川熙樓 (已結業)

本來諗住去夜上海食晚飯之際，又突然好想食辣野，咁就搵下尖沙咀有咩辣野食啦，所以得知川熙樓，佢係諾士佛台斜對面的一間酒店內，內面格局似普通酒樓，又冇乜人好鬆動，心諗野食得唔得架。但服務態度比想象中好，Waitress好有禮貌同會不斷幫的地Fill荼。野食方面都意料之外，當晚的四道菜都相當不錯，埋單約$500，價錢相而，鍾意食辣野的你地可以去試試。水煮魚: 哇﹗﹗﹗一個直徑約35-40cm大碗，係鮮綠色芫茜下就係滿滿的紅色辣油、辣椒、辣椒籽，魚塊厚肉無骨而且相當入味，食落不算好辣有輕輕麻，而配菜有青瓜條蓮藕條同埋晶瑩剔透紅薯粉，又爽又滑又辣，好有趣好Match﹗如何可以加埋海帶就冇得頂    (唔食魚的你地，可以試下叫水煮牛肉)晾衣白肉: 顧名思義就即係將薄切白肉好似衫咁晾係架度，係一個涼菜，青瓜白肉青瓜白肉咁分隔住，然後伴著下面圓碟的辣汁食，自家制辣椒醬加上大量蒜泥，相當嘢味鴨血粉絲湯: 鴨血薄片，好滑帶有少少胡椒咪，一點都不腥，不過最好味係粉絲，好軟淋好吸味，入口即溶，要試炒四季豆: 四季豆炒到幾淋伴住少少辣肉碎，不錯整體食物不錯，辣野當中勝領比高，而餐廳當晚都係得4成滿，唔多人又唔洗

諗餐廳煩，諗到餐廳，諗食乜仲難。 看題目都知，我們吃飯，總會好奇人地食乜，別人吃的總是好食。 有好事之徒就會說，點止食飯，隔離枱嘅女仔都總會靚啲，朋友K才對我說，我們隔離枱條女有幾得有幾靚。 聽說話就知係同行，我就覺得同行的女孩，欣賞就夠了。 講番正題，是晚吃的是川熙樓，你應該一定聽過這間在 口可能說多了，不過，我還是非常想吃這枱的火鍋，火鍋好像做得不錯，但可惜，今天我們沒有太多時間，只是叫了點小吃就算，天口熱，都冇乜胃口。 想不到川菜會有鮑魚吃，冰鎭鮑魚點會唔好食，鮑魚每口都是有彈性又有鮮味，只不過，顯示不到食物的真功夫。 辣子雞絕對是吃到這裡川菜的厲害的一個菜式，那個辣絕對是勁得令你飲完一杯又一杯啤酒然後說好辣但又會繼續吃不停的那種。 我自己選了個擔擔麵，那個擔擔麵每條都是爽口又帶著辣勁，最重要配菜多到不行，沒有平時的那麼單調，也沒有平時強勁的花生醬之強，走川式清新的辣度。 最後的水煮牛肉，又是火辣辣到不行，我覺得呢個應該可以送幾碗大大碗的白飯，牛肉是新鮮完全沒有鬆粉處理過的，又帶強烈的辣味，愛此道者，一定喜歡吃。 吃完這幾個菜，隔離都仲打緊邊爐，仲要係好好食，繼續叫緊料，

天氣太熱，就會想用川菜刺激一下味蕾，之前去過川熙樓食川辣火鍋，今次想試試他們的小炒。餐廳地方濶落又舒適，而且仲好多遊客光顧。老公今日只想食水煮系列嘅菜式，所以就揀咗個水煮魚（大），再叫多個牛肋骨2人share一齊食剛剛好。水煮魚（大）面層佈滿辣椒、紅油，慢慢開始聞到陣陣麻香味，好吸引，除咗魚塊之外，內裏仲有好多配料，青瓜，雲耳，芽菜，薯粉等等，魚肉鮮嫩軟滑，味道鮮甜，薯粉彈牙又滑溜，青瓜爽甜，沾上少少辣油更添滋味，而且又麻又辣嘅感覺令人不期然食不停口。川式慢煮牛肋肉（半份）牛肋肉鲜嫩肉味濃，慢煮令到牛肋肉可以保持肉質嫩滑，再沾上川式特製醬汁，好美味喔！食物好有水準，可惜今晚只得倆小口子晚飯，所以試唔到多些款式，下次要找一大班朋友一齊再吃過。

叫左個麻辣火鍋食，點知佢個火鍋睇落成煲辣椒但一d都吳辣 得個咸字，似咸魚煲湯咁 --然後叫侍應加辣 ，佢拎左一個湯碗size 既辣油直接倒落去！之後 , 哇一試真係成煲鹽水咁，仲勁油，問返個侍應 。佢話辣椒油係偏咸 ，o哂咀😲一啲麻辣感覺都無，咸到食唔到😡 情願係家打邊爐食小肥羊火鍋湯包！烏梅汁成杯藥水咁完全唔知咩黎 自問唔係好食得辣 比三百幾蚊食到咁差既質素真係唔值😕😕😕一間係洒店入面既餐廳，本身都吳會抱好大期望 但係佢真係 服務差 食物差！

和舊同事約見晚餐，我同佢都鍾意食川式口味，原來係位於酒店入面，但價錢都ＯＫ！味道又不錯，嘿嘿手撕雞涼皮，Ｄ麻醬都幾香，手撕雞唔會乾爭爭，而且有Ｄ位係脾位撕落黎，有嫩口感，味道不錯，嘿嘿紅燒菌類豆腐，個汁送飯好正，豆腐裡面好滑，菌同豆腐都好入味，除左Ｄ菜太白恰，嘿嘿酥炸肉，好香口，而且帶小小川式麻味，幾特別個肉係小小半肥瘦，外皮脆，份量都幾多！兩嘿嘿酸辣粉，夠哂川味，個酸辣度有層次，而且有小小麻香味，個薯粉係＂偏＂既，好吸味。花生夠脆，肉碎都好夠份量，嘿嘿

呢個星期， 咁啱有親戚來香港玩，所以就要帶佢哋周圍去香港行吓。今日就係佢哋住嘅君怡酒店到食一餐飯，一嚟方便佢哋，二來又唔使四圍搵，係食四川菜嘅餐廳嚟嘅。入到去環境都好優雅，充滿中國嘅風味，好似屏風掛畫，都好有傳統中國擺設嘅重點。睇吓個餐牌，呢度都好有好多小菜選擇。不過我哋唔係咁食得辣，咁就叫左啲冇咁辣嘅小菜。呢個川式慢煮牛肋骨，叫咗全份嘅，所以都幾大份。牛肋肉質地好嫩滑，而且仲有少少脂肪，味道好香。如果唔點落醬汁，味道係一啲都唔辣嘅。嗰醬汁有四川風味，味道偏辣，但係真係好開胃呢個係蔥香蝦仁炒飯，䓤嘅味道特別香，蝦仁爽口又彈牙，味道都有少少辣辣地，炒飯粒粒分明，好開胃另外呢度亦都有茶，係好香嘅麥茶，有好淡淡的大麥香味，味道一啲都唔苦澀，非常消滯開胃整體來講呢度都好唔錯，喺酒店入面，環境好有中國嘅特點。雖然係食四川菜，但味道都唔會係好辣，迎合返香港人嘅口味

2月初有一晚，約咗好幾位全女打朋友去食四川菜～女仔多，去環境幾安靜的川熙樓比較適合。川熙樓好似剛搬去新址不久，又可能因為入咗酒店，招牌唔太顯眼，全場只得兩三檯客。因為有朋友唔食得辣，但又想試試新派川菜，結果點菜就有辣有唔辣。水煮魚用鯇魚，無桂花咁好，但配菜好味搭夠。辣子雞丁味道唔錯又有勁道，但雞丁真係丁方得…好丁囉。其他菜色水準都唔錯，最正係個羊肉鍋，雖然唔辣但超好羊味，真係要連湯都飲埋。豆苗用豆胚，無渣最好～甜皮鴨第一次試，又真係唔辣。晾衣白肉賣相好，汁醬正～辣椒鱈魚嘅鱈魚做到外脆內juicy，樣樣都好好味，係個牛肋肉炆米嘅牛肉比較靱…相當滿意同值得推薦的四川菜。

川熙樓一向川菜水準唔錯，是晚朋友買咗團購，可以去食任食火鍋。兩小時任點任食，仲任飲唔少無酒精飲品，要事先訂座。不過呢間店搬咗去酒店內的新地址後，可能地點比較隔涉，都唔係人氣好旺。酒水可另加$98一位任飲，今晚就同老友飲盡麒麟生啤、清酒、梅酒、威士忌on rock，仲第一次試飲58度二鍋頭，講真就味道麻麻，而且結果飲到太守醉也。川熙樓個火鍋其實唔錯，任食都有幾款湯底任揀。結果揀咗麻辣拼竹笙雜菌鍋，。安格斯牛肉、牛粒同紐西蘭羊肉，水準都相當唔錯，加埋雜丸、午餐肉、魚肉燒賣、蟹棒、芝士腸、雜菜、雜菌…水準唔錯，都係按人頭出份量，都算非常滿意的一餐火鍋～接近滿兩個鐘夠鐘時，原來仲可以落單加火鍋料，真係算係幾有良心。值得推薦。不過川熙樓好似唔係成日有做任食團購，只坐兩個鐘又食得唔盡興，我都係喜歡散叫，睇埋個Menu其實都唔算貴，坐耐啲，盡興啲，自由啲。

🐑🍝🌶食野已經去到＂無辣不歡＂地步，但真係冇諗過洒店既川菜都可以咁好食👍🏻今日媽咪生日黎左尖沙咀君怡酒店呢間川菜館，派頭十足～成間鋪中國古色古香感覺好有格調～座位闊落坐得好舒服👍🏻酒店服務各方面的確正😤👍🏻係火鍋同小菜之間我哋選擇咗小菜🍽經店員介紹呢度特色係川菜+Fusion嘅菜式，所以唔會好似正宗川菜咁辣咁油，如果要加辣要預先同廚房講定，對我哋呢啲＂辣妹子＂來講都有啲擔心唔夠辣😌但媽咪堅持要試一試佢哋原來感覺所以冇特別加辣😎睇Menu嘅時候我真係好surprise我發現呢度啲嘢價錢一d都唔貴，係屬於小店嘅價錢😍呢碟＂口水雞＂＄78，雞肉嫰滑外皮爽脆一啲都唔肥，配上特製嘅醬汁再加上麻油香味，質素同食材絕對比出邊高幾班。食四川野當然要試吓佢嘅＂烤羊肉串＂炭火慢烤羊肉唔會過熟，重保持住羊肉嘅肉汁鮮味好香，孜然粉居功不少！🥒🍛🥘＂晾衣白肉＂點菜既時候唔小心＂晾衫白肉＂🤣蒜泥白肉既朋友～白肉肥瘦均稱，配合青瓜中和一下，焦點係個辣椒醬，辣得過癮加上少少蒜容，我地之後再撈炒飯一流💓😋 最中意＂辣子羊肉＂😍麻辣平均，羊肉唔乾身又麻又香，少少油脂香味真係超正💓＂麻辣筍殼魚＂先用油炸再加上惹味醬汁，好考

呢日終於約到爸爸撐枱腳，那當然要食好野，揾好野揾到尖沙咀酒店內，那品質相信都有保證。任食麻辣火鍋每位$298 另加一， 價格略稍高但相信品質會更優勝。餐廳內裝潢十分中國風，而且十分寬敞，只是我們二人用餐，餐桌也特別大，傾計時要提高聲調湯底點了一半清湯的竹笙野菌，一半麻辣，而配料最特別的是雞肉滑，我還是第一次見，而味道確充滿雞味，而且頗滑口，十分滋味另有鴨血，很有實質的口質，響鈴也是必食推介，各丸類和餃類也是不錯

喜歡食川味東西, 經OPENRICE 見到這家火鍋放題的川菜館, 看到介紹有HK$178的下午時段, 又看到有訂座半價優惠,便立即訂座和朋友去試. 入座後, 被告知火鍋沒有半價優惠, 另加四十塊火鍋醬料, 其實都沒所謂啦, 如果好食, 都沒問題.要了個皮蛋豆腐和麻辣清油鍋, 鍋底是不錯的. 再揀食物, 如果喜歡多類選擇的朋友會失望了, 種類真不多. 每次來的, 也是少少的(但好處是不浪費~) 飲品是任飲, 但都是一般罐裝飲品. 埋單, 每人二百四十左右. 如果以此價錢, 只能講是OK. 如吃其他時段要三百幾(連埋醬料加一, 差不多四百)其實情願去其他地方吃.吃飯其間, 聽到啪啪啪聲, 看到服務員在茶水間(放茶壺地方) 剪指甲!!!!!!!!!!!!!!! 這個真是很不衛生, 莫說你是食店, 更是位於酒店內的食店呀! 雖然大部份是招呼內地客, 但都不可以這樣呀! 總括來講, 只是一般, 一去無妨~

星期一，家人說帶我去試試四川菜，因為我本身不太能吃辣，所以從來都冇試過四川菜。而且我們家裏也很少去吃四川菜的，所以我有一點期待。我們到達了餐廳，原來是在酒店裏面的，環境地方都很優雅，很富有我們中國的特色，而且顏色也是用了紅色為主。看看餐牌也有不少特色的小菜，不過原來這裏除了小菜外，還可以打邊爐。我們叫了幾個特色的小菜，店員說這些小菜味道都不會太辣，很容易入口的金牌手撕雞 $78首先我們叫了一個涼拌小菜，這是手撕雞。我們特別喜歡吃沒有骨的食物，所以叫了這味餸。這個手撕雞十分惹味，還加入了芝麻，更加香！雞的底下還有爽口的青瓜絲，令我們更加開胃。宮保雞丁 $138這是這裏的特色菜，我之前嚐過的宮保雞丁，是十分辣的。但這裏的宮保雞丁，卻一點都不辣。雞肉十分惹味，加入了香口的腰果這一餐真的讓我能感受到四川菜的特色。

本人一向食得辣，不過平時一班朋友出來吃飯，因要照顧不沾辣的朋友，點菜自然要平衡各方喜好，吃辣自然不夠盡興。今晚和一個老明友尖沙咀聚舊，他是無辣不歡的，兩個吃得辣的人二話不說就走去吃川菜好了。這裡有川式小菜也有任食川式火鍋，今晚我們都比較肚餓，就選擇了火鍋。這個麻辣火鍋剛合我們口味，不會過辣也不會太輕，也帶點麻香。火鍋配料種類不少，豬、羊、雞等肉類還算鮮味，而安格斯肥牛就比較出色。各款丸類、餃類、蔬菜也很新鮮。整體這裡位置方便，川式火鍋出色，食物質素不錯。而我們也額外加了啤酒任飲，盡興而歸。

雖然天氣熱屎辣辣，但我其實真係好鍾意食辣野。今日做完facial睇埋戲再行埋美麗華都未諗到食乜，行經君怡酒店樓下見到呢間餐廳，就二話不說行左入去了。係酒店食辣野都係第一次。頓時覺得自己high class左好多佢呢度有任食火鍋，但同男友慎重考慮後，覺得咁熱既天食麻辣火鍋同自殺無分別，所以我地都係嗌小菜了。-精品毛血旺用料非常十足。有鴨血，肥腸，水魷，午餐肉，鵝腸。雖然望落好多辣油，但食落好順口而且一啲都唔油膩。餐廳仲加埋紅薯粉，超級彈牙，配埋啲湯食簡直perfect match!-孜然肉鬆四季豆一上菜就聞到好香既孜然味，肉鬆非常夠味，四季豆爽口清甜-辣子肥腸肥腸用油炸過非常香口但唔會成口油，本身已經醃得好夠味，配埋花椒辣椒，又麻又辣，爽丫!兩個人都係食左500幾蚊，下次一定要叫多啲朋友嗌多啲野試先!

四川朋友到香港，好久不見，就相約到他住的酒店附近，一試香港的川菜！看它正宗不正宗！一進店內，環境不錯，桌椅的分佈不會太近，每一桌都有足夠的空間，合適相聚聊天。菜式選擇都多，朋友都認為菜式都很正宗。因此點了個椒麻雞同毛血旺，再跟支自家白酒！椒麻雞作為前菜，不算太辣，是一道涼菜，麻畀的感覺是後續的，慢慢走出來！驚喜之二，是鋪底的青瓜，切得很細，把汁醬都吸引了，口感清爽，麻辣感勁重！多等了十分鐘，毛血旺上菜了，很大的一盤，我都看傻眼，但朋友說正宗的就是這樣，筷子夾夾，材料很多有蝦有午餐肉有鴨血，特別一提，鴨血很滑。紅紅的一大盤，辣得過引！一口菜一口酒，整個人都變紅通通！爽呀！