富豪酒家

營業中

休息中

好耐都冇飲過茶，今日嚟到尖沙咀，見到呢間好出名嘅富豪酒樓，當然要黎試吓，位於美麗華商場嘅4樓，一踏入酒樓感到非常豪華又寧靜，牆上面仲有好多名畫，高雅的陳設，非常有格調今日叫咗幾款點心，我都非常滿意，全部都熱辣辣，新鮮做起順德鯪魚球一放低就聞到果皮嘅香味，爽口又彈牙，肉質嫩滑，好香嘅魚肉味道鮮蝦滑腸粉$98，蝦嘅份量非常多，每一隻都好爽口，腸粉做到非常滑，又唔會太厚，配埋豉油一齊食，飽肚又好味瑤柱珍珠雞，一籠點心有兩隻，非常熱辣辣，雞嘅肉質非常細嫩，味道甜美多汁鮮蟹肉小籠包兩隻$130，咬一啖肉汁已經流出，非常鮮甜，豬肉味有夠香濃，細滑，小籠包嘅皮做到非常薄，容易入口，睇得出師傅用心製作香煎家鄉金薯糕，外表有啲似蘿蔔糕，炸到外脆內軟，仲金黃色，非常吸精， 有好香嘅甜薯仔味，一碟有三件，食完非常飽肚甜品（ 蛋白杏仁茶）甜品非常熱辣辣，好香嘅杏仁味道，入面仲有一絲絲嘅蛋白令口感增加，杏仁茶仲有美白去班嘅功效，非常受歡迎嘅中式糖水，味道又唔會太甜富豪酒樓係不容錯失嘅餐廳，值得推介，會再來幫襯

秋風起又到左食大閘蟹既時間今日同朋友一共4位品嚐超值大閘蟹宴生拆大閘蟹粉翅真正既生拆蟹粉，唔會係工場整定好香蟹膏味甘香鮮甜因為新鮮所以唔需要落薑去腥只要上湯，入口順滑蔥燒百花釀遼參好有驚喜既一道菜百花蝦膠底再加上湯煮成既芡汁好鮮味用上日本關東遼參口感層次好豐富江蘇大閘蟹每人有一隻足六兩嘅正宗陽澄湖大閘蟹每隻都好多蟹膏粘口甘香食得好滋味勁想可以食多一隻生煎薑蔥鹽香雞由於食蟹寒涼，所以套餐有呢度薑蔥鹽香雞就啱哂薑蔥爆炒雞肉鹽香雞係本地新鮮雞每件都好香雞肉味迷你蟹腿荷葉飯粒粒分明嘅飯仲有蟹粉同蟹腿荷葉好香，令人一口接一口口感同味道好豐富薑茶芝蔴湯圓最後食埋熱辣嘅糖水中和食蟹嘅寒涼真係食到捧住肚走

秋風起又係食大閘蟹嘅季節，見到富豪酒家推出左個大閘蟹宴，就約齊朋友去食！必食嘅係生拆大閘蟹粉翅，真係好好食，鮮味！用上陽澄湖大閘蟹製作，質素有保證！而且呢道餸絕對係心機菜，蟹膏要先爆香，蟹粉都係現炒，整出嚟味道甘香又鮮甜，好想食多碗寫明嘅大閘蟹每隻有約6兩重，真係好大隻，打開蟹蓋蟹香四溢，蟹黃同蟹膏都好多，蟹膏顏色金黃，賣相好得，口感粘而甘香，蟹肉肥美鮮甜生煎薑蔥鹽香雞都好出色，用上本地生鮮雞雞皮煎得好科口，肉質嫩滑，又有薑蔥味道，變得更惹味，唔錯啊！呢度菜都好適合去食，因為大閘蟹屬寒食物，食返啲有薑嘅

去到10月秋高氣爽，梗係要搵返大閘蟹嚟食下啦，今次嚟到富豪酒家聽到佢哋有個大閘蟹套餐，梗係要試吓啦。當中嘅重點就梗係生拆大閘蟹粉翅同埋江蘇大閘蟹啦。佢哋嘅大閘蟹粉翅同坊間嘅唔同，佢哋嘅蟹粉係生拆，仲要現炒，食落連埋一絲絲嘅蟹肉，味道恰到好處，回味無窮，食過返尋味。至於佢哋嘅江蘇大閘蟹，隻隻都係大約六兩重，唔會食落冇乜膏，打開隻隻都有好多蟹黃同埋半透明嘅蟹膏，味道濃郁鮮甜味道，真係超級好食，同屋企人食得好滿足。

今次和朋友去尖沙咀美麗華廣場富豪酒店，一早訂了位食超值大閘蟹宴，睇中呢個套餐入邊有大閘蟹，而且套餐好豐富，所以就訂座過來食。🥰生拆大閘蟹粉翅這道菜以新鮮拆下的大閘蟹黃、蟹粉和精選的牙揀翅，搭配濃郁的高湯，使用砂鍋烹煮而成。😛這道金黃色的大閘蟹粉翅濃稠度適中，入口順滑流暢，味道甜美而鮮美，留下回味無窮的美好滋味。😋江蘇大閘蟹每隻螃蟹重約6兩。打開螃蟹的蓋子，蟹香四溢，螃蟹體內充滿了豐富的蟹黃和半透明的蟹膏，口感黏滑，味道清甜，質量極高。😍迷你蟹腿荷葉飯打開荷葉包裹的飯菜，香氣撲鼻而來。每一粒飯粒都蘊含著蟹粉和蟹腿的香味，口感細膩且美味誘人。🤤

今次帶屋企人到尖沙咀美麗華的富豪酒家吃晚飯，富豪酒家已連續拎咗13年入選米芝蓮一星約餐廳。小編選擇了超值大閘蟹宴，每位$980，包五道菜一道甜品。生拆大閘蟹粉翅大閘蟹岀產於陽澄湖，都是由餐廳自己生拆蟹。大閘蟹無須用薑去鯹味，直接用濃郁的高湯以砂鍋烹煮，講究的是比例火候。大閘蟹膏令成品色澤金黃，濃綢湯汁入口順滑，味道甘香。蔥燒百花釀遼參餐廳用的都是特級日本關東遼參，裡面釀入蝦膠，蝦膠味道鮮甜又彈牙，遼參口感軟滑。配上以葱花、肉碎和上湯煮成的芡汁，更加好吃又入味。江蘇大閘蟹由江蘇供應的大閘蟹每隻約6兩重。 一打開滿滿都是蟹黃和半透明的蟹膏，入口細膩，配上的自家蟹醋，味道甘香，蟹肉清甜。生煎薑蔥鹽香雞同樣堂弄的有生煎薑蔥鹽香雞。加入薑蔥一同爆炒雞件，香氣令人垂涎欲滴，恰到好處的雞件皮脆肉嫩，味道鮮甜。迷你蟹腿荷葉飯一打開荷葉就聞到荷葉飯和蟹的香味，飯都是一粒粒不黐口，充滿着蟹粉和蟹腿的味道，相當吸引。

嚟到秋涼季節又係大閘蟹出場嘅時候😁😁一諗起嗰啲肥美嘅蟹黃蟹膏即刻都令人非常興奮! 唔同嘅酒樓亦爭先搶「閘」 ， 🥰當中搶閘成功就有富豪酒家，一路期待呢間名人飯堂可以玩出咩花款，事不疑遲即刻嚟過完美蟹逅😋生拆大閘蟹粉翅— 第一道菜已經先聲奪人，用上珍貴海洋食材-魚翅，配搭大閘蟹膏、蟹肉同高湯現場烹調。生拆大閘蟹粉係貨真價實嘅酒樓即拆即做，爆一爆香佢再炒，香氣四溢，未食已經令人流哂口水🤤仲要每一隻都係大名鼎鼎嘅陽澄湖大閘蟹，貨真價實🦀蔥燒百花釀遼參— 🔅因為媽咪鍾意食，由細到大都知日本關東特級遼參矜貴😍軟滑嘅遼參入面仲釀左蝦膠，用上湯整成芡汁，咁就完全凸顯出食遼參嘅新鮮😋江蘇大閘蟹— 🦀一講起富豪酒家好自然就會諗起阿翁呢個傳奇級嘅廚師，🦀由佢入嘅貨當然都係一等一，大閘蟹都係喺江蘇新鮮運落嚟，每隻都有差唔多六兩咁重，🦀打開之後呢蟹黃蟹膏都標晒出嚟，黏黏哋夠晒濃郁🦀迷你蟹腳荷葉飯—🍚荷葉飯最正嘅地方就係粒粒飯香包含着荷葉嘅清新，而裏面亦都有唔少嘅蟹粉用嚟提升鮮味更加有食慾🦀富豪酒家 (尖沙咀)尖沙咀彌敦道132號美麗華廣場1期食四方4樓402號舖

過完中秋又到左我自己另一個滿心歡喜嘅蟹季，周圍都有大閘蟹宴，我就選擇咗豪華派嘅富豪酒家超值大閘蟹宴，款款都別具心思。首先第一道菜就已經係非常珍貴嘅生拆大閘蟹粉翅，現場即煮直擊真係生拆蟹粉，原汁原味最新鮮嘅程度獻上，砂鍋翻炒香到不得了。一條條粗身嘅魚翅同高湯按一比一比例逐一下鍋，出唻濃度啱啱好，實至名歸嘅色香味俱全。另外戲肉當然就係原隻嘅江蘇大閘蟹，每一隻都夠晒飽滿，真係未食都已經流晒口水，對半打開認真係爆膏，半透明蟹膏夠晒吸引，食完喺黃蟹膏之後裏面啲蟹肉都千祈唔好錯過！清甜嘅程度超出預期。食完個全蟹宴最好嚟返啲滋補甜品，薑茶芝麻湯圓，始終大閘蟹都係比較寒涼嘅食物，所以師傅都好貼心諗咗一度有薑嘅甜品可以愛嚟驅寒，味道果然夠薑，流心嘅芝麻湯圓軟軟糯糯，清新又滋潤，食完個身都暖一暖。

跟朋友約好到尖沙咀美麗華食好嘢，想起附近有間富豪酒家，看到富豪酒家已連續13年入選米芝蓮一星約餐廳，二話不說就進入試一下。小編跟朋友決定要豪吃，我們選擇了超值大閘蟹宴套餐，每位$980。生拆大閘蟹粉翅平常岀面吃的大閘蟹都是工場拆，但富豪酒家都是自己生拆蟹的，而且大閘蟹都是岀產於陽澄湖。大閘蟹粉翅都是用濃郁的高湯以砂鍋烹製，入口順滑流暢，味道鮮甜帶甘香味。蔥燒百花釀遼參特級日本關東遼參裡面釀入蝦膠，遼參肉質肥厚，口感軟滑，味道清香。上桌前會先放入湯汁煨，以葱花、肉碎和上湯煮成的芡汁，美味可口。江蘇大閘蟹餐廳選用江蘇供應的大閘蟹，每隻約6兩重。 一打開蟹蓋就見到滿滿金黃色的蟹膏和半透明蟹膏，味道超濃郁又鮮甜，黏口甘香。生煎薑蔥鹽香雞用上薑蔥生煎雞件，啲雞皮煎到金黃酥脆，一口咬落去，聽到啲脆脆嘅聲音，食得過癮！而且，雞肉嘅質地好嫩滑，入面蘊含咗薑同蔥嘅香氣，令人回味無窮。迷你蟹腿荷葉飯粒粒分明的飯粒包含著蟹粉和蟹腿的香味，啖啖荷葉香氣撲鼻，口感味道非常吸引。

又到左一年一度食大閘蟹嘅季節，今年帶埋屋企人去咗富豪酒家食蟹宴！個大閘蟹宴都幾豐富，共有六道菜式，重點大閘蟹嘅菜式有兩道，真係非常之正，回味無窮！主角大閘蟹每隻約6兩重，都算幾大隻！打開大閘蟹見到蟹膏豐富，蟹肉肥美，滿滿幸福感覺！另外生拆大閘蟹粉翅都好足料，顏色金黃，賣相好靚，入口味道甘香鮮美，入面有蟹黃、蟹粉同翅，用料靚，質地微微杰身，食落真好有口感，鍾意食蟹嘅朋友一定覺得正！生煎薑蔥鹽香雞味道鮮味，雞皮煎至金黃色，興薑蔥混合，味道十分之惹味，好出色

秋高氣爽除咗最啱行山就係食大閘蟹，之前喺富豪酒家食過佢哋嘅套餐，覺得佢哋嘅用料真係好實在同埋好高質。今次聚會，都選擇咗喺富豪酒家依度食，留意到佢哋最近新推出咗大閘蟹套餐，價錢都唔算太貴，我哋幾個朋友都一致決定食依個超值大閘蟹宴。生拆大閘蟹粉翅呢度菜係由翁生親自操刀，先炒香生拆嘅大閘蟹膏蟹肉，再落牙揀翅。不得不提用正宗陽澄湖靚蟹嘅好處，係唔駛多餘調味，只要用上湯就可以帶出甘香鮮甜口味。江蘇大閘蟹大閘蟹嚟自可靠嘅供應商，每隻約有6兩重。打開蟹蓋，蟹嘅香氣撲鼻，有好多豐富嘅蟹黃同半透明嘅蟹膏，口感黏滑，味道清甜，質量極高。薑蔥生煎鹽香雞由於大閘蟹係寒性嘅食物，所以搭配加咗啲帶有薑嘅食材一齊食，更加啱口味。迷你蟹腿荷葉飯打開荷葉包裹嘅飯菜，傳出香氣。飯粒入面有蟹粉同蟹腿嘅香味，口感細緻美味。富豪酒家 (尖沙咀)尖沙咀彌敦道132號美麗華廣場1期食四方4樓402號舖

🌕Hello我係Moon🌕每年十月必做活動 - 約埋一班朋友食大閘蟹！喺網上見到有$980套餐，又翅又蟹又遼參認真豐富，🤩仲好高質素！😳大閘蟹宴入邊當然唔少得主角大閘蟹啦！😆首先就係生拆大閘蟹粉翅，🥹材料有生拆嘅大閘蟹黃、🤤蟹粉同埋牙揀翅，😳生拆大閘蟹，係真嘅生拆，😌唔係工場做好運過嚟！😆味道真係濃郁鮮甜，入口順滑，令人齒頰留香！🤣之後就係蔥燒百花釀遼參，口感層次豐富，外面遼參清爽軟糯，入面蝦膠彈牙爽口🤤仲會有一啲肉碎上湯令味道更加豐富！😳江蘇大閘蟹，😆亦都係我好期待嘅大閘蟹！大閘蟹每隻約6兩重，😌啖啖肉仲有好豐富嘅蟹黃蟹膏添！🤣成個套餐都好豐富，😆同埋令人感到滿足，最後食埋薑茶芝麻湯圓依個甜品，😛就真係更加幸福啦！😍🌕最後MoonMoon好滿意依度，因為佢哋嘅大閘蟹好新鮮，鮮甜而且滿足，下次再食過！🌕

「九月圓臍十月尖 持螯飲酒菊花天」🦀秋風起梗係要去富豪酒家食大閘蟹！每年只有在農曆九月和十月呢兩個月有著肉質鮮美和肥美蟹膏的季節限定大閘蟹嘿嘿 中午食大閘蟹大餐會唔會有啲過分呢？😋 打頭陣！有生拆大閘蟹蟹粉翅 阿翁老闆喺我哋面前大展身手😋真係好有食福 蟹膏同蟹肉即叫即落鑊確保新鮮 土黃色的蟹膏超爆肥美 一路在鑊炒 蟹香撲鼻十分香之後一定要食蔥燒百花釀遼參！老闆再次使出真功夫 我哋欣賞得如痴如醉爆香啲蔥花之後再加埋肉碎同高湯 清清地滾起之後就淋喺炆腍左嘅海參表面 釀遼參包著蝦滑😍😍每啖滑滑的好彈牙即刻好似補充左好多骨膠原😋😋跟住要提下個生煎薑蔥鹽香雞一件件咁生煎真係好好食！將啲雞油迫晒出嚟 外皮煎得很脆香無須落油 只加大量蔥花 已經十級香噴噴期待已久的6兩大閘蟹已經蒸好！大閘蟹好新鮮 仲吐緊泡泡😚😚膏多肉多 加上甜甜酸酸的大閘蟹醋連薑粒Omg好味到完全唔想帶手套 想大大啖咁食慢慢食左大約半小時 食晒啲蟹膏蟹腳最後仲飲左2杯可以不斷refill的熱薑茶荷葉炒飯有輕微嘅荷葉香 切粒的冬菇同瑤柱夾雜喺一粒粒的炒飯裡面 即是飽左一大半 最後仲食埋薑汁湯圓畫上了完滿句號😋😋

連續13年獲得米芝蓮一星的富豪酒家，他們以其豐富的菜品和精湛的廚藝在香港享有盛譽。與朋友一同前往品嚐他們的午市套餐，這是一場難忘的高質素體驗。首先官燕頂湯餃:這款湯餃的內餡充滿了養顔官燕，搭配著金華火腿湯底，每一口都充滿了高湯燕窩的爽彈口感，讓人感受到奢華的享受。接下來是晶瑩海蝦餃，這款餃子以新鮮的海蝦為主，外觀剔透皮薄，內餡中融入了豐富的蝦肉，每一口都帶來爽彈的口感，令人愉悅。蟹黃燒賣皇是富豪酒家的傳統皇牌點心，必定是您不能錯過的美食。這款燒賣肉的比例剛好，不會太油膩，滿滿的港式風味讓人垂涎欲滴。黃金涼瓜餃是另一道令人驚艷的菜品。餡料以涼瓜、瑤柱、蛋黃混合而成，口感清爽宜人，味道甘而不苦，展現了富豪酒家對於創新口味的獨特嘗試。豉汁蒸排骨是一道充滿粵式風味的美食。豆豉的蒸煮令排骨更加入味，肉質鮮嫩，與豆豉的豐富風味完美融合，讓人回味無窮。富豪靚湯是一道湯底香濃而鮮美的湯品，味道十分濃郁，是解渴的最佳選擇。最後是蘿蔔魚鬆炆米，這道粉麵以魚鬆和蘿蔔的完美組合為特色，米粉炆至香口，令人垂涎欲滴，十分美味。

高檔精緻米芝蓮中菜食府 今日放假 約咗朋友 想揀一間坐得舒服又高質嘅酒樓食晏 所以揀咗美麗華四樓嘅富豪酒家 佢係米芝蓮食府 裝潢高檔 枱與枱之間闊落 坐得舒服 可以靜靜地喺呢度食嘢傾偈 放鬆一下😌 職員殷勤有禮 服務到位👍 自選精美小菜套餐$780可選三個小菜 再加一款雞或鴨 仲有例湯及甜品😉 🥣花旗參淮山煲唐排湯底非常鮮甜濃郁 好夠火喉 正😋 冬瓜豆卜炆燒腩豬腩肉肥瘦適中 冬瓜炆到好腍 豆卜索咗汁 好入味 冬菇香滑 用煲仔上 可以保持溫度好細心👍😌 北菇蒸滑雞半隻雞件整齊排列 上邊仲有香菇 蒸嘅時間控制得非常好 每件雞都好滑 🥰🥰 欖仁蜜豆炒班球蜜豆爽脆 班球鮮美 啖啖肉 😋 方魚炒芥蘭仔芥蘭鮮嫩 唔會太油 配埋方魚 精緻可口😉😉 生磨蛋白杏仁茶🍮最後食埋個滋潤養顏嘅甜品 生磨杏仁茶 充滿蛋白及杏仁嘅香氣 完美的一餐🥰 整體來講：米芝蓮餐廳就係信心嘅保證 每碟小菜都非常精緻可口 證明佢哋對於每一道菜嘅要求都係一絲不苟 先至可以連續咁多年得到米芝蓮嘅美譽🥰🥰 🎈富豪酒家 (尖沙咀)尖沙咀彌敦道132號美麗華廣場1期食四方4樓402號舖 #hkfoodie #hkfood #hk