小平津 (已搬遷) 新店位置

第一次 寫 食評。那天平日 同友人 2人 到 銅鑼灣 影 海賊王 & Shopping…晚上 約8點半 9點 搵食至登龍街 唔打唔撞 找至 小平津… 友人 之前 上網見 這 食評唔錯 便 上來 …門面 簡單 純樸… Menu 刺身壽司至料理 各式俱備 價格 在 銅鑼灣區 算 經濟…無訂位 的 我倆… 入去…老闆娘 問 我們 有否 訂座…? 在 無訂座 之下… 也 立即 安排 細房內的 2人枱 給 我們…入去時 覺得 裝修 簡單 舒適 個場都幾爆 但聲量 不至於太炒耳 方便大小夥人談談…一坐下 便 立即 附上 熱茶 Menu 及 餐前小食 粟米青瓜涼拌牛舌粒 太肚餓的企鵝 我 Menu 都 未看 便 二話不說 先 夾來食… 唔錯 味道 酸酸甜甜… 餐前開胃小食… 仲要 是 出面 較小用 的 牛舌 作 餐前小食… 有點 驚喜…!!由於 企鵝我 那天 有點 不舒服 所以 無點 刺身 … & 盡量點些 放題 較少吃到的 食物…先點 壽司… 火灸三文魚壽司$40 … 企鵝我 唔記得點的 是否 腩位… 但 來時 2件 壽司 都 算 大件… 魚 & 飯 比例 適中 不會話 飯 太多 魚 太少… 夾

一個月內第二次到訪小平津，原因是7、8月份出度生日飯次數比較多，大多喜愛選擇日本料理，不用傷神左揀右揀，已經馬上打電話訂位。三文魚子沙律 吃過南瓜沙律多次，今次轉口味要三文魚子沙律，好爽脆好清新。燒雞泡魚乾 好野味有咬口，再渴一口啤酒，簡直絕配 炸蠔  炸槳粉好薄皮好脆，蠔入口軟軟滑滑，好好味 鰻魚豆腐天婦羅  紫菜包住豆腐及鰻魚；紫菜炸得脆脆地，豆腐好滑，這個配搭好新鮮。但是今次食的鰻魚就有點苦澀味，可能是內臟未有完全清潔乾淨。魚湯烏冬 必須預定，今次第一次吃；濃濃的魚湯配上豆腐蔬菜好香滑好好味，跟烏冬一起吃又一絕配 好喜歡這裡食物上準平均，簡直是我的食堂

其實這間店鋪都不能叫自己做日本餐廳。因為他所謂的日本菜都幾唔正中。首先不知道定了位子都要等。等了十五分鐘左右。餐牌有的東西都不算小。 因為第一次來我都是叫了餐廳推介的食物。先來了南瓜沙啦，都不錯。南瓜味很濃。味道調味得剛剛好。然後來的軟穀蟹卷完全沒味道。壽司飯冇味，很小蟹肉只是脆漿。牛油果還沒熟很難吃。豆腐鰻魚天婦羅都不知道想點。兩樣東西一齊都唔啱。味道怪怪。不過脆漿很脆。曉雞肉丸好吃不過沒驚喜。不過都曉得不錯。 汁也不是太鹹。曉牛利味道不錯。很可惜曉得唔夠時間。失敗miso茄子還可以芝麻味道領到碟菜很香。都算好吃。地方很燥對方講話都聽不到。很不舒服便宜就不代表可以難吃。餐廳要給多點食物創作同功夫上的誠意

小平津好多年前去過....還記得小平津係小小的店但食物種類多, 食物質素不錯, 而且價錢合理。多年後, 得知新店已搬去餐廳林立的永光中心, 慶祝父親節。搬到新店以為装修會有變化, 但装修跟之前一樣.平實，家庭式作業的小店。雖然父親節, 但午市不用訂位都有位; 這裡的午市套餐選擇多, 份量跟晚市相同, 而且價錢平。父親節當然點一些較好的食物!! 刺身盛合有7款刺身, 每款3件; 有三文魚, 海膽, 甜蝦。。。魚刺身1星期來魚2次 有4,5款, 在這裡食魚刺身比較實惠刺身後再炸魚頭魚尾鰻魚豆腐天婦羅必食之選 -中間夾住豆腐, 豆腐中間夾住鰻魚, 外脆內軟, 口感特別軟殼蟹卷外表吸引, 牛油果上面放滿蟹子加上包住脆脆的軟殼蟹, 好味煙肉荔枝串煙肉包住清甜嘅荔枝肉, 十分特別牛舌老公至愛, 燒得香口, 而且juicy天婦羅 (午餐)即做, 皮薄,午餐有沙律, 湯, 飯, 不用$50, 不錯的選擇

第一次來小平津，7點到咗，但要8點交枱，但都冇所謂，反正我吔都諗住快d食完再去行街街有d貴，食落一般餃子又夠熱，又脆，好味唔錯呀 貴又麻麻吔，一食就知係大陸鰻魚，好彩豆腐夠滑我吔都鍾意食鹽燒牛舌多d，感覺爽一d自製鷄肉丸比較特別，因為入面有鷄軟骨，所以囗感唔錯唔“蘇“，都唔錯波羅雪糕真係有波羅，感覺好refresh~2個人食咗4百幾都差唔多，職員加茶加得好密，上菜速度亦幾快，下次會再去

小妹幫襯左小平律多年, 由第一間鋪搬到第三鋪, 但係呢間是首次幫襯,地點一如以往的蒲點 “銅鑼灣永光中心”一坐低二話不說是附上前菜牛舌粒, 當中混有青瓜粒, 粟米粒等, 材料簡單味道酸酸甜甜, 牛舌有咬口配合爽脆青瓜粒, 栗米粒, 的確是開胃前菜。至於我們點了南瓜沙律, 燒雞肉丸,鰻魚豆腐天婦羅及魚湯烏東等。上菜更有效率先來南瓜沙律, 賣相是它們獨有, 南瓜中也混合小許薯仔令到呢坐上山企得更靚仔, 而味道清清甜甜, 唔會好似其他地方的沙律雪到凍冰冰,,這個沙律是小妹力推的。燒雞肉丸: 口感彈牙, 表面焦香, 內裡 Juicy，配上微甜燒汁味道更香口惹味接著是食過無數次的鰻魚豆腐天婦羅,賣相亂左小小，但皮脆，內嫩上枱時熱辣辣，但緊記襯熱食。最後是魚湯烏東，奶白的魚湯，窩內還有幾款蔬菜。和以往比較味道有點過鮮，相信有加入了味精作調味烏東則同樣彈牙可口。最後以贈送的豆腐雪糕作結。經濟的日本料理，就是喜愛這份簡單，平實。

第一次寫食評。我去嗰日係年29，同個fd諗住早啲食完去行維園年宵，六點幾去到見到得一枱客，諗住係我地早到佢地又岩岩開先係咁，點知入到去就比人問有冇book 枱，原來間野係要book@@不過好彩早到比我地入要我地八點幾左右還枱。坐左一陣啲人已經陸續咁入黎！之前係openrice 睇到呢間野啲食評，見到幾平啲野食幾好食咁，所以就同個fd黎呢到食 ：） 一坐底就比menu同餐前小食牛舌比例比青瓜少，味道ok la 我地見到食評好多人話燒煙肉荔枝串合拍程度係估唔到合拍，所以我同fd好奇心驅使下都叫左串食下又真係幾好食，我同fd一食就愛上了仲叫左雞肉丸串呢個就普遍啦雜錦天婦羅唔錯，啲炸皮幾薄，有冬菇，蝦，南瓜，蕃薯， 茄子，仲有舊外表好似金菇既物體，但食落硬硬脆脆咁，唔知咩黎牛肉鍋二人前 ，撈之前忘了影相都幾好味仲叫左客三文魚壽司 ，可惜唔係魚腩..好新鮮，唔會話好薄，都有啲厚度總括黎講，呢個價食到呢個質素真係幾抵

自從平安日嚟食過午餐後, 總係對呢度嘅美食念念不忘… 今晚約咗老妹行銅鑼灣, 就梗係順理成章嚟呢度開飯啦 ＼(^o^)／ 可能係行街行得夜嘅關係, 冇訂枱都只係等咗 5分鐘就可以入座, 真好運!!一坐低, 侍應就自動奉上免費前菜 - 涼拌牛舌 ^^ 不得不讚, 呢度嘅服務態度認真一流! 讓客人邊食邊點菜, 唔使餓肚子~ 講翻個前菜, 真係好好味 ^^ 酸酸甜甜, 牛舌粒入味得嚟又軟嫩彈牙, 同爽脆嘅青瓜粒形成對比, 加埋甜甜嘅粟米粒… 簡直令人食指大動!!邊食邊點, 我哋好快就決定好 ^^ 先嚟個日式薯仔沙律! 沙律嘅外型好特別, 好似一座火山~ 幼滑嘅薯蓉配上青甜嘅青瓜絲, 出奇地協調!接住出場嘅係 - 煙肉荔枝串 ^^ 聽個名好似有點怪… 但基於未試過 & 對小平津嘅信任, 我決定要試一試!! 哈哈, 真係冇令我哋失望呢~ 香脆嘅煙肉包裹住清甜嘅荔枝肉, 相輔相成, 令各自嘅味道出色得嚟冇被對方掩過 *^O^*自製雞丸 - 大大粒又有口 ^^ 自製醬汁好惹味, 令到大大粒嘅肉丸一啲都唔乾身! 而且肉丸內夾雜咗好多軟骨粒, 令口感好豐富, 食到停唔到口 ^^軟殼蟹卷 - 好彩我哋點

荔枝煙肉串 $24(好食指數:7/10)8-12-2013配搭幾特別，將煙肉包住一粒荔枝肉，煙肉鹹鹹地荔枝又甜甜地。呢種配搭令人諗起似菠蘿腸仔，不過煙肉煎出黎會較多油。自製雞丸 $20/串(好食指數:7.5/10)雞肉丸大大粒，唔會好鞋好乾身，食落去啖啖肉，仲有蘿蔔碎係入面。每粒肉丸食到最深，仲食到雞軟骨添！好驚喜鰻魚豆腐天婦羅 $68(好食指數:8/10)又一特別菜式，紫菜皮炸得相當脆，用了兩片豆腐夾住鰻魚，口感非常豐富，外脆內軟，鰻魚同豆腐既味道夾得好好。如果鰻魚汁味再出d，味道會更好。軟殼蟹卷 (全卷) $88(好食指數:7/10)卷物可選全卷(8件)或半卷(4件)。軟殼蟹炸得夠乾身，好多沙律醬夠哂味道，上面舖上粒粒蟹籽。可惜食唔到好多既蟹肉。鹽燒牛舌 $27(好食指數:7.5/10)日本居酒屋又點少得牛舌？牛舌有鹽燒同醬燒揀，店員提示我地鹽燒較好吃。的確，燒牛舌亦好難可以煮到唔好食。聞上去羶味較重。選用厚牛舌，食落更有口感，不過唔係每件都燒得均勻，有d部份有少少韌。鹽燒鯖魚 $68(好食指數:7/10)魚既表面燒得好脆，魚肉亦比較少骨，啱哂我地呢d懶人唔中意lun骨。雖然燒過，

平安夜只需返半日工 (≧∇≦) 但早放工都要去食咗午飯先, 無謂餓親自己嘛! 約咗朋友嚟呢喥開飯, 驚見假期前夕竟然比平時靜… 好嘢~ 唔使等位!! 我哋叫咗牛肉飯, 雜錦魚生飯, 豚肉湯烏東鍋, 牛肉湯烏東鍋 ＼(^o^)／主食未到, 待應先奉上麵豉湯, 沙律 & 佐料 ^^ 沙津嘅賣相雖然普普通通, 但因為個日式醬汁調配洽當, 事實上都好 yummy~ 麵豉湯其實就中規中矩, 但可能因為天寒地凍嘅關係, 我哋個個都想 encore, 飲完熱湯成個人都好舒服嘛~ ^^食完沙律 & 飲完湯, 主食就陸陸續續送上~ 呢度嘅牛肉飯一向係我嘅午餐必選, 因為除咗牛肉夠多之外, 仲有大量炒過嘅洋蔥! 就係因為呢啲洋蔥, 個飯先至咁 juicy~朋友甲點咗雜錦魚生飯, 佢話啲魚生都好新鮮!朋友乙就點咗豚肉湯烏東鍋, 佢話啲湯烏好有口同埋個湯好好味朋友丙就點咗牛肉湯烏東鍋, 因為熱鍋嘅關係, 啲牛肉係生上嘅, 咁到食得時就啱啱好, 夠哂滑, 唔會老! Yummy~呢度嘅食物水準一向都高, 價錢又平 (銅鑼灣區算係平架喇…!) 服務態度又好, 真係難得!! 不過呢度平時都好旺場, 不論午市 or

登龍街永光中心超多餐廳，而且每間都好有特色。這天同事帶我到了小平津，味道真的不錯。未下單前侍應已將沙律上枱，沙律菜好新鮮，好愛蕃茄，大大片好 juicy。我點的是壽司刺身定食，壽司有4件，飯是手握的但米有點煮得太硬，幸好三文魚、魷魚、北寄貝、章紅魚等新鮮，尤其是三文魚及章紅魚，油份十足，魚生剛好蓋著米飯，做法正宗。刺身二片，都非常厚切，跟壽司三文魚一樣油份十足，吃下去充滿鮮味，最可惜不是腩位。最欣賞烏東，手打的，超滑，咬下去像食年糕一般帶點煙韌但又好滑，湯底有淡淡的木魚味，配上幾絲紫菜簡直是完美！

第一次去小平津感覺平實，好似有點像日本小巷裡的小店，家庭式作業簡簡單單。由於天氣寒冷我們對壽司興趣大減，只選了三文魚、帶子及海膽壽司；其中以帶子比較出色 卷物方面，要了一條軟殻蟹卷，想不到來的時候是如此大條，份量十足 串燒選了人氣推介的鹽燒牛舌但味道一般，另一新款配搭的煙肉荔枝串；感覺不錯，平日的燒煙肉比較乾身或太油，但配上荔枝肉就變得口感清新 凍凍地，我們點了一個牛肉鍋烏冬及雜菜烏冬，熱騰騰好味道；特別是牛肉鍋烏冬，因湯底有牛肉加上生雞蛋一起攪均，再配上烏冬好滑溜 如此簡單的一頓平安夜晚餐好滿足，好溫暖。

遲來的食評~~終於有時間寫了~~ 朋友生日~ 平時大家都見到我FB 好多美食相~於是乎自然就搵我搵D 好味餐廳比大家食~~上網見呢間D評語唔錯~就決定試下喇~~三個人叫了以下食物~ 食物質素十分好~~總括來講樣樣都好好味~價錢又合理,一定會再去試埋其它食物~

登龍街自餐廳禁煙以來，樓上酒吧沒從收斂了不少，已漸漸發展成一條食街。那夜一直在等友人下班，一道接著一道的慢慢品嚐，更能細味別致的居酒屋食物。 魚生沙律：開胃食物，醬汁微酸，味道頗佳。雜錦魚生沙律：開胃食物，醬汁微酸，味道頗佳。鰻魚豆腐天婦羅：賣相一流，有層次，做出外脆、中滑、內軟的口感，新鮮炸起，最緊要要小心熱!鹽燒牛利：中規中矩。煙肉荔枝卷：特色食品，起初看見餐牌略為吃驚和抗拒，吃下去方知是難以言喻的驚喜之作!自製雞肉丸：圓鼓鼓外型，飽滿肉丸未食已加分。咬之味香，有嚼頭。油甘魚頭：三文魚頭，魚鮫見得多，油甘魚頭還是首回。味香，而沒有三文魚的膩，不過定價($200)較其他菜式進，而且吃魚頭需要點心機和技巧，下次會改點魚鮫。牛肉鍋烏冬：欣賞上桌時牛肉呈半生熟狀，入口不會過熟，香滑飽滿之選。辣三文魚卷：上桌呈漂亮的花形，自家味道，有別於連鎖壽司店，值得一試。飯後還有贈送的綠茶雪糕，為晚飯劃下不錯的句號。

位於銅鑼灣登龍街小平津是一間走平民路線的居酒屋。聽過很多身邊的朋友介紹這間餐廳，但是每次打電話預訂也爆滿，終於上星期六成功訂到了晚餐，十分興奮。小平津的面積不大，裝潢以柔和的綠色為主。六點鐘到，我們是第一位晚飯人客，但是其他人客們很快便坐滿了整間餐廳，氣氛好不熱鬧。晚餐價錢每位＄100至＄200左右。（1）C和D看到餐牌有不少吸引的菜式，首先點了一客自製雞丸（＄20）。 這個雞丸很好吃，外面的一層自製燒醬汁十分特別，甜甜的又有點焦香，加上滑溜無骨的雞肉，做得非常出色，吃到我們都讚不絕口。（2） 我們十分喜歡這個鹽燒牛脷（＄27）。牛脷十分爽口，而且牛肉很厚實，份量不少，陪上旁邊的沙律醬，非常好味道。（3）煙肉荔枝串（＄24）是一碟很有趣的串燒，以煙肉包著荔枝，外表十分吸引。C最喜歡薄煙肉，這個串燒果然沒有另人失望，荔枝的果甜加上香口的煙肉，沒有想過是配合得如此美妙，水果配肉，有點像小時候的菠蘿腸仔。（4） 另外一碟出色的就是這客一點也不簡單的鰻魚豆腐天婦羅（＄68）。軟淋的鰻魚夾在豆腐中間，再包上一層紫菜，炸得外脆內軟，多重不同的配搭，口感及味道上簡直是一番與別不同的感受。（5） 最後