小食堡 (已結業)

岩岩行完D2 place 好想吃炸雞脾就上網搵下有咩炸雞脾好食結果見到呢間蒸炸雞脾甘特別又要排甘耐應該吾伏見離呢到吾遠就去吃下啦我大概等左十分鐘左右吾算好耐佢地真係即叫即炸吾怪得客人雖然吾多但都等左一段時間其他野食本身想吃埋但同行朋友咩都吾食吾敢自己吃甘多炸野但見佢地係先蒸然後拎去炸所以肉係嫩吾似外面小食店吃硬硬的皮係脆既真係好吃的炸脾鐘意吃炸脾又對炸脾有要求一定要吃我以為都幾大隻但其實吾算大幾下就吃完了好滿足啊下次吃其他炸物🤤🤤🤤

開完會，心情想放肆，在OpenRice 找邪惡的炸脾。店面告示表示分開炸物及非炸物兩條隊。當然剩下一條炸物的隊。偷看老闆是即叫即炸雞脾，也不是炸了一半再炸。即時生炸，一定好吃。味道就是炸脾味，有咸味冇雪味，肉滑皮脆汁潤，沒有不滿意的理由。雖然尺寸不是肉厚大隻，肉切得約半寸厚，但售價不到$20 ，是解雞脾饞是恩物。有一些人會加辣粉，脾應更香脆了。

其實我本身都唔知道原來呢間小店係咁有名，不過後來見到有報導講過佢既炸雞脾先知道咁多人食。我見到條人此只係得幾個，所以就排隊去試下買黎食。點知前面幾個人都排左我大半個鐘因為每個人都買好多隻雞脾同其他炸物。本身我都唔餓，但都點了兩款試下。第一樣當然係炸雞脾啦，佢地既脾係先蒸後炸，咁樣就確保水份，又唔會唔熟。我覺得隻炸雞脾的確好入味，佢脆得黎又唔會好乾，肉質滑嫩。難怪咁多人叫。而另一樣就係炸蟹柳。知唔到佢地既炸粉用得岩岩好，脆得黎又唔會覺得太多粉。而蟹柳又均勻咁分配到炸粉。不過食完後令人好口乾，唔知究竟太熱氣，定太多味精。

講起雞髀，好多人會諗起近年好出名嘅（數字）多 。而我今日就專程黎到長沙灣呢間小店食馳名蒸炸雞比。去到門口，果然並非浪得虛名，已經見到十幾人慕名而來排隊等吃雞髀。等左差唔多半個鐘，終於到我，我梗係唔執輸，我叫咗蒸炸雞脾，炸薯餅，椒鹽魷魚鬚，仲有一罐冰凍忌廉。點解我專程來呢間鋪？因為呢度嘅雞髀係先蒸後炸，咁同普通嘅雞髀有乜分別？先蒸後炸做法有助鎖肉汁之餘，雞髀皮又可以好脆。咬落去雞脾彈出嚟嘅肉汁好爽。除此之外，我仲食左佢塊即炸薯餅，唔好睇小佢塊薯餅只係＄8，有時喺美式快餐店食薯餅，唔知點解明明剛剛炸起都係軟林林的；相反，呢度所有野都係即叫即炸，薯餅好脆，再加上辣粉，真係好容易食上癮；仲有個椒鹽魷魚酥，同平時在旺角食最大嘅分別係佢唔鹹，亦都唔係求其俾啲粉你，真正食到條條魷魚鬚。呢間鋪由細食到大，一啲都冇退步，只係越嚟越多人排隊，哈哈哈！

從來沒有在香港放個假，因為一有假就要出走。 今天本身和媽媽回廣州，可惜她的抱羌，結果，我們只是下午吃過下午茶。 星期一，不知道番工，那麼做什麼好。 第一站，是傳說中周末可以等兩個小時的小食堡。 記得曾經星期六下午三點過來，那條龍可以四個蛇餅，在蘋果日報撰文後，那風頭一時無兩。 時間過去，熱潮有冇大退我不夠膽講，周一兩點過來，寶寶不用排隊吧。 媽媽最討厭排隊，還跟她打賭，結果，我估少過五個人，結果，我贏了。 前面兩個人都是買這裡的名物，我當然也一樣，一隻蒸炸雞脾，十八蚊，我覺得好抵。 媽媽說很貴，我說她太離地，因為出面動輒一隻雞脾最少廿蚊。 這裡手功更繁複，蒸完雞脾才落油裡去，雞脾穿插來回地獄又折返人間，死去還完受兩層的煎熬，為了是給你更好的美味。 雞脾炸得極脆，脆得如薯片一樣，這裡更配三多的名句，食雞唔食雞皮係一種罪過。 雞肉又不乾身，肉汁有雞肉的鮮味。 望望後面，炸得骨還骨，肉還肉，睇好似好乾，但吃下去，如果一點乾也不覺得。 想要辣，要點辣粉就可以，加上雞脾肉，是完美的配搭。 本身在香港放假是非常不高興，不過當我不用幾分鐘便吃到這個周六要排兩個鐘的雞脾時，我覺得非常滿足了。

行過N 次呢間店門口, 都是大排長龍 日日如是! 傳說呢間店的雞肶超正.今天我跟小公主的起心肝,排一次隊試下是否真的正斗.排隊排咗半個鐘. 買回來的雞肶,因排長龍關係,我順手買埋炸雲吞試下.先講雞肶, 好乾身, 唔油, 色水均勻,沒有有D 黑,有D 未熟(見紅) , 炸的時間啱啱好. 食落卜卜脆炸雲吞一樣, 店老闆索油真係索的好乾, 食落一樣卜卜脆.晚晚十點行過, 見老闆洗刷爐灶真用了不少時間. 真心的店, 我覺得支持小店, 排隊也是心甘情願.加油.

早排係facebook見到某雜誌介紹呢間上網睇下先發覺原來好多好評難得早幾日行過見唔洗排到轉角位就買黎試下 不過由於即叫即炸既關係 都要等幾個字老闆記憶力真係好強一次過問幾個人要咩都唔會搞亂即叫即炸既辣雞脾好大隻 夠滑又juicy鑲料十足 最中意食個魚蛋

「三多」分店愈開愈多，但總算炸雞肶的水準keep到，但食得多也要轉下口味，聽聞長沙灣的「小食堡」的炸肶具備擊敗「三多」的實力，這天下午便專程前往一試。去到見到條人龍甚長，估計此小店唔簡單，排了近半小時隊，終於吃到傳聞中的「蒸炸雞肶」。「蒸炸雞肶」便是先將雞肶蒸熟後再下油炸，因此呢度的炸肶鎖得住肉汁。雞肉醃味不算濃，具家庭風味，而雞皮雖然不像「三多」的出品般有香酥感，但亦夠晒脆，不俗。為何要等咁耐，因為老闆是接到order後才將蒸好的雞肶按order去炸，而非大量預先製作也。至於是否好過「三多」，我只能說做法不同，各有千秋吧，「小食堡」比較像傳統風味，「三多」則屬新派。同場叫多個炸蟹柳及墨丸，用料是一般貨色，味道也非特別，勝在炸漿幾薄，可止口癮。

住長沙灣近20年，而且中小學較多，係區內應該無人唔識小食堡。經過最近既訪問，好多人拎佢同三x比，所以一到3, 4點既放學時間比平時更多人排隊，我見老闆兩公婆都做到無停手。好多人排成半個鐘都係為左等佢既炸脾，18蚊炸脾簡直入不敷支。而本人比較喜歡小食堡既炸脾，各有千秋吧!原來想要炸脾，但老闆蒸唔切要等好耐。我見炸脾等得耐，要左腸粉，大菜糕就算腸粉比合x益的確少左份豬油香同滑，但我鍾意呢度麻醬既味度，比合x益既濃。大菜糕識食一定要多奶，冰凍既大菜糕加凍既啖奶，夠哂消暑可惜炸脾多人點要等好耐，睇黎下次2點去排先食到

蒸炸雞脾十八蚊黎講味道還可以，無用粉醬炸嘅雞脾，皮係脆但肉唔嫩比較乾，我個人覺得三十蚊隻嘅三多炸脾比較肉嫩多汁。煎釀三寶十四蚊四件，每件都釀滿魚肉，但味道就好一般，青椒唔爽脆，茄子偏腍，紅腸冇味道，魚肉唔彈牙，自家製豉油偏甜！香炸墨魚丸九蚊四粒，唔難食但冇墨魚味。唯一讚賞老板娘很有禮貌同細心，問煎釀三寶如不是即食，會將豉油用袋仔裝起。食物唯一可取係即叫即炸熱辣辣。但要用上半小時排隊，我就唔會再食囉！

情眸🍗炸雞髀今年今日花廊中，杜鵑怎比雞髀紅。人面不知何處去？港鐵長沙灣C2出地面轉右，穿越花圃，在人群中會找到人面雞髀店。因雞髀大隻，足以掩蓋一個少女的玉臉，故有此店。遠處已見到人群聚集，大家有秩序地等待。夫妻檔很熟練地用左邊的籠蒸雞髀，在客人指示後，即炸數分鐘，成為當紅炸雞髀。老闆很細心地詢問是否辛辣？是否要剪開？要碟盛著？煎釀三寶等炸物都是以食材足，即炸，貼心處理，故贏盡口碑。這夫妻誠意待人，勤懇老實，真難得。注意:等待時間約半小時。

中學時光總是令人刻骨銘心的。每個人也有屬於自已的那些年，那些年中，伴隨成長的是無數套百看不厭的卡通片，還有就是放學後又不想回家，4點至六點，那珍貴的真空時間。長沙灣區長大，在九龍區讀書，班上要找到住附近的同學一點也不難，初中未開始去自修室，我會和好朋友遲一個站下車，去小食堡買雞肶吃，吃完就回家。小食堡在區內很愛歡迎，不經覺開了十多年，我也吃了十多年了，最初由我姐姐介紹我去吃的。 小食堡附近有很多學校，又近自修室圖書館，一到放學鐘數，就有大批學生，接放學的家長，圍著小檔口前，買雞批小吃。 說真的，中學畢業後，很少到小食堡買東西了，因為放工又太晏，平時又不會走那邊，撞正今日有時間，早下班，就到小食堡冋憶一番。 香滑腸粉$18(4條): 老闆在大蒸籠裏拿岀雪白色的腸粉，執起銀色大剪刀，霍磡聲發岀，腸粉隨著清脆的剪刀聲被分成一段段。自由選擇醬汁，我按慣例全部醬都要！ 之字形的加上麻醬，豉油，甜醬，芝麻及辣醬，尾段加上生油。 回到家後，打開外賣盒，腸粉還微微飄著白煙。 吃下，腸粉不會過淋，不會太厚身，滑度挺度剛剛好。把全部醬汁伴匀，腸粉均厚厚沾上醬汁，大口吃下，厚身的醬汁均漿到咀上，凡吃腸粉

If you love fried things, this place is for you. A small take away only shop in the Cheung Sha Wan area, it sells everything .. fried.We noticed there was quite a number of people waiting in line for their food.  After a bit of research, the number one item was the fried chicken leg.Menu is in Chinese only. As it's take away, there is no 10% service charge and you pay cash. They deep fry not only chicken legs but siu mai and squid. Prices are really cheap. All items are made to order, thus there

呢到即叫即炸嘅炸雞脾＄18唔只夠巨型，仲皮脆肉嫩，不知幾juicy！老闆用蒸後炸嘅方式嚟煮，咁樣就可以鎖住D肉汁，D肉亦唔會因為炸得太耐而變老！另外，酥炸魷魚鬚＄25爽口彈牙，粉漿唔似出面D鋪頭咁鬼厚，呢到上得薄又炸得脆，完全食唔停口！呢到嘅魷魚鬚係喺紐西蘭入口，不定期番貨，所以未必一定食到。掃街必食嘅煎釀三寶，呢到嘅煎釀三寶每件都釀咗大量魚肉，認真啖啖肉，加埋老闆嘅自家製豉油，必食！另外，呢到仲有老闆娘自家製嘅大菜糕 ＄6，加左花奶味道更好，口感爽滑味道清甜野食出色，老闆兩公婆熱情又nice嘅態度仲出色，撐小店！

呢度既炸物全部都即叫即炸，保證新鮮香脆好味!唯獨炸雞脾一定要食!即使每年加價，但質量保持得夠好，大大隻，醃得夠入味多肉汁。大大箱既雞脾，通常都係蒸一陣先去炸，所以無用粉醬，似生炸雞脾，食落夠嫩夠多汁，非常好味!覺得唔夠味既可以叫老闆再加少少辣粉同華鹽!!唔夠喉可以食多個冰花大菜榚多奶，又平大大杯，冰凍得黎夠香甜重奶味，一流既甜品