川川辣辣

營業中

休息中

酸菜魚(例) $178酸菜魚肉質鮮嫩又唔散，夠入味，萵苣口感爽脆，掛咗油嘅薯粉超正，小辣啱哂我川川辣辣毛血旺 $158毛血旺係川菜嘅特色名菜，血旺一般即係指鴨血，呢盤除咗鴨血，仲有蝦、魷魚、豬腸、牛栢葉、芽菜等嘅材料，好豐富，盆内嘅紅油透亮唔渾濁，麻辣鮮香皇牌流心奶皇西多士加雞髀 $40除咗川菜之外，呢度仲有一系列嘅港式茶記常餐，黃金多士系列有三款西多士，有花生西多士、紅豆西多士，仲有呢個流心奶皇西多士，雙倍嘅邪惡，流心效果好好。雞脾大隻又香脆，肉質嫩滑，下午茶必點招牌紅豆冰 +$8跟餐+8就飲到好抵，紅豆冰除咗奶味仲有椰汁味，紅豆鬆軟度啱啱好鹹檸七喜 $24夠鹹夠凍，解辣一流餐廳環境好靚好有特色

喺T Town商場，如果食厭咗壽司郎，不妨試吓滿滿辣意嘅川菜。店鋪雖然唔大，但都坐得十分舒適。如果係洪嘉豪或張天賦嘅fans，應該更加享受，因為店鋪裡面整晚嘅music list，就係佢哋兩個嘅歌。而我哋今晚食嘅菜單就有：酸菜魚、川辣辣子雞、手撕包菜、生炒牛肉飯、皇牌流心奶黃西多士併雞髀、再加多杯紅豆冰。酸菜魚(例)一個例牌酸菜魚的份量足夠2-3人享用。雖然揀了小辣湯底，但都充滿着四川麻椒和酸菜味，味道溫和、油而不膩。爽滑兼沒有骨的魚肉吸收了濃湯的精華，加上大量配料及薯粉墊底增加口感，十分醒神開胃。川辣辣子雞辣子雞作為川菜嘅佐酒名菜，雞肉配上辣椒、花椒的麻辣味道，口感爽辣鮮鹹，用嚟送酒簡直一流。手撕包菜小辣的手撕包菜，除咗菜很清甜外，花椒亦帶了一個麻的口感。生炒牛肉飯份量足夠3人享用，飯粒夠乾身，啖啖都充滿着牛肉、蛋同蔥花嘅香味，再加上前面幾道餸，可以話係食到停唔到口。皇牌流心奶黃西多士併雞髀與平時下午茶食嘅西多士，最大分別係呢個西多嘅餡係流心奶黃，同埋晚市都可以食，再加埋大大隻炸雞髀，十分抵食。

今日咁岩嚟到天水圍做嘢，見到呢間餐廳門口好似好多人等緊，而且裝修又夠靚，聽講仲係新開嘅添，咁就入去試吓啦。我同朋友不嬲都好鍾意食辣嘢，所以我哋全部菜都叫咗中辣。我覺得最好食嘅就係辣子魷魚，因為佢嘅魷魚好新鮮，而且調味都好夠，又唔會話太多炸漿，好適合送飯呀。另外，個口水雞都好好食。雖然價錢平，但佢嘅份量都好夠，而且仲有好多青瓜伴碟，越食越開胃呀。食到咁上下，跟住職員行黎推介我食嗰個咩雞脾流心奶黃西多佢話好平價錢好似$40 ，跟住我聽完之後聽到好似好平我就走去試吓，西多入面有流心奶黃，仲有炸雞髀都好特別價錢只係$40 ，我推介大家真係要試吓呢個。

天水圍吃川菜的地方很少，今次發現了一間乾淨企理，價錢相宜的川菜。川川辣辣係T twon 三樓，一上電梯就見到。非常之方便。地方整潔企理，大部份都係卡位，坐得舒適。這裏有很多套餐選擇，亦可以單點，幾十蚊就有交易。招牌毛血旺少辣剛好，會越食越辣，配料十分豐富，内有金菇、蓮藕片、牛柏葉、鮮魷魚等等，份量足夠三個人食，非常入味，辣得過癮。口水雞 必點招牌菜，雞肉嫩滑，麻辣口味再加上碎花生，又辣又有口感，非常正！辣子雞，雞件炸得乾身，加上鹹香花生，越食越想食。乾煸四季豆四季豆炸得通透，再加上半肥瘦肉碎，送飯必點。炸饅頭配煉奶，兒時味道，小孩們最愛。街坊生意，人均消費百多元，能吃到有水準的川菜實在難得！

與朋友於T-Town的商務書館打書釘,累了就在T-town到處走走,找吃的。商務出來乘搭扶手梯往上行, 見到一間新開不久的川菜館, 對於喜歡吃川菜的我,當然要試。菜單基本上川菜的菜式應有盡有, 有酸菜魚,水煮魚,干锅,雞煲,炒肉等……川菜中我最喜愛食酸菜魚, 我們點了例牌份量, 重慶雞煲半隻, 手撕包菜, 及菜單上推介的流心奶黃西多士雞脾。酸菜魚,例牌的份量不多,2-3人的份量,潔白的魚肉, 沒有骨,十分爽滑,魚肉吸收了湯汁的精華,每一口都帶有酸菜味及四川的麻椒味,酸酸辣辣, 配以白飯, 辣得過隱, 十分醒神開胃。手撕包菜, 新鮮爽口,每一口包菜都帶有四川的麻椒風味,因為我們點了少辣, 咸咸的,所以味道都不太辣但也能感覺到少少的麻。重慶雞煲, 半隻雞,份量足夠, 雞件拌至金黃色, 雞肉不粗糙,十分嫩滑; 肉吸收了雞煲醬的精華.,咸咸辣辣,十分入味。晚市也能吃到通常在下午茶才出現的西多士炸雞脾,在這裏是其中一個特色。金黃色的西多士,淋以蜜糖糖漿,甜到入心; 咬開西多士中間, 夾以咸蛋黃,富有味道的層次感, 極具特色;而炸雞脾,手掌般大隻,香脆外皮鎖住雞脾肉汁,形成外脆內軟,相比某些大連鎖

之前食緊減肥餐單，日日都食得好清淡，差唔多成10日都冇出街食過飯，今日終於放監，第一餐梗係要食返啲重口味嘅嘢，所以我揀咗食川菜！招牌酸菜魚(一人份） $108青檸梳打 +15（跟餐價）套餐包括左一碗酸菜魚，一碗白飯，兩粒炸饅頭。因為盡量唔食澱粉質所以我走白飯。魚片無骨非常滑，有調味過，一啲都唔腥。湯底好夠酸，花椒味又香，仲有好多配料例如薯粉、萵筍、豆皮同酸菜。不得不提跟餐嗰兩粒炸饅頭真係好出色！重慶雞煲(半隻） $98我哋揀咗中辣，香辣得嚟又唔會食到流汗，雞煲醬汁好惹味，雞件嘅份量都好多，食極都好似仲有咁。店員好細心咁俾咗兩隻碟我哋裝骨。椒鹽魷魚 $88必食推介！魷魚炸得好酥脆，唔乾唔靭，配埋香口嘅炸蒜，真係食到停唔到口。份量比想像中大碟！清炒萵筍 $60其他菜式都比較濃味，所以嗌咗個清清哋炒萵筍，無用好多調味料去煮，可以食得出萵荀原本嘅清甜味。

川川辣辣 (天水圍)📍地址: 天水圍天華路30號T-Town South2樓S201A&B號舖💰人均消費: $150======================頌富商場最近開左間四川菜餐廳, 有酸菜魚食! 當然要同朋友黎試下啦!🐠川川辣辣酸菜魚 HKD$108 (跟餐加$10有凍飲，另附白飯同兩舊炸饅頭)金湯入面除咗有好多酸菜魚、蘆筍、腐皮等材料，竟然仲有薯粉! 酸辣味岩岩好，加埋吸收晒湯汁的薯粉，真係正！魚肉大片得黎完全無骨，上面仲連住魚皮，肉質嫰滑，係由新鮮魚所製造。跟餐的炸饅頭炸得好香脆，加埋煉奶真係絕配!🍗皇牌流心奶黃西多士加雞脾 HKD$40 (跟餐加$8 有紅豆冰)入面有好多奶黃醬，一切開就已經流晒出來😍好似食緊流心奶黃月餅咁但比月餅更加好食! 雞脾都醃得幾好食,而且唔會太乾!🍹招牌紅豆冰味道香甜 (跟餐)椰香味較重🐣重慶雞煲（半隻）$98雞件大細適中，而且非常入味！忍唔住連雞皮都食埋😂😂🦑椒鹽魷魚 $88係避風塘口味，味道香脆!整體嚟講，佢嘅食物都幾出色，而且價錢一啲都唔貴!同朋友share食就啱晒!

味道好啱我口味，其他食物亦熱辣辣香氣四溢咁上枱。裝潢又乾淨俐落，座位適中。門口服務員態度好好，所以我入去走走，試後也滿意，會再來的。在天水圍區有這類餐廳相信好多人仕都會啱食。當然不只酸菜魚正啦!

天水圍街坊有口福啦😍頌富商場竟然新開左間四川菜，食飯又多個選擇啦😍啱晒我呢啲辣妹子！餐廳唔單止食物性價比高，環境仲闊落，坐得舒服，啱晒一班朋友、一家大細過嚟食💯 - ✤ 川川麻婆豆腐配白飯及小饅頭兩件 $𝟕𝟖 川菜點少得麻婆豆腐😍佢地用嘅豆腐超滑，拌住香辣嘅麻婆醬汁都食得出豆味💯醬汁除左肉碎仲有粗蒜粒，麻辣之餘鹹香十足，送飯一流🍚值得一讚係豆腐食到尾都冇出水，無整到個汁稀哂，可見好有火候👏🏼 套餐加送兩粒一口炸饅頭外脆內軟，啱哂想食饅頭但又驚太飽嘅你❤️🫶🏼 ✤ 例牌酸菜魚 $𝟏𝟕𝟖 酸菜魚用左海鱸魚，肉質嫩滑飽滿，而且幾乎無骨🥹魚塊份量仲要超到幾乎成碗都係💯配料包括腐皮、酸菜、菇、蘆筍、薯粉等等，真係超足料！金黃嘅湯底濃郁、酸辣適中、唔會太過油膩，食完唔會好大負擔🤣 ✤ 川川辣子雞 $𝟏𝟎𝟖 炸起嘅雞粒配上花椒同辣椒調味、酥麻可口、非常惹味，再配上花生，食到唔停口😽 而且雞粒分量都多，呢個價錢嚟講真係性價比超高！ ✤ 皇牌流心奶黃西多士配雞髀 $𝟒𝟎 點估得到川菜館會有茶餐廳美食？餐廳位於屋邨商場，貼心為街坊提供更多選擇，特設常餐類餐牌！啱晒唔食辣嘅朋友仔，嚟到都有其他選擇😍今日揀左個

鐵路和輕鐵網絡日趨完善, 元朗天水圍嘅交通已經很方便, 大型商場和美食店舖大大提升吸引力。川川辣辣位於天水圍T Town, 鄰近頌富輕鐵站, 餐廳地方清潔寬敞, 空調舒適, 店員很有禮貌。這裏主打川菜, 也提供精美常餐。皇牌流心奶黃西多士配炸雞肶, 大大隻雞髀外皮十分香脆, 雞肉保持幼滑, 切開西多士, 流心蛋黃湧出, 配以清甜糖漿, 非常美味, 果然係皇牌食品。蔥油雞扒撈丁餐也同樣出色, 雞扒香脆肉滑, 一丁麵也很彈牙, 配返一丁味精湯, 加埋蔥油就有兩種口味。牛乳炒滑蛋十分香滑, 配上半個外脆內軟奶油豬, 好味道。川菜農家臘肉炒蒜苗, 鑊氣十足, 蒜苗爽脆和惹味鹹香臘肉, 送飯一流。家常梅菜扣肉非常鬆化, 肉質保持嫩滑, 不肥不膩,梅菜又很惹味, 這道菜很出色!份量十足又美味, 令人驚喜又滿足!

天水圍近來發展迅速, 大型屋苑屋邨林立, 加上各類食肆商舖進駐, T town這個商場也加添色彩。川川辣辣是川菜式茶餐廳, 裝修清雅, 地方也較一般茶餐廳闊落和清潔。常餐有很多選擇, 沙爹牛肉公仔麵湯底不太濃味, 麵條腍度適中。雪菜肉絲米粉相對較為吸引, 米粉相當腍滑, 雪菜肉絲惹味而不太鹹, 配餐嘅牛乳炒蛋也夠香滑, 丹麥多士則鬆軟。秘製蔥油雞份量足夠, 雞件夠滑有雞味, 加上蔥油就更惹味。酸菜爆炒肥腸頗有鑊氣, 酸菜鹹酸度啱啱好, 肥腸夠腍夠厚身, 腍滑而不肥膩, 葱段經爆炒特別香口惹味, 茶餐廳也能做出川菜館嘅特色風味。

聽屋企人話頌富商場開左間川辣食店😋今晚同老公做無飯夫妻，去食餐辣辣晚餐🤭新店開左無耐，都幾闊落及企理👍🏻同埋夠光猛，好易搵到🤗老公鍾意食辣，佢就我唔食得太辣，所以點左個酸菜魚(例牌)，雖然係例牌，都幾大碗😅酸菜魚可自選辣度，我地只點了少辣☺️見到泡椒、辣椒及花椒都好足料😅先飲一啖湯底，酸辣鮮香😋魚肉特別嫰滑，配合滑滑薯粉一齊食，都惹味😋生炒牛肉飯😋我就點左呢個飯，雖然材料看似簡單，但都有驚喜😍飯粒炒得好夠火喉，粒粒乾身分明👍🏻而且牛肉都好足料，好嫩滑🤤🤤 清炒蒿筍😋點番個清清地既菜食下😍萵筍絲翠綠質感，輕輕清炒就帶出爽甜👍🏻 食下食下見隔離枱食客點了呢兩樣，忍不住也點來食🤤🤤黃金炸幔頭: 每件細細件炸到色澤金黃，外脆內軟，點少少煉奶，非常香口🤤🤤 皇牌流心奶黃西多士: 因為都飽飽地😅所以點了半件+炸雞脾，西多士當甜品食都好正🤤仲好邪惡🤣即叫即炸，鹹蛋既鹹香味，配上奶油，鹹甜鹹甜根本就係人間美味😍😍雞脾炸得岩岩好，唔乾身，仲好juicy好脆口😋

川川辣辣 (天水圍)天水圍天華路30號T-Town South2樓S201A&B號舖天水圍這個社區， 食肆不算太多，要數比較大型的商場就是T town，所以這次搵食來到這裏，要找一找有沒有愛吃的川菜。在2樓的位置有一間川菜店，還有不少人在排隊。店內寬躺坐得挺舒適。川川辣辣酸菜魚餐配白飯$55食川菜我一定會食酸菜魚，這裏的酸菜魚挺滑溜的，份量也可以，湯頭酸酸甜甜的得開胃。花椒、辣椒乾、泡椒，還有薯粉！辣度適中，不會太辣，味道以酸為主，開胃醒神！把白飯放湯，吸收魚湯精華，正！皇牌流心奶黃西多士加雞髀$40西多士平時吃得多，奶黃西多士是第一次是，顧名思義裏面陳鹹香味十足的蛋黃。西多士炸得外層酥脆，內裏夾着一層鹹蛋黃，配合蜂蜜醬，鹹甜之間互相輝映。朱古力（冷）+$3鹹檸七+$8

今日約左朋友落樓下食嘢朋友話想試下食辣野 👍🏻咁我地即時諗起川川辣辣👍🏻皇牌流心奶黃西多士 這個必點 黃金色外表 一切開奶黃鹹蛋黃 即時流出黎 散發一陣香味 原來奶黃鹹蛋西多士味道咁夾👍🏻👍🏻😍招牌酸菜魚魚肉大片嫩滑 好足料 配料豐富 仲有好煙靭嘅薯粉個湯夠酸夠濃 開胃又食😍辣子雞中辣 夠辣 雞粒香酥 香口惹味 乾扁四季豆 四季豆炸得非常乾身 送飯之選👍🏻水煮牛肉 香辣湯底 牛肉嫩滑 大塊👍🏻再配埋 大豆芽 非常吸引😍

星期日在家裏休息下，不知不覺間已經下午，懶洋洋的感覺都要出門口食下午茶。於是約咗附近住的朋友仔一齊去T-Town商場，朋友選擇了「川川辣辣」食川菜下午茶。來到餐廳門外，擺放了餐牌給客人選擇。看看餐牌上除咗川菜下午茶，還有其他港式茶餐廳食物，價錢方面都經濟。👍進入餐廳內，燈光柔和，座位都闊落，地方整潔，感覺很舒服。😍《川式口水雞》$68雞件分量十足，食落肉質嫩滑，辣中帶麻香，皮爽脆，麻辣醬汁味道很濃，越食越開胃。😋《川川辣辣酸菜魚餐》$55酸菜魚配料豐富，有鮮魚片、酸菜、萵筍、薯粉、秀珍菇等等。魚肉肉質鮮嫩，食落味道酸酸味味配合萵筍爽脆清甜，湯汁酸辣味道濃烈提升，十分回味。😋《皇牌流心奶黃西多雞髀》$ 40西多士流心奶黃，不太甜，味道幾得意。雞髀表面上皮乾，估不到咬落肉汁鮮嫩，香脆可口。😋招牌紅豆冰，椰汁味很重，解辣一流。😋今天很開心🥳，和朋友一起相聚又可以享受川菜下午茶。😍