山城小麵 (太子中心)

營業中

休息中

行街行到餓餓地 隨便走左入去山城小麵食物價錢非常之平民 而且質素重唔差喎原來係食四川野 岩晒我呢啲愛辣之人樣樣都想食 好彩份量唔多又抵食先叫左個麻辣皮蛋 麻麻辣辣 加埋䓤蒜 好香好醒胃再黎個口水雞 雞肉嫩滑 越食越辣 食完口水雞都未夠喉 重叫多份蒜泥白肉口感唔會好肥 而且有啲爽口 加埋啲蒜泥同辣汁 味道一流 好好味之後叫左個麵 有我至愛嘅豬大腸同牛腩麵條係餐廳主打 當然唔會令人失望啦入口十分彈牙 加埋辣辣湯底 好味最後叫左店員推介嘅冰粉 中間嘅啫喱有山揸同藍棗 加上冰糖糖水即刻為剛才嘅辣下一下火

4個人去食，叫到成枱食物，每人都係55蚊，有埋飲品。我地叫左套餐，粉面大碗抵食，小食份量都多，多選擇，味道幾好，係覺得手撕雞爭d，蒜泥白肉好味，員工又親切，推！

打算吃個便飯，在街頭隨意走走，豈料尋到寶。簡單的小店，食物很有誠意，而且老闆態度殷勤。價錢很相宜，二三十元已有交易。雞絲涼麵作為涼菜，實在開胃。蔥花、蒜粒和秘製醬汁為雞絲添上不少味道。口水雞翼味道濃，但不會太辣。想不到地，刀削麵十分正宗。每一條麵條的粗幼和厚薄也很適中，配上醬汁和肉碎，很惹味。吃這個面，除了吃到美味外，更吃到一份古舊的人情味。沒有想到，這小小的店竟然有傳統的川式甜點。紅糖冰粉是很古舊又傳統的甜點，再老川菜店方可見。因為製作繁複，現在已經沒有太多店有售。眼見老店家捧出來的紅糖冰粉，實在有點令人感動。細意品嚐一下，冰涼透心的冰粉，配上甜絲絲的糖漿，實在別具風味。

今日經過大埔道太子中心地下，見一山城小麵，是食四川味的麵店，門前貼上的餐牌價錢不貴，有我喜歡的餃子，又有老公喜歡的肥腸，我們就一起入內試試。我要了食匀山城二人餐五香雞翼麵：辣度有得揀，我選了小辣，湯底微辣惹味！麵又滑又彈牙，雞翼嫩滑。紅油鮮肉抄手：皮薄餡鮮，辣度剛剛好。麻辣手撕雞：麻辣汁味濃，撈埋雞絲一齊食，夠辣度，麻味濃。口水雞翼：秘製辣汁十分惹味，雞翼皮爽肉嫩已開邊，方便進食。2客飲品紅燒肥腸麵和消茶：肥腸入味，清除了腸內的肥膏和雜質，不會有異味，清潔衛生，加10元還有消茶一枝。鮮香清湯抄手：食左甘多辣的食物，來一個清湯試試，湯底清香，抄手皮滑餡鮮，好味！杯裝豆漿：豆味香濃，不會太甜，杯裝密封包裝，方便衛生。紅糖冰粉：透明的條狀就是冰粉，好滑！還有山渣和提子乾，加上甜甜的红糖水很美味。

I met up with my friend at SSP and while we were walking to MK, we could smell something special from this noodle shop so we went in to eat. Everything on the menu seem to be very spicy but you can actually ask the level of spiciness. We ordered some appetiser and they were all very yummy. The Pork slices with garlic came first, it looked spicy very actually the flavour was perfect. It wasn’t that spicy and the herb they used was perfect. The pork slice was soft and tender! It was delicious!!!!!

睇戲前食個快餐，估唔到都有驚喜。朋友仔話帶我去戲院附近的一間小店，食傳統川菜。食物未食到，已經被餐牌嚇親。價格彷彿停留在10多20年前，二人餐只係$100左右。先點兩個小食。口水雞涼涼地，又爽口，最緊要夠晒惹味。紅油抄手大大粒，餡料豐富。食辣野最好配一杯鮮豆漿。主菜出來了，山城牛肉麵，原來係類似牛筋腩的牛肉，配上手制麵條。清湯清香，而且冇味精。牛肉味香濃，麵條有咬口。整體而言，都算幾高質，絕對唔似係三十幾蚊的貨色。朋友仔個撈麵都好似幾吸引。快快手食完諗住去睇戲，點知朋友話一定要食埋甜品。原來呢度只有一款甜品，就係紅糖冰粉。冰粉係傳統的四川甜品，食材唔矜貴，但係就好多工序，所以唔多食店有得食。食完辣野，食一碗冰涼透心的冰粉，帶少少甜，正好解辣。

早前去了位於太子的山城小麵食嘢. 我先點了山城牛肉刀削麵. 我自己幾鍾意食刀削麵, 但唔係好多地方有得食, 今次來這裡可以選這款麵, 真係好開心. 湯地可以揀大, 中, 小辣, 若果好似我一樣唔食辣, 可以選唔辣湯底. 另外, 加錢可以額外加配料. 我加了雞翼和滷蛋. 小食點了蒜泥白肉, 選了唔辣. 由於我唔食辣, 見有紅油抄手我就一定唔會點. 但這裡竟然有清湯抄手, 當然要食. 蒜泥白肉. 入口有幾濃的蒜蓉味道, 而且帶微微酸酸, 幾開胃. 清湯抄手. 先試個湯, 個湯相當清甜, 好好飲. 水餃的皮厚薄適中, 內裡的饀唔會太乾身. 山城牛肉刀削麵上枱. 牛肉幾鬆軟. 刀削麵係闊身麵, 所以較有咬口. 唯獨滷蛋唔似滷, 唔夠味道. 最後食番一碗紅糖冰粉. 這是用來解辣食, 雖然我無食辣, 但我也想試下這個冰粉. 好似啫喱咁, 微微甜, 食完感覺幾舒服.

呢排都懶做左無飯煮婦, 所以今日放工同老公行左去深水埗方向睇下有咩食啦. 一冇咩方向想食咩既時候就係想食辣野, 因為食辣野係令到我開心同舒暢的方法.近太子同深水埗交界竟然俾我發現到一間好特別的小店,我地係響門口被佢傳出黎既香味吸引住. Omg...好麻辣既味道所以我地就望望餐牌. 真係估唔到今時今日香港仲有平民價錢的食物, $2x $3x有一碗麵真係難搵.所以決定今晚就響呢度開餐,店舖小小都有唔小人排隊,應該係老闆娘的女店員出黎熱情款待不停唔好意思要等等令到好賓至如歸既感覺. 等左一陣終於有位,叫完野食周圍望發展呢張好可愛既告示,呢間店好有愛.我同老公分別叫左一個湯牛肉麵一個燃情刀削麵,兩個麵都彈牙好味! 無論湯底或者撈麵汁都可以掛到麵,無味道的麵底配上野味的辣味,我真係開心到大叫呀! 貪心的我地差不多叫晒所有的小食. 樣樣都各色其色. 個辣汁雖然一樣但係配上唔同既食物夾埋食物本身的原味真係樣樣都別有一番風味.特別一提呢個麻辣黃金溏心皮蛋. 有別於一般的皮蛋, 佢小左一份原味多左一份金香, 精盈的蛋配埋麻辣汁真係格外滋味. 呢個麻辣抽手都係同一個辣醬不過辣度有加重!! 呢個感覺最有層次

近來想吃點辣的東西, 但又對連鎖米線店有點厭。來到太子逛了一會, 來到了這家不太顯眼的小店。店內坐位比較少, 似是家庭式經營的小店。我們先點了三道前菜, 首先是手拍青瓜。從每塊青瓜大小不一可見, 是以拍的方式折斷代替刀切, 其優點是令青瓜內的清新甜味得以發揮, 又能容易讓辣味滲入瓜內。另一道前菜則點了蒜泥白肉, 每塊腩肉都切至比較厚身, 不會過薄, 而且底層有大量青瓜條配襯, 是不錯的開胃菜。第三款選了麻辣手絲雞, 最值得一讚的是雞絲和青瓜大小類近。入口方便之外，撕幼的雞絲似是綿花般吸收了整碟菜的味道。麵食則點了山城牛肉麵 (刀削麵, 小辣) 刀削麵質感似是寬條麵, 湯底的辣椒是預先炒好的, 香味得以充分發揮而又不會過辣。友人則點了正宗酸辣粉 (紅薯粉), 內有小量肉碎, 炸黃豆等配料豐富了酸辣粉的整體口感。最後點了紅糖涼粉, 紅糖水浸著透明的冰粉, 底部再有小量乾果。是一道適合消暑和解辣的甜品。

有次同CHICKEN行番屋企既時候，因為太肚餓想食番啲野先，但一食就出事喇，正值下午茶時段，套餐豐富，一嗌就嗌左好多野，搞到果日番屋企食唔到晚飯ＸＤ果日食既就係呢間山城小麵，川菜粉麵為主，同CHICKEN行番屋企果陣都會經過呢頭。初次食過之後，大家都覺得呢間川菜唔錯，特別係小食方面幾出色～價錢幾抵食，食套餐既話可以食到超多野，而且一定飽住走人XD 滷蛋炸醬麵，另加一份牛腩，唔加辣醬其實湯底幾清甜，麵質夠晒彈牙，炸醬做配料夠晒滋味，滷蛋煮得好軟身，份量非常多，整體都唔錯。CHICKEN點既山城牛肉麵，雖然嗌左小辣但都成碗紅色XD 不過佢話唔係好辣，我就唔太敢試～麻辣手撕雞，豐富調味同醬汁，花椒較多，口感充滿麻香味，雖則睇上去係辣，但其實唔係好辣，而且雞絲幼細易嚼，而且好香口，我同CHICKEN都好喜歡。蒜泥白肉，蒜泥蓉非常幼細，肉片薄切，白肉沾上少少蒜泥同食，非常滋味，相比起譚仔既蒜泥白肉好食幾倍。冰粉，冰糖糖水作主要調味，其粉係透明啫喱狀，味道偏甜，底部有山楂餅同提子乾，感覺幾特別，可以一試。

剛好係楓樹街打完波又攰又肚餓，就同朋友行過兩個街口黎到呢度開餐。因為之前碌手機見到關於山城小麵嘅報導，見好似唔錯就過黎會一會佢。一行兩人就點左佢個山城二人餐，百多元就可以揀兩個主食及小食，再送飲品／甜品。首先兩個小食之中揀左尖椒皮蛋及麻辣手撕雞。皮蛋雖然唔係溏心蛋，但入口沒有金屬味而且濃郁蛋香慢慢滲出，配上爆香過嘅辣椒油十分惹味。因為加左花生碎嘅關係，所以口感更豐富同埋尖椒辣度唔算太高，為舌頭帶來嘅刺激較温和，更能提升食慾。手撕雞一定一定要撈均所有醬汁，因為咁先食到當中麻辣嘅精髓。雞肉本身腌得夠味，但再配上麻麻香香嘅辣椒醬／蔥花令味道更惹味。加上雞絲夠碎所以醬汁吸附上去嘅效果好好。主食之一係燃情刀削麵。材料簡簡單單有自製肉沬／蔥花及辣椒油，刀削麵煮嘅時間啱啱好麵質保持爽口彈牙，仲散發淡淡麵香。肉醬濃香帶甜令辣椒油嘅變化更多，麻香辣三者嘅配合恰到好處。山城牛肉麵用嘅牛肉係半根半肉嗰種，滷得好香好入味仲保留根位嘅爽口。個湯飲落清爽唔會搶左辣椒油嘅香，本身點左小辣但應該放膽一啲要再辣一點先夠過癮。因為呢度嘅辣椒油真係辣而不嗆，讓人輕鬆體驗四川嘅辣滋味。最後點埋個紅糖冰粉，一來解辣二來解熱因為

個日放半晝，收工就同埋同事去食野佢帶左我黎呢度，話呢度既食物大份夾抵食睇睇餐牌，價錢真係好貼地啵，HKd$109已經有個二人餐，仲要好多野食咁，所以我地就決定要個二人餐share 我地都揀左飲豆漿，凍豆漿冰冰涼涼唔太甜，夠曬解渴先黎係我地喺餐所揀既山城牛肉麵加肥腸，叫左小辣麵條煮得剛好不糊口，而湯底則香麻不太辣當中既牛肉用上腩位部份，腍而不嚡！而肥腸更值一讚，處理得乾淨，沒有令人叫怕的脂肪，入味不韌而另一款主食就揀左配上清湯既鮮肉抄手一碗有六大粒，每一粒都非常飽滿小食方面就要左口水雞翼同尖椒皮蛋我地見到只係加HKd$4就可以轉做黃金皮蛋，咁就轉黎試下先兩款小食既調味都幾好，最近濕氣咁重，食返啲辣辣地既涼拌小食就特别開胃最後店内既姐姐仲力推佢地既冰粉，見到只係10蚊碗，我地都叫左碗黎食，食落冰冰涼，真係解辣一流，辣氣全消-雖然沒有驚為天人既特別菜式，但地道既風味加上實惠既價錢，已有足夠既理由讓人回頭

周一的晚上去，座位不多，但不斷有客人進出，很熱鬧的小店。字的graphic設計不錯，令到店有種格調。有free wifi半小時！精選單人餐($50 OR $59)麻醬雞絲涼麵+口水雞翼+豆漿 $50 ，cp值超高。涼麵很大一碗，雞絲也不少，伴青瓜和麻醬，味道令人覺得很舒爽，很適合這個天氣食，不會覺得很熱。口水雞翼用上很多辣椒的材料，但是不會很辣，沒有蓋過雞肉的味道，口感很清爽。燃情刀削麵+蒜泥白肉+ 豆漿 $50粗麵很有質感，伴炸醬肉碎、生菜和辣椒香料，淡淡的麻香味，不愛吃辣的也可以吃。辣度可以調，喜歡辣的可以選大辣。蒜泥白肉蒜味不會很嗆，跟辣味很配，不會搶了誰的風頭，而且五花肉帶豬皮，半肥瘦，味道不錯。手拍青瓜 $22 ，青瓜很新鮮，很醒胃，超大份的。老麻紅油抄手 $26/6粒皮厚了一點，但是可以掛上多一點醬汁，很大顆，肉汁飽滿的。紅糖冰粉 $10，加了葡萄乾和不同乾果，吃完辣之後，吃這個可以中和一下之前的麻辣味。豆漿

為食Chloe最近愛上去小店尋美食，因為吃到的更地道更有人情味深水埗太子區最多小店，趁平日休息，人少少就去香港一日遊吧朋友知道我愛嚐辣，就介紹我山城小麵必試 老闆娘是四川人，炮制出獨有的辣味小店用上15款香料製成的自家辣椒油亦是精髓，叫麵食時必添加進食秘製軟骨麵，麵身彈牙，軟骨入味軟腍✅口水雞翼，雞翼切單件，再蒸，肉質嫩滑，淋上特制辣油，十分惹味。✅手拍青瓜，帶酸辣，加辣及蒜汁，十分醒胃店子小小，人情味亦甚濃！

食在香港，殖民地時代英國人引入蛋撻、奶茶、瑞士雞翼……回歸之後雲南米線、山東餃子、重慶酸辣粉比比皆是，香港地方密集，可以四處覓食，是生活也是享受，最幸福的是豐儉由人，香港人真的有口福。今天到了這間山城小麵，位處並不是人來人往的大街，而是靠近太子白楊街交界的大埔道。小小的店子裝修簡約，座位排列整齊，半開放的廚房位於鋪面的前方，坐在食客枱上，你會看見員工專注地工作，將食物陸陸續續傳到你的眼前。點了$59.-單人餐，前菜選了手拍青瓜，份量多得一個人吃不下呢主打山城清湯牛肉麵，清湯底不是你想像的充滿牛肉湯味，卻濃淡適中，麵質煮得彈牙爽口，恰到好處，重點是吃完不覺得太口渴。嗜辣的朋友也可以按自己的喜好，選擇不同的程度的辣湯底，麵底亦可改配紅薯粉，刀削麵、米線等等。紅糖冰粉，夾雜著山楂粒及提子乾，不會太甜，清爽冰涼， 正價晚餐收＄59這個價錢，難怪這店子座無虛設。