小草十八怪石鍋米線 (已結業)

店名及門面設計夠哂特別被吸引入去😍原來係食米線🤤餐廳主打招牌石鍋米線外仲有各式各樣串燒🍢籠仔荷葉飯特色小食及川式涼拌等食物😋石鍋米線套餐(三餸)🍜🐷🐟配料及湯底選擇多樣化，可自由配搭出個人口味，而我揀左花膠、五香辣豬軟骨及十八怪照通炸醬跟米線，喜歡食蟹既我當然揀左極品蟹皇湯底，米線爽滑彈牙，花膠都算厚身，豬軟骨軟腍入味，最後撈埋炸醬後令到湯底突然變得死鹹😨💦要不停飲凍檸茶黎解渴。相對平時食米線我喜歡揀辣湯底夠惹味又開胃 ，下次可以試下其他湯底😂蝦膠釀豆卜🦐用豆卜釀蝦膠一齊炸至金黃，入口非常酥脆，再點埋甜辣醬一齊食好夾👍 燒原條茄子🍆茄子舖上滿滿蒜蓉一齊燒至金黃，食落好軟嫩且蒜蓉味十足，超好食💯 蒜蓉怪在此🙋🏻‍♀️特大凍檸檬茶🍋重量級大大杯凍檸茶，好抵飲👏 整體食物質素都算唔錯，價錢又親民，基於我唔太肚餓，只揀左3個餸由店員煮，下次再黎揀6/9個餸可按指示來親自烹調，做真人版cooking mama親身煮飯的樂趣🤭

喺旺角呢一個香港嘅核心地帶人來人往車來車王嘅地方俾人嘅感覺一定係充滿着個大型嘅商場同埋一系列嘅放題店，不過當然唔好忽視任何一間餐廳，因為每一間餐廳都仲有佢特色嘅地方同埋招牌食物，😝所以通常人少少嘅話就可以探索下新餐廳新嘗試。 喺通菜街大街小巷裏面都有唔少嘅新式餐廳可以選擇，當中有一間比較大型少少，而且坐得舒服又充滿左唔同嘅風味嘅一間叫做小草十八怪石鍋米線就幾吸引一種米線控同埋串燒控可以去大食一餐😋石鍋米線套餐（九餸）— 🍜嚟到呢一度當然要試吓佢哋招牌嘅石鍋米線，至於餸菜嘅選擇，亦都非常之多，最多可以揀到九款餸咁多，就算係兩個人食都非常之適合。 🍜亦都可以選擇自己烹調又或者已經鋪好晒咁樣奉上。 至於石鍋米線最講求嘅當然就係溫度同埋湯底，平時都食開辣嘢，🌶️所以今次反而選擇左一個幾特別嘅蟹皇湯，🦀湯底非常清甜亦都有蟹嘅鮮味另外仲有少少辣，可以見到送上嚟嘅時候啲泡泡係不斷咁浮上來證明咗石鍋係非常之熱，🤪所以亦都要非常小心，🍲趁着個湯底仲係滾湯嘅狀態就要快啲將食材放落去再烹調，🍜部份嘅配料係幾值得推介🍲封門牛肉- 🥩米線裏面都可以配搭高質素小小嘅牛肉咁食起上嚟就更加滋味，呢個封門牛肉肉質飽滿，而

呢間鋪頭食物種類好多 米線 荷葉飯 烤魚 燒烤都有。米線叫6個送以上可以diy自己煮叫左兩碗小鍋米線 配料叫左封門牛肉 雞肉 生菜 湯底就揀左酸辣湯。一上黎發現係石鍋上 份量十足！牛肉係半生熟 需要浸一陣 自己控制熟度 唔會overcook！我個人認為個湯底非常出色 叫左小辣 對於唔食得辣嘅人士非常友好。另外叫左燒烤，孜然味十足，略嫌肉烤得太韌，而且過分油膩，食到最後成碟油 但見隔離檯一對情侶叫左米線、荷葉飯同燒烤，全部都食左小小就停低左。後尾個職員執檯，佢地話燒烤唔好食職員服務態度好好，話會同廚房反映

終於試到呢間俾關注組大推既米線店！食物款式多，而且價格親民🤩🤩夜晚7點幾去到已見到人龍，想試既朋友仔要預早少少去啦🙆🏻‍♀️🙆🏻‍♀️🍲石鍋米線套餐(自選9款餸) $88✨湯底揀左馬來肉骨茶，幾特別！飲落好濃肉味，帶淡淡藥材香😋😋配料方面，我地揀左封門牛肉、黑毛豬梅肉片、豬潤、花膠、腐皮、冬菇、北海道帶子同芫茜～～當中推薦黑毛豬梅肉片🍖，口感爽脆！！北海道帶子鮮甜彈牙🍥，整體質素唔錯❤️❤️🍱土魷馬蹄香菇肉餅荷葉飯 $55✨估唔到呢間既荷葉飯都幾出色🤩🤩肉餅口感嫩滑，每一啖都食到土魷粒🦑，好鮮味！！而且飯粒有瑤柱絲、蝦米等配料，口感好豐富👍🏻👍🏻🐏孜然羊肉串 $22✨羊肉串口感嫩滑，灑上孜然粉好惹味～～🍆原條燒茄子 $28✨茄子肉質軟綿，配上大量蒜蓉醬勁正🤤🤤🍹青檸薄荷梳打 (+$12)✨梳打大大杯，味道酸酸甜甜，飲完爽哂❤️❤️

第一次來小草十八怪石鍋米線，估唔到除左米線仲有飯和串燒食，每樣叫d 都幾正。✡️ 瑤柱蒜蓉海鮮荷葉飯 ～ 海鮮份量都豐富， 有蝦、扇貝、魷魚、蟹柳， 下層的飯吸收哂上層的鮮味唔錯喎。✡️ 三餸石鍋米線 ～ 小草酸辣炸醬 + 腐皮 + 五香辣豬軟骨 配上沙嗲湯底夠哂香濃呀！ 腐皮吸哂沙嗲， 炸醬碎帶點酸辣， 豬軟骨炆得軟腍入味。串燒叫左以下幾款：🍢 司華力腸🍢 豬大腸🍢 墨魚頭🍢 雞肉🍢 雞中翼🍢 照燒青花魚柳串燒賣相ok ，味道亦幾惹味香口， 已太飽叫唔到其他款式。值得一讚個大檸檬茶真係好抵叫餐加12蚊就有咁大杯。

大約6點幾去咗旺角食米線估唔到6點幾已經坐咗好多人睇嚟呢間米線店好受歡迎🤭我都做咗啲功課先嚟😎聽講呢度有得自己煮米線又幾特別🤭🤭我不嬲都好鍾意食米線一於嚟試吓啦🤭🤭🤭打開menu, 有好多選擇原來餐廳除咗米線之外仲有好多荷葉飯同串燒全部都好吸引 全部都好想食🤤不過第一次嚟 點都試吓佢啲米線先😆😆石鍋米線係$48起可以揀其他麵 我一定揀返米線🤭三餸$48六餸$68九餸$88(有部份餸要加$2-$3）六餸同九餸先可以揀自己煮或者廚房煮而三餸就冇得自己煮 一定係廚房煮猶豫咗一陣要六餸定九餸最後我同朋友都決定要九餸原來九餸都ok唔會食唔晒不過啲米線真係好多🫣🫣下次一定會叫佢少米線嚟到之後先發覺自己有啲輪盡唔係好知點煮😂😂好彩即刻有職員嚟幫我煮😂😂😂感謝佢💖🙏🏽🥹聽到啲嘢落落去炸炸聲好正碗米線𝐤𝐞𝐞𝐩住熱辣辣好正🤭我揀咗極品蟹皇湯，朋友揀咗金湯。極品蟹皇湯好正😋😋😋好好食😋😋😋我哋都加咗$12特飲嚟到大杯到嚇親😂😂到走個陣見到樓梯已經企滿晒人等位😳好彩都算早少少嚟呢間米線鋪真係好受歡迎👏🏽

小編係個米線控，成日好鍾意周圍去發掘全港好食嘅米線舖頭，而呢間米線店嘅特別之處，在於你可以自由從幾十款配料中選擇自由diy，之後親自將食材逐個步驟落去預先預熱好嘅石鍋到，可以由自己製作米線，有得食又有得自己煮🥰難得一試，我就叫左兩個六餸石鍋米線（其實仲有三餸同九餸的，可按自己食量自由選擇，但六餸或以上先可以自己煮架！）。作為酸辣米線粉絲嘅我，毫不猶豫選擇酸菜魚湯，佢酸酸辣辣嘅味道十分開胃，湯㡳濃厚而不膩，；至於友人就唔怕食辣，佢就嗌咗香辣金湯，唔怕食辣嘅朋友仔可以挑戰下呀。而店員好有禮貌咁教我哋點樣煮個米線，令我哋更加得心應手，喺煮嘅過程中，石鍋熱辣辣，出埋煙咁，十分滋味。煮食小貼士：店主同我分享話個石鍋一由廚房攞過黎就已經300度，所以要落配菜要快！唔好掛住打卡呀～配料方面，大家可以揀好多唔同配料，例如當日我同朋友有叫嘅包括：封門牛肉、美國肥牛、皇帝菜、五香辣豬軟骨、鹵水腩肉、炸醬、豬潤、豆卜、生菜、芫茜、響鈴。 💕佢比啲料都好十足！而湯底都有好多選擇，例如：香辣金湯、酸菜魚湯同埋極品蟹黃湯😎無論你口味如何，都一定會揀到啱自己食嘅嘢。而我哋都叫咗啲金菇、孜然牛肉串、牛舌同埋豬肉串小食

又係「餐牌速遞系列」，今天經過通菜街，「擦身而過」好幾家店，總想日後去好好品嚐一下，因此，就拍一拍下來，作提示一下自己吧！把餐牌貼出來，也方便日後自己作查閱，不知大家喜歡嗎? 我就很喜歡及很需要這些資訊了，如果大家都喜歡的話，就支持一下我吧！推介及關注一下我，我定會為大家尋找更多相關資訊，謝謝！今次經過的是「小草十八怪石鍋米線(旺角通菜街店)」，一經過就被店面的相片吸引，均是一些重口味的美食似的，最合我心意！可惜當天無暇惠顧，只是經過，故我把它的餐牌拍下來，待下次經過的話，給自己一個參考呢！希望這些資料大家也有用吧！

前幾日喺朋友IG見到佢食依個砂鍋米線，好似好吸引，所以即刻有時間就去試一試，先發現原來曾經喺外賣app試過買佢哋嘅嘢食，不過果次就覺得啲嘢食麻麻哋，當時食嘅米線唔夠淋，戴眼鏡唔夠熟咁，果次朋友多一至差評，但今次見堂食原來係砂鍋上菜，仲話個沙嗲湯好正，所以就俾多次機會佢啦，曾經喺大陸都食過類似嘅砂鍋米線，嗰時係非常好食嘅，但就唔係比較港式嘅湯底，係好香嘅菌類湯底，當然依度冇呢隻湯啦，先朋友介紹所以就試吓個沙嗲湯。佢嘅沙嗲湯底並唔係打邊爐嗰隻味道，而係本人非常喜愛的沙嗲牛肉面嘅沙嗲味，而且非常香濃全個湯底都咁好味，簡直滿足到我重口味嘅人士，鍾意食沙嗲牛肉嘅一定要試！但唯獨是佢反而係冇沙嗲牛肉，但有得叫牛肉，好過冇啦哈哈。真係仲好食過慈雲山嗰間添啊！配菜叫咗螺片，滷腩肉，蘿蔔，墨魚丸，雞肉。螺片非常之好食，腩肉就減肥但味道都唔錯，雞肉都幾滑，整體都真係好好～其次我叫咗海鮮荷葉飯，都算幾足料，攤底都有蝦米瑤柱仔，表面都放滿左海鮮，都可以一吃唔算貴。

一諗唔到食咩既我就會簡米線食😌,朋友介紹嚟到旺角呢間小草十八怪食石鍋米線食烤魚又有得食米線！🌟石鍋米線套餐(六餸) 💰 68作為米線控既我,見餐牌寫住可以客人自己煮，都幾搞笑，要認真試試🤨湯低有好多選擇 ,我地叫左酸菜漁湯，今次就簡左轉薯粉😍配料有：五香辣豬軟骨、牛柏葉、十八怪炸醬、豬潤、嫩滑雞肉，同美國肥牛價+$2呢個價錢好抵食😋石鍋鍋配料上齊時，檯面有個指示牌教客人煮米線，其實都好簡單將啲材料放曬落去利用石鍋的熱度焗熟佢😎酸菜魚湯底🐠好濃好好飲，材料新鮮，雞肉夠嫩滑，五香辣豬軟骨香濃入味夠淋、豬潤新鮮厚身好大塊、十八怪炸醬放入湯提升湯味道再配埋薯粉食掛湯,好好味☺️小編推介酸菜魚湯‼️。🌟明爐烤海鱸💰 168本身想叫極品蟹皇湯，錯手叫左肉骨茶湯😂 肉骨茶配魚都真係第一次試，原來都幾夾，感覺幾健康。魚肉分量超多大大嚿好滿足😋。同埋會送埋特飲,叫左西檸梳打,大大杯,2個人share都夠,酸甜清新好飲落好開胃。整體晚市以呢個價錢食到咁多嘢好抵食，味道亦好食，推介畀鍾意食米線的朋友。

真心blacklist， 叫左外賣要等20分鐘，等完又漏左個海鮮荷葉飯，又要等10分鐘。等完外賣渣車走左，打開個袋先知漏左另一個飯，打去叫佢過返數給我，又話無過數，要親自去攞。頂佢個肺，唔回就算，咁樣做外賣，不如唔好做外賣生意，不知所謂# 小草十八怪石鍋米線

上星期嚟食過自選石鍋米線，好特別的米線享受😎首先對於可以任選9款配料感到好滿意，仲要有肉類和海鮮的選擇真的是不多地方有不過今次嚟係想試佢既明爐烤海爐，呢個上次巳睇中，但上次又叫米線又叫荷葉飯實在太飽了😋明爐烤海爐 $168包一個米線及一杯飲品，成盤海爐都幾大條，又厚肉，本身配料有粟米、豆卜、芽菜、蓮藕如果想加配料都係每款$9👍🏻不過Lunch 我就唔食咁多喇，但都忍唔住叫咗串串燒，豬大腸$13🤭，超級好食，喜歡食內臟朋友必叫哦💯

喺近住女人街嘅盡頭，有一間鋪面好cyber嘅食店就咁睇真係唔知佢賣咩米線，只係知佢個名好得意❤️叫「小草十八怪石鍋米線」🤡沿住條兩面都係鏡🪞嘅樓梯行上去，都重未知佢係咩料⁉️再睇吓個menu，原來佢係賣可以自己煮嘅石頭鍋米線🍝食物餐廳除咗賣特色米線之外，重有石鍋飯、小食同串燒等等六餸石鍋米線 $68必食為食貓同朋友2個分別叫咗3餸同6餸米線🤤但6餸或以上先可以自己煮架！當日店員好有禮貌咁教我哋點樣煮個米線，為食貓覺得除咗好好玩之外，重有因為個石鍋熱辣辣，出埋煙咁，真係零舍覺得特別滋味講吓個米線先，大家可以揀好多唔同配料，例如：花膠、豬軟骨、秘製炸醬等💕而個湯底都有好多選擇，例如：香辣金湯、酸菜魚湯同埋極品蟹黃湯😎個個都一定會揀到啱自己食嘅嘢為食貓同朋友就揀咗個香辣金湯同埋酸菜魚湯，我哋都覺得好好食✅唔係得個玩字👍🏾👍🏾蝦膠釀豆卜$30必食個豆卜整得好出色，好有創意就咁睇以為佢係春卷，但其實佢出面係豆卜皮，入面係蘿蔔絲同埋蝦膠❤️每一層都有唔同嘅口感🤤好特別😝串燒 必食估唔到米線舖都有得食串燒，重要燒得好好食😙佢上面除咗有普通嘅孜然粉之外，仲有好惹味嘅燒醬，食落口一d都會唔乾，亦都唔會太熱氣（

係米線關注組都好出位既一間鋪，大多數彈多過讚與其道聽塗說，不如自己親自上陣試下啦有唔同set既餸選擇3餸6餸9餸亦可以揀自己煮，或者店家煮埋新屎坑嘅我就揀咗自己煮同6個餸幾貼心既係我唔食芽菜同韭菜tick左走，然後餐廳竟然會安排左生菜比我圖中就係我order既餸，腩肉偏肥豬膶同雞腎都好硬，唔好食其他餸都好普通米線好淋，冇咬口湯底選擇左辣金湯底，其實就係普通辣湯…朋友order左麻辣湯，表示湯底唔錯但牛柏葉，墨魚頭都好大陣雪藏味道，一啲都唔入味，淨係食到雪藏味大腸都好肥，米線亦一樣太淋。。。自己試完表示不可一…唔怪得知咁多人討論真係唔啱我口味

成日喺米線關注組睇到旺角呢間石鍋米線，除石鍋米線之外，更有蒸飯、串燒、小食，當然要去試試啦。而食米線既餐廳嚟講，環境環境算不錯，空間感十足又潔淨👍🏻石鍋米線可以自選7️⃣款湯底及9️⃣款配料，賣相吸引。製作步驟非常簡單，先放配料入石鍋內，倒入湯底拌勻，蓋上木蓋，等待約一分鐘直至有蒸氣升起，打開木蓋再放入米線😎配料選擇很多樣化，有成46款選擇😵我最喜歡鯛魚片，因為只靠石鍋的熱力煮熟，所以完全不會過老，保持了魚肉的鮮味和嫩滑，而且算比較多份量😋土魷馬蹄香菇肉餅荷葉飯用四方形木盒盛載，飯底有冬菇、瑤柱粒、蝦米及蒜蓉，米飯香濃惹味💯串燒選擇亦好多，原條燒茄子必食，🍆燒得軟棉棉，而茄肉上面灑上蒜蓉及青蔥，惹味得嚟又不會感覺很油膩。豆卜外皮熱辣香脆，停唔到口😝青檸薄荷梳打特飲非常大杯，食串燒可以盡情暢飲。