岩盤牛扒ミディアムレア ステーキ (Greenery Plaza ) (已結業)

懶洋洋嘅假日，訓醒覺得肚餓，好想食個豐富啲嘅lunch，就決定去食返餐牛扒，滿足下。可能時間尚早，唔係太多人，可以靜靜地舒舒服服咁享受下假日嘅午餐！辛苦得黎自在食，今日想食得好少少，點咗個400g嘅後腰三角肉，我仲同店員講，厚少少都ok，最後切咗件491g大大件嘅俾我，配蒜油。再加$28要咗套餐，因為真係幾抵食。揀咗白飯，溫泉蛋，波子汽水。等咗無幾耐就有得食。由於我件牛太大，要切開疊住喺鐵板，店員話一陣如果上面果塊唔夠熟可再換板。不過我比較鍾意食生啲，所以都無需要換。後腰三角肉好肉味濃，油脂油筋分佈平均，夠厚身，口感好正！好鍾意肉配飯一齊食，而且飯係珍珠米，粒粒分明，加埋溫泉蛋汁真係不得了！今餐食到好飽，大滿足嘅一餐

今日心思思想食牛扒，諗起大埔有間日式鐵板牛扒，一於同朋友去食返餐好耐無黎，無論係肉嘅種類，配菜，飲品嘅款式選擇都比以前多，睇到都已經覺得好吸引！我揀咗牛板腱，300g，配蒜油。厚厚嘅牛扒喺鐵板上冒住煙，香氣四溢，畫面好治療快快手影咗幾張相，忍唔住要開動喇！切開裡面係粉紅色半熟嘅嫩肉，牛扒肉味濃，食落有口感得黎又唔會好軔，加埋我最愛嘅蒜同粟米，好香好好食。柚子味嘅燒肉汁非常清新，同牛扒真係好夾！我亦有將牛扒沾溫泉蛋食，又別有另一番滋味！原來一餐牛扒可以有多種美味為咗平衡油膩感(同邪惡感)，我揀咗配沙律，沙律嘅日式醬汁好味又夠多，唔會食食下乾哂得返d菜。飲品竟然有波子汽水，仲要有三款口味揀，我就揀咗乳酸味。整體非常滿意下次想試其他款嘅肉！

有一日無意中經過發現咗呢一間專食牛扒嘅餐廳，身為牛嘅愛好者，一於同朋友試呢間🤟🏿。呢度有別於平時嘅餐廳，要先同店員講邊一個部位嘅牛。我同朋友就選擇咗牛板腱同後腰三角肉，各300g，同選擇用蒜油去烹調。然後店員會係即是接着你所要嘅g數，證明肉係足秤嘅。然後叫餐嘅話加$28就可以選擇多三種配料，不過我同朋友怕食唔晒所以只係叫咗可樂。比完錢後就可以入去坐啦，入邊嘅位置唔多，同係自助形式嘅，自己拎餐食完就自己放係指定位置。搵原位之後，好快就有得拎自己個餐，我哋係叫三成熟，但係由於鐵板係有熱力所以三成熟放咗上去之後會變成五成熟。兩者透過蒜油，散發出既牛香，食一小啖已經覺得好驚喜，肉汁夠晒豐富。切薄薄嘅一片，再加少少粟米同蒜去食，一啲都唔寡，反而令人只係想食完一啖有一啖😋至於肉質方面，牛板腱既肉質係比較實，而後腰三角肉係帶點脂肪，食落好有入口即溶嘅感覺。前者配合秘製醬汁，已經係Perfect match👍🏿👍🏿後者則點海鹽已經好好食👍🏿👍🏿最後飲埋可樂，捧腹而走，好滿足！

一直覺得大埔有好多特色美食，今日就食下呢一間牛扒。由門口望入去已經見到位置唔算多，但門外有一個清晰嘅餐牌，第一步先選咩部位既牛，再選擇要幾多g，最少要由200g叫起，每g都根據餐牌上面列出嘅價錢去計算。第二部就係要選擇用咩調味料烹調，分別有洋蔥油，蒜油同蔥油。然後如果你要1 個set加28蚊就可以任選三項配料，例如有沙律汽水溫泉蛋等等。我就選擇300g後腰三角肉，牛板腱同可樂店員有溫馨提示扒三成熟放上鐵板會有五成熟，所以我地係叫三成熟。當自己拎餐既時候，見到塊扒真係哇左一聲！性價比好高呀😍😍份量好足，而且牛唔會太乾，鎖得住肉汁，最重要既係蒜油配合薄切既牛，牛味更加突出另外，提供左一個秘製醬汁，係另一個新鮮配搭，比較fresh。兩款牛比較之下，後腰三角肥瘦均勻，所以食起上嚟係比較淋身，牛板腱則比較硬身，所以可以按個人喜好去選擇食完牛再飲可樂，感覺一日嘅疲勞都消除晒，好爽呀

今晚約咗朋友食牛扒，就黎咗呢間扒房食嘢啦！簡簡單單的裝修配合埋柔和嘅燈光，氣氛唔錯！餐廳總共有五個部位比我地簡，依價錢咁排係：肉眼、牛柳、牛板鍵、西冷同後腰三角肉，而我就簡咗肉味最重既「後腰三角肉」啦！餐廳將可每一種牛肉都放係展示櫃比家睇，呢點值得加分主菜到啦，大大份三角肉方係我面前，份量非常足，足足有成隻叉咁厚，配上洋蔥粒同牛扒醬，食落去啖啖肉之餘又唔會有太多根， 呢種感覺我鍾意！值得讚賞既係佢會即場幫你磅塊牛扒，幾大幾重一目了然，作為食客既我當然對佢有信心啦！

<<Thursday Couple 為食記😋👣>>翻翻黎大埔，想鋸下扒，又唔想太貴，推薦大家黎呢間，啖啖肉呢鐵板牛扒，食啖啖食嘅大塊牛！又抵又好味！但佢就唔係一般嘅西餐個種有情調餐廳，但呢種日式自助，就有另一番風味！😚😚😎呢到就有好多唔同牛部位揀，如果你唔知揀咩好，店員都會好有耐性咁都你分析，咩部位多油脂，咩部位瘦啲，等你易啲揀☺️揀好，你想食幾多，店員就會幫你切，然後斷gram計，之後就比埋錢，揀埋自己想食嘅味道，套餐，飲品等，就等食喇！😋😋吖！仲有記得要同佢講你要幾成熟，佢有名你叫medium rare ，姐係三成熟，如果你要七成熟，佢就會幫你煎到五成熟，之後你塊鐵板就會幫再加熱，整熟啲！🔥🔥😚我匝就一個食西冷，肥啲，牛油味好重，似我哋一般食嘅牛肉味，兩邊煎得好香，加埋佢啲蒜油同洋蔥，成個香味好足！同埋真係好大塊肉！☺️🔥 之後一個係牛板腱，呢塊就係另一種牛味，油脂分布平均，但會比較實身，不過食落同樣好香，另一種感覺！😚記住要自己再調味，可以加黑椒同鹽！☺️😎我哋個餐都加左溫泉蛋，同埋白飯，嘢飲，牛扒可以沾蛋汁食都好正，或者可以點佢個sauce ，甜甜地，

沙田區食到悶悶地，朋友介紹所以入大埔搵下好野食。今次黎到呢間鐵板牛，佢既特別之處係牛扒跟重量比錢，食幾多叫幾多，仲有係你面前磅，唔驚比人呃！牛扒有五個選擇，我地揀左後腰三角肉同埋牛板腱，兩個都係想要300g左右，結果磅出黎係322g同296g，我地覺得都差唔多，之後就可以揀埋個汁，蒜油相對比較吸引，仲可以加錢配餐，Set 1 同 Set 2 各叫左一個，揀左飯、沙律、汽水，同埋啤酒、飯、沙律。本身想試溫泉蛋，可惜已經賣晒！鐵板預設係五成熟，如果有特別要求既落單既時候可以講埋。點完餐會有個No牌，佢響嘅時候就可以去拎餐啦！兩塊牛扒都幾厚身，後腰三角肉比較多筋，但肉質較好。相反牛板鍵就少啲筋，但就略嫌牛羶味重左少少。不過總括黎講呢個價錢呢個質數絕對係抵食！另外跟牛扒附上既汁有少少柚子味，幾夾幾清新！如果唔鐘意個汁仲有鹽同黑胡椒提供！沙律配有芝麻醬，可以解下油膩，唔錯！個啤酒幾好飲，同埋個杯都係雪凍左，盡量保持住個溫度！食完之後自己執埋野就可以走啦～

最近開始戒澱粉，就畀個藉口自己食多啲肉出街食肉一啲都唔平，見呢間牛扒 ミディアムレア ステーキ可以按重量計價錢，豐儉由人，仲要1g先幾毫子，咁親民梗係要幫襯下。職員會即場喺你面前磅肉，夠曬均真。我揀咗400g牛板腱配蒜油汁，轉set加沙律、汽水同溫泉蛋。燒肉點溫泉蛋食呢個做法真係好日式，而且味道好夾好好味。牛板腱係肩胛肉入面比較少運動嘅位，所以食落係有咬口得嚟又軟嫩；塊扒完全唔韌，肉質有彈性而且肉汁豐厚，咁嘅價錢有呢個質素，物超所值！！400g嘅牛扒，男士都會食得飽，加埋啲沙律（椰菜絲＋芝麻醬）就可以解解膩～食完自己收返啲餐具，再加上一路食一路播日文歌，成個體驗都好日本！

之前經過聞到呢間燒牛扒香噴噴，今日終於有機會嚟試！呢度嘅牛扒係按重量計嘅，作食肉獸嘅我叫咗400g😆 肉揀咗牛柳，如果落單嗰陣冇特別要求，就會係預設5成熟，不過我自己就鍾意食熟少少，所以叫咗7成熟。套餐嘅小食可以5選3，我揀咗飯、沙律同溫泉蛋。個扒熱到jaja聲，大大嚿好厚身，蒜蓉醬汁香味誘人🤤一上檯係有少少血水，等多一陣畀佢喺個鐵板上面燒下，就變成咗我想要嘅7成熟嘅模樣😆食牛最怕多筋/鞋口，但今次呢個牛完全冇呢個問題，口感軟腍，肉質唔錯！餐廳有提供粉紅海鹽同黑椒，跟餐都有蒜蓉醬，但啲牛本身都好夠肉味，所以唔洗點太多調味料😆撈埋啲溫泉蛋汁，牛肉更滑更好食！！因為低估咗呢個set嘅分量，加埋飯同沙津真係超級飽😂食完非常滿足，大解肉癮！

大埔晚餐選擇好多，但係呢晚想食啖啖肉，就俾呢間吸引咗眼球。睇過鋪頭名都知道專食牛扒，而且無論係個名定係裝修都非常日式小店風，有一種去咗日本嘅感覺。呢度嘅餐牌全部都係牛扒，唔同種類嘅牛肉一目了然。牛肉仲會喺櫥窗度show出嚟，揀中咗邊一個部位，店面就會喺你面前磅重同埋問你要乜嘢配料，有蔥油蒜油俾你揀。我同friend就分別叫咗牛後腰同西冷牛柳。西冷牛柳叫咗400GRAM，非常厚切，真係冇花冇假，完全滿足啖啖肉嘅需求！值得一讚嘅係鐵板真係非常夠熱，店員話鐵板會將五成熟燒到七成熟左右。我哋塊牛扒一上碟都係幾紅下嘅，但煎一剪就會熟咗。因為真係香煎，牛扒一啲都唔韌，牛後腰部位會比較有牛味。塊牛扒外層剪得有少少香口，裏面軟熟，真係幾好食。不過西冷牛扒比起牛後腰個牛味就差咁少少。牛扒可以升級做兩款唔同嘅套餐，我哋就加咗麵豉湯同沙律。沙律大大碗出乎意料好食，唔係就咁得幾條菜而係真係成碗都滿晒，同埋好多汁（我個人比較鍾意多汁嘅沙律）。牛扒附送嘅醬汁都幾特別，有啲柚子味，可以去一去牛扒本身嘅油膩，呢個醬汁真係夾得唔錯。總括來講我覺得呢間真係滿足到啖啖肉嘅需求，特別適合一啲想食啲比較好嘅牛扒但係又唔想食太貴

入開大埔，朋友介紹呢間牛扒大件得嚟又好食，去到見唔洗等就入去食。環境都舒服闊落乾淨。呢度點餐嘅方法係揀好肉同gram數，佢就會幫你切出嚟。除左唔同部位嘅肉類之外，仲有油同set可以揀，價錢亦唔算貴。後腰三角肉 (300g) + Set 2 因為怕食肉會食濟，所以揀左沙律同麵豉湯。沙律菜配胡麻醬好新鮮。而重點嘅牛肉，大到唔知仲可唔可以用扒嚟形容，好爽，將啲醬汁淋落鐵板炸曬啲香氣出嚟。蒜香油亦都好正，好夾重味嘅牛肉。牛肉嘅肉質都幾稔唔會un，重點係冇筋very good。而牛味亦都好濃郁。上菜嘅時侯肉嘅熟度係medium rare，想熟啲就建議趁鐵板仲係好熱嘅時候，將肉煎到自己想要熟嘅程度啦。跟餐配嘅啤酒，啤酒杯會雪凍埋畀你，一啖牛一啖啤酒，爽！

前幾日同朋友行大埔，佢帶左我黎呢間牛扒店食dinner, 確係值得一讚。首先要自已選擇牛扒既部位同幾成熟，再配搭套餐。當日我同朋友就點左肉眼400g同後腰三角肉400g, 店員即刻係我地面前拎牛扒出黎量秤,確保重量一致，值得一讚，因為出面扒房食既有機會唔足秤。然後再選擇調味食材，仲有好少見到既洋蔥油！之後選埋自己喜歡的套餐。我食既係肉眼5成，熟度剛剛好，唔會太鞋口得黎又有肉汁，食到好重既牛味道。朋友點既5成熟後腰三角肉有嚼口唔會韌，口感更加出，岩晒中意嚼口既朋友。最重要係大大份，食到好滿足另外想講埋，佢既配料份量都幾多，沙律菜滿滿得一碗而且仲有送埋優惠couon,下次食可以免費增量，推介！

呢間位於太和既日式石燒牛餐廳真係幾唔錯，d肉都好高質，價錢又平民。環境:店面好乾淨好企理，防疫措施跟到足，有哂高圍板，枱既距離都有翻咁上下，就算同枱都有塊真係夠高既板阻隔，值得讚，食都食得安心。首先會係收銀落左order先，店員會係你面前拎個牛肉出黎砌，睇落都好正，佢有2款套餐簡，有個係跟啤酒，一個就$28，跟酒$45，有3樣野簡，相當抵食。西冷$300g 跟$28套餐一黎到見到勁大舊，砌開勁厚，雖然好厚但唔代表un,牛味相當香，厚得黎鮮嫩多汁，又夠冧身，另外配左個似柚汁既汁，酸酸地好解膩。另外仲有岩鹽同胡椒提供，佢個溫泉蛋熟度適中，另外個湯都好夠味，又足料，唔會係溝水咁。佢個牛300g好夠食有餘真係好正。另外朋友叫左個後腰三角位，肉質係有d唔同 ，呢個燒熟d會好好多，另外配左啤酒，呢隻牌子啤酒唔錯，食塊牛配啖啤酒爽哂，不過注意一下佢個石既溫度，要快d砌開燒，如果唔夠熱，店員都好好服務比多塊。最後就大家食完記住放翻好用具😁日式餐廳都係咁方式佢都仲有d分店既，大家可以試試，聽講平時都幾多人排medium rare steak大埔太和店

今日放假行開大埔，聞到一陣好香嘅鐵板牛味道，加上又好未食lunch 就跟著個香味去行啦，點知搵到間新嘅好地方可以去鋸扒而最令我驚喜嘅係，哩間餐廳有一個待色，就係入店前要點好餐，有唔同部分嘅牛肉去揀，店員再按你想食嘅分量去秤，非常均真老實而且店員好細心耐性講解點樣整到幾多成熟嘅牛扒環境方面，店鋪都營造日本風嘅扒房，地方非常大，可以安心鋸扒至於野食方面，我點左300克左右嘅西冷牛嘅set黎食嘅，而個set可以係4揀3樣野(麵豉湯,飯,沙律,汽水or烏龍茶)黎食 而個牛扒非常厚身好juicy，牛肉味濃，而且肥瘦剛好，唔會太難鋸開或者太油膩，配埋個飯同爽嘅沙律去食，大份又飽肚，係大埔難得有間好嘅扒店去食，唔洗走出市區先食到如果大家想食再濃味啲嘅，我推介你地再落佢地嘅黑胡椒同玫瑰鹽，可以再突出牛肉嘅味道Anyway,哩間餐廳水準唔錯，均真老實，牛肉款式多而且多汁肉味濃，價錢都唔貴另外，哩間餐廳人流好多，下次要食一定早小小到，唔係食唔到好野

今日同朋友一齊去大埔搵好西 行過聞到陣好香嘅烤肉味就即刻揀呢間餐廳🤣入去之前首先喺門口落單揀咗想食嘅牛肉部位🐮 啲牛肉全部放晒喺個玻璃凍櫃度 店員好詳細又有耐性咁介紹左唔同牛部位啲特點 揀完部位同要幾克之後 店員就會即刻切同磅比你睇～最後再揀想要嘅set就完成～#牛板腱 Top Blade Muscle 330g $148朋友就揀咗呢款牛板腱 佢喺肩胛骨入面一塊長條型嘅肉 油花分佈均勻 肉質好柔軟🤤#後腰三角肉 U.S.A Prime Tri Tip 200g $118 而我就揀咗呢款~ 牛味好重 多汁而有咬口 200g肉一眨眼就食曬🤤 可惜steak下面鋪左一堆栗米 係切嘅時候飛到成枱都係🤪雖然係室內但係鋪頭開曬門同窗好通風 食完成身唔會一陣燒肉味～可以再戰！