富豪酒家

營業中

休息中

今日相約2位好友在尖沙咀lunch, 友人提議去連續十三年獲米芝蓮評級一星的富豪酒家， 佢話午市套餐十分抵吃，好期待呀!自選午市精美小菜套餐$798~富豪靚湯~材料有無花果，雪梨，和瘦肉，燉湯味道清甜滋潤，無味精，好正。海蝦肉碎茄子煲~海蝦十分鮮甜爽脆，茄子本身清甜多汁，加上嫩滑的肉碎，入味又不油腻，很惹味。野生銀魚煎蛋~未食過這麼大條的白飯魚， 肥美嫩滑，仲要係野生，蛋煎得金黄又薄身，加上葱花，蛋香中透出葱香，煎得乾身，好香口。勝瓜雲耳炒叉燒~勝瓜清甜嫩滑，雲耳爽口，最難得落味不重，食到食物的原味道，叉燒比較瘦，有咬口且有肉香，很不錯。芋香酥鴨半隻~ 外層酥脆，入口即融， 裏面以芋蓉配去骨鴨肉，芋香加上鴨肉的酥香， 無論口感和味道也十分出色。蛋白生磨杏仁茶~濃郁的杏仁香味配上蛋白， 不甜，滋潤美顏，食埋這道甜品真的很滿足。

呢間拎左13年米芝蓮一星嘅中菜廳想試好耐啦！第一次見中菜有開放式廚房，但又完全冇油煙，環境好舒服🥰食左幾樣養顏菜品推介比大家，呢到嘅菜式不會有過多嘅加工，比客人食到原汁原味嘅食材，而且非常新鮮😳.《水晶炒官燕》份量非常多，阿翁介紹佢哋係採用印尼官燕盞發好嘅濕燕窝同花蟹肉和蛋白用砂鍋堂炒之後加上少許金華火腿茸，做到提味之餘亦不會搶燕窩嘅鮮。整道菜鮮甜軟滑，是養顏之選。.《鮑汁花膠鵝掌》採用印度花膠和波蘭鵝掌上湯濃香鮑魚汁做芡，味道剛好，不會得個咸字，提昇食材天然光澤之餘色香味美。花膠軟硬適中，肉質紋理清晰，彈性高，具嚼勁，不會滑潺潺，食得出係花膠中嘅極品🔥鵝掌甘香腍滑，吸收了鮑魚汁的味道及花膠的膠質，亦非常多肉，十分出色！.《雲腿玉樹麒麟班》生劏老虎班起肉切片，肉質爽滑。中間再夾住金華火腿片和冬菇片排成麒麟狀蒸熟，如虎添翼，再淋上清澈香甜嘅芡汁，簡單清蒸能食出其鮮度亦不覺腥。金華火腿片瘦肉香鹹帶甜，香而不膩，醇厚鮮美，應是發酵時間較久的高級金華火腿。冬菇同樣不馬虎，濃香撲鼻，口感軟滑。.《金銀四寶白菜包》估唔到白菜包都可以整到甘精緻，用砂鍋炒嘅餡料有片狀嘅雞肉、冬菇、鮮鮑片同鮮蟹肉，再以

這間米芝蓮一星的中菜酒樓，整個用餐體驗令人留下深刻的印象。美食後讓人感受到的是一種滿足和幸福。每一道菜都呈現出高超的廚藝和創意，讓人流連忘返。鮮蟹肉竹笙燴花膠：這道湯羹結合了鮮美的蟹肉、爽脆的竹笙和滋味濃郁的花膠。整道菜的口感豐富。湯羹滋補養顏，非常鮮甜翡翠百花釀遼參：遼參是刺參一種，遼參內裡包著鮮美的蝦膠，外面軟淋裏面非常之彈牙，口感多層次。碧綠金銀海斑卷：碧綠金銀海斑卷是一道非常精美的海鮮料理，使用了兩種不同的烹調方法，同樣包著金華火腿冬菇，海斑則保持著鮮嫩的口感，非常高質。生蝦魚鰾煮勝瓜，這道菜使用了鮮甜生蝦和上門鱔的魚鰾為主材，配合了口感清新爽口的勝瓜，加上豬肉提鮮，令整個菜式昇華了不少。薑蔥生煎鹽香雞：嫩滑的雞肉，配合了薑蔥和鹽巴，口感香脆多汁，非常美味。富豪炒麵：這道菜用上了雲吞麵的幼麵，再加上瑤柱，葱絲、薑絲、銀牙。口感清爽，乾身而不油膩。陳皮紅豆沙，使用了陳皮和紅豆製作而成，口感香甜，紅豆沙口感豐富，陳皮的香氣更是為整道甜點增添了另一層次的風味。📍富豪酒家尖沙咀彌敦道132號Mira Place食四方4樓402號舖

中午和2位朋友到富豪飯店共晋午餐，慕名而來，因已連續13年獲米芝蓮星級獎。選了 $780 的"自選精美小菜套餐" ，經濟實惠。富豪靚湯 -無花果雪梨煲瘦肉~湯頭鮮甜美味，有大片雪梨，十分滋潤，不覺有味精。野生銀魚煎蛋~銀魚圓潤肥美，矜貴在野生，煎得乾身有魚香。蛋餅橙黃色賣相吸引，蛋味濃郁，加點葱.花，簡單菜式做出不一樣的美味。勝瓜雲耳炒叉燒~勝瓜和雲耳常是好拍檔，加點薑片和甘荀色香加分。新鮮叉燒豐膄合度，邊位煎得金黃肉香提升。海蝦肉碎茄子煲~海蝦大隻彈牙，配了肉碎的茄子，嫩滑而不油膩，醬汁入味而不濃重。荔芋香酥鴨半隻~外面金黃酥脆，裡面軟糯綿密，入口融化，芋香濃郁。蛋白生磨杏仁茶~生磨杏仁配軟嫩的蛋白，香甜幼滑又滋潤。富豪地址: 尖沙咀彌敦道132號Mira Place食四方4樓402號舖+852 27362228

去咗尖沙咀一間米芝蓮酒家富豪酒家連續十三年米芝蓮一星每碟菜都好精緻 味道千變萬化晚市有幾個套餐可以揀 最出名嘅名菜就係阿翁鮑魚，還有好多阿翁名菜供選擇。1️⃣阿翁砂鍋炒花膠材料有印度花膠條 生拆羔蟹蟹黃 游水花蟹肉蛋白 火腿絲等等有淡淡的花膠 炒得好香滑2️⃣碧綠潮式石榴雞材料有鮮雞粒 冬菰粒鮮蟹肉 蓮子粒 馬蹄粒唐芹粒外觀好似石榴果一樣 好精緻一咬落去湯汁流出 入面好足料3️⃣古法瑤柱炸釀蟹蓋8兩重肥美花蟹蒸熟之後拆肉 配以日本瑤柱 冬菰絲 洋蔥絲炸得好香 入面有梳梳蟹肉4️⃣香芹羅白海班卷採用約6/7斤的游水黃皮老虎班 生劏之後取其班肉切皮 卷住火腿絲 冬菰條 芹菜條 再用芹菜絲綁住 魚肉好鮮嫩 一咬食到好香嘅香菇同火腿味 味道豐富 5️⃣富豪福建炒飯材料有瑶柱 鮮蝦粒 燒鴨粒 冬菰粒 葱花 鮑魚汁個飯材料豐富廚師炒得乾濕適中，好有鑊氣每一啖飯都好香食到唔停口。6️⃣銀杏芋泥官燕晶瑩通透的燕窩上面有幾粒金黃色的銀杏，原來燕窩下面盛載住香滑的芋泥，淸淡的燕窩配合香滑芋泥可以話係絕配，分開食混合食都可以，就睇你個人喜好啦。總之係好食！

香港有林林總總嘅中餐館，屹立喺尖沙咀市中心呢一個黃金地段，居然俾我哋喺美麗華廣場一期尋找到呢一間寶藏餐廳😍 宴席菜餚包羅萬有，除山珍海味之外，仲有精緻講究嘅中式料理！米芝連推介的👍🏻精緻講究嘅中式料理！1️⃣ 阿翁砂鍋炒花膠餐廳選用了印度花膠條、生拆羔蟹蟹黃、游水花蟹肉、蛋白及火腿絲來烹調。今晚第一道菜已經領略到一梳梳蟹肉與花膠的完美交融，令我哋味蕾感受到極緻的滿足和享受！2️⃣ 碧綠潮式石榴雞呢款菜式包裹住鮮雞粒、冬菰粒、鮮蟹肉蓮子粒、馬蹄粒唐芹粒，令成道菜口感層次豐富，唔會太單一口感。師傅喺炒餡調味料上到花盡心思，連調味粉都五花八門，層出不窮，每一款份量到啱啱好，令口感唔會太咸，增添幾分風味。3️⃣ 香芹羅白海班卷餐廳採用咗好1條約7斤嘅游水黃皮老虎班，去皮后卷住火腿絲、冬菰條、芹菜條，再用芹菜絲綁住。餐碟上鋪滿蘿蔔，以上湯浸住，先清燉約15分鐘後，再連同預先包好嘅班卷一同煮熟，令到班卷深入濃郁嘅雞湯味，蘿蔔亦好入味！4️⃣古法瑤柱炸釀蟹蓋啖啖肉又鮮甜的釀蟹蓋可謂中餐經典之選！餐廳用料上乘，蟹肉金黃酥脆，色澤明亮金黃，絕對喺用心之作！享用釀炸鮮蟹蓋時，加少少醋同吃，更添另一番滋味，鮮甜蟹肉囗感層次

eatwithbunny尖沙咀富豪酒家📍尖沙咀彌敦道132號Mira Place食四方4樓402號舖食物：💛💛💛💛🤍裝飾：💛💛💛💛💛服務：💛💛💛💛💛價格價值：💛💛💛💛💛最愛：💖原燉爵士湯（海螺花膠蜜瓜湯）------------------------------ ------------✅ 位於美麗華廣場，距離尖沙咀港鐵站步行僅需3分鐘。超級方便。 連續十三年奪得米芝蓮1 星🌟✅ 菜單提供各種美味且令人垂涎的食物。菜單種類豐富得令人難以置信。✅ 他們家的海螺花膠蜜瓜湯是我的最愛！非常健康又美味。 以響螺頭、老雞、排骨、鳳爪、花膠、美國蜜瓜燉成，味道非常清甜。✅油泡鳳尾蝦帶子鮮甜彈牙，確實回味無窮！✅香蔥花蟹炆冬瓜內蟹肉非常鮮甜，冬瓜同花蟹一齊炆，充分表現出食材嘅鮮味。✅欖仁合桃酥食到滿滿嘅原粒欖仁，令我停不下來！✅ 杏仁茶也很棒！這是一種老式的中國甜品，杏仁非常香滑，甜度剛好， 份量很足而且物有所值。✅ 一次愉快的經歷。友情提醒：一定要提前預約✅ 總體來說食品質量非常出色，服務員也很棒，總是高效、愉快、有禮貌

富豪酒家貴為尖沙咀星級飯堂,並連續13年獲得米芝蓮一星殊榮.知道25/7-27/8為香港餐廳周Hong Kong Restaurant Week,以優惠價錢$388享用午市套餐及$980享用晚市套餐,非常吸引!難得與朋友午市相聚,就趁機享受一下~阿翁午市美食套餐：▫️點心拼盤▫️富豪靚湯🔸晶瑩海蝦餃🔸蟹王燒賣仔🔸蜂巢荔芋角三種點心都正常發揮.特別喜愛蝦餃皮富有彈性,內餡有海蝦,肥肉及笋粒.鮮甜亦爽口.而荔芋角鬆脆香口,內裏充滿濃郁芋頭蓉.而暖笠笠熱湯味道濃郁,有家的味道▫️主菜🔸關東遼參鵝掌鵝掌肉淋入味,遼參爽中帶脆,肉質細糯,兩者配合鮑汁,味道濃厚.其性價比頗高,因單單一道遼東海參鵝掌原價已高於套餐值格,確值回票價!🔸迷你瑤柱鮮蝦荷葉飯用料充足,飯粒分明.各種配料香氣都滲到荷葉飯中.同時每啖飯都散發着荷葉味,飯身唔會太濕🔸生磨蛋白杏仁茶🔸合桃酥,椰汁馬荳糕生磨蛋白陣陣好香杏仁味,而且蛋白好滑身,唔會過甜,入口暖笠笠.最後附上兩種甜點合桃酥鬆脆,椰汁馬荳糕微甜帶出清新椰汁味道,而馬荳一粒粒更加口感

魚翅頂湯餃($198) + 北菇蒸鵝掌($108) + 晶瑩野生鮮海蝦餃($75) + 鮮蝦蒸粉粿($65) +脆皮錦繡腸粉($108) + 鰵肚滑雞扎($75) + 千層糯米飯($75) + 酥皮蛋撻仔($65) + 生磨蛋白杏仁茶+ 蓮子百合生魚湯(午市/另加一)今日放假，同朋友去尖沙咀美麗華廣場連續第13年攞米芝蓮一星嘅富豪酒家飲茶🌟🤩創辨人阿翁先生不停穿梭各餐桌同食客交談，平易近人，謙虛有禮；經理同員工態度親切誠懇，招呼貼心😊.打頭陣蓮子百合生魚湯，火候足，味道鮮甜，阿媽教落魚湯好有營養😌魚翅頂湯餃好好食，魚翅發得好又比得足，上湯清甜，相當出色！北菇蒸鵝掌鵝香撲鼻，啖啖甘香，熟度啱啱好🤝鮮蝦蒸粉粿皮薄餡靚，餡料滿滿都係蝦肉，鮮甜彈牙，粉粿皮軟糯度高，口感好好🌟酥皮蛋撻仔酥皮鬆化，入面蛋漿香滑，香氣撲鼻，極有質素🤤鰵肚滑雞扎，雞肉肉質嫩滑唔會蒸得過火，魚肚吸盡雞扎精華，軟綿入味口感似棉花，值得一試！.蝦餃集齊鮮爽彈 - 新鮮、爽口、彈牙，好食👍🏻千層糯米飯好足料、非常惹味；脆皮錦繡腸粉蝦肉飽滿鮮甜，可以食腸粉又可以食到脆皮雙重口感，一次過滿足晒兩個願望👍🏻生磨蛋白杏仁茶，感覺滋潤

今次Lunch幫襯嘅係連續多年米芝蓮一星嘅酒家，叫左午市set 每位$488。以米芝蓮一星酒家嚟講算係幾抵💕 我哋坐低服務員已經有禮貌咁問飲咩茶開好茶點好餐有花生比你食住等上菜，第一道先上每人一客點心拼盤：有蝦餃燒賣咸水角各一之後仲有每人一碗招牌靚湯😋個湯幾清甜濃郁～再嚟有招牌嘅鮑魚炆鵝掌，35品吉品飽好夠味而鵝掌亦好大隻有肉唔係得骨👍👍之後仲有個迷你瑤柱蝦荷葉飯，飯有荷葉香夠鮮味而且唔會太濕身🥰 咸食完哂之後仲有甜品部分💕有即煮蛋白杏仁茶😍 一落枱已經聞到陣陣杏仁茶香。而且唔會太甜 配埋 椰汁糕 同 蛋撻仔 啱啱好。

［有真材實料，又豈需流於表面］每道菜看似平平無奇，脫去侈華既美味卻有種濃厚既踏實感，大概呢種就係叫真材實料。淺嚐連續榮獲米芝連一星既富豪酒家。——✧爵士湯原燉爵士湯預訂 $480/位以響螺頭、老雞、排骨、鳳爪、花膠、美國蜜瓜燉成，味道非常清甜，甚至連湯料都好味。.✧油泡鳳尾蝦帶子 $500超大粒帶子，加上新鮮鳳尾蝦。鮮甜彈牙。.✧金針雲耳蒸雞 $660蒸雞非常滑，入味得黎又冇過鹹，配料亦好味.✧香蔥花蟹炆冬瓜 $380採用當日新鮮撈上黎既游水蟹，冬瓜吸收曬蟹既鮮甜精華。.✧富豪炒飯（砂鍋）$320非常有鑊氣既炒飯，好乾身，粒粒分明，砂鍋保持住當中嘅溫度同香味.✧蛋白杏仁茶 $60杏仁非常香滑，香氣濃郁，甜度剛好。.✧馬拉糕 $55/件口感綿密.✧欖仁合桃酥 $55/3件食到滿滿嘅原粒欖仁，十分酥脆，好味得黎作為甜品都好健康📍尖沙咀彌敦道132號Mira Place食四方4樓402號舖

💃🏻🕴走進名人飯堂，品嚐高級中式菜式🌟原燉爵士湯🌟因為鄧肇堅爵士而命名的。主要以響螺頭、排骨、鳳爪、老雞、花膠以及美國蜜瓜為材料燉成，材料超級十足，最驚喜係個美國蜜瓜，名副其實甜到漏，‼個湯非常清甜又養生‼🌟油泡鳳尾蝦帶子🌟材料非常簡單，最重要係原材料夠靚！鳳尾蝦同帶子都好夠份量，唔需要過多既調味，簡簡單單的油泡後便上枱，食既係材料既原汁鮮味🦐🌟香蔥花蟹炆冬瓜🌟香蔥同冬瓜吸收哂蟹嘅鮮味，本身蟹肉同冬瓜味道偏淡，大大條既香蔥可以吊番D味，好鮮甜👍🌟金針雲耳蒸雞🌟雞好滑身，金針同雲耳都好爽口，係我既最愛😊🌟富豪砂鍋炒飯🌟只得瑤柱同蔥花既菜式，都可以煮到咁香口😍重點在於個砂鍋，收左水份之餘，油既分布亦平均舖係每粒飯既上面，經過砂鍋炒過，每粒飯都帶有少少香脆🍲🍭生磨蛋白杏仁茶唔甜，好滑，就係只得蛋白同杏仁既味道味道清澈又分明🍭精選美點雙輝 【欖仁合桃酥🔹椰汁馬豆糕】中式晚飯例牌甜點👍➡基本上所有菜式調味上都唔會好濃，食既係原材料保留既原味同鮮味

趁住今日放假特登約朋友去尖沙咀行街,順便食我最鍾意食嘅富豪酒家, 餐廳喺彌敦道132號 Mira Place 食四方。連續十三年奪得米芝蓮,食物一向有保證。今日點咗個阿翁午市美食套餐,點心拼盤晶瑩海蝦餃,蟹黃燒賣仔,蜂巢荔芋角。蝦餃做到皮薄餡靚,咬一口嘅時候你會首先感覺到一股熱湯鮮甜嘅湯汁,入口蝦肉爽口彈牙,味道極之鮮甜。 燒賣皮薄到可以透出入面嘅餡料,加上味道鮮甜嘅蟹王, 口感同味道層次都好正。芋角炸到外面呈蜂巢形狀,食落去口感酥脆,內層軟滑,真係即叫即做,又新鮮又好味。富豪靚湯, 菜乾豬肺湯,味道香濃,入口好清甜。豬肺湯好有益,無論對皮膚同氣管都好好。迷你遙柱鮮蝦荷葉飯,啲飯吸曬啲荷葉味好香,加上瑤柱同大蝦嘅鮮甜味,飯吸收曬所有精華真係色香味俱全。關東遼參鵝掌,賣相真係勁吸引,鵝掌多肉冧滑入口即溶,遼參爽中帶脆，非常飽滿。咁名貴嘅食材,值回票價!📍尖沙咀彌敦道132號Mira Place食四方4樓402號舖

「阿翁鮑魚」相信大家都一定聽過。由翁先生掌舵嘅《富豪酒家》連續13年得到米芝蓮一星殊榮，真係唔簡單。無太多花巧嘅東西，但善於將食物嘅鮮味發揮到極致。✨原燉爵士湯 非常足料嘅靚湯，以響螺頭、花膠、老雞、排骨、鳳爪等煲成，仲有蜜瓜（選用美國蜜瓜，因為會更清甜），全部都係上等靚料，整體好清甜。當年鄧肇堅爵士好喜歡飲呢個湯，所以就叫「爵士湯」。✨油泡鳳尾蝦帶子鳳尾蝦同帶子都好鮮甜彈牙，簡單但美味。✨香蔥花蟹炆冬瓜 上菜時還原返成隻蟹嘅外型出黎，賣相非常吸引。採用當日新鮮游水蟹，連同冬瓜同一齊炆，啲冬瓜夠哂腍，吸收哂蟹嘅鮮味，蟹肉當然非常鮮甜，將簡單嘅食材昇華哂。高質。✨金針雲耳蒸雞雞件好嫩滑，金針同雲耳都好爽口。如果有碗白飯我一定連汁都撈埋。✨富豪砂鍋炒飯以砂鍋盛載，溫度保存得好好，材料只用了葱花、瑤柱、雞蛋漿和鮑魚汁調味，香氣十足，飯粒分明。✨蛋白生磨杏仁茶杏仁香得黎唔會太強烈，好滑，連同蛋白，非常有益。✨精選甜點有十分足料椰汁馬豆糕同欖仁合桃酥 ，兩者簡單得黎都好好味。

連續13年奪得米芝蓮一星殊榮，多年來保持到高水準，實在唔簡單。係不少城中名人嘅飯堂。✨原燉爵士湯 個名好有趣，原來係因為當年鄧肇堅爵士非常鐘意飲而命名。以響螺頭、老雞、排骨、鳳爪、花膠、仲有美國蜜瓜熬成，落足料，非常清甜又有益。✨油泡鳳尾蝦帶子帶子軟嫩，鳳尾蝦鮮甜彈牙，沒有多餘嘅調味，充分表現出食材嘅鮮味。✨香蔥花蟹炆冬瓜 賣相好靚。每日必定用上當日新鮮游水蟹，鮮味十足、蟹肉好甜。冬瓜同花蟹一齊炆，吸收哂蟹嘅鮮味，真係好好食，消暑一流✨金針雲耳蒸雞看似簡單嘅菜式，但整得好好味。蒸雞好滑，雞味好濃郁。雲耳非常好爽口，仲索哂啲雞汁。✨富豪砂鍋炒飯雖然只得香蔥同瑤柱炒成，再以雞蛋漿同鮑魚汁調味而成。一上檯已經聞到好香，瑤柱都較多非常足料，米飯粒粒分明，勁有鑊氣！當中嘅溫度同香味，砂鍋絕對應記一功🙌🏻✨蛋白生磨杏仁茶杏仁非常香滑，無起沙，蛋白份量都多，甜度剛好，係養顏養生之選💕✨精選美點雙輝 - 欖仁合桃酥 · 椰汁馬豆糕欖仁合桃蘇好鬆脆，食到粒粒核桃，椰汁糕非常滑身，好味😋