富記飯店 (已結業)

朋友聚餐~比我係網上面搵到張coupon以平價食2人餐~見地點係旺角咁方便所以就決定係呢度食啦~「養顏原隻木瓜翅」木瓜甜~魚翅多~作為第一道菜真的很有驚喜!!朋友不願出鏡~不過比大家睇睇真係有好多魚翅呀!!「仿鮑片拼雞絲粉皮」雞絲粉皮是我其中一樣喜愛的食物~好食!!仿鮑片蠔油味濃~個人覺得有小小咸~「砵酒焗桶蠔兩隻」每隻蠔差唔多有成隻拳頭咁大~好鮮~推介!!「法式片皮雞」聽聞呢個係富記飯店出名的菜色~果然不負所望~雞皮脆~中間的是鵝肝~最底是炸饅頭~超正!!又唔漏~「合時甜品」呢個最有驚喜!!一般外出用餐餐牌上的合時甜品不是紅豆沙就是西米露~而富記的合時甜品竟是雪耳木瓜糖水!!又多雪耳又多木瓜~用料十足!!**經理見我地4個人仲加多左2碗比我地添^^呢個套餐仲有鮑汁扒時蔬同蠔皇炆伊麵~仲送埋紅酒或者果汁~都係$368咋~抵!!另外我地仲散叫左「沙津脆蝦」~每隻都炸到好脆~好食!!仲有「冰x鮑魚」~呢個鮑魚要好小心先食到~因為好似尋寶咁要先弄走冰塊先~而且唔小心仲會整到成張枱都係冰~整體上我地朋友4人都覺得呢餐好抵食~因為coupon都差不多平了一半~提醒大家如果想食呢間之前要book位

近O黎已經為OPENRICE寫左幾篇食評但係都冇登,希望今次可以「過關啦」晚飯孖寶: 黃金蝦加半隻法式片皮雞:黃金蝦好正, 炸到脆卜卜。蛋黃包到隻蝦實一實添。片皮雞後悔叫左半隻, 應該食一隻。唔夠喉。雞下面有一片薄薄嘅鵝肝, 下面仲有炸饅頭。超正。又唔漏。川辣牛展, 仿鮑魚同凍鎮千層峰: 最適合送飯。蜜糖脆鱔: 原全唔似鱔。加左蜜糖怪怪地。冰鎮介蘭: 得數十條介蘭, 冇葉。但係真係幾清甜。有鬼馬日本豉油同WASABI做醬汁。砵酒生蠔: O黎到已經聞到好香嘅酒味, 以為隻蠔好大隻啦.....都係脆漿大個蠔。牛柳: 咸到冇朋友。

朋友生日, 去咗富記, 叫咗孖寶-法式片皮雞 - 炸雞下有一塊類似雞肝, 再下面係一件細既炸銀絲卷, 感覺特別 金沙焗海蝦 - 炸得好脆, 可以連殼食 蜜汁燒鱔- 我唔食魚既都食咗幾舊

今晚約了幾位好久沒有相聚的友人一起食飯,所以一早也搜集資料看看有什麼好地方,見這間都有我們各人喜愛的食物,而且食評也不錯,後來妹妹說她之前來過,食物方面都可以啦!見到有幾款特價前菜,全部$10,我們點了青瓜螺肉~~不太辣,但偏甜茶皇燻鵝$48~~這個好味,鵝肉好腍又不太膩籠仔蒜蓉花蟹蒸糯米飯$188~~蟹的鮮味滲入糯米飯,真的好好味,糯米飯蒸到剛好軟硬適中,又最愛它勁多蒜蓉,不過自己貪心過頭,一大口蒜蓉往口裡吞,咸到食其他食物都是得個咸焗魚腸$48~~一道好食的餸,面層的蛋好香口,魚腸份量多又唔腥啫啫通菜$40~~用鐵板上,所以特別熱騰騰水煮桂花魚$98~~是友人S及T的最愛,可適並不是他們想吃到的那種味道,這裡始終煮不出川菜館獨有的精髓雜錦炒豬什煲$48~~有豬頸肉,豬肚及豬潤,味道一般,豬潤好硬我們4 個大人1個小朋友,除了以上小菜外,叫了3杯飲品及點了一碗麵給小朋友吃(這碗麵是好細小的),結帳共$680,朋友T話下次不會想再來,臨走時見到門口外面貼了好多明星相,原來又是一間明星效應的店.

有朋自遠方來,於是想起這間走特色小菜的飯店!!訂了6:30時間, 由於時間尚早,很多空枱,所以點菜時,侍應也較為有耐性及禮貌!!前菜- 麻辣青瓜,既不香也不辣!! - 川辣牛展,辣味欠奉,醬油味搭夠!!主菜 法式片皮雞 - 果然名不虛傳,表層是一層炸得頗香口入味的炸子雞, 中間夾著一片鵝肝, 而底層則墊著一塊脆口厚多士, 口感一流, 味道亦出乎意料的夾,已足以令我有藉口再次光臨這間飯店,抵讚!! - 千葉豆腐,豆腐很嫩滑,但唯一不足是餸汁不夠,吃幾件已經不再吸引!! - 方魚肉碎泡飯,味道稍鹹,可能放多了冬菜,但整體味道還可以!!飯後甜品 - 薑汁蕃薯湯水,送的,所以要求不高,薑味夠,但蕃薯略嫌有渣,一般貨色!!因為朋友較為細食,只叫了幾碟小菜,下次再有機會光顧時,一定要再試多幾味招牌菜!!走時已經座無虛席,好不熱鬧!!

九時多來到，早來吃飯的一輪食客剛好離開，不用等位就可入座。第一次來，當然點招牌作一試：法式片皮雞，黃金海蝦，西檸芝麻雞當然必叫，還要了水煮桂花魚。水煮桂花魚先來，一上桌已聞到點點麻辣香。不像在國內，面頭蓋了一層厚厚不知翻用了多少遍的紅油水煮菜式，這裏的一望便令人覺得吃得比較安心，放心。吃水煮魚，最怕是袛吃到麻辣味吃不出魚味。這裏算是恰到好處，點點麻辣得來亦吃得出桂花魚的質感和魚味。不過水煮菜式總是：大大盤，但實在能吃到的肉只有丁點的… 此處也是一樣。接著是法式片皮雞，此味當然要趁熱食，亦要三層一起吃才得出精卒。雞皮果然十分香脆，皮下亦没有脂肪。夾在中間的是塗得厚厚的鵝肝醬，當然令到滿口甘香。沒有底層的烘脆法包乘托，當然不能成事。一碟十件，我們五人每人兩件，剛好。西檸芝麻雞，賣相沒有像在食評看到般工整，芝麻皮比想像中厚。所以吃一件已有點點滯的感覺，幸好有西檸汁中和一下。如芝麻皮能做得輕薄一點，相信效果能更理想。最後上桌的是黃金蝦，咸蛋黃香口是理所當然的，整隻蝦可以連殼吞也感覺良好，但就是吃不出蝦肉的質感與味道，口中只有咸蛋黃的味道跟油膩感。小插曲：在我們吃飽過後在談天之際，枱上出見了一隻

想食中菜, 又唔想食大眾化嘅酒家, 咁喺openrice搵到呢度. 特價小食$10 川辣牛月展 - 薄切腍身, 不嗜辣嘅我都可以食到, 唔錯.晚飯孖寶$168 法式片皮雞 - 新派創意嘅菜式, 炸好嘅雞中間係鵝肝下面加炸饅頭, 出奇地match, 好味!薑蔥桶蠔 - 桶蠔夠肥大, 面層輕輕走油, 味道唔錯.沙茶芥蘭 - 芥蘭炒得腍, 不過無沙茶醬味, 扣分.豬肺湯 - 清甜, 豬肺亦都切得厚厚, 好味!泰山五味骨 - 味道一般, 唔似係一個推介嘅菜式海帶綠豆莎 - 送嘅甜品, 一粒粒嘅海帶帶點爽口, 唔太甜, ok.

這已經不是第一次光顧富記飯店，只是看見很多食客在這平台上寫食評，躍躍欲試，於是找回前陣子和女朋友共享晚餐的照片與同是嗜食的朋友們分享；那天晚上點了六道菜，其中三款是小食，[ 椒鹽豆腐粒 ]、[ 泰式鳳爪 ]、[ 酸薑皮蛋 ]，這幾道小食屬合格以上；主菜則點了以下三款，亦是主題介紹，法式片皮雞 ~ 屬店鋪的招牌菜式，法式的意思是在片皮脆皮雞下夾著鵝肝，底層是鬆軟香脆的麵包，整個配搭很香口，沒有京式片皮鴨滿口脂油的感覺，不太膩之餘亦能滿足喜歡香口又怕太肥膩的女士；我女朋友是其中一份子蜜糖脆鱔 ~ 表面脆脆的，肉質軟腍，很可口，本人甚為喜歡這道菜，但很少見有食客推介呢鐵板蝦子柚皮 ~ 鐵板上柚皮，柚皮底層是雞蛋，柚皮面灑上了蝦子，配搭特別，味道不俗，但略嫌蝦子較少，女友第一次吃說很得意服務方面10分滿分有9分；一向服務也是合格的，但因為這次是在晚飯時段，約7:00左右，菜式的份量方面都會較多，因價錢屬正價但這店老闆特地為我倆二人在菜式份量上調整，當然價錢也相應調整呢，好讓我們可品嘗更多款式，所以這次給予的評分較高一點9:30後較優惠，小食類別起碼半價以上

與中學同學的飯聚,通常會去一些比較平民化地方,而且絕少過香港島,因所有人也是住在九龍或新界.所以,他們為小弟慶祝生日地點,最好交通便利,如果在旺角區就更好.個人喜愛旺角花園街的"富記",及第粥,肉絲炒麵,芥菜魚頭/魚片湯,甚至燒鵝,叉燒,也是我喜歡之味道.至於另一間,走新派粵菜路線,在瓊華商場的"富記飯店",開業多年,仍然未有機會來.反正未來過,不如就趁慶生之便,來一試此間富記.在晚上黃金時段,單在樓下的電梯口人龍,已排到出星際門口,幸好一早訂了位,否則沒有可能有得吃.飯店內已見人頭湧湧.光顧的食客大多是年青的一群,與花園街的麻甩格局大相逕庭.菜單上的菜式,挺有新意,如冰鎮鮑魚,黃鱔,法式片皮雞等等....人未來齊,先偷步點了些小吃,燻蹄,螺肉全部特價$10一碟,實行吃著等.當人到齊,便正式開始此夜的"三月雙星局".與燒起不久的脆皮燒肉遇上,燒肉皮香脆酥化,豬肉的肉香濃厚,入口鬆化.所謂的法式片皮雞,是雞皮加鵝肝醬,再加上底下的炸饅頭,或者有肝醬在內,所以便加上法式兩個字而已.雞皮連上一些雞肉,很香脆.夾著的肝醬也算甘香,下面的炸饅頭亦鬆化.這一組中法聯盟之配搭,還算合拍."者者"炒飯

前菜。麻辣青瓜：青瓜尚算爽口。但無味的，又不麻又不辣喎$68。泰山五味骨：好普通，像是一般的生炒骨，肉質還好，可是吃不出有五味，配料有洋蔥、青椒和紅椒，有些醬汁痴在煲底，吃到底就超咸，整體來說好一般~$68。西檸芝麻雞：個碟的設計好得意，剛好放8件雞塊，外脆內軟，雞肉嫩滑絕不鞋口，雞肉汁仍保存到，正啊！芝麻香味撲鼻，入口啖啖芝麻味，加上西檸汁，這款菜配白飯拌吃應該不錯的，正！$48。冰震千層峰：薄薄的豬耳與膠狀的滷水汁味道頗夾，豬耳爽口，沾上微酸的汁同吃，感覺清新$58。金蒜魚香浸娃娃菜：有三款菇，分別：秀珍菇、雞脾菇、東菇。魚湯鮮甜無味精。最大問題係無''金蒜''既？？送的。海帶綠豆沙：超足料，甜味剛好，出奇好味。海帶切得細細粒，但未夠沙二人。前菜、茶芥、服務費。合共$295

兩個人去食~之前都來過一次,都知佢既服務唔好,估唔到今次再下一城,再差d唔駛等就有位,dinner時間叫做好好彩,但係不幸地我地坐左個冷氣位,吹到正一正開頭我地都仲頂得住,過左15mins,嘢食開始來就頂唔住了!coz d嘢食極快凍晒我地問佢可唔可以change位,佢話full,唔得,咁都可以理解,咁我地問可唔可以校細個冷氣,佢話唔得,話會好焗!咁一個唔得,我地就問第2個人啦,第2個仲衰,見我地叫佢,佢唔出聲走開!之後再問,因為真係好凍,d嘢係先岩岩來,都未食到一半!再來個睇來似經理既,佢就熄左個戍冷氣風口!即刻好好多~ 我地問佢可唔可以叮返熱d嘢食,佢都樂意點知坐唔夠10mins,個風口又開返!佢地呢班阿叔waiter到底想點?!唔係咁做生意呀ma? 兩人枱都係客呀! 我try to turn off on myself,but failed只好快快食埋d話咁快又凍左既嘢食,即走佢d嘢食係好味,都叫抵食,不過未好食到要我忍受d咁既服務態度既程度lor!以後唔會再來!

好唔好食又睇落去 325 回: 富記飯店高朋滿座@旺角http://hk.myblog.yahoo.com/goodboy_philip/article?mid=40156一年前食富記, 覺得呢度既家常小菜味道真係唔錯! 今年再幫襯食, 撞0岩新春初七人日生日, 晚市高朋滿座, 你恭喜我我恭喜你, 成間食店夠哂熱鬧! 至於好唔好食? 又睇落去?門口貼滿曾經幫襯過既明星, 味道又如何? 地址: 旺角彌敦道酸菜 + 茶芥每位: $13椒鹽豆腐粒: $35金牌燒腩仔 $68: 賣相 ok, 不過食落熱力不足, 皮亦唔脆...泰式五味骨 $68: 青椒紅椒洋蔥酸甜味道, 骨多肉少, 多 d 肉咬就掂喇!金沙焗蝦 $78: 蛋黃炒超好味, 奈何蝦肉不爽...浪費左 d 調味! 所以最後蛋黃撈飯唔好 sai!冰鎮芥蘭 $58: 涷芥蘭, 醮 wasabi 同豉油, 屋企都可以試下整 woh! ha...燒汁銀鱈魚 $88 : 煎熟魚只食銀鱈魚, 因為肉質夠滑味道又唔腥, 而個燒汁撈飯亦唔錯!薑蔥桶蠔煲 : 爆得香! 蠔亦算肥美! 滿足!法式片皮雞 : 片皮雞, 加埋味道好似超市既雜肉肝醬, 夾埋法

昨晚約朋友在旺角食晚飯, 起初朋友界紹我去這間富記試下, 但睇完之前d食評有d保留. 誰知昨天早上又有朋友讚佢唔錯, 咁諗住試下啦, 點知.................... 唉~~~~~ 一定唔會有下次.全晚最好食都係個蒜蓉蟹蒸糯米飯, 真係好香, 價錢一般. 但叫咗個名"太子XXX"唔係好記得個全名, 但係係蟹子帶子蒸蛋白, 個蛋白係蒸得幾滑, 但一碟得八隻帶子到, 都要成差不多$300一碟, 超貴, 仲要唔係特別好食, 救命. 跟住叫咗個娃娃菜, 又係唔記得名, 但係黎到係個菜排得好睇, 上面咗d肉碎同炸蒜, 但個菜冇乜味. 好彩個西施炒飯都ok兼夠"獲氣, 個芝麻西檸雞係ok, 但冇特別. 咁樣四個人食咗差不多八百元但都唔知食咗d乜咁..................唉.............................總之我就信d食評唔去啦................................八百元, 可以食到d水準好d的菜囉...............................................真係欲哭有淚呀~~~~~~~~~~~

我同左我哥哥+哥哥既女朋友+媽咪去食食左雞翅,岩岩好...分到4碗都算落足料都唔算貴,$400幾我就叫左個炸蟹鉗一D都唔好食有點苦幾難食下又貴!所以我覺最好食係雞翅

富記飯店有三個缺點：難食，貴，服務差係樓下見到多款$10小食，但上到去，可能係我觀察力太弱，搵勻成個餐牌，真係搵唔到喎，最平都$18。比人昆左上來，但心諗唔緊要，睇下好唔好食再講。嗌左四樣野：酸辣鳳爪（＄18）：細碟，唔辣，唔稔，唔爽。我都唔明，現成野都可以咁差。令我想起長長沙灣松記隔離間泰式鳳爪，好食過呢碟十倍。豬頸肉（＄18）：女朋友話，從來無食過咁難食既豬頸肉。嗯，真係幾難食，有陣怪味。花蟹粥（＄22）：D蟹肉梅既，但去到呢個時候，你還能有期望嗎？個粥底其實唔錯，如果你唔介意食味精的話。雞絲粉皮（＄22）：我真係好唔明，呢度既雞絲粉皮都只不過係一堆現成既材料加埋，淋D麻醬係上面姐，都可以整得咁難食...連D麻醬既味都唔好食。四碟野加埋＄80，仲有茶錢＄10同加一＄9，咁樣收多我廿蚊....慘過比人打劫。到左最後，埋單＄99，個伙記收左我一百蚊無找錢，我比唔比貼士係我既事，你無論如何都唔可以假設我一定會比果一蚊貼士！食餐咁既垃圾收我一百蚊？