小草十八怪石鍋米線 (已結業)

位於旺角亞皆老街的「小草十八怪石鍋米線」，顧名思義，係一間主打石鍋米線的餐廳，另外仲有供應串燒、荷葉飯、川式涼拌等等食物，種類繁多燒原條茄子燒茄子好軟嫩，加咗蒜蓉同辣粉一齊燒，有多種辣度可選擇，我就揀咗少辣🌶微辣惹味，充滿蒜香，勁好食石鍋米線套餐餐廳招牌石鍋米線，食客可選擇自己落配料定係店員幫你落。配料及湯底有多款可選，有辣有唔辣，任君選擇👍🏻我就揀咗火腿瑤柱肉骨湯配6款配料，湯底鮮甜美味，火候十足！配上爽滑米線及雲耳、腐皮、皇帝菜、黑毛豬梅肉片、貢丸及封門牛肉等等，肉味香濃蟲草花蒸雞荷葉飯籠仔蒸飯好大兜，蟲草花蒸雞好足料，皮薄肉嫩，鮮雞味濃～荷葉飯軟硬適中，飯裏面加咗冬菇、蝦米及瑤柱，鮮味十足！熱奶茶&熱檸檬茶港式風味熱奶茶及熱檸茶，好好飲哦

成日行旺角，都會望到十八怪嘅banner，個店名夠怪，所以一直想試呢間好耐原來呢間主打石鍋米線，可以揀店員煮畀你，定自己DIY，當然後者比較會有樂趣檯上面有教學，店員亦會Brief一次開頭先倒蔬菜落個鍋度，然後就倒晒啲生嘅肉類落去，倒埋湯底噏一噏等一分鐘後就放埋米線同熟肉入去，再噏半分鐘，滾燙嘅米線就成了蟹湯底幾香，米線夠晒彈性，九樣餸真係好豐富，仲可以揀多米線荷葉飯都好有實力，唔好睇啲飯有醬汁咁，其實蒸到啲海鮮味入晒落啲飯度，啖啖都勁鮮，仲配以大量海鮮𠻹用豆卜炸成嘅炸蝦，真係好特別，將豆卜反一反，形成勁脆嘅外表，點埋甜辣醬食好過癮檸檬雞係好多人嘅家政堂回憶，第一味餸就係煮佢，不過呢碟當然同嗰時係兩回事啦！人地係專業嘅，先炸到咁脆卜卜咁嫩口呢間都有串燒選擇，大胃呢個時候想食嘅蔬菜，嚟個燒原條茄子就最好不過，又大條又香蒜味，夠晒頂癮嘢飲都有特別嘢，胃民就夏天先嚟養生飲熱檸茶大胃嗰杯芒果烏龍茶對比之下，大杯到呢，啱晒水怪飲

Happy Friday 同好友選在#旺角 #小草十八怪石鍋米線 食飯，食番個熱辣辣的鍋物，大家都點左9款餸的石鍋薯粉，可選擇自煮或店員幫忙，我哋比較懶，就等食好了😁。我選了石鍋薯粉9個餸，揀左香辣金湯湯底，餸選配豚肉、豬軟骨、蘿蔔、麻辣肉碎、生菜、金菇、皇帝菜、芫茜、日本蘭王雞蛋🥚，加配一杯凍檸茶。石鍋上枱時滾熱辣的，餸豐富新鮮份量足，金湯味道小辣，又非常好飲，食得開心又滿足。老友要了石鍋薯粉9個餸，有虎蝦仁，螺片，帶子，響玲，牛肉，翠苗，鮑片，腐皮和皇帝菜，滿滿的一鍋，超級正又美味☺️，食到舔舔脷。加$12要了杯加大芒果綠茶，試了一口，不會太甜😘。原條茄子🍆燒得熟身，燒烤粉及蒜蓉調味得很好👍，好食又不多油，唔錯呀。凉拌雞絲，這道小食真的很適合在夏天食，好捧啊！

今日來旺角同朋友食飯，上到樓上地方都幾大，卡位梳化座位都幾舒服，張枱都夠大。呢間餐廳招牌係可以自己煮的石鍋米線，唔想落手嘅都可以揀由店員煮，仲有明爐烤魚，石鍋飯，荷葉飯，串燒，川式涼麵… 石鍋米線套餐湯底選擇多，我揀咗火腿瑤柱肉骨湯，濃底好香濃，石鍋keep住湯底溫度，食到最尾都係熱辣辣👍🏻餸可以揀三餸/六餸/九餸，豐儉由人。我揀咗五香辣豬軟骨，貢丸，鹵水腩肉，日本蘭王雞蛋，墨魚丸，生菜，蘿蔔，小草酸辣炸醬，北海道帶子，好豐富😝小草酸辣炸醬酸酸辣辣好開胃；鹵水腩肉肥瘦分明，軟熟又唔會太油膩；墨魚丸爽口彈牙；北海道帶子雖然唔係好大粒，但係好爽口鮮味；五香辣豬軟骨炆得好淋好入味，軟骨爽脆，醬汁惹味😋我今日好肚餓叫咗加底份量米線，加$5就有一大碗米線好抵食，米線爽口，軟硬適中👍🏻串燒海蝦燒到好香脆，脆到可以連殼食，燒汁好香濃惹味；蝦肉幾鮮味，爽口彈牙，抵食推介🥳串燒翠玉瓜好新鮮爽脆，配上椒鹽好惹味涼拌雞絲雞絲伴青瓜好開胃，醬汁香濃又有少少辣，非常開胃黑椒味噌封門牛柳石鍋飯上碟出晒煙，聞到好香黑椒味，封門牛柳牛味香濃，肥瘦適中，醬汁超級香濃惹味，鍋底會有少少飯焦，好焦味，飯量好多，石鍋keep

諗住只係食個米線🍜，竟然發現款式極多。開心到選擇困難症病發。明爐烤海鱸套餐 $224.00（多薯粉，多青）（ 極品蟹皇湯底）（封門牛肉、花膠 、麻辣小龍蝦🦞、蟲草花 、北海道帶子）看得出海鱸魚🐟香煎過，所以不用等太久，店員告訴我們水滾之後不久就可以享用。極品蟹皇湯底勁香濃，薯粉亦掛汁一口就已經食得出真材實料，配料亦新鮮。特大青檸薄荷梳打 （少冰、少甜）超級大大杯青檸薄荷梳打，由頭飲到落尾，離開了餐廳不用再找舖頭續杯，新爽青檸加上新鮮薄荷，唔會太甜。店面手腳極快，下次要試下串燒。我的提示不要着白色衫，今日蠢咗，所以要食得勁小心。

米線食得多《石鍋米線》真係唔多地方有得食。仲可以揀店員煮 / 自己煮難得可以自己煮，梗係玩下啦。🔴石鍋米線有唔同湯底選擇，揀咗<極品蟹王湯>自選 9 款配料平日食到嘅米線都係滾水煮沸，呢度真正用湯汁嚟煮，係唔同啲嘅。石鍋本身燒到熱辣辣，先加入菜同配料...一放落去已經炸炸聲。再加入金黃色嘅湯底，米線同有調味嘅餸菜就最後加上，Wow...有得玩有得食．好過癮呀。串燒太多選擇揀咗幾款滿足一下，仲有唔同辣度揀。🟠原條茄子燒得好靚，勁入味，一個人可以食哂成條🟢蒜蓉燒扇貝夠新鮮．超多蒜蓉．勁香口，時間控制得好好🔵韮菜．翠玉瓜唔少得蔬菜類中和一下，翠玉瓜燒完好多汁，夠Juicy🟣芒果凍頂烏龍茶呢度嘅飲品超級大杯，一杯都可以2人開心Share除咗米線之外，仲有好多款式嘅荷葉飯．串燒．連烤魚都有。下次再嚟試其他款式

之前留意「米線關注組」專頁看到旺角一間米線店很多人分享就把她收藏起來；一直還沒有找到機會來嘗試，這次因為要上學前吃東西的關係終於和閨密來到店家品嚐了！石鍋米線套餐（自選9款餸）$88收藏這店的原因就是因為這個！首先店家的石鍋米線分為自選3款、6款及9款餸菜，湯底也有7款選擇，還可以配搭米線、薯粉、即食麵或飯，非常高彈性，自由配搭出個人口味～ 由於打算跟閨密一同分享，9款餸菜就最適合不過，我們選了：北海道帶子、滷水腩肉、大腸、蘿蔔、豬潤、墨魚頭、鳳尾虎蝦仁、封門牛肉、魚浮泡再配薯粉，還可以自由選擇加入芽菜跟韮菜，食材組合極其豐富，由海鮮到肉品也有，每款味道也很好吃，最喜歡滷水腩肉跟大腸，味道濃郁但不油膩，取而代之是非常爽口惹味～ 而湯頭方面也是非常獨特而吸引：除了大眾喜愛的辣湯、麻辣湯、酸菜魚湯外，還有少見的沙嗲、肉骨茶、火腿瑤柱肉骨湯跟極品蟹皇湯！從來沒試過以蟹皇湯配米線薯粉這種食材，開首還擔心這個會偏皇腥味不好吃，結果出其地清甜，而且湯頭還帶有絲絲蟹肉，調味適中很適合配薯粉跟食材品嚐～ 要是訪店的話可以點這個湯頭試試！這個套餐自主度之高絕對超出我想像！皆因店家還可以讓客人選擇親自烹調

名字叫石鍋米線，但實際上的菜品選擇真的挺多的，不單止有蒸飯，還有烤魚，雞煲，還有即叫即燒的串燒，但胃就只有１個，吃不了太多！胡椒豬肚雞半隻（１８８元）本來想吃烤魚的，但看到賣完了，就改吃豬肚雞了！湯底裡的料比想像中的要多，豬肚的份量也不少，吃起來爽滑彈牙的，吸飽了湯汁！而且還有很多白蘿蔔和腐竹等，單鍋底就挺豐富的！雞是直接給你等你慢慢煮熟，煮得剛剛好，雞皮吃起來爽滑，肉積彈牙，有雞肉香，還帶有陣陣的胡椒香！特大檸檬茶（套餐贈送）真的非常大杯，面對是套餐包括的，這就挺有性價比，而且就算單點也只要２５元，其實也挺划算的！我叫了無糖，喝起來就是紅茶香加上檸檬的酸甜，挺解油膩！美國肥牛（１１元）１１元的份量有約三塊左右，不過也算是挺大的一塊，吃起來也挺嫩滑的！司華力腸（２０元）燒得外脆內軟的，調味挺香，加了孜然和辣椒粉去調味，所以挺香濃的，愛吃的必點！墨魚頭（１５元）這個應該是魷魚腿來的吧，但燒得外表焦焦的，吃起來是爽滑彈牙的，魷魚味挺香！豬大腸（１３元）大腸選用了大腸頭的部份，所以肉挺厚的，帶點肥，吃起來爽滑中帶點油香，而且沒有異味，挺不錯！

星期三晚同男朋友黎食晚餐，要等位先有得入，不過都好快有枱。入到去用QR code點餐，我哋叫咗個三款串燒，包括原條茄子，雞中翼、椰菜仔。茄子蒜味香濃，椰菜仔好細粒，俾佢切開咗一半，雞翼都細隻，但調味都ok。再叫左個椒麻蝦膠脆卷，熱辣辣，脆卜卜，入面有大量木耳絲，醬汁酸酸地好得意。另外叫左個籠仔蟲草花蒸雞荷葉飯，雞好多骨，吾係啖啖肉黎。唔記得咗落豉油，但其實個飯本身都好香。再叫咗個烤魚，要極品蟹黃湯底，冇蟹味，但食到有鹹蛋黃，一開始覺得都幾清甜，去到最後就有啲鹹。烤魚入面本身有豆卜、芽菜、粟米、蓮藕，仲另上薯粉/飯，其他配料可以自己俾錢加，我哋就加咗豬軟骨同埋封門牛肉，味道吾錯。

上網睇到介紹覺得好吸引好好玩所以要來一試。每款送份量雖然不多，但有9個送四個人食都好夠，好玩。同幾好食牙。仲有串燒食。個鯛魚荷葉飯有驚喜。其他食物不過不失。可以再嚟食多次試埋其他嘢。下次我要食嗰盤魚🤭😂。飲品特大杯真係飲到你飽為止。初頭入去覺得好熱好擔心食米線會熱死人。但係坐坐吓冷氣足夠唔知係開大咗定係點。不過唔理啦夠涼就OK啦。6:00嚟到不太多人。慢慢就多啲人嚟啦。喺正女人街頭嘅轉角位樓上。平時都冇留意到。但係喺對面馬路望過去就好顯眼黃綠色招牌。間中試吓啲看似普通。但又有啲嘢玩既嘢。都唔係唔好呀使乜下下大魚大肉🤭

今日同朋友晚飯講起想食米線，於是就喺旺角搵到呢一間主打石鍋米線嘅舖頭。呢一間店唔單止淨係做米線，佢都仲有蒸飯石鍋飯等等，最正嘅一點就係佢又做埋串燒，今日都嚟舖頭呢度座位都幾舒服。我哋嗌咗一個三餸嘅石鍋米線，我哋就揀咗啲平時喺其他米線鋪食唔到嘅餸啦，點咗佢哋嘅時候十八怪照通炸醬，香辣蕃茄牛助條，仲有封門牛肉，我哋配左佢個香辣金湯，一上枱成窩米線熱辣辣，啲湯底好香，辣得好過癮，炸醬好入味，牛肋條都夠大件好香口！另外我點咗個瑤柱蒜蓉海鮮荷葉飯，呢個飯真係一流，啲蒜蓉同荷葉嘅香氣比啲飯吸收曬，食落真係好香口，越食越開胃，啲海鮮都唔差，蝦同帶子都好新鮮，用料唔錯，個飯份量夠曬兩個人食！嚟到當然都要試吓佢哋嘅串燒喇！我哋叫咗佢嘅茄子，成條咁燒，好香孜然未。個墨魚頭超級爽口，牛丸同牛舌都燒得好入味，羊肉串同牛柳串啲肉質燒得好嫩又多汁！嚟到一定記得要食埋佢哋嘅串燒！

成日搭車經過都畀佢嘅鮮黃色嘅牆身所吸引，今日終於喺旺角區工作，lunch time去咗幫襯，冇錯，又係食我最鍾意嘅米線。石鍋米線9餸 $88起，部分食材需要額外加錢，46種配料之中任君選擇，真係出現咗選擇困難症，哈哈，樣樣都好想食。湯底：香辣金湯，沙嗲湯，柴火麻辣，湯酸菜魚湯，馬來肉骨茶，極品蟹黃湯，火腿瑤柱肉骨湯 湯底都有食七種選擇 要試曬咁多款都需要點時間米線湯底揀咗香辣金湯，清甜得嚟帶少少微辣，層次都幾豐富，一個靚湯底真係好影響成碗米線。個湯底咁正一定要點響鈴， 索曬啲湯，爆曬汁，超好食。麻辣小龍蝦好鮮甜，肉質爽口彈牙食到陣陣麻香味。紅燒螺片好食，好厚，好彈牙。封門牛肉 ，牛味香濃，肉質一啲都唔鞋。北海道帶子都幾大粒。我平時食嘢鍾意有多冇少 ，所以我另外叫咗幾串串燒食下。 串燒可選唔辣，微辣，小辣，中辣，大辣，特辣牛舌$18孜然羊肉串$18蒜蓉燒扇貝$35 雞中翼兩隻$15豬大腸$13整體串燒都好出色，最怕食到啲乾爭爭嘅串燒，火候啱啱好燒得一啲都唔乾，串燒好惹味，帶有川式風味 。蒜蓉燒扇貝勁香口，超多蒜蓉，讚!

.係旺角想一次過食晒米線、串燒，我會諗起小草十八怪！.餐廳主打食客自己煮石鍋米線，我encore再黎，當然都係要自己煮啦！今次叫左6個餸，極品蟹皇湯底其實都係貪得意玩下煮飯仔，湯底有蟹肉同埋咸蛋黃味，餸既份量就有d多有d少，睇下咩餸我覺得鹵水腩肉同大腸醃製得好入味.兩個人一碗米線share，再叫d串燒、小食，perfect!雞軟骨、雞中翼、芝士腸、翠肉瓜仲有蒜茸燒原條茄子雖然係米線店，但佢地既串燒好有水準風味！.小食叫左椒麻蝦膠腐皮脆卷外皮炸到好香脆，感覺中間唔太多蝦膠但好多木耳絲等蔬菜，最緊要係個醬汁，食完個嘴有少少麻痺感覺好特別.差d漏左，佢地跟餐加配既野飲係特大版，好爽！

朋友係忠實嘅米線關注組成員😅佢今日帶左我黎呢間個名好有趣既米線店食晏，配料有成40幾款選擇，眼都花埋😂呢度採用QR自助落單，仲有好多個人化選擇，例如係店員幫手煮埋定自己煮，多飯/多米線，少飯/少米線，多蔥走蔥等等👍👍❤️芫茜，蘿蔔，鯛魚片，皇帝菜，豬潤，十八怪照通炸醬，五香辣豬軟骨，香辣蕃茄牛肋條，日本蘭王雞蛋，極品蟹皇湯配飯 💰9️⃣5️⃣呢個係我點既，因為尋日食完米線所以今日想食飯多啲😀九個餸超級豐富！！🤭個蟹皇湯好鮮味！個人認為做湯飯既湯底一流😍最推介以下幾樣😋鯛魚片：口感勁彈牙兼嫩滑～豬軟骨：好香，夠淋夠入味👍牛肋條：酸酸辣辣幾開胃，肉質唔韌蘿蔔：夠淋，清甜無渣～❤️墨魚頭，響鈴，生菜，五香辣豬軟骨，花膠，牛柏葉，滷水雞腎，魚浮泡，日本蘭王雞蛋，柴火麻辣湯配米線 💰9️⃣4️⃣朋友覺得佢個柴火麻辣湯幾辣，我試左一啖覺得個味超特別！😱 有啲似香料臨炒燶之前嘅味道，市面比較少有😵米線爽口彈牙👍朋友就比較推介以下既款式：花膠：算厚身，有口感，只係需要加兩蚊，超抵食🙌🏻豬軟骨：軟骨位有咬口，肉既部分炆得夠淋😋蘭王雞蛋：一路都聽聞蘭王雞蛋與眾不同，果然蛋香味非常濃郁！貴得黎有原因🫢雞腎：入味👍 口感介乎淋與

係旺角諗唔到食咩，就一定要行下女人街💁🏻‍♀️呢間明明係食石窩米線，但我地就係俾條明爐烤海鱸張相吸引住🐟🐟(當然價錢平都係主因之一)餐廳係二樓，座位俾想象中多~QR code落單，冇幾耐就上菜啦上菜有驚喜，估唔到條魚🐟都幾大，又夠厚肉同新鮮，口感幾好配菜好多，有藕片，芽菜，豆卟，粟米➕一碗已經叫少份量嘅薯粉2個人食，份量足夠，可惜只送一杯嘢飲🍸加咗2個燒烤試試，燒🍆意外地好食，味道啱啱好，牛舌就不過不失總體而言，一間普通的餐廳但味道值得期待