冬菇夠厚身，菇味夠香。花膠響螺頭雞湯，花膠比較細，幸好響螺片夠甜夠順口，配雞湯底口感濃稠，骨膠原十足。之後的酸辣野生椒龍躉，龍躉肉不錯，最重要皮脆肉厚，配菜的野生椒都幾辣，不是一般人老人家可以接受。其他炸子雞都非常正常，味道不俗。之後的炒飯及甜品就一般般。此酒樓環境價錢尚算OK，$1688埋單, 都算實惠，最緊要係一家人都食得開心滿意。

首先清潔程度好似大排檔 ，枱布污糟邋遢，而且穿窿。乳鴿2隻，平時上枱明明係一分4件，依家變左一分半，食起上嚟好唔方便。食起上嚟冇乜肉味又好乾身，問侍應攞椒鹽，得到嘅回應係已經夠味㗎啦唔需要椒鹽。電視廣告都有提過，要唔要由客人自己決定。蝦餃發生咩事，好難食，上枱時已經穿左幾個窿，蝦味一啲都無又細隻，竹筍仲多到睇唔到隻蝦粉果又係穿窿，無肉又無菜譜。比較正常嘅就係蘿蔔絲酥卷，脆口又多蘿蔔絲，即使過咗10分鐘仍然脆口。炒飯就好似平時水準，仍然係炒飯底，多汁多料。之前有食開依間富臨點心嘅水準都高質，但係三四個月冇嚟竟然見到咁差水準。會唔會係因為之前武漢肺炎影響下客人少咗，開源節流而入左啲差劣嘅貨，搞到啲點心都水準下跌。期間聽到啲樓面之間嘅對話（等到就等，等唔到就走🤬）咩意思呢？好生意到唔優做？

近排都成日唔係屋企煮飯，直接外賣返屋企最簡單方便直接呢間嘅外賣自取優惠都幾抵我哋就叫咗九黃滑蛋蝦仁蝦仁爽口 蛋煮得岩岩好 應該有加左d牛奶所以特別滑另外叫左生炒糯米飯煙煙銀銀 仲有鹹香味配上臘腸 童年回憶呀另外仲叫左燒餓例牌皮脆 肉結實 加上酸梅汁酸酸美味加分另外都叫咗個炸蝦餅外脆 都幾重蝦味 鍾意食香口嘅嘢就一定要嗌總括嚟講呢間野都幾抵食 特別係肺炎嘅時候唔想喺屋企煮餸 外買有六至七折 之後都會再encore回頭叫 😍

而家盡量都唔會係街度食飯，但係由於平時屋企係唔會煮飯，所以好多時都係買外賣去屋企食。依家好多唔同嘅餐廳都有唔同嘅優惠，個個都用唔同嘅方法去吸引啲外賣客，都係俾啲折頭或者送一個送俾你。而呢間餐廳就標榜方便同埋抵食。方便嘅原因係你只要打個電話落去，佢就會準備定啲食物，要一落到去，就可以將外賣拎返屋企。底食嘅原因係因為佢嘅自選外賣組合，配搭嘅菜色好多，這價錢相宜，所以都算唔錯，平時屋企冇飯食，這出街唔知邊間餐廳好，就可以嚟是但買外賣。

今天去咗鰂魚涌大風坳行山 ，這天天氣非常清涼行山好日子，行完山就去咗吉之島行街，D餸都幾貴，所以就無買，就行去西灣河坐船去三家村，落船之後行過富臨酒家見到有啲外賣自取非常之抵食 ，覺得攰攰哋不如買啲飯餸返屋企食啦 ， 方便又唔使煮 ，原來都幾多人買㗎！仲有外賣🥡專區比客人坐係度等拎外賣，買咗一個花膠紅燒豆腐 原價$86 現在$41因有4.8折 ，再嗌咗個北菇海參扣鵝掌煲 ，原價118 現在折扣$71有六折優惠， 再嗌咗個揚州炒飯原價$88折扣$42 一樣有4.8折 ，設有外賣專區等候 ，伙計又非常有禮貌，請我們座下等，仲問我們要不要開茶比我們飲住等，我們說不須要。等咗太約12分鐘左右，就有得攞喇 ，返到屋企 就即刻有熱辣辣嘅餸食又不用自己洗和煮都幾方便喎 。返到屋企即刻開來食就聞名好香，花膠紅燒豆腐：豆腐咬落去軟綿綿好滑 ，而且味道剛剛好不會太鹹， 有幾件薄薄哋嘅花膠 ，爽口都唔錯㗎，豆腐下面仲有幾棵白菜超多汁 ，非常之好味仲有一些 冬菇。另一碟是：北菇海參鵝掌煲 ，海參彈牙又滑，鵝掌炆得好腍，北菇好厚身，而且好多汁用嚟送飯就一流 。跟住我哋今次冇嗌白飯嗌咗個揚州炒飯 ，炒飯內有蝦仁