川莊

營業中

休息中

叫左水煮桂花魚。。。點知食第一啖就勁咸 因為入面仲有木薯粉 吸晒啲味。。。咸到根本食唔到水煮魚可以任簡4款配料 我地簡左木薯粉、海帶結、牛柏葉同凍豆腐但啲牛柏葉少到得零零碎碎幾塊

呢間前身係食自助餐，以家轉左川菜。經過幾次都心思思想試，今日終於搵埋一個都好喜歡食川菜既朋友試喇坐低後，見到枱上既茶杯內已放了少量紅棗杞子菊花及玄米既東西 再加熱水 好特別呀食物方面，叫左前菜手拍青瓜迷你小饅頭，例牌水煮魚（另送四款底料）係正既有金菇，牛柏葉等。再加玫瑰荔枝冰茶，冰茶足料夠味。最後個人感覺: 有誠意有驚喜，味道7/10，與坊間正宗川菜館有不同，希望日後都保持到今次水準，服務無意見（好同差都影響唔到我呢個吃貨）。*個人意見只供參考**第一次到訪

愛吃麻辣的朋友説朗豪坊開了一間四川菜餐廳，一於睇戲前去試一試！招牌菜是水煮系列食品，友人選了成都水煮鮮魚片，仲要揀🌶🌶🌶🌶😱😱😱😱，(最高係五隻🌶！)，連餐廳經理都提醒四隻🌶真係好辣喎！ 友人即時心心眼😍。另外，點咪孜然香酥羊腩(自己唔識整)，一口豚肉串，孜然雞皮。水煮鮮魚一上，好香吖😍，係花椒八角既香味！不過...... 🌶🌶🌶🌶😖，今次唯有捨命陪君子🤮！ 牛肚牛，豬皮，栢葉吸晒d湯汁，豬紅都好正👍🏻👍🏻👍🏻 友人讚口不絕，我就食到👅都麻！立即點返個啤酒解辣！其他三個食物都好好味，要一讚羊腩唔羶，仲好juicy 😋整體食物質素好，建議早黎不用等位，走既時候門口都有人等緊位。

原來呢D就叫做川菜…一月廿七日，今次係我人生中第一次食川菜，雖然川菜係以麻，辣，鮮，香為特色，而且係中國四大菜系之一，但係今次真係唔識欣賞，食到我個咀麻哂，一邊食一邊係到震震震。>_<呢間川莊，老婆豬琴晚都話想食，不過勁滿，ＢＯＯＫ位都ＢＯＯＫ唔到，結果第二日就去左旺角食午市，午市時間就冇乜人，唔洗等位就入座。我地一黎就叫左個一大煲既野，之後揀材料，有Ｄ牛肩肉，豆卜，薯粉咁，而且揀左唔係太辣既程度，另外仲叫左個七彩雞翼同埋一杯野飲。先講個紅卜卜既大碗野，老老實實，辣就真係唔算太辣，我自己本身都唔食得辣，都接受到個辣度，不過碗野真係超級超級麻，食到個咀好似冇咩知覺咁，麻痺到好似食緊咩都食唔出佢地個真正味道。似乎太個激既野唔岩我同老婆豬，麻到最後食Ｄ薯粉唔知點解會變哂苦味…老婆豬就話食果時小心Ｄ～唔好比Ｄ湯掂到個咀仔，就唔會麻到個咀～心諗：老婆豬真係好得意呀～　＜３杯野飲好似係叫唔知咩檸咩柚茶，老實講，杯野飲都幾差下，完全唔知乜緊乜野，Ｄ味道又奇奇怪怪咁…最終頂唔順，一來杯野飲又解唔到辣又唔好味，二來真係太麻，於是又另外叫左個沙冰，不過今次個沙冰就好味好多。OKOKOK～七

平時食譚仔大辣，湯底當清湯飲嘅我，今日就遇到挑戰啦！ 其實今次係第二次幫襯呢間餐廳，但上次挑戰人數得三個人， 使唔晒佢嘅推介菜式， 今日五個人就可以試盡曬！上次食水煮魚超好食，今次試水煮牛，呢間餐廳用嘅係牛肩肉而唔係一般嘅滑牛， 牛味本身都比較出，再配埋辣而不鹹嘅水煮法，非常入味！ 提提大家，叫呢一個水煮牛或者水煮魚，每次可以選四個配菜， 紅薯粉丶豬紅係一定要叫，其他兩個自己諗啦！ 辣度大概就係譚仔大辣多 50% !!全日嘅重頭戲係辣椒蝦，一碟得6隻， 熱辣辣放上枱即刻放一隻入口， 第一啖咬落去勁熱，再咬開始食到辣味， 食曬成隻蝦之後開始唔對路，個口簡直係想噴火！ 飲咗半杯啤酒都幫唔到手，辣度大概係譚仔大辣嘅 10倍！ 食完隻蝦係休息咗五分鐘先可以開始食其他嘢。。。 但過咗十幾分鐘再食淨番果隻蝦，辣度竟然急速急降至譚仔中辣，所以叫完咬咗一啖食唔落去嘅人，應該等十幾分鐘先再食！另一必食推介係雞翼， 雞翼會配四款辣椒粉，上枱後由客人自己選擇， 芝士雞翼好香丶紫薯就好香口，基本上六隻都非常唔錯。

朗豪坊本來有間勁難食又勁頹既海鮮自助餐, 終於執左轉左呢間川莊去前BOOK左位, 坐係朗豪坊個露台, 勁有FEEL!一上個茶, 睇落好中式同好PRO咁點知一飲... 室溫既...=.=  一D都唔夠熱依樣野真係要改善下呢個雞唔錯, 特別係佢個汁!將塊雞連埋蔥點個汁, 好FRESH又開胃!有種泰式既感覺XD因為有朋友唔係太食辣, 所以無叫到水煮魚, 叫左個酸菜魚整體都唔錯, 個魚好滑, 而且真係好大好大!但個人覺得唔夠重口味呢個蝦好食到我一定會為左佢再番黎食!佢外面個汁辣辣甜甜, 而且整到係脆既咬一啖, 入面係好新鮮好爽既大蝦真係勁好食勁推介!呢個就麻麻地, 個涼粉好易斷好難撈到D汁, 變左無咩味羊架都唔錯, 唔硬呢個我ENCORE左兩碟, 玉子好甜! 紫芯蕃薯都好正!呢個幾辣, 唔食得辣既朋友要小心!但超香! 推介!依個都辣, 但呢個都好香!睇黎乾鍋類既野做得真係好好!呢個甜品就完全唔得!話就話叫紅糖冰粉, 個冰粉同正宗既冰粉質感好唔同!似JELLY多D :S跟住好甜同好大陣酒味... 食左唔夠一半就食唔落好飲! 好FRESH又解渴呢個都好飲, 喜歡冰沙既朋友要試下!依個甜品有樣又好食

提早BOOK 左位同朋友去試下呢間新野,   去到都唔洗等,.  店家都安排左個位置不錯!  一坐底, 店員招呼一人一杯幾特別既茶, 裡面有好幾款材料, 飲落甘甘地, 不錯~呢間餐廳菜式都算豐富, DRINK LIST 亦多選擇 , 好岩三五知己慢慢食飯, 飲野, 傾下計. (因為在星期五晚上時段, 沒有時間限際交枱的餐廳不多)我地一行三人點左酸菜魚, 幾款串燒, 辣子牛, 土豆絲, 黃金秋葵, 一款唔記得叫咩名既雞同埋幾款手工BEER 食物質素:  味道確實不錯, 基本每樣都好食,  由其串燒方面都幾有水準, 川菜, 串燒配BEER酒真係一流!佢地既手工BEER 值得一試!(8/10分)環境:  畢竟是新開,  整潔當然不錯!  如訂位, 建議你可要求留枱在外面露台位置更好(9/10分)服務:  這是此餐廳唯一不足地方, 因服務員明顯不足, 內部分工不完善, 令客人要搵服務員幫手落單或其他幫忙時很難,               我後面張枱既客人叫左10分鐘都冇人同佢寫菜!              另外, 服務員鞋口鞋面 (可能唔夠人手忙得仔啦) , 但幫客人下單時, 禮貌度有待改

至鐘意食辣野既我，見到朗豪坊大大隻招牌話開左間新川菜，即刻睇完戲就去試下星期六夜晚都唔算等得耐，大約15-20分鐘左右。Lee間店有個特色就係門口有塊大大塊既玻璃，可以睇到d師父燒串燒。無錯，lee間川菜係有串燒食嫁。但因為同男朋友兩個去，所以食得唔多野，唯有下次再叫串燒啦。Lee到既水煮系列係招牌菜，同男友兩個人就叫左個酸菜魚食實在係好好好大盤，兩個人食真係好飽，因為除左酸菜魚，仲要有好多好多薯粉係裡面，另外如果想食其他配菜都係可以加錢加。Lee盤酸菜魚d魚真係好滑好滑，而且唔會一夾就散開，真係好好食，而且口味可以選辣同唔辣，甘我當然係食辣啦！但唯一一樣不足就係對於食辣控黎講，就會唔夠辣味，不過整體黎講係幾好食。下次會再去試下其他辣d既水煮系列，再同大家分享下。

個人非常好辣，而且非常喜歡川菜的麻辣！之前在美國留學，附近的川菜館非常正宗，回香港後很少食辣，因為很難找到正宗、好吃、又就腳的川菜館！剛好這店新開幕而手上有折扣券，抱著「反正不好吃就當被騙一次」的心態去試一下。兩個人約7點半到，不用等位。先評價一下侍應的服務態度，除了帶位那個、其他都比較差。尤其一個上餐牌的阿姨，直接「飛」餐牌。另外一個男侍應非常黑面。個人非常推薦水煮牛肩肉，已包四個餸，我們點了午餐肉、腐竹、木薯粉、靈芝菇。辣度是3，麻比辣多、個人覺得不夠辣。牛肉片多，而且不老，很不錯靈芝菇太碎而且很少，不划算、而且很難撈起。午餐肉有點不對味。碗有點太大，虛有其表、因為份量不是很多。碗這麼大也佔了很多地方。這間餐廳也非常推薦他們的串燒。當天點了一口和牛、魷魚鬚和七彩雞翼。一口和牛很香很軟但偏鹹；魷魚鬚無什麼特別。七彩雞翼有七種不同口味，三辣四不辣，比較推不辣，尤其紫薯同青瓜沙律醬。三個辣味偏酸同鹹！串燒有四種不同辣椒粉配搭，由1辣的青椒綠、2辣芥末黃、3辣紫天赤到4辣川椒紅。可以根據自己吃辣的程度選擇。個人比較喜歡4辣，不過還是覺得不夠辣！特飲偏貴！茶錢每位收$10，是養生茶，有紅棗杞

行街到朗豪坊， 周圍睇下食乜好, 行到門口睇餐牌, 侍應表示而家做7折優惠， 仲有個唔辣嘅餐牌， 啱曬唔食辣嘅老婆。 就入去試下座位闊落舒適環境擠迫，茶係八寶茶，今次主力點D唔辣嘅菜式酸菜水煮魚燒蝦球 燒得香脆，七種不同感覺(雖然我只試了2種)，有辣有唔辣，佐酒一流。燒烤食物試左 ：鰻魚、秋葵、台式腸仔 等味道也很好炒飯炒得干身香口咕嚕魚塊 並非用平價魚柳，只不過略細碟甜品推介 :拔絲香蕉 總體食物質素很好，伴碟精美，有手工啤酒提供， 侍應服務態度正常，也勤加茶， 做優惠真係幾抵食。

去完大澳，夜晚直落旺角，原先想打邊爐，但因為仲好飽關係，就響朗豪坊覓食，中間見到依間川菜，就入去試下啦本身麵好鐘意川菜，再加上見到酸菜魚喎，又點會放過呢我地坐果邊，燈光都有點暗，但環境尚算可接受，即黎叫個酸菜魚+兩款串燒等食同睇餐牌時，見到身邊幾檯食得津津有味加上服務員俾ge茶，初時唔慣個味，但之後飲落都唔錯架食串燒時，仲配埋3款調味料，有3款唔同辣度不過串燒就唔覺得太特別，但都燒得唔錯ge到酸菜魚啦，我地後悔無叫辣，但魚幾滑無咩骨食得過，比起大陸食好味好多跟住我地食完都唔夠喉，再叫左碟肥腸食初時食落好好味，但後來就覺得較油，但炒得都幾有火喉

午市二人餐$206.5整體不過不失唯一大問題係啲野食呈上嚟嘅時候就已經係溫熱嘅狀態，所以食到一半嘅時候，啲野食已經全部凍曬如果可以即叫即整，而唔係煮好曬啲野，到客人落單先稍微熱一熱再擺碟，會再好啲

I know Sichuan Spice, but when I ordered the beef I was searching for the meat. It's all full with Chillies. Some pieces I finally found and these where good. But 3 of 5 Hotness-Level was just too much,even I'm used to.OK,still hungry I ordered 2 Skewers. I was expecting some juicy, big meaty Skewers. But was disappointed.At least the beer (Christmas-Brew) was really nice

一開始見到呢間餐廳幾吸引 屋企人又鍾意食辣野先行入去 坐低左之後睇完餐牌打算叫野食 舉手一直都冇人應你 全間野好似得一個人識落單 佢就幫緊隔離枱落 但唔會關心下你使唔使落單 有個唔識落單既員工見到我舉手同左個女侍應講 點知佢走左去執啲外賣蓋 都唔幫你 差啲就起身走 頭先個個識落單既就hea住咁問你食咩 好似得罪佢咁 雖然啲野幾好食 但係啲服務態度差到咁 唔會再幫襯

上兩星期同朋友咁岩路過， 見到有新野 就試下啦！ 我都有超過十年無食過水煮類既食物，所以都好興奮。我地兩個女仔而且又唔係太餓 就叫左一個水煮魚、一條串燒同埋叫左啤酒😆其實個水煮魚都好大碗 而且d魚無骨架👏🏻👏🏻哈哈 方便懶人食呢～間店果晚唔算多人所以傾計都好適合 又可以慢慢坐～記得仲可以用手機點菜 對我地黎講好特別😃😃😃