巧饍坊(素食)

營業中

休息中

難得過嚟黃埔 就睇吓有啲咩齋鋪食(´▽｀)上網搵就見到依間好似幾特別因為想食中式就揀咗依間😝本身見到好多人都話生炒骨好食 都想試 但佢只有單點個餸 所以我都放棄左我就揀左粟米魚柳🌽 我朋友就係魚香雞丁因為叫餐所有有埋湯跟湯係粟米雞蛋花湯好夠味😛其實我都唔知係粟米湯 🫣我成餐都係食粟米—_—粟米魚柳個汁同個湯係一樣😂只係無咁稀個偽魚柳炸幾脆 其實係一堆腐竹😂😂勁飽肚 魚香雞丁 真係有啲r哂頭因為我食落好似宮保雞丁因為我覺得好多油又太重麻味 唔太似魚香—0—食左幾啖就放棄左 另外佢收茶位再有收加一 *-* 唔會特登去試 路過要食齋就都可能會嘅

早前和一大班朋友來這裏食晚餐, 大家都覺得很好吃, 價錢又公道, 茶錢每位只是$5, 這次在何文田行完山就帶老公來試試.初時有點選擇困難, 因為很多菜式都想吃, 但兩個人又不可能點太多, 後來看到有個養生健康套餐$238, 全為二人份量, 包括四款菜式, 湯及甜品, 並附有白飯, 完全符合了我們的要求, 就立即點菜.前菜 - 脆香紫豆卷賣相精美, 外脆內軟, 兩層腐皮夾著紫菜捲起, 外層炸至金黃酥脆, 令同為腐皮的內外層有著不同的口感, 再蘸些酸汁, 非常成胃, 為美好的一餐揭開序幕秘製叉燒鬆軟多汁, 口感綿密, 無論外形及味道, 都跟真的叉燒像真道非常高糖醋斑塊斑塊用腐皮捲製而成, 而不是一般的素肉, 醬汁酸酸甜甜, 健康又好味雜菌扒時蔬有冬菇及其他雜菌, 份量也不少粟米豆腐羹跟平時吃到的粟米豆腐羹很不同, 看上去很通透, 口感相當滑溜另外一個湯加$20改為燉湯燉盅很精美, 湯料有竹笙及其他珍菌, 以及百合, 味道香濃豆沙鍋餅非常期待的飯後甜品, 拍過照後急不及待放進口, 仍熱燙燙的, 口感皮脆內軟, 豆沙餡料豐富, 甜度適中這裏的素菜保留著傳統風味之餘, 又帶點創新風格, 很有特色

今日到紅磡黃埔閒逛，路經黃埔美食天地美食坊，被巧饍坊的屏風吸引。由九個方格組成的屏風，每格擺放着一朶玻璃蓮花。踏進店內，佛教的音樂伴以柔和的燈光，令人安靜下來。食物種類非常豐富，有套餐也有單點。我們點選椒鹽黃金脆豆腐作前菜，香煎蘿蔔糕、皇牌素小籠包和豉油王炒腸粉作小食，秘製蜜汁叉燒作頭盆，雪菜肉絲炒年糕做主菜。椒鹽黃金脆豆腐外脆內軟，可是椒鹽味很淡，顏色也太淺色，未能達至金黃色。香煎蘿蔔糕皮脆，蘿蔔味濃，不錯。皇牌素小籠包是最失望的食物，小籠包餡內上湯太少，味道也很淡，似窩貼多啲😂。豉油王炒腸粉只見色而不吃不到豉味，怪怪的。秘製蜜汁叉燒最突出，色香味中，只有香味略遜於燒味店的叉燒，顏色和口感幾可亂真。雪菜肉絲炒年糕的肉絲非常神似肉片。

黃埔美食坊有間健康抵食素食，提供多種素食菜餚。餐廳環境舒適和溫馨，裝潢簡潔而現代化。餐廳內的座位安排得宜，且空間寬敞。先點了粟米豆腐羹。這個碗裝的湯品味道濃郁，口感滑順。粟米的甜味和豆腐的軟嫩相當不錯。我們選了紅燒鴛鴦豆腐，用紅燒醬汁烹調而成。豆腐質地細嫩，口感豐富，搭配著濃郁的紅燒醬汁。另外點了雜菜炒麵。炒麵的味道濃郁，調味適中，各種蔬菜的甜味和麵條的口感完美結合在一起，帶來美味的素食選擇。這裡還有精緻的點心選擇。金箔蝦餃和台式煎鍋貼都是其中的亮點。素金箔蝦餃內餡鮮美。台式煎鍋煎得幾香口。另外茶位$10/位。

是晚與家人晚膳，家人提議食素，便去了黃埔的巧膳坊。素菜燒賣 - 晚餐都可以食點心，還要是即點即蒸，熱騰騰的端上，薄薄的皮包著冬菇、木耳、紅蘿蔔絲、粉絲等，豐富。黑松露豉油王炒麵 - 炒麵乾身夠鑊氣得來沒有過油膩，看似單調但入口滲出黑松露香，有驚喜。梅菜蒸茄子 - 以豆乾及蒟蒻代替扣肉，增添口感，再加上梅菜和醬油蒸，茄子夠腍又入味，惹味之選。啫啫時菜煲 - 時菜用上白菜，在煲中“吱吱”聲，天氣漸涼食最適合。有別一般中式素菜，這裡的較少油少鹹同時保持風味，啱哂追求飲食健康人士。

朋友知道我鍾意食齋， 介紹我去呢間巧膳坊。 店家位於紅磡黃埔天地美食坊 1樓， 裝修採中式宮廷風💖 門口已經有好靚嘅蓮花燈 作點綴， 感覺很清雅🤗 脆香紫豆卷賣相精緻， 店家使用腐皮包裹著紫菜， 之後再油炸。 紫豆卷炸得非常香脆👍 再點上酸汁， 非常開胃😋 千島醬脆皮蘿蔔糕好有驚喜😋😋 炸香咗嘅蘿蔔糕， 加上紫菜肉鬆和千島醬， 成件事好夾好好味👍👍👍 咬落外脆內煙韌， 口感一流😍😍 食到唔停口 梅菜肉燥蒸茄子梅菜配搭茄子呢個組合幾新鮮✨ 甜梅菜炒肉碎再蒸茄子， 出奇地對味😋 甜甜哋嘅梅菜好開胃， 呢度架下飯一流👍 招牌黑松露炒麵鑊氣十足， 黑松露味道很出🥰 如果再加爽脆嘅菜一起炒， 口感會更加好👍 最後再用梅菜肉燥蒸茄子撈炒麵一起吃， 仲可一面兩食😋 巧膳坊真係一個值得再次光顧嘅店舖， 中式齋菜也可創出新配搭✨ 以後奉初一十五又可以多一個食齋嘅好選擇😍

近排可能食左太多肉類啦，真係好想食一食素菜去中和一下😛朋友今日推介呢間有傳統風味嘅素食餐廳。睇到餐牌，我同朋友揀左一D食物:⭐荔芋酥魚(五柳汁)$98- 荔芋🐟一向都係我素食嘅必叫首先，再配上個五柳汁，酸酸甜甜真係好好味😋⭐鴛鴦蒸餃(6件) $38- 一籠有6隻大大嘅蒸餃，一次過可以試曬有兩種口味👍⭐乾炒肉片 $68- 份量非常足夠，炒起嚟好夠鑊氣又夠味，最緊要同可以揀少油，可以食得健康啲!🍮薑汁糕(4件) $38🍌香蕉饅頭(2件) $28- 哩嗰香蕉饅頭最得意，可以好似搣蕉皮咁搣，而且成條香蕉都可以食，真係好用心嘅製作🤩

因大家都想吃素食野，今晚同朋友選了這間位於黄埔的素食店晚餐，少去這區吃，入到餐廳，裝修好有宮廷風格舒適感，座位寬倘，看了一會餐牌叫了秘制士多啤梨生炒骨  有特色，平時生炒骨只得酸酸甜甜，這個加了士多啤梨汁一起炒，有濃酸酸甜甜味，也有濃香士多啤梨味，肉身脆口嫩滑，口感特別荔芋酥魚  造成魚型狀的，咬一啖入口皮身特別鬆化，香芋軟軟綿綿融在口中，好有嘴嚼感，芋酥再點上配汁，濃郁香芋香味，也有酸甜味，芋味又有另一種香味乾炒肉片河 (少咸，少油)  河粉幼滑，粉身不油，炒得好乾爽，彈口嫩滑，清淡肉片香味，另一番口感麥米正斗糕  (4件)  少見，糕身用麥米，雜豆同馬蹄粉等材料造成的，入口好有層次感，煙煙韌韌，麥米同雜豆味好香，味道有特色

放工同朋友食個便飯，去左黃埔美食坊內的巧饍坊食下素菜。大約八點左右去到，以外地少人，可能因為過左晚飯時段啦。店員好快送上茶，可選普洱或香片，我地揀左前者。之後又送上qr code，個介面好多選擇喎，晚市都有點心食😍🥢辣子猴頭菇朋友揀嘅小菜，哈哈，望落好多辣椒，但其實唔辣㗎。猴頭菇切粒再炸，炸得香酥唔油膩，口感不錯，正😍🥢亞麻籽燕麥叉燒包呢個有驚喜！叉燒包包身鬆軟唔立口，亞麻籽增加口感，素叉燒香口唔過甜，比真叉燒包更好食，推介👍🥢素菜燒賣餡料有木耳絲、紅蘿蔔絲、粉絲等，咬落軟綿綿但木耳有脆脆嘅口感，好食😋🥢鴛鴦蒸餃餡料同燒賣差不多，但多了椰菜，食落有少少辛味，感覺似有薑，綠色的餃子更多了點菠菜味，雙色餃子都唔錯。🥢小籠包小籠包不似預期😅餡料雖然同燒賣/餃子類似，但呢樣較乾身，香味欠奉，較推介其他點心了。飲個夜茶嚐下素點心確實唔錯，值得再訪😌

今日同朋友都想食齋，於是嚟到黃埔嘅素食餐廳 巧饍坊，店內環境寬敞，設有圓枱同長枱座位，食物款式眾多，而且價格親民，下次想食素嘅可以再嚟呀！✨秘製士多啤梨生炒骨由腐皮同蓮藕捲成嘅生炒骨，外皮炸得香脆，加上醬汁酸酸甜甜，送飯就啱晒啦～✨滷水素鵝片素鵝片外皮酥脆，餡料味道香濃，滷得好入味 🤤✨荔芋酥魚 🐟傳統齋菜芋頭魚外層酥脆，入面啖啖都係綿密芋泥，配上酸甜醬汁，香濃滋味。✨麥米正斗糕以麥米、雜豆同馬蹄粉等材料整嘅麥米正斗糕好煙韌，而且咬落仲彈牙！💓✨素菜燒賣燒賣皮薄，材料豐富，分別有木耳、冬菇、粉絲等等，同平時嘅燒賣一樣，口感豐富。

奶奶初一十五都食素，今日一齊食晚飯，揀咗嚟呢度試吓食素。呢度嘅素菜都幾多選擇，雖然是素菜，d菜名都幾吸引。士多啤梨骨$118好香士多啤梨香甜味，外貌唔錯，色水吸引，脆腐皮包住爽口蓮藕，好有口感，幾好味。紅燒鴛鴦豆腐$78落足料，夠哂我地食之餘，d豆腐香滑，始終豆腐係食素必食的菜式。乾炒叉燒河叉燒無論外貌同埋味道都與真嘅叉燒有幾分神似，河粉薄滑，炒得幾乾身，充滿豉油香氣，好鑊氣。總括而言，呢度的素菜係傳統的中菜菜式，款式多，點心，炒飯麵，小菜全部都有，而且味道唔錯。

初一十五，都會跟媽咪食齋，我們在尖沙咀佐敦已食過很多間喇！所以來到黃埔試試，幸好午餐時間還有一張二人枱，今天齋期，通常都很多人，收費又貴一點，媽咪都只要羅漢齋，炒麵又好、炒飯、伊麵都好，任何配搭，今次點個兩面黃，脆脆地，最底汁浸住麵又變林了。另點了個小炒，淮山、秋葵、雲耳、榆耳等，榆耳是很少出現的，比較貴？所以只有幾件，味道清淡簡單，齋菜就是要這樣，最後的薑汁糕好煙韌，可形容好有彈性，不會太甜，可以再薑多啲。我們坐下，又見逐步有人入嚟，都坐滿了，食齋的主要都是長者跟長者，但近年出現很多新型素食店，吸引年輕的客人，這店介乎傳統與新型之間，但點菜用QR code，長者怎會用啊。而且系統好似未完善，菜單上的，電話又找不到，我們都是叫侍應來寫單算了。

今日放假想食素，去了黃埔"巧饍坊"試下，到了門口見到好多盞蓮花燈，感覺好寧靜舒服，餐牌款式有好多，有套餐，有散叫，仲有點心同小菜，真係花多眼亂，餐廳係用 QR code 落單，自己仲可以選擇減少油，少鹽，少糖非常健康。今次叫了六款食物，有淮山紫米粽，蒸薺菜包，鳳梨生炒骨， 千島醬脆皮蘿蔔糕，素燒賣及豉油皇炒腸粉淮山紫米粽糉夠實淨，好多紫米同淮山，仲有粟子粒，營養豐富豉油皇炒腸粉份量都大碟，腸粉食落煙韌，唔會太咸鑊氣夠，加埋芽菜，芹菜同芝麻，味道唔錯蒸薺菜包包好軟熟，中間滿滿薺菜同木耳，口感豐富，味道清新千島醬脆皮蘿蔔糕熱辣辣嘅蘿蔔糕外脆內軟，面層放滿素肉鬆同芝麻，加埋千島醬汁真係好夾鳳梨生炒骨生炒骨外層係腐皮，一層層腐皮包住中間蓮藕捲成，層次感唔錯，配埋青椒，紅椒，黃椒色彩繽紛，食落酸酸甜甜好開胃，口感好似食緊真排骨素燒賣燒賣皮好薄，餡料豐富，有木耳，粉絲，香菇同紅蘿蔔，食落好有口感

去黃埔美食坊 因為就腳 心情唔平靜 所以要食清淡我不是無肉不歡， 一碟菜煮得好味 發揮食材的最佳味道就是極致了。 無需一定要配搭肉三杯猴頭菇 麻油 醬油 酒 的調味足 加上九層塔增加香氣猴頭菇炸完 更硬和乾身 一絲絲纖維更有口感還有黑木耳索汁xo醬炒腸粉 夠香辣 腸粉結實 份量足有預先煎香比酒樓不合理貴的點心 和油淋淋 做得更有誠意 通菜炒得好有鑊氣 仲可以選低油低鹽欖菜肉鬆 炒飯粒粒分明 素肉鬆脆脆的鹹香味突出 三色豆 只要煮得好 一樣好好味。 最後叫了一個麥米糕 我最鍾意呢d 粗糧 雜糧的甜點 貪有嘢可以咬 以為只係麥米 原來都有糖水住過的雜豆係中間麥米硬 豆豆軟外面用馬蹄粉漿包住 成個糕熱上 攤凍後好煙韌  餐廳入面有個小佛壇 好平靜 員工大家都好平靜 大家對答好舒服大家食野又不需要 狼吞虎嚥 平靜的享受食物

一直認為出色的素食店是價錢很貴，直到近來媽咪帶我來這間素食店，才發現黃埔都有好吃價錢又便宜的中式素食餐廳。下午6:00剛開門沒有什麼人，用QR code落單很方便，而且可以選擇少油少鹽，適合健康素食者！【健康養生燉湯】今晚的燉湯有茶樹菇和竹笙等配料，最喜歡這碗湯清淡得來又有菇的香味和細碎配料增加口感，而且份量亦都很多夠兩個人喝。【三杯猴頭菇】是我吃過最好吃的素食中菜，本身猴頭菇作為肉類並不新奇，但是這款菜式一吃下去便有很重的鑊氣，又不會過分油膩，無論是香冬菇和猴頭菇都是色香味俱全，真是十分難得！【黑椒汁脆麵】炸得香脆的麵條形成一個薄脆麵餅，配上簡單實而不華的黑椒汁，味道剛剛好，重點都是麵餅不油膩，吃的時候不會滿口油的感覺。【小籠包】味道就有點似香菇素餃，湯汁不多，餡料較為乾身，和實際的小籠包出入頗大，幸好調味適中。可是和餐廳的其他小菜就比下去了。