山城小麵 (太子中心)

營業中

休息中

同一班愛辣朋友專誠去試，每人50幾蚊，一碗麵、一碟餸、一碗冰粉，去邊到搵呢？其實我覺得所有食物都唔算好辣，係合格既。下次我碗酸辣粉會叫中辣。除左冰粉，真係超級好食外，仲推薦小食，每樣都好食。

在苦惱晚餐吃什麼時，無意中發現了這一間川菜，於是進店開始我們的晚餐。單人餐很抵食，主食＋小食＋飲品/冰粉也只是$52/$59一個餐，真是很吸引。今次我們要了兩個特色二人餐，分別是燃情刀削麵＋口水雞翼＋冰粉，和麻辣雞絲涼麵＋尖椒黃金皮蛋＋豆漿。紅糖冰粉這個是第一個上的，我下單時要求不要其他配料，於是幫我走了山楂。冰粉非常有驚喜，入口即化，紅糖水甜而不膩，戒辣效果亦是一流。口水雞翼第二個上的是口水雞翼，分量比我想象的多，有三隻雞翼。但這道菜令我驚歎的，是雞翼底下的青瓜絲，吸收了醬汁後酸酸辣辣，十分爽口。麻辣雞絲涼麵接著的是涼麵，我們額外加了排骨，排骨有鹵水汁的香味，肥瘦適中，涼麵的味道和口感也不錯。燃情刀削麵（乾撈）一開始見到沒有什麼特別之處，但當用筷子攪拌時，馬上香氣撲鼻，令人食指大動。雖然是幹撈卻一點也不乾，十分驚喜。尖椒黃金皮蛋個人認為不過不失，尖椒味較淡。金色的蛋黃和透明的蛋白，這個皮蛋顏值真高哈哈哈。總結雖然店舖不大但人流轉很快，不用等位。上菜時間快，服務態度良好。最重要的是食物的味道真的很好，值得讓更多人知道。

难得放假约左friend食晚饭，个friend话想食面，于是黎到食山城小面。其实间店都几细，剩得几张枱，雪柜有一张枱仔专门for一个人既食客。同个friend要左一个两人set，小食拣左黄金皮蛋同手撕鸡，面就要左担担面同刀削面。手撕鸡应该系用左鸡胸肉做，入口有咬劲，唔柴，凉拌既酱汁有少少甜味都几特别，好赞。黄金皮蛋中间蛋黄仲系半固体状，食落出面爽口入边软滑，超正！不过面就麻麻啦，担担面可以选择幼面同粗面，我要左幼面，结果碗面上到黎五分钟唔够就变成糊状，坨晒，可能系因为无过冷河。下次决定试下粗面，希望情况会唔同。个friend要左刀削面，味道ok，面系出边买既成品面饼，同预期有d出入，但系亦可以理解。至于红糖冰粉，糖水系有甜味既，不过冰粉本体就无甜味啦，个friend话觉得岩岩好，不过我一向嗜甜就觉得麻麻啦。总之，就呢个价钱呢个出品而言，性价比好高。

雖然店細客人多 比較忙 但服務員落錯單 搵佢講 佢又當面鬧我好煩..簡直服務態度差到爆炸。換左老闆之後 食物難食到爆炸。除了無敵差呢個詞語完全無其他可以形容 客人係黎食野 而唔係黎受氣ok？！？？？？？？？？？？？？？？？？？？？？？？？？？？？？？？

假日，當然到處走走、搵下食，通常會找些小店幫襯一下。 來到太子，靜靜的地區，大家都悠悠閒閒地，趁時間尚早，慢慢地吃個午飯。這店給人整齊乾淨感覺，雖然座位大約廿個，但坐得算舒適，店員/老闆與捧場的街坊客氣氛融洽; 基本上食物都帶辣，亦可選大、中、小辣; 以往一直不太喜歡刀削麵，怕做得不好、煮得不熟，麵條吃落有一團團粉; 見食評及相片中看似不錯，決定打破這想法試試。乾撈燃情刀削麵只包括肉碎🥗，要吃得豐富少少，另加了牛肉刀削麵果然不錯，厚度平均，薄而滑身，麵上灑了乾辣椒碎、放了輕辣油，撈起來麵變得香滑，而牛肉就一般囉; 大大碗麵，好夠飽再來杯豆漿，不太甜、有一點豆香 (若果不是即棄杯，那就更好，支持環保，減少製造廢物源頭)簡簡單單一餐，頗滿足😊。

今時今日$50可以吃到什麼？🤔答案就是： 「燃情刀削麵 」+ 「蒜泥白肉」， 仲有「汽水」🥤或者 甜品 🍮 「冰粉」送的🤗味道算不上好好食、 但份量十足、 絕對沒有因為套餐已偷工減料、 十分抵讚👍！ 店內只有兩個雙人卡位、 一個單人卡位、 三張圓枱。 我就自己坐去單人卡坐跟餐、 然後拿出相機拍照📷😁。 用餐🍴期間坐無虛席架、 希望小店生意興隆！ 畢竟香港都是集團式經營、 小店要突圍要多用心思。最後多謝我的model「丫楞」全力配合拍攝🤣

老友介紹太子有間小店的麻辣手撕雞好鬼正，身為人稱辣椒仔的我係時候趁星期日放假出動覓食喇店的外觀看起來並沒有什麼特別，不過我頗喜歡呢個招牌設計麻辣手撕雞@無辣不歡的我，當要唔會放過招牌小食麻辣手撕雞放滿手撕雞及青瓜絲，份量十足，吃到尾仍有剩。辣味突出惹味開胃，雞肉惹味不偏鞋，非常滿足山城牛肉麵@因為小食點了辣辣的手撕雞，所以呢碗牛肉麵我點了清湯。另外轉了刀削麵，說真的香港賣刀削麵的本來就不多了，又要好吃的更是少之又少本來以為牛肉只有兩三塊，後來吃完才發現有7-8塊而且厚度也讓人很滿意，吃起來還相當的軟嫩而且還有彈性，而且不用太費力的咀嚼先來看一下麵條刀削的技術還不錯呢這麵吃起來相當彈，完全沒有吃起來有稍為硬了一點的感覺算是不錯的麵條至少也有中上的水準

友人長期大力推薦，係我可以翻啅雲南過橋米線前一定要食咗呢個先，咁唯有乖乖聽命因為我偏好湯面，咁就叫咗呢個大腸湯面，大腸味道出色，數量適中面質適中，我認為可以粗身d同硬身d粗身嘅話可以掛湯力強d,而硬身d更有咬口，唔會食到尾過淋手撕雞都撕得幾碎，唔錯驚為天人嘅係呢個涼面，麻醬香濃，面質爽口彈牙，爽埋青瓜，加上手撕雞同蔥，味道提昇👍🏻👍🏻湯面王如我都轉戰呢個涼面蒜泥白肉，夠薄不韌，蒜香十足食完咁濃味嘅嘢，再加碗甜甜冰粉的確一流

星期六返工雖然工作仍然緊湊, 但幸好遇上食神, 中午食飯當然問下佢有什麼好食啦!食神就推介山城小麵！小店位處並不是人來人往的大街，而是靠近太子白楊街交界的大埔道。老闆娘來自四川，其家人均於成都重慶開設川菜館。蒜泥白肉，帶點微，辣很惹味清湯既鮮肉抄手紅薯粉，清湯不錯，不過紅薯粉質感一般燃情刀削麵，內有少少加肉碎,，配上醬汁,很惹味， 而刀削麵有咬勁，好好食。，比紅薯粉更好食!雖然未去到驚為天人式或十分出眾的味道，但味道也十分不錯,加上地道既風味和實惠既價錢，日後一定會再來！

真是強勁，平日港人愛打尖，但是講到食，卻完全不會節省時間，即使有10多20人在食肆外面排隊，人們都會硬着頭皮去排隊。有天，先到「蘇媽」馬來西亞餐廳；之後再到「漢發」，兩家店舖，合共起來，應該有40人在排隊，真是誇張。不想再次重複😏，於是就越行越遠，結果便行到來深水埗接近太子這個商場地下，試一試這間山城小麵。又稱不上是旺角，又說不上是太子，說是深水埗又比較偏遠。地點不便，是它其中一個弊處，即使多麼想來，但是每一次，不是到了太子，就是在深水埗，這個位置很難讓人平白無故的路過😮，又或是專程的來。餐廳不算太大，對着街外的那邊，好像沒有入口，入口就在商場毗鄰的中間入口。入店內之後，其實卡位只有兩三張，都是單對單的二人座位，另外仲有兩張圓桌子。而最後面就有一張「單人的卡位」（一邊位，面對店子），你可以看到店內其他食客活動，又可以見到廚房幾名店員的活動；而且吃店方的麻辣菜式時，又不會害怕大汗搭細汗，因為這樣搭枱的時候很老尷，這個單人卡位，完全適合本人🈴️。由於當天的計劃，一早知道，晚上應該沒有機會吃肉，更加確立了，午餐可以吃多一點肉這個提議。店內有多款中式，或是重慶的經典食品，例如酸辣粉、紅薯粉、尖椒

之前睇過一個報導，介紹呢個餐館，來自四川的老闆娘，家人均於成都重慶開設川菜館。老闆娘毅然放棄社工的工作，開設麵店宣揚家鄉手藝。香港人近年都喜歡吃川菜，但四川地道重慶小麵就比較少見，大多都係麻辣鍋同酸辣粉。晚上九點入坐，店內只有幾名城大學生，恰好不用等位。二人餐包括兩個麵食，兩個小食，同飲品，非常抵食。其中一個選了招牌的燃情刀削麵，還加了牛肉～ 刀削麵有咬勁，雖然選了小辣，但辣味的刺激很夠，吃得出老闆娘混合了不同的辣椒和香料調配醬汁。💛另一個肥腸麵比較簡單，但肥腸真的夠肥，麵質也不錯～口水雞同蒜泥白肉都一樣夠味～雖然整體水準稱不上驚人，但的確是用心製作，性價比又就高，沒什麼值的批評的。就算一個人來吃也很適合😌 已經想好下次要吃冰粉呢～

行完街後的好去處，同朋友一起食，朋友想食川菜，揀左呢間店。我地一行兩人，無辣不歡嘅我地全餐都係食辣野。店舖小小但食物種類多。我地好多嘢想食，咁就揀左好多冷盤，手拍青瓜，口水雞，蒜泥白肉等等。takeorder時，職員好好，溫馨提示問顧客想要嘅辣度，可以為我地重手d 。手拍青瓜好入味，內裡的芯也是淋淋的食到。蒜泥白肉，非常多的蒜泥鋪上面，令到每塊肉都食到啖啖蒜香。手撕雞，個醬汁一流，肉好嫰滑。個個冷盤都食到唔停得口最後個牛肉米線，兩個人share食。米線口感煙韌彈牙，加埋牛肉同花生，入口又酸又麻，吸收左湯嘅味道後非常好味，香味十足。食物多種類，用心製作，份量十足，價錢抵食。

今晚喺太子做嘢已經做到好晏啦，成九點鐘都唔知食咩好？今晚凍左勁多囉，又落埋雨，突然間諗起之前食過嘅呢間四川野，啱晒啦，口淡淡，食返啲辣野刺激番嗰味雷先，不過成九點鐘啦，好怕已經關左門啦，所以同朋友急急腳行左過去。好彩都仲開緊，我就問老闆你哋幾多點關門架，老闆話九點半😍😍😍都好仲有半個鐘😋😋😋呢度應該係一間家庭式營業嘅四川麵館，見到個老公同老婆講嘢大大聲聲，但係又好溫馨嘅感覺，老婆喺廚房煮嘢食，老公就負責樓面工作！！呢度嘅選擇其實都幾多，不過我一早已經諗定食咩啦，就係麻辣雞絲拌麵再加左個手拍青瓜同埋嗌左碗冰粉！朋友就嗌咗個銷魂刀削麵，紅燒牛肉麵，小食就叫咗麻辣口水雞同埋辣椒皮蛋，我哋另外在嗌咗個紅油抄手10隻既！！我碗麻辣雞絲伴麵真係冇得挑剔，我嗌左中辣既，我諗我可以食到大啦，哩間既涼麵係我食過第二最好食嘅😋😋😋😋雖然之前已經食過，但今次係第一次帶紅油抄手，有驚喜呀，啲抄手其實應該係啲好細個嘅雲吞撈埋啲紅油，但係呢部嘅抄手係好大隻嘅雲吞，我欣賞佢嘅地方就係抄手入面嘅豬肉一啲都唔肥，係好實淨嘅豬肉包，但又唔會鞋口！雖然今晚冇乜mood，但食完呢餐之後就開心晒啦！

今日同朋友行旺角行到攰攰哋 見到有間食重口味嘅嘢 有個重口味嘅朋友順理成章話不如我哋入去食下啲重口味嘅嘢啦 咁我身為順德人 當然好順得佢意就一齊入咗去食啦首先我同朋友叫咗個麻辣手撕雞 牛展麵 豬軟骨麵 同埋雞翼麻辣手撕雞相對上媽咪比較重辣味比較淡我呢啲唔係好食得辣嘅人都可以錢上兩口而且媽嘅味道令到我食到額頭冒汗非常之刺激雞翼由於系手撕的關係 食落口感十足牛展麵味道更上一層樓 牛展嘅味道十分之突出 湯底面層嘅辣油令到成個麵嘅味道有多一個層次豬軟骨麵嘅豬軟骨非常之滑 唔係好硬 無牙既人都可以食到 值得一讚相對上雞翼嘅味道比較清淡 辣椒嘅用量唔係好多 好啱我食 我喺度猛咁食 食到停唔到口啊

店內充滿麻辣味，牛肉麵可以落微辣、小辣、中辣和大辣。我order咗微辣，你見到相中既麵，都有幾多紅辣色麻辣油，不過就完全唔辣口，名符其實微辣! 唔似阿乜哥阿乜記，小小辣都辣到眼涙水標埋出來 ~ 再加上牛肉完全唔靱，炆得好夠火喉~