岩盤牛扒ミディアムレア ステーキ (Greenery Plaza ) (已結業)

太耐冇去日本食好西🇯🇵唯有留係香港幫襯多啲日本餐廳解鄉愁😛今次就黎到位於大埔嘅 牛扒Medium Rare Steak試一試佢啲牛扒🥩.依間牛扒店既牛扒係per gram咁樣收費既 想食幾多就嗌幾多😳店員即場切開然後磅重 再直接拎入廚房料理😋細食既女仔都唔怕食唔曬會浪費.🌟安格斯牛板腱330g 🥩 $148身為重量級食肉獸我就挑戰左330克 仲添加左蒜蓉 重口味至愛🧄.一上到枱真係好大份 店員講左佢地會預先燒至3成熟 上到鐵板就大約5成熟左右🔥趁鐵板仲好熱既時候 快快手切開再微烤至7成熟🤩.牛板腱肉味濃厚 食落亦無乜筋位 唔會咬唔開😛加埋蒜蓉真係好惹味.我仲加左$28 轉套餐有白飯🍚沙律🥗同飲品🧃食牛扒配白飯 啲肉汁同飯粒撈埋一齊食😋😋😋滿足感💯.店員好有耐性咁解釋每個部位嘅特色 👍🏻 即場磅重 收費透明😛

呢間餐廳主打係食牛扒，有好多唔同部位給顧客選擇。每個部位嘅收費都唔同。而且同其他餐廳唔一樣嘅地方，就係冇一個固定嘅價錢，食幾多就俾幾多錢。喺收銀嘅地方可以選擇號要邊個部位嘅牛扒，然後同店員講大約要幾多克，店員就會醃大概嘅份量俾你再放上磅，再計返價錢收費。今次揀咗後腰三角肉嘅部位，脂肪比較少。要咗三成熟，因為店員話鐵板會發熱，所以之後塊扒會變五成熟。為翻起其實價錢唔算太貴，相比去西餐廳食嘅價錢比較平。最近疫情嘅關係，餐廳仲推出埋外賣嘅牛扒同埋鐵板，你估下自己係屋企煎牛扒食。

呢間食牛扒嘅餐廳好特別，落單嘅時候喺門口直接同店員講要咩部位嘅牛同埋大概要幾重，店員就會即刻切一塊，然後按照重量收費。仲有三款唔同嘅醬料選擇，牛扒仲可以跟餐。今次我就揀咗西冷部位，三成熟，要咗蒜蓉，揀咗set B，跟一個白飯，啤酒，同埋麵豉湯。上碟嘅時候牛扒上面充滿血水，感覺好似比起三成更加生，但鐵板上仲有熱力餘溫，所以可以將牛扒繼續煎熟，蒜蓉都幾香，牛扒嘅口感都唔錯。配埋啤酒就一流啦。價錢買單大概三百幾四百蚊，店舖嘅環境受未去到西餐廳咁靚，晏晝勝在塊扒夠口夠份量。

呢間野簡直係難食到嘔 成塊扒得燒焦𤓓味 係𤓓到唔想放入口既𤓓味咬又咬唔到 仲慘過咬橡膠蒜完全無蒜味 咩玩法果個甘既柚子汁 9唔搭8唯一最正常係個沙律真係隨便塭一間都好食過佢十萬9千倍 我食左兩啖 已經放棄今次係我人生中食過最劣質最差勁既所謂西冷扒 真係從來食過甘難食既牛 千其唔好幫襯 完全吐出黎真心見到甘多好評非常懷疑係咪打手大家唔好中伏呢間野絕對要black list比錢我去食都唔會去食食到我一肚氣

今次係我第一次幫襯，見到外邊啲相同個門面好有feel所以試吓。我叫咗一個600g 嘅肉眼，叮囑佢中間吾好全生深紅色....因為外賣所以叫佢幫我切埋佢話好. 跟住拎到返去食嘅時候發覺佢完全冇落鹽，切到超大舊好似一堆廚餘, 無味又難咬(佢建議我分兩片薄燒再切條咁就唔會太生同埋易食D但發現佢完全冇做到) 人生第一次食牛扒食到想嘔，結果都係中途放棄今日無奈地浪費食物了, 我好肯定公司請咗一個收銀但完全唔識煮野嘅人去睇擋🤨

《沒有最難食 只有更難食》依間牛扒店真係我人生之中食過最難食既店🤮🙋🏻‍♀️利申先：本人要求好低 冇咩事唔會比負評但呢間店真係完全突破我對牛扒嘅想像🤯.今日同朋友經過大埔 見係日本style於是試吓我同朋友叫咗個牛柳扒 1kg HK$0.7咁都算幾均真 店員拎個磅 磅埋比你睇錢錢.但！過程超級唔衛生！🙄一大舊肉就咁放喺你前面 店員摸完依度摸完嗰度又走去掂舊肉(´Д` ）而家疫情期間 未食已經好驚🤢.重點係夠牛 超級難食！🤯我對牛不嬲冇咩要求但依舊牛，完全冇牛味，好似食緊香口膠咁9成都係根！切都切唔開！(´Д` )我fd個個舊係咁😭😭😭.$148蚊 ALL根根根根根！最後我都係咬唔爛 放棄咗 crycry😭😭😭.仲有依家熱天間店超級熱，廚房仲要係正隔離我同我fd食到流晒汗，勁燥底不了，以後都唔會再離了Horrible:-（

我已經成日都食牛，竟然喺大埔比我搵到間又係食鐵板牛！當然我唔可以錯過啦！佢係喺門口點餐之後再入座！好公正嘅係佢會係你面前磅個牛有幾重！而價錢就係根據個重量而計算！只特別丫！ 同樣地我都係嗌西冷牛扒同埋牛柳！你有得揀洋蔥、蔥或者蒜頭做配料！自己可以調校牛嘅生熟程度，因為佢係鐵板上嘅！西冷牛扒400g牛肉好新鮮，好有口感！牛柳300g同樣好新鮮，好林！唔加醫都好濃牛味，加埋醬汁都好好食！之後我哋跟餐都係加$25咋！有四樣嘢揀三樣嘢！可以揀湯、嘢飲、白飯同埋沙律！如果想飲啤酒都係加$45咋！呢間鐵板牛又好玩環境又唔錯，好抵食仲要牛都好新鮮好好味！

今日同朋友去食呢間專食鐵板牛扒既餐廳叫medium rare，佢既特別之處係可以自己揀牛扒既份量，有三種部位可以揀，分別係肉眼，牛柳同埋西冷，由300g起。牛扒可以揀唔同既醬汁，分別係蔥油，洋蔥油同蒜油,另外可以加配套餐。咁我地就揀左400g左右既肉眼同牛柳配蒜油再升級套餐.餐廳環境偏向日式,位置都幾舒服.等左一陣就有得食。食呢類型鐵板牛扒最怕就係塊鐵板唔夠熱，佢地既鐵板就好夠熱，牛扒表面好香脆, 上面有少少蒜片,加埋一齊食唔洗醬汁都好好食。塊牛柳真係值得一讚，肉質好tender，好有牛肉味。呢個份量都係140蚊，鐘意食牛肉既真係要試下！

星期五又試新野😎係按重量計錢既鐵板燒牛排！揀完牛的部分（肉眼、牛柳、西冷）及自選重量 (300克起）就可以order比錢 之後等食～即叫即塝😆 個餐廳係自助模式 自己取餐同放餐我地order左肉眼同牛柳 熱啦啦 sa sa聲🤣要記得自己淋汁同曬鹽啊😝都幾好食 好香肉味 但係肉眼就有一大舊肥膏 太油唔敢食🤣按重量計既關係覺得果度已經100克 覺得唔抵💁‍♀但都冇計啦加12蚊有烏龍茶 點知原來係紙包 250ml =.=咁去隔離便利店買成支都得啦🤭

牛扒 ミディアムレア ステーキ Medium Rare Steak每次食牛扒都鍾意Medium-rare，所以特別留意翠怡花園開咗間人氣石板燒：牛扒 ミディアムレア ステーキ Medium Rare Steak，趁今晚唔使加班一於試吓牛扒最完美的生熟度啦！先到點餐區排隊購票，望住大大的餐牌，大大塊牛扒價錢唔貴，怪不得這麼受歡迎！《西冷扒 400g》我選擇了西冷，再選了蒜油作配料，然後再升級做套餐，有冰凍啤酒、沙律、白飯。大概港幣$250已經吃得很滿足！以自助形式取食物，速度很快。西冷扒以鐵板形式出品，熱辣辣的情況女士們要小心燙手啊！真係好大塊扒，比手掌還要大，店家特色是以三成熟作為烹調標準，所以也取名 Medium Rare Steak，我吃牛扒的最佳口感。老公對生熟道有其他要求，跟店員直接提出是可以調節的。 我吃的西冷肉味濃油脂平均分佈，較有咬口，Medium Rare 一邊吃一邊煎便會變至Medium。咁就唔會令牛扒過熟，可以做到外面香脆，入口肉嫩又不失肉汁的效果！肉嫩肥美，入口軟腍，加上肉味濃郁而且突出，口感豐腴。減少了烹調的時間反而令肉扒更嫩，脂肪不多，可以品嚐到其最鮮最甜的味

大埔應該得一間斷重計既鐵板据扒店出面我就食過一兩次，印象唔錯所以今日黎試下大埔呢間😀平日晚上八點幾，人流唔算多先係櫃位落單，下面見到佢既凍肉櫃餐廳供應三款牛肉：肉眼、牛柳、西冷同店員選擇gram數，再揀味道跟餐+$25 四揀三如果飲啤酒🍻就加$45櫃位水牌有清晰指示落單時人流唔多，但店員都好急咁落單，呢個就係職業病吧😝店員會係你面前磅肉，okay就簡單調味拎去燒到三成熟再用鐵板上枱面上有鹽同黑椒俾食客調味食客可以跟據個人喜好再作調味😍我地叫左牛柳同埋西冷，都係300g野食都好快到，拎住個牌仔去拎野食西冷跟餐望落去都幾震撼，超大一塊！裝到滿晒切既時候啲蒜會跌晒出黎🤣切開入面係生既，要快快手係鐵板唔熱前切開一件件去燒牛肉幾香，加少少肥膏位同埋筋位多左油脂香 同埋 咬口食既時候配埋 柚子燒肉醬提味超夾或者配蒜蓉非常香口味噌湯唔會過咸，海帶幾新鮮幾香👍🏻沙律🥗落左超多沙律醬好好食😍😍牛柳跟餐超厚切既牛柳，300g就係啖淡肉完全無牛筋位而且相對上都無肥膏位食落去係啖啖牛肉香，肉質非常軟嫩同埋配柚子燒肉醬 定 蒜蓉都好夾👍🏻切開中間位仲係凍，所以要把握時間切開佢燒熟佢跟餐既韓國可樂幾特別食完要收拾

.✦牛柳 300g $113+套餐（味噌湯、沙律、可樂）$25..✦西冷 400g $224+套餐（飯、沙律、可樂）$25.Like FB 每人減$10.-自助形式既餐廳，先揀好餐，排隊買票，店員會即時磅舊牛扒你睇，唔怕唔足磅。然後，再排隊入餐廳坐，食完要自己收拾食物盤.... ✧牛柳重量可選200~400g, 而我揀左300g。❖以呢個價錢黎計，牛柳質素份量算可以，我無加飯已經夠飽；調味亦吸引，特別佢個柚子汁，配牛肉原來好正.❖「蒜油」食落似生蒜，帶有蒜既辣味，如果落穫爆一爆再上，會好味好多.❖鐵板上的確香味撲鼻，但餐廳未能控制熟度，肉真係過份太生，生到好韌. 店名叫做「Medium Rare Steak」，應該要做到3成熟，上完鐵板熱一熱再變5成熟。但呢加可能要改名做「Rare Steak」🤣...✧ 味噌湯.❖非常難飲，好腥，應該係佢啲海帶所致...✧ 可樂.❖同普通可樂唔一樣，係有啲似可樂糖味...-敗筆主要係個熟度，如果餐廳可以控制得好，味道一定會大大加分，可惜。-

近排真係除了返工外，放工一係就外賣，一係就食埋飯嗱嗱臨回家，今晚就係食埋先回家，可以在太和火車站行過去，又唔係太耐8-10分鐘，食前先做運動！這裡專攻牛扒，用g數落單，先付款落單，有三款肉質選擇，我就點了最抵食嘅肉眼$0.33/g，要了約四百g，店員刀法純熟一刀切下已差不多個重量，當然如果份量唔夠你可以再加，接住選埋個醬汁，三選一，我就選了蒜油，而加多$25就可飲品，配湯或飯或沙律三選二嘅配搭，完成後就給了個電子傳呼機，而因疫情關係座位都座得比較疏離要保持1.5m 要求，入座前亦要先量體溫做足安全措施，座下等了一陣，傳呼機響起，就可以取餐，一份差不多有四百克嘅肉眼放在熱辣辣嘅鐵板上，旁邊跟埋盒飲品，麵豉湯，同埋個麻醬沙律，而本身塊肉眼就不同太熟，正如店名一樣Medium rare，所以要靠鐵板嘅熱度去將肉眼加熱，所以二話不說就係將肉眼切開將不同位置加熱，再在上面淋上醬汁，"渣"一聲嘅感覺，非常滿足！因為在食嘅時間不同，肉質都有不同嘅口感，肉質嫩，入口軟熟，真係啖啖肉，在鐵板上久了肉質熟成度高，但內裡仍然十分軟熟多汁，入口都夠晒肥美!一點點小提示，在枱邊有岩鹽同黑椒，加少少在切開嘅肉眼扒

如果想食一餐滋味十足嘅牛扒，我會介紹呢間牛扒店俾大家點都值得來品嚐食番餐當你嚟到就會發覺呢間牛扒店係用鐵板盛上，保証食到熱騰騰牛扒肉，仲有三款肉供應分別有肉眼部位、牛柳、西冷牛扒一定滿足到鍾意食牛嘅各位朋友，大家可以揀選肉嘅份量，而且價錢肯定抵食過係扒房，今次我點了中間呢款牛柳品嚐一下味道，同店員落單即刻切出份量再用電子磅計算價錢，就咁望見已份量十足大約有400G多真係一次過滿足食慾又價錢相宜，一邊食扒之餘再配埋套餐咁食先係最佳食法，落完order就入坐再穿件紙圍裙，終於套餐取到已有味增湯同白飯再加杯日本啤酒陣陣肉味滲出牛柳表面灑滿油，先切開牛柳一件大啖咁食夠晒原汁原味，入口肉質香嫩超多肉汁再淋上醬汁食層次口感又再提升，飲啖日本啤酒一邊食滋味十足，牛柳嘅吸引之處係食到啖啖豐厚嘅肉脂肪平均配啖飯一邊食特別滿足，又繼續品嚐一餐美味鐵板燒。

Step 1 我選咗牛柳 200g好大塊牛柳呀,牛柳好淋好juicy個鐵板keep住啲牛柳，好正，keep warmStep 2. 4選3我選咗沙律🥗白飯同湯沙律好惹味好fresh 牛柳配白飯冇得頂飲埋碗湯好好味柚子汁好正呀可以減去牛柳嘅油脷❤️