川粵 (流尚坊)

營業中

休息中

呢排天氣時冷時熱，搞到胃口都麻麻，加上濕度高，最啱就係食川菜，夠開胃醒胃之餘，食返啲辣嘢仲可以驅吓寒去吓濕添！嚟到尖沙咀廣東道，除咗係shopping熱點，仲有唔少臥虎藏龍嘅餐廳，今日我哋就嚟到流尚坊嘅四川小店：川粵。川粵舖頭唔大，但嗰種川菜麻香味由踏入門口就感覺到！呢度嘅午餐都有唔少嘅選擇，但係為食嘅我，就覺得呢個九宮格嘅四川小菜至尊套餐就吸引喇！因為呢個九宮格小菜，有齊多款四川美食，想咩都試少少就啱晒！口水雞、麻辣魚皮及紅油抄手雞肉肉質鮮嫩，魚皮爽脆而不靭，而抄手皮嘅厚薄恰到好處，配合餐廳所提供嘅醬汁真係想encore呀！紅燒牛肉及蒜泥白肉一個牛一個豬，但係肉味比一般坊間嘅川菜餐廳提供嘅嚟得濃厚。涼拌萵筍同涼拌木耳涼拌醬汁甜而唔算太辣，作為涼菜嘅呢兩個小食係啖啖肉之下提供清爽嘅感覺。酸菜魚薯粉酸菜湯底酸而不辣，魚片嫩滑，薯粉爽口彈牙。而且份量都唔少，啱晒大胃口嘅男仔。

今日又凍，又落雨，個人就勁唔舒服，依d天氣當要要去食下辣野，去一去濕氣！今次去到位於尖沙咀嘅樓上鋪，川粵。餐廳環境乾淨，座位距離夠晒闊，一d都唔迫！食物都幾多款式，今次叫左4樣野食，尖椒皮蛋、蒜泥白肉、麻辣魚皮同埋重慶雞煲（半隻）1.麻辣魚皮魚皮做得爽口彈牙，而且索晒d麻辣汁，麻辣汁唔會過份辣，而入口之餘又夠麻香，真係食唔停口，簡直冇得頂😋2.尖椒皮蛋皮蛋夠晒流心，而且麻辣汁調配得岩岩好，除左能夠遮到皮蛋本身個隻唔係人人接受到幾味外，尖椒味仲令佢提昇左個味道層次，正呀😋3.蒜泥白肉白肉切得夠晒薄，方便卷埋d青瓜絲用辣汁食，一口一舊，解晒惹味😋4.重慶雞煲（半隻）雞煲上枱仲會用火燒住，保持溫度，辣味岩岩好，唔會太過遮左雞味，而且雞肉食落都嫰滑，食落非常滿足😋😋整體黎講，食物質素好，樣樣野都好惹味，而且性價比高，非常抵食岩晒好辣人士

今日我想介紹嘅係節目好去處！ 通常聖誕節周圍都爆曬， 夜晚要搵間餐廳食飯， 除非好早book啦， 如果唔係臨時去一定要排曬大隊， 但我正正犯咗呢個錯誤😵 因為 聖誕節前實在太忙， 根本冇時間去搵餐廳同朋友食飯，，但去到當日周圍都人山人海， 我哋搵嚟搵去，捐窿捐罅都係排曬隊， 諗緊點算好嘅時候Google大神搵到呢一間位於尖沙咀時尚坊嘅川菜館。 係門口嘅時候已經聞到香氣撲鼻， 嗰種麻辣嘅感覺就係我喜歡嘅味道。 我覺得自己無揀錯😋 入到去個個餐牌都有好多選擇， 有惹味干鍋， 口水雞鳳爪等等， 通通都係我鍾意食嘅嘢🤗喺花多眼亂之際， 為免眼闊肚窄， 終於揀咗幾樣好想食既野惹味干鍋呢一隻干鍋好有雞煲嘅味道， 濃濃嘅香氣撲鼻， 遠遠聞已經流哂口水麻香味十足，我同朋友叫左豆卜，雞肉同配菜 等等，川菜風味濃厚你想叫咩都可以， 完全係一個自由鍋，正呀！雞腳（ 鳳爪）本來平平無奇嘅鳳爪加添咗川式嘅辣味， 加上雞皮有彈性， 好爽口彈牙蒜泥白肉蒜泥白肉一向都係 my favorite，呢個蒜泥白肉，肉片好厚身，岩哂我😋 口水雞 口水雞好新鮮嫩滑， 無出面嗰種冰鮮嘅感覺。而且仲配合濃濃嘅麻辣口感， 辣

就快通關啦相信唔少內地遊客都會過去尖沙咀行街特別係廣東道一帶內地人習慣食麻辣嘢嚟到香港冇得食點得呢廣東道有一間川菜店, 有小食，雞煲, 干鍋, 烤魚 等等蒜泥白肉白肉貪佢脂肪較多，咬落去好惹味充滿淡淡蒜蓉味麻辣魚皮口感非常之爽脆，好似食緊海蜇一樣涼拌篙筍篙筍原來冷食都幾好味 落口有少少似西芹主菜重慶雞煲, 睇佢個煲好似唔係好大咁但係原來個煲底都幾深入面起碼有半隻雞，煲入面充滿着好多麻辣辣椒，雞肉鮮嫩,配上洋蔥恰到好處,而且雞煲亦都持續開着火，冬天食真係夠晒溫暖😘尖沙咀廣東道82-84號流尚坊11樓

Search到喺尖沙咀li間川菜店, 有酸菜魚, 雞煲, 香鍋, 水煮烤魚等等多款特式川菜食, 真係啱哂同無辣不歡嘅fd子黎食, 地點喺廣東道好方便.🌶️蒜泥白肉每一塊厚身白肉上面都係一大啖嘅蒜泥好開胃.🌶️麻辣魚皮口感出奇地爽脆嘅魚皮, 夠哂麻辣香.🌶️涼拌篙筍爽口嘅篙筍, 沾滿辣汁, 勁刺激味蕾呢.🌶️然後我地食左重慶雞煲, 鍋內滿滿各種辣椒, 所以味道好豐富, 半隻雞份量一啲都唔少架, 雞肉亦唔會切到勁多碎骨, 食完個咀唇真係辣到震震地, 啱哂無辣不歡嘅朋友!!店家位置對面就係海港城, 係行完TST而又想食返啲風味美食嘅選擇.🌶️一人一杯豆漿or椰青解辣係must ga.

今日行開尖沙咀廣東道，見到有間新開嘅川菜，所以我哋就黎試吓。上到去鋪面好寬闊，枱與枱之間不會太逼！我哋一行二人試咗二個午市套餐，酸菜魚配米線，魚片好新鮮好滑，配上濃郁嘅湯底，一啖酸菜魚一啖米線👍👍👍👍。之後來一個特色嘅干鍋配田雞，干鍋配上特色熱爐，冬天唔怕食物快凍👍田雞新鮮亂滑，肉質一流，配上其他配菜送飯一流，辣度適中，再配上四款午市送嘅小食及飲品，低食😋😋😋期待下次再去試其他食物，食得辣的朋友一定要來試👍

惹味干鍋呢一隻干鍋好有雞煲嘅味道， 濃濃嘅香氣撲鼻， 遠遠聞已經流哂口水 麻香味十足，我同朋友叫左豆卜，雞肉同配菜 等等，川菜風味濃厚你想叫咩都可以， 完全係一個自由鍋，正呀！雞腳（ 鳳爪） 本來平平無奇嘅鳳爪加添咗川式嘅辣味， 加上雞皮有彈性， 好爽口彈牙 蒜泥白肉蒜泥白肉一向都係 my favorite，呢個蒜泥白肉，肉片好厚身，岩哂我😋惹味指數：5地點：5環境：4性價比：5翻eat指教:5

新開樓上川菜館🥳 主打雞煲火鍋及小菜，款款惹味🔥☺️ 餐廳氣氛熱鬧，適合一班朋友共渡歡樂時光🍻 店員服務態度殷切，食物質素不錯，價錢中等，好味有驚喜👍🏻═ ═ ═ ═ ═ ═ ═ ═💖食評💖𝑭𝒐𝒐𝒅前菜：泡椒鳳爪 ($48)✨份量多，味道很不錯👍🏻川式豬手 ($48)✨好軟腍，辣味偏重，十分惹味🤤涼拌木耳 ($28)✨開胃爽口😋主食：🥘重慶雞煲 (半隻)(小辣) ($168)✨推薦！半隻份量二人食剛好，雞肉好入味🤤 醬汁調味十分香濃惹味👍🏻 大量辣椒及洋蔥，好足料！𝑫𝒓𝒊𝒏𝒌凍豆漿 ($18/杯)✨

今日辣癮又起, 同辣妹子出尖沙咀海港城對面街的川粵食川菜, 川粵走大眾快路線, 食物以川菜為主, 還有小菜及打邊爐。小食 : 麻辣魚皮 ($48）好少餐廳有新鮮魚皮食, 鯇魚皮用辣油、麻油及調味料撈勻, 撒上香口芝麻撈一撈, 魚皮好厚身吓, 好爽脆彈口, 麻麻香香, 美味。小食 : 泡椒鳳爪 ($48）第一口....好辣吓, 再食....越辣越過癮, 鳳爪有用泡椒汁浸泡過, 好入味, 鳳爪辣辣的及微微的醋酸, 口感脆脆的, 辣得非常過癮。香辣干鍋 (小辣)自選干鍋五餸起, 可以選孜然味、麻辣及香辣味, 也可以選小辣、中辣及大辣, 全部配菜$3x~4x, 想食乜就點乜, 干鍋以火爐盛著奉客, 咁就食幾耐都唔會凍冰冰啦。先講個鍋底, 香香辣辣的四川風味, 爆香才連火爐上枱, 味道更香濃, 看到煱內勁多乾紅椒, 好彩食落又唔係好辣, 味道香辣鹹香, 我哋揀咗雞翼、爽口芽菜、爽脆萵筍、肥美豬腩肉、油香肥牛及吸汁豆卜, 配料越滾越入味, 越食越香辣, 食完飲番罐可樂, 嘩! 爽呀!

今日又去食新野 上網見到呢間位於尖沙咀既川菜餐廳新開張就同朋友黎試下丫~~我地6點幾黎到唔多人, 可以任揀位坐..... 餐廳新裝, 環境乾淨企理餐廳都幾多座位, 大顆人聚餐都冇問題~~餐牌共2版, 一目了然~~呢道主打川菜, 有辣有唔辣...重慶雞煲(半隻)$168雞煲一上枱色香味俱全, 鍋底仲有個小火一路興住, 唔怕食物會凍我地揀左小辣, 都有咁上下辣度, 如果唔食得辣就唔好辣喇~~半隻份量好足, 雞肉惹味又嫩滑蒜泥白肉 $48相對蒜泥白肉就唔算好辣~薄薄的五花肉食極都唔會膩泡椒鳳爪 $48泡椒鳳爪酸辣酸辣, 做前菜好開胃!!鳳爪皮非常爽彈, 一路食好似不斷補充緊骨膠原咁涼拌萵筍 $48萵筍營養價值高, 新鮮又爽脆!! 

聖誕節選了去尖沙咀睇燈飾，之後在附近尋找美食，我們非常熱衷吃川菜，尖沙咀有一間新開的餐廳，心癮開始發作，我們打算到廣東道「川粵」品嘗美味，享受美食佳餚，同她盡興吃一餐。餐廳位置很方便，地理很好，佈置優雅，乾淨整潔，氣氛輕鬆。餐單上設有菜式，美食當前無法抵擋，放縱一下自己，美味的菜色，我們都很鐘意。我點選了幾款食品，食物質素良好，上菜速度頗快，享受美食的滿足滋味。涼拌木耳木耳小小辣醬，好開胃，食落質感軟綿，十分清爽，美味可口。口水雞 口水雞肉質鮮嫩，少骨多肉，食落麻辣，好惹味，仍然保留了誘人的味道，味覺和口感湧現出來。蒜泥白肉白肉片薄身，上層是辣油跟蒜，辣辣地感覺辛辣，細膩美味，讓人一試難忘。酸菜魚賣相吸引，酸菜魚鍋好豐富，入面有酸菜、魚片、雞髀菇、紅洋蔥及萵筍，仲有川菜通常用的調味料，辣椒乾、泡椒及花椒等，魚片食落鮮滑，容易入口，酸菜酸度適中，口腔中的香味久久不散，味蕾上的歡慰。川粵（尖沙咀）地址：尖沙咀廣東道82-84號流尚坊11樓

同老公去尖沙咀行完街突然好想食川菜即刻開openrice search下先發現原來廣東道都有好多好野食🤩Target左呢間『川粵』樓下水牌好清晰，其實都容易揾上到樓上好光猛👍🏼放心曬！食呢啲風味野最驚環境昏暗枱櫈污糟都睇唔到🙈呢度環境乾淨枱同枱之間距離都夠闊感覺唔錯👍🏼食物選擇都多至少滿足到我個胃😆特別係啲小食一次過叫左3款🤭【涼拌萵荀】萵荀本身無乜味但沾上辣汁就夠曬惹味口感爽脆又清新👍🏼【川式豬手】有4大件，抵食之選🫶🏻豬手肉質夠軟淋好容易食👍🏼調味比較辣，愈食愈過癮最正係豬手嘅毛清得好乾淨！加分😍【麻辣魚片】第一次喺街食涼拌魚片之前一直俾個賣相嚇親😂今次一試就愛上！魚片超索味，麻辣味夠濃口感香脆又帶點微彈必食推介！【干鍋】呢排成日見到人食干鍋好似好正今日終於試到🤤🤤上菜時香氣四溢仲要有個火㷫住熱辣辣好岩冬天食🥰我哋入面加左雞翼、五花腩、椰菜花、肥牛、雞軟骨、芽菜⋯⋯兩個人食一鍋再加啲小食巳經夠曬飽🤭五花腩炒得香口肥瘦得宜而且唔會炒到又乾又硬好食！雞翼都正細心地一開二食起上嚟方便好多👍🏼

午飯時刻醒醒晨，去食川菜，呢度就腳又方便，地方寛闊，環境不錯。午市套餐好抵食⋯⋯多款套餐配搭由A至J仲送小食兩款再配埋飲品👍1⃣️套餐F：🐷川式豬手配薯粉：豬手夠爽口，薯粉彈牙煙靱爽滑小食：麻辣魚皮🐟小食：尖椒皮蛋🥚魚皮爽脆滑溜、皮蛋夠惹味————————————2⃣️套餐J：🐷🥗川粵雜錦干鍋：（配肥腸）配料多有足料，有萵筍，椰菜花、洋蔥🧅、干蔥頭….. 等等肥腸入味又爽又彈牙😋小食：蒜泥白肉🐷小食：泡椒鳳爪🐔兩款小食夠滋味，越食越開胃 👍—————————-大中小辣任你配..款款套餐任你揀😇其實開心🥳簡…單就在你身邊..·食….拍…寫.. 已經成為我生活中的一部份鍾意食..鍾意拍…鍾意寫..留下美食回憶—————————-

天寒地凍緊係要食啲辣野暖一暖身，黎到位於尖沙咀廣東道的「川粵」川菜館🌶️餐廳主要供應一系列涼拌小食、四川干鍋、酸菜魚、燒海鮮、火鍋、水煮食物等等，啱晒愛辣人士涼拌萵筍碧綠萵筍條口感爽脆，加咗辣椒油一齊拌勻，微微辣，頗開胃麻辣魚皮魚皮新鮮爽口，又麻又辣，好好食呢泡椒鳳爪鳳爪加咗泡椒，辣而不燥、辣中微酸，皮韌肉香，酸辣爽口酸菜魚魚片好嫩滑鮮甜，以傳統的川菜調味料如花椒、辣椒乾及泡椒等等調味，酸酸辣辣，香濃滋味。湯鍋裏面仲有酸菜、雞髀菇、紅洋蔥及萵筍等配料，令口感及味道更豐富干鍋四川傳統干鍋有20多款餸菜配料可自由選擇，最少五款起✨我揀咗雞軟骨、豬頸肉、雞翼、豆芽及椰菜花，鍋底以小蠟燭保溫，非常貼心❤️廚師將食材同紅油及麻辣香料一齊炒香，好入味，每啖都充滿麻辣香氣，正呀，佐飯一流

同事之前lunch去過呢間食，話覺得幾好食，叫我要去試。但因為我lunch通常都係帶飯，所以都無乜機會試😂今日收工男朋友過黎接我，諗唔到食乜又突然醒起呢間餐廳，就決定去試下😁環境唔算大，但都坐得幾舒服！店員好細心，又有禮貌，食烤魚果陣會間唔中過黎整下個火😍價錢都相好合理，川菜超正宗，質素極高，同事真係推介無錯！😝✅麻辣烤魚 ($328)因我同男朋友都食唔到好辣，所以我地話要小辣😂不過佢呢個小辣真係正中我地2個既口味！🤤唔太辣得黎又好頂癮！而且個湯底係超級香濃惹味🤩豆卜索曬個湯，一試舊豆卜就知個湯底幾正！🤤除左豆卜，配菜仲有芽菜同木耳，好爽口。烤魚真係超有質素，肉質好嫩滑，真係不得了！而且係烤得超香，勁正！👍🏻魚都大大條，2個人食真係好滿足🤭✅涼拌木耳($28)木耳好爽口，好開胃，加左小小辣醬，唔太辣，好岩我地食，我地都好鍾意。😍✅泡椒鳳爪 ($38)呢個泡椒鳳爪其實超好食，只係對我地黎講太辣😂但食得辣既朋友一定會鍾意，因為鳳爪皮滑肉爽，而且個泡椒味真係好頂癮！😝都係好開胃既小食，正呀！😁