尚座 (已結業)

銅鑼灣真係咩類型美食都會搵得到！有時都會想換下口味食下中菜🤩 午餐每位$200左右，仲可以食到超高質黃金蝦球！而且位於新會道環境舒適闊落，傾偈都唔錯～✨蜜椒三文魚鰭✨雞絲粉皮✨花旗參鬚燉赤肉✨粟米魚肚羮✨黃金蝦球+轉菜飯 ($168+$8)✨薑蔥斑腩($168)商務午餐會有頭盤湯同埋主菜，仲會跟一個白飯，加$8可以轉菜飯，食晒都好飽！首先介紹頭盤我哋揀咗蜜椒三文魚鰭同雞絲粉皮，三文魚有蜜椒味食落甜甜地，而且揸過嘅外皮都帶點脆口。另一款揀咗雞絲粉皮麻醬味幾香。午餐湯就得兩款，兩款都叫咗黎試～ 花旗參鬚燉赤肉，上枱已經聞到好濃郁嘅花旗參味，飲落有少少苦但係好快就回甘，感覺幾特別！另外粟米魚肚羹，魚肚嘅份量都算多，幾唔錯～到最主打嘅主菜！率先介紹黃金蝦球，真係好少何午餐有黃金蝦球叫😍呢個菜式好考師傅手勢，呢度嘅黃金蝦球除咗賣相超靚隻蝦超大之外，仲做得好彈牙，而且蛋黃味超級香濃🤩 薑葱班腩就炒得勁有鑊氣🤩 熱辣辣超惹味，魚肉多肉又鮮甜嫩滑，而且個醬汁都做得好有水準！

⚲ 銅鑼灣 ✎ 精選兩位龍蝦套餐 $588/pp- 熗汁鮮鮑脆蜇頭- 瑤柱響螺炖花膠- 上湯龍蝦焗伊麵- 香酥烤鴨 (半例)- 開水白菜 離港前有機會再食多幾餐中菜🥹片皮鴨間中就會想食，今次試試這家新開的中菜館，價錢偏中高，走精緻路線，由前菜鮑魚海蜇頭到最尾的開水白菜都有驚喜🙊唯獨份量偏細，CP值稍低，但間中想豪一次都推介一試。𓏭每道菜都可以看出心思，是比較欣賞的地方。上菜時都會簡單介紹一下用材和特色👍🏻 片皮鴨肥瘦適中，麵皮會一直用鍋加熱以防冷掉，配料很足。湯和伊麵是超級鮮甜！！最surprise是開水白菜真是本以為是開水烚白菜😂...但原來...是開花的會不會有點太誇張？

🌹週日遇上不穩天氣， 正是欣賞電影好時候，睇完戲接近兩點，午餐時間有點尷尬，決定去銅鑼灣食排骨菜飯。到達門口發現食店結業了，有點失望，即時找自己的收藏搵食，近期在附近有間新開中菜館《尚座》，打電話給食店，問午餐時間到多少點，確定是三點時候，我們急急腳行去。🌹到達餐廳，計埋我們只有兩台客人，包場食午餐，真抵！食店裝飾古典優雅，牆上面的壁燈，餐枱及椅，入口門頂的裝飾，茶杯碟都配搭得宜。🌹網上得知食店提供豐富午餐組合，而且價錢不算太貴，我們就叫來兩個品嚐。（吸引來的原因之一）黑松露糖心蛋⭐️⭐️⭐️⭐️黑松露提升蛋的味道雞絲粉皮⭐️⭐️⭐️醬較滯口粟米魚肚羹⭐️⭐️⭐️⭐️熱辣辣上桌，料足薑蔥斑腩⭐️⭐️⭐️魚肉嫩滑，班腩稍微有魚腥味菠蘿咕嚕肉⭐️⭐️⭐️⭐️新鮮菠蘿甜，配菜爽口，汁液開胃，肉質不硬，炸粉剛好，上桌時仍脆口菜飯⭐️⭐️⭐️（加$8）菜稍少個人評分食物味道飲品環境服務衛生抵食

📍尚座🔍銅鑼灣新寧道8號中國太平大廈地舖 -----Sogo感謝祭就嚟完結，週末趕緊過嚟血拼一番，血拼之前黎到附近朋友推薦嘅一間餐廳食午餐，餐廳環境雅緻，Lunch time有午市套餐，按地段同質素黎講，算幾抵食。✨至尊午市套餐DELUXE BUSINESS SET LUNCH （$168/每位-包含前菜、湯、主菜同白飯🍚一碗）*可加$8轉菜飯.🥢前菜 APPETIZER：同家姐一人揀咗一款，分別係#蜜椒三文魚鰭&#四喜烤麩，前者貴精不貴多，香香甜甜，酥酥脆脆，食完兩舊依然令人欲罷不能。後者份量就比較多，調味濃淡恰到好處，質素不錯。🥄湯羹SOUP ：兩款湯品包括係#花旗參鬚燉赤肉 同#粟米魚肚羮，前者參味極重，飲半碗已經覺得好醒神，後者則非常足料，啖啖魚肚。🥢主菜MAIN DISH ：鍾意食濃味嘅我哋，揀選咗#黃金蝦球 同#菠蘿咕嚕肉，呢度嘅黃金蝦球就係朋友推薦過嚟食嘅原因，大大隻蝦球，新鮮爽彈，炸得香脆可口，表面嘅黃金沙（鹹蛋黃）滿佈炸蝦肉嘅整個表面，入口一試難忘，而菠蘿咕嚕肉質素亦佳，豬肉軟腍不失彈性，菠蘿亦係用上新鮮菠蘿，誠意十足。-----👶🏻B仔整體評價：7.8/10個👍🏻👶

今日難得放假，約朋友嚟到位於銅鑼灣利園附近嘅新寧道 - 尚座，食飯傾偈，呢到裝修雅致，地方寬敞，仲有獨立房間，私隱度高，私人或者公司飯局都應該唔錯。.簡簡單單，食個經濟實惠至尊市套餐$168/位，有前菜、湯羹、主菜同白飯，加$8 轉菜飯都得，悉隨專便。.前菜-蜜椒三文魚，蜜甜香脆雞絲粉皮，花生醬味香濃.湯羹-粟米魚肚羹，上枱熱辣辣，大量魚肚。.主菜-黃金蝦球，非常邪惡，大量咸蛋黃炮製，蝦球非常大隻。酸湯牛肉，大量咸酸菜，湯底夠味，酸酸地好醒胃。湯底加入薯粉有驚喜。

地點在寧靜的商業區內，環境舒適又乾淨，食客也是輕聲細語，侍應及經理態度和善，即刻已經覺得好放鬆心情！涼拌南非鮑魚海蜇頭清爽開胃，非常適合夏天，鮑魚糖心，海蜇頭爽脆香甜，令我們食慾大增！海螺花膠燉瘦肉湯頭清澈，但入口後層次豐富，依次呈現了海螺——花膠——瑤柱——瘦肉的香醇，花膠厚身，很滿足！龍蝦伊麵點綴的香芹成功吊起龍蝦肉的鮮甜，蝦肉緊實彈牙，伊麵軟硬適中，味道很濃郁！份量十足，女士吃完一份基本上全飽狀態！烤鴨一口咬下，馬上就找到回憶中的味道！鴨的原材已經是精心準備，這個是真的不肥膩又酥脆，師傅的製作工藝也恰到好處，很久沒吃過這樣正宗的烤鴨，連餅皮到配角都是用料上乘，不得不說，是值得為這個烤鴨再來的！開水白菜手工精緻，以此作結堪稱完美！

帶爸爸媽媽出去食飯👨‍👩‍👧‍👧，佢哋始終對中菜都情有獨鍾所以我都會特登搜羅啲高質素嘅中餐廳🙌🏻希望慰勞下平日辛苦煮飯嘅父母💖順便帶佢哋試吓啲喺屋企食唔到嘅功夫菜🔥.🔻 酥香烤鴨（$228半例）Peking Duck因為我哋唔係好多人👫，所以嗌咗半個例牌就夠片皮鴨新鮮出爐🔥，配上甜醬、青瓜同京蔥一樣惹味可口另外，仲可以轉個新食法配上砂糖，平衡各種食材嘅味道等大家可以真正食到鴨肉同鴨皮嘅香酥嫩滑.📍四川擔擔麵（$88）Signature Dan Dan Noodles湯底加咗碎花生🥜同肉碎，味道好香帶微辣🌶上海麵幼身滑溜好掛湯，分到3碗左右份量好合理.📍 蒙古孜然小羊排（$208）Deep-fried Lamb Ribs with Cumin羊排一碟有6件，肉量都唔少外皮香脆加上孜然粉惹味可口羊肉味香但唔羶，肉質嫩清肥瘦均秤.📍 爆汁牛肉煎餅（$68/2件）Pan-fried Beef Pastry Filled with Soup (2 pcs)外皮炸過好香脆，中間內藏大量湯汁肉餡唔死實🐃，柔軟又充肉汁，幾好食.📍細沙南瓜餅（$38/3）Sticky Rice Pumpkin Cake

媽子話好耐冇食過片皮鴨🦆，特登book間同佢食今次去銅鑼灣新開嘅京滬菜館 尚座 @nobility.hk食晚餐最後一家4口又叫咗好多嘢食得勁豐富🥰.餐廳新開乾淨企理，裝修幾高雅仲有幾間獨立房間除咗散點仲有2、3、4人北京填鴨套餐.🔻 酥香烤鴨（$228半例）Peking Duck呢個係餐廳一大主打，無理由唔叫🤩烤鴨外皮香脆，鴨肉幾滑唔乾身🦆仲有隻鴨髀餅皮大概有10塊，透薄之餘口感細膩配以青瓜、哈蜜瓜、京蔥、蒜泥、京醬，味道豐富另外仲可以點砂糖食，味道估唔到都幾夾😆4人share啱啱好啱會膩❤️.📍 招牌小籠包（$68/6件）Steamed Minced Pork Dumpling (6 pcs)一客6粒，新鮮出籠夠晒熱皮薄柔軟，內餡軟腍仲有大量湯汁，正😚👍🏻.📍黃金蝦球（$208）Deep-fried Prawns with Salted Egg Yolk一客6件，新鮮炸起熱到辣口♨️外皮炸得香脆，蝦球大粒鮮味彈牙🍤鹹蛋味香，仲有鹹蛋沙沙地嘅獨有口感🧡超好食.📍嫩雞煨麵（$88）Stewed Noodle Soup with Diced Chicken 濃底濃郁味道溫和，煨麵掛汁入口幼滑🍜

嚟到上海中菜館 當然要食佢地嘅招牌香酥烤鴨！外皮燒到好香脆 中間有層薄薄嘅肥膏 肥美甘香 但唔會食到成口油 鴨肉都好嫩滑💕再用薄薄嘅餅皮 夾住青瓜、京蔥同哈密瓜 再加少少醬汁 超級惹味🍈

呢間位於銅鑼灣利園附近嘅中菜館都幾高質, 環境舒服, 裝修帶點中式雅典氣息, 今次同阿媽嚟呢度撐枱腳, 午市套餐包前菜、湯羹、主菜、白飯, 亦可另加$8轉為菜飯🍚, 性價比都高~《至尊午市套餐》🍴前菜四喜烤麩 - 吸飽鹹甜醬汁嘅麵筋口感軟腍, 香菇都好入味黑松露溏心蛋 - 黑松露醬香氣撲鼻, 同蛋味平衡到🍴湯羹粟米魚肚羹 - 魚肚蘊含豐富膠原蛋白, 對皮膚尤其有益! 魚肚切成小塊, 質感爽滑, 加上忌廉粟米、蛋花, 用料豐富, 味道清香! 花旗參鬚燉赤肉 - 花旗參味重, 透出花旗參甘而不苦嘅味道🍴主菜栗子炆雞 - 栗子同雞件完全吸收到醬汁嘅味道, 好入味, 栗子香甜粉腍, 雞件嫩滑又啖啖肉菠蘿咕嚕肉 - 咕嚕肉外皮鬆脆, 幾鍾意個醬汁, 酸酸甜甜好開胃

想同父母或親友一齊享受一個精緻又回味無窮嘅一餐，嚟呢間餐廳就岩晒啦。慶祝唔洗次次都食西餐嘅，其實中菜都可以環境高貴，服務貼心。今次我地就叫左個經典填鴨四位套餐，每一道菜都係別出心裁。首先有風味脆醬瓜，有啲似平時係上海舖嘅拍青瓜，味道就係酸酸甜甜，食落脆口。另一道係花雕醉雞，酒味香濃，但都唔會蓋過雞肉本身嘅味道，加上雞皮嘅油香，嫩滑嘅肉質，為整餐飯添加了不同層次。之後係花膠雲吞雞，未飲過嘅有可能會覺得係加左牛奶，因為個湯嘅顔色係厚實嘅奶白色。但飲落去嚐到每一啖都係雞嘅精華，配搭上花膠，飲完個嘴唇會好似有層膠質漿住，係滿滿骨膠原嘅表現。嚟到今餐嘅重頭戲香酥烤鴨(半例），會有師傅係廳面逐片逐片切出嚟，而每一塊都唔會連肉，食落係酥脆，入口有溶化嘅感覺。之後鴨油會充斥着係你嘅口腔，怕會食膩嘅就可以同京蔥，青瓜呢啲配料，再佐少少糖，立即減低膩滯嘅感覺，又可以刺激下味蕾。黑松露醬爆蝦球帶子，味道唔太似傳統中菜，有啲fusion嘅感覺，大大粒蝦球食落好有滿足感。嚟咗咁多碟肉，都要食返啲蔬菜，蟲草花翡翠苗有輕微草青味，但尚可接受，證明好新鮮，炒完仲有爽口嘅感覺。食到尾聲已經7分飽，但係都會抵受唔住老上海

端午節長假期梗係要同屋企人食餐好嘅😋媽咪始終最鍾意中菜🥢去咗銅鑼灣嘅高級中菜館•尚座✨估唔到食個lunch都咁豐富！😍果然係至尊午市套餐💯首先有前菜分別係黑松露糖心蛋、蜜椒三文魚鰭🐟估唔到有黑松露咁fusion😆而三文魚鰭就又甜又脆口，好惹味🤤再嚟個湯羹-花旗參鬚燉赤肉同埋粟米魚肚羹🥣個花旗蔘湯味甘，補氣下火一流✅個粟米魚肚羹好足料，唔似其他嘅比較水稀稀👍🏻主菜就係黃金蝦球同薑蔥斑腩🍤個蛋黃黃金蝦勁入味、啲蝦亦都大隻🤩班腩就肉厚嫩滑🥰媽咪勁滿意呢間精品粵菜嘅雅緻中菜館❤️

成日過一排就會好想食片皮鴨，今次見到食間好似新開無耐！一於嚟試下，可能較早入座店面人流唔多，但發現原來依到有房，如果多啲人慶祝生日都幾好～我地嗌咗個片皮鴨三食同小籠包～不愧係招牌！好好食～皮薄湯料足先飲啖入面嘅湯，再點少許醋食(醋入面有薑絲 味道淡少少，唔會搶咗小籠包嘅味)首先嚟咗個鮑魚鴨肉湯～係好濃郁嘅味道而且都好足料，食落唔會因為煲得落而韌，朋友飲完有大讚。片皮鴨到啦！係切片前會俾你睇一睇隻鴨先～仲可以"打個卡"之後嚟咗個椒鹽鴨架，依個如果餸飯食真係一流。佢唔係好多肉，但就好香口同惹味，剛開始食多幾舊會膩始終都炸過比較油，但抖陣又可以繼續食(難得係凍咗都接受到，因為夠香) 終於主角到啦！！9宮格嘅配菜 (青瓜重複咗～都好 係大家最快食完)另外，個皮係會熱住～唔驚食食下凍曬 大加分！！片皮鴨同皮嘅份量都比想像中多 (因為個皮...最後好飽仲一直拎到有)ps:其他餐廳通常係唔夠食！除咗普遍有嘅料外，紅色係山楂條(依款最估唔到)，薑蓉，砂糖，生菜鍾意佢多選擇，始終keep住食同一樣嘢好易滯咁樣會有新鮮感啲～山楂又酸酸地好解膩！整體食完都覺得俾想像中好，環境坐得舒服，其實係幾岩成家人嚟食

平時少同家人去銅鑼灣，今次見到有間新開嘅京滬菜館就訂位同佢地去一試。久未品嚐填鴨，心情都有啲期待。環境雅緻寬落，經典填鴨四位套餐仲好有驚喜。先來兩款前菜涼盤，分別係風味脆醬瓜、花雕醉雞，前者甜爽為主，食後開胃了。後者花雕味幾出雞肉嫩滑。超足料嘅花膠雲吞雞，湯控表示滿足，每人都起碼有一塊大花膠，雲吞大大粒好飽滿有肉汁！湯咸度剛好飲完亦唔會口渴，真材實料。亮點之一就係依個香酥烤鴨，半例嘅份量都夠4位用，佢地選用北京白羽鴨，係只飼養60天的雛鴨。佢地獨特製法會凝聚皮下脂肪，切法亦會片去油脂，所以食落鴨皮甘香得嚟又唔會好膩，蘸糖食就最正。而鴨卷餅厚薄度剛好仲帶煙韌超加分，加埋傳統京醬、青瓜、京蔥等一齊食好完美！黑松露醬爆蝦球帶子蝦球份量好足，大大粒又爽彈，黑松露醬味道幾出，上枱後飄香，帶子都好鮮味。蟲草花翡翠苗翠綠新鮮嘅豆苗，仲有營養滿分嘅蟲草花，食落爽嫩又唔油膩。老上海炒飯炒飯都唔馬虎，炒至粒粒分明又香口。比較少見加入辣椒乾作配料，但為炒飯加了不少分，有辣椒乾嘅每一口都帶微辣而不嗆。招牌小龍包驚喜滿分，皮薄多湯汁，入面肉餡唔會太實，成件事好smooth，想encore嘅item。

由細到大都喜歡食中菜，特別係夠鑊氣嘅小炒，早兩日同阿媽經過銅鑼灣見到呢間餐廳，裝修新淨高雅，就連使用的餐具和牆上的壁畫都很別緻。因為是午餐時間的關係，直接點了至尊午市套餐，可以選頭盤和湯，主菜和米飯🍚。我點了蜜椒三文魚鰭，香口大有微微甜味，魚鰭香脆，魚骨也脆卜卜可以吃。另一道是雞絲粉皮，清爽開胃。還有粟米魚肚羹，沒有腥味，突顯粟米清甜。主菜特別推薦黃金蝦球和菠蘿咕嚕肉，兩道都是經典小菜，咕嚕肉外脆內嫩，酸甜下飯，黃金蝦球非常大隻，啖啖肉，蛋黃鹹香惹味👍，配上兩碗白飯很滿足🥰這樣的高級質數，$168/位相當抵食。