山梨花野 (已結業)

第一次黎到新蒲崗呢個Mikiki商場，最近睇YouTube 介紹呢間「山梨花野」餐廳，餐廳位於一田超市附近，係一間日式素食餐廳。最多人食嘅就係富士山造型嘅碟豆花飯，配唔同嘅素肉及醬汁。我地今次一行四人，叫左三款富士山飯丶一個餃子鍋。四合味噌蔬菜濃湯餃子定食$128，有前菜：䈑筍凍豆腐。小食：炸蕃薯條。主菜：野菜炒素雞柳。仲有甜品丶飲品，海鹽焦糖冬甩雪糕。非常豐富，素雞柳賣相和口感都同真雞柳好相似。另外叫左富士山四品定食$88 ，有日式粟米湯丶䈑筍凍豆腐丶吉列素豬扒丶西蘭花菠菜汁富士山蝶豆花飯，仲有甜品。粟米湯份量比較少，素豬扒好得意。富士山飯賣相好吸引不過食唔出蝶豆花味，服務態度好，都幾細心，一坐低已經放低一杯熱水，浸住筷子丶匙羹。

身為純日派的我又怎能錯過這餐像身處東京富士山下的美食。如畫一般的素食料理，女士們又怎能抗拒。難得是身邊個男人也大贊好味。今日食左乜？無五辛山梨餺飥餃子鍋定食+無五辛四品富士山定食。餃子鍋其實可以不要餃子改為配粉，不過我覺得餃子勁好味配埋濃厚pumpkin 湯底真係冇得輸。你可加附有的4色味噌在湯內增加味蕾，但我覺得湯本身已好好味可不加。富士山飯我配了白咖哩汁，椰味重不辣。唯一投訴是不夠熱，是日本人愛凍食的原因嗎？定食看似細細碟但其實好久飽。尾隨的甜品：椰汁西米凍布甸，甜度適中值得推介。另外海鹽焦糖冬甩雪糕，用的是vanilla味雪糕，冬甩口感有點像牛脷蘇，食落有煙韌感覺，不膩。唯是覺得個焦糖醬太濃味不太喜歡。食完個餐飲埋個餐飲很完滿。我地選了走甜熱綜合花茶和凍薑黃奇亞籽燕麥奶。花茶呈粉紅色帶清香的薰衣草味，附上小杯子，令你可每啖細細品嚐。如不選走甜，會加入砂糖不是蜂蜜，愛天然味的見議選走甜。至於另一杯燕麥奶，大家都知奇亞籽有益，喜歡薑黃粉味道的，薑黃奇亞籽燕麥奶是好選擇。順便一提，富士山定食在平日下午3:00-5:30內落單有半價優惠，即$44。好抵食呀。

成日都食肉，今次食返啲清清地嘅素食先。係mikiki到有間日式嘅素食餐廳，周圍嘅裝修都好靚好多花花🌸 一入去嘅感覺已經好舒服😊我地點左一個餐同一個小食。🌸 富士山定食點選左日式粟米湯，窩筍凍豆腐，吉列素豬扒，西蘭花菠菜汁，本身有咖哩揀但想試下啲特別野所以揀左呢個汁，點知食落又ok架喎，清清地配埋靚靚嘅富士山飯好夾。仲有杯花茶，有清清嘅花香味🌼🌸 四合味噌素餃子鍋湯底比較濃味，唔洗點其他醬料都好入味😋而餃子亦可以每款味道一半，可以一次過試哂兩款唔同味道，麵就夠比較厚身有咬口。最後定食跟埋個海鹽焦糖冬甩雪糕🍦賣相亦都好靚，冬甩入口煙韌，配埋cream同雪糕食到停唔到口😂間中食下素，人都健康啲😆

今日又到新蒲崗上堂，我們到Mikiki吃素食午餐，在LG見到山梨花野素食餐廳，被一幅富士山的相片及裝修吸引，就走進去試試。山梨花野有4個平價套餐，價錢由65至78元不等，包飲品，我們叫了一個吉列豬扒冬陰公汁富士飯，有冬陰公味，味道不錯，飯堆成富士山模樣，很吸引，但美中不足是沒有辣味，不夠惹味。另外兩人分別點了88元套餐，包餐湯、前茶、主菜、特飲及甜品，多付1O元，但更豐富及抵食。我們叫了2個日式粟米湯、羽衣甘藍沙律和牛蒡甘荀沙律，都很好吃。主菜叫了椰菜花素漢堡，只是一般，只吃了一半便不吃了。另一個主菜是野菜炒素牛肉，是腐皮，味道不錯。甜品是2個椰汁西米露布甸，甜度適中，很好吃。我們叫了三杯花茶，兩杯走甜，都覺得走甜的花茶較好味。我們覺得最吸引的是裝修和食物外型，味道也不錯，值得推薦。

🏔️富士山定食+🌺熱綜合花茶(HKD$108+10%)1️⃣前菜：🌼山藥蒸豆腐+🍢昆布關東煮+🍠炸蕃薯條+🫕蘑菇忌廉湯前菜以小碟置於方型木盤中，顯得格外精緻💕✨。豆腐香濃，口感清爽，以🌼食用花作點綴，🍢關東煮味道了了清淡，有蘿蔔蒟蒻等配料，🍠蕃薯條幼細，味道香甜，🫕磨菇湯口感creamy順滑，喝下去沒有明顯粒粒。2️⃣主食：🏔️富士碟豆花飯+🐷吉列素豬扒配咖喱汁🐽吉列豬扒配以🏔️🔵碟豆花飯的主菜賣相吸睛🤩，十分適合#打卡✨📸。素豬扒份量頗大，外皮酥脆內裡軟熟😌，皮肉不會分離，而且口感不乾柴，甚至有點彈牙，雖然少了豬本身的肉味，但配上咖喱汁後味道與🐷真豬扒不相伯仲，不錯👍🏼。3️⃣甜品：🍩海鹽焦糖冬甩雪糕甜品是整餐的敗筆之處，甜品的上菜速度尤其慢，叫了上甜品後足足等了半小時😦，其間催促了多次，可是不見店員有加快跟進，而且當時並不是繁忙時間，令人費解。甜品以多個一口小冬甩砌成，配上焦糖醬，雪糕和🌸花型朱古力，賣相漂亮💕。配搭方面，個人認為配料過多，小冬甩原先已擠上黑白朱古力和士多啤梨各三種醬，入口已十分甜😳，加上另配的焦糖醬，雖然味道特別，但本身的甜度巳令人吃不消，味道過於複雜，建議不用擠上三種醬/把三種醬

山梨花野最近推出咗無五辛餐牌。去到之後，店員會比餐牌同一張單我哋，用電話scan單上面嘅QR code即可點餐，電話屏幕上可以清楚見到唔同種類嘅定食，包括無五辛定食或普通定食。無五辛四合味噌湯素餃子定食 (黑椒餃子x3 + 粟米餃子x3) ($108)A3 茄子天婦羅D1 䈑筍凍豆腐E2 野菜炒素牛肉G2 凍烏龍茶H1 海鹽焦糖冬甩雪糕湯底好香南瓜味，應該係用南瓜煮爛而成。四種味噌係用匙羹另上，可按自己口味去加，加埋味噌落湯之後，令成個湯底嘅味道升華。素餃子似灣仔碼頭嘅黑椒新豬肉水餃同紫甘藍粟米新豬肉水餃。冬甩鋪係香芋味嘅cream上面，鹹鹹甜甜嘅味道，口感煙韌，似麻糬波波。無五辛富士山四品定食 ($88)B1 日式粟米湯D2 羽衣甘藍沙律E3 吉列素豬扒F4 椰子白咖喱+富士碟豆花飯G2 凍烏龍茶H1 海鹽焦糖冬甩雪糕椰子白咖喱汁似葡汁，椰子味重，送飯一流。日式粟米湯口感較稀，唔知係咪因為係無五辛版，味道較淡。一上枱就聞到好香嘅炸豬扒味，素豬扒口感超酥脆，配上黃芥末醬黎食。

Mikiki 有幾間日式餐廳，今次試吓素食代表山梨花野🤓 款式好多，價錢以新蒲崗嚟講略貴富士山四品定食($88) (上) 粟米湯同凍豆腐裝喺精緻花花碟，令人覺得好幸福🤪主菜揀咗素雞柳像真度幾高，味道唔錯啊😋 朋友揀咗野菜天婦羅咖喱汁富士飯($65)(下) 都話天婦羅好食👍富士山其實係蝶豆花飯，選擇配上咖喱汁，一啖一啖唔覺意就食晒🥰定食仲有甜品，推介海鹽焦糖冬甩雪糕😋餐飲選擇咗少女心滿滿嘅花茶，可以走甜很perfect

呢日同朋友約左係mikiki 一齊食飯，見到呢間餐廳係之前未試過嘅，仲要食物有富士山造型望落好吸引，就一齊入左去。呢間餐廳主打素食，我同朋友都點左一個富士山定食。我就揀左野菜炒雞柳配咖喱汁，番薯條，蘑菇忌廉湯，昆布關東煮同萵筍凍豆腐。先講野菜炒雞柳，呢度用嘅係素雞柳，食落有嚼勁同豆香，配上咖喱汁味道不錯。蕃薯條就不過不失，如果可以粗一啲口感會更好。蘑菇忌廉湯，飲落好大陣蘑菇味，仲可以食到一啲蘑菇嘅粒粒，我認為店家如果可以改良個蘑菇湯變得綿密啲會更好。關東煮好食，萵筍凍豆腐可以多一點醬汁。總括黎講，呢個富士山定食的確打卡一流，但同時都兼具味道，唔會有傳統素食嘅味道，如果經過值得一試。

適逢今天是佛，便想到去食素食。有人介紹過這間餐廳給我，我看見那個富士山碟豆花飯的造型就被吸引着，所以今天就決定去那裏吃午餐。3個人去，點了3個不同的定食，當然少了那個富士山碟豆花飯，打算可以大家分享。 餐廳採用QR Code登入點餐，雖然是大勢所趨，但其實都很麻煩。明明已點了菜放入購物籃，打算繼續再點的時候，忽然彈了出來，再次登入後，發覺之前點的菜不見了，又要重新落單。可是，這情況又再來多一次，結果第三次登入才落到單。究竟是我的電話有問題，還是那個點餐系統有問題呢？ 先送上飲品，我們都點了熱飲合花茶，但餐單內沒有說明有甚麼花，有位朋友一飲就說有薰花草，但她很討厭薰衣草的，所以就覺得很難飲。食物陸續上枱，品嚐之際，發覺有些食物超鹹，連我這個食慣重口味的人都覺得鹹，真是好有問題了！ 大家正在閒聊的時候，服務員突然走來說你們還有15分鐘，我們才知道用餐是限時的，但為甚麼我們入座時沒有告訴我們呢？我好奇望一望張賬單，才見到有一行字寫用餐時間75分鐘。試問那會有人留意到那行字呢？其實，點餐已浪費了很多時間，上菜又要等，75分鐘實在食得很趕。'

呢排對素食產生左興趣😳🌱 雖然作為食肉獸都係放棄唔到食肉嘅慾望 但發現其實每星期至少食一日素唔難做到!!👌🏻🌎上星期去咗新蒲崗Mikki呢間以花做主題嘅素食餐廳 我地各自叫咗一個富士山定食 $108就有4款前菜、主食、甜品同飲品 超抵食😳𝑨𝒑𝒑𝒆𝒕𝒊𝒔𝒆𝒓𝒔-前菜總共有成11款咁多🤣 要喺裡面揀4款真係考起我🥲 一上菜個下就見到4格前菜用御木盒裝住好靚靚🥰 最鐘意羽衣甘藍沙律 夠爽脆仲有啲乾果喺入面 炸天婦羅口感都幾豐富😋𝑴𝒂𝒊𝒏-👦🏿🏔 椰 菜 花 漢 堡 富 士 山 飯 👧🏻🏔吉 列 素 豬 扒 富 士 山 飯 呢個set嘅主食就有3款可以揀 我地揀嘅都係炸物 食完表示好熱氣🥵🤣 富士山飯其實係用日本大米以碟豆花烹調而成 冇落到色素☺️💙 豬扒同漢堡扒食落似薯餅 只係厚度同質感各異 初時以為會好似食impossible meat咁好似真肉 原來唔係🤣🤣 醬汁方面分別揀咗西蘭花菠菜汁同咖哩汁 質地好濃稠 咖喱汁唔算好辣 西蘭花菠菜汁好重🥦味 但係同我塊豬扒唔係好match🥺 最後都係要喪偷👦🏿啲咖喱汁黎食🤣 𝑫𝒆𝒔𝒔𝒆𝒓𝒕𝒔-👦🏿🥥 椰 汁 西 米 布 甸👧🏻🍡 海 鹽 焦 糖 冬 甩

淡淡嘅粉紅色、藍色、綠綠哋色⋯ 就令人少女心滿滿。 淨係個門口，已經有令你一踏仙境咁啊！時間關係，仙境就無緣進入了，唯有買份外賣返屋企獨食啦！店員十分有禮貌，而且只需要等候15Mins 就有了。 個外賣包裝仲好精緻添，拎住佢係門口企定定打張卡，應該都可以令人懷愐一下去日本嫁！I Believe I Am A “Petty Lady”🤩 Wow ！！！富士山啊！！！將寂寞驅散咗，好開心啊！ 花啲心思：你可以為白茫茫的雪山加添點點綠意，或狠心叫醒沉睡緊嘅富士山都得嫁，請自行發揮你無限嘅小宇宙，為你餐飯加添新意啦請保持果份童真！！P.S. 唔知道幾時先可以出發去日本呢？我仲係好憧憬去富士山🗻

日式素食店唔多，喺香港除左灣仔既居素屋就好似冇，所以見到mikiki開左依間日式素食料理就即刻好想試。去果陣都仲係新張期間，唔算多人，我地7點左右就到左，點知啲主食已經賣淨一款，而甜品亦都只剩返有蛋奶既款式。可能新開張未掌握到個食材數量，我地本身想試新豬肉豬扒，結果變左兩個都係食素雞肉。富士山定食包括四款前菜、一款主菜同埋飯。啲前菜細細份，色彩繽紛咁，睇到都覺得開胃。粟米湯稍為唔多夠熱，野菜福袋唔錯，啱我依啲鐘意食腐皮既人。飯以富士山既造型上碟，下層用左碟豆花黎染色，賣相好特別。啲雞肉似係喺Green Common買得到既heura植物雞肉，個口感都幾似雞。另一個套餐係素鍋麵定食，可以揀兩款前菜。個麵啲麵條好粗，唔知係咪傳統日本野黎架呢，食落有啲似刀削麵。佢配左四款唔同味既味噌比人加落碗麵食，但個份量偏少，唔係好試到啲味。見啲特飲用oat milk整，就加錢叫黎試下，點知店員話返我地知特飲上面啲cream唔係vegan，結果要走cream...早知飲返普通茶仲好啦。Vegan甜品冇哂，店員都好好問我地會唔會打包份冬甩比屋企人食。不過做vegan都係唔想動物受苦，比屋企人食完咪又係要傷害

行過見到依間日式餐廳就佢吸引住，店鋪都係花同🗻做主題，環境都唔錯👍🏻睇左餐牌竟然係素食！仲有好岩打卡既藍色富士山🗻📸1️⃣富士山定食 $108前菜 (可選四款）🌸炸番薯條🌸日式粟米湯🌸昆布關東煮🌸牛蒡甘荀沙律推薦炸番薯條甜甜哋好脆好好味👍🏻粟米湯將🌽打成蓉，飲落清甜好濃🌽味👌🏻而關東煮湯底唔鹹，清清哋，冇太大驚喜。牛蒡甘荀沙律食落好開胃😉主食 富士山蝶豆花飯🌸吉列素豬扒🌸西蘭花菠菜汁用日本大米加蝶豆花整成既富士山🗻形既飯團😍冇添加任何色素，用御木盒裝住感覺真係好日本🤣而豬扒就用咗 #新豬肉，食落口感外脆內軟🤤幾鬆化，而汁方面，我揀咗西蘭花菠菜汁🤔有少少後悔，食落好Fresh味道唔差，但覺得同吉列豬唔太夾🥲再揀多次我會揀咖喱汁👍🏻👍🏻👍🏻餐飲🌸熱蘋果士多啤梨綜合花茶🌸跟餐加$8飲落甜甜地飲到蘋果同花香味😍幾好飲，仲可以叫店員加水再焗👍🏻好足料，可以一試！甜品🌸海鹽焦糖冬甩雪糕食到最後已經好飽，見到甜品整得好精緻，細細粒冬甩食落煙煙韌韌，一粒一啖加埋cream食，竟然冇肥膩既感覺🌝另外仲可以加埋海鹽焦糖醬同埋雪糕一齊食😋😋推薦！估唔到甜品最好味😆👍🏻

今次嘗試這家開業只有數個月的日本餐廳。環境方面，它以粉色系的假花作佈置，加上藍天白雲的天花牆紙，感覺有點特別，但亦比較女性化。但其實座位方面，和茶餐廳的格局差不多，因為枱面面積不大，和鄰枱距離亦很接近。餐牌印刷同樣色彩繽紛，食物主要是窩烏冬以及咖喱飯為主，要注意的是，所有食物都是素食。我點了日式咖喱汁椰菜花漢堡扒飯，它的賣相很有趣，米飯是富士山的形狀，「山腳」還加了藍色的食用色素。米粒是日本飯，口感軟熟，飯味清香。漢堡扒有兩件，外表炸得像薯餅一樣香脆，內裡是椰菜花蓉，味道有點清淡。咖喱汁不算辣，味道適中。這碟咖喱飯$86，計加一服務費後，以接近$100價錢，其實可以吃到真正的牛肉漢堡。此外，在區內花$100的價錢午膳，以相近的質素，比這家餐廳更實惠的選擇也很多。

朝聖一間位於新蒲崗Mikiki的素食餐廳【山梨花野】，裝潢方便真是十分別緻，天花畫上藍藍的天空及一串申的櫻花襯托，放置了富士山的掛畫，打造出置身於日本梨山縣的感覺。店中推廣新秦食主義，供應了Plant-based 非肉類，也有供應全素(沒有蛋奶、五辛)的菜式，讓客人可以有一個健康、有色彩的素食生活。店中菜式類別主打餃子鍋、富士山蝶豆花飯或餺飥素麵定食，也有散點供應。安排座位後，店員會給客人餐牌看看選擇食什麼，再給客人掃QR code可以自助點餐，我選擇了富士山飯定食($108)，整個素食御木盒理念來自日本梨山縣河口湖及富士山的山景，分別有山(富士山飯)、(自家製的醬汁)水及本地種的食用花，成為一幅素食料理的風景圖畫，由前菜、主食、甜品至飲品可以選擇A至H每款選擇一個，雖然份量不會好多，但可以試到更多種類的食物 ，我分別試了野菜天婦羅、磨菇忌廉湯、昆布關東煮、牛篣甘筍沙律、吉列素豬扒、咖喱汁、走甜熱綜合花茶及海鹽焦糖冬甩雪糕，食物水準都晤錯，真是超豐富，所以都要注意下份量，可以點少飯。野菜天婦羅主要都是青瓜、甘筍絲等，炸漿都夠薄，配上沙律汁讓口感脆口中帶點滑溜。磨菇忌廉湯的味道比較清淡了