巧饍坊(素食)

營業中

休息中

香港係一個好好嘅城市！只要你諗到想食邊一個國家嘅美食，一上網就可以搵到！好容易就品嚐到！香港人大多數😅大魚大肉！所以每個月都差唔多最少食四日齋菜！而家食素菜都其實好豐富好美味！這間齋菜館環境古色古香！食物質素幾可亂真！美味！🥢🥢巧饍坊🥢🥢（素食)📍紅磡黃埔天地美食坊第八期一樓106至107號舖餐前小食冷盤青瓜雲耳！凍凍地酸酸甜甜非常開胃！老火湯合掌瓜湯！估唔到都咁鮮甜⋯⋯點心鴛鴦蒸餃餃皮非常煙靭，配以香醋非常美味！鳳梨生炒骨生炒骨用腐皮捲起，外層炸🉐️非常香脆，裏面再加咗蓮藕片增加口感！加上酸甜醬汁非常惹味！秘製叉燒秘製叉燒和真的叉燒幾乎一樣味道！口感軟綿！叉燒醬汁做得非常完美！欖菜肉鬆四季豆欖菜加上素肉鬆幾乎做到以為係食真的肉碎⋯⋯香濃美味😋送飯一流⋯⋯甜品木瓜雪耳糖水啱晒而家嘅天氣非常乾燥！非常滋潤！餐廳地方寬闊！價廉物美！

而家好多人都出嚟行街，四圍都好多人！所以我哋唔想同人迫，就去左黃埔覓食+行街😃雖然黃埔都唔少人，但起碼唔駛同人迫👍🏻原來黃埔有間素食店，平時我哋經常食肉為主～～成日見人介紹話而家嘅素食同真肉好似，就決定今晚食齋好多港式小炒演變成素菜小炒🤩「秘製士多啤梨生炒骨」酸味比較突出，食第一下有少少嗆喉~~然後慢慢就會再滲出甜味，其實呢道菜係好開胃，而生炒骨嘅真身就係腐皮包住蓮藕條❤️酸甜汁無整淋到腐皮卷，食落仍然非常脆口😋「酸菜魚」呢度嘅酸菜魚用左鮑魚菇代替魚塊😍仲有好多配料：薯粉、榆耳、芽菜、萵荀，呢個酸菜魚特別低卡路里，可以放肆地食❤️味道酸辣咸好分明，辣味亦特別突出，鍾意食辣的一定會愛上😋「香煎蘿蔔糕」蘿蔔糕口感非常細滑，比平時嘅蘿蔔糕滑好多，而且加入雲耳取代臘肉，好鍾意雲耳呢個口感❤️不過如果可以再多啲蘿蔔會更perfect😆「啫啫通菜煲」通菜係而家嘅時令菜‼️呢個啫啫嘅味道好有五香肉丁嘅感覺😍非常惹味👍🏻「麥米糕」口感非常Q彈煙韌😋岩哂我呢個煙韌控‼️有紅豆、薏米、馬蹄，令成件事好豐富❤️

其實食素一啲都唔悶㗎屋企人每逢初一十五都會食齋🥬🌽🥕岩岩個十五就帶左佢哋去呢間有傳統氣息，而又坐得舒服嘅素食店呢度嘅齋菜款式好多，又有特色而家一想食齋，我一定第一時間諗起呢間「酸菜魚」呢個酸菜魚嘅材料主要有萵荀、鮑魚菇、榆耳、芽菜、薯粉‼️個酸菜湯勁好味，好有辣勁🌶酸酸辣辣非常惹味而個湯一啲都唔油膩～～以上嘅材料全部都好吸湯，所以令我哋都係咁追住嚟食⭐️榆耳勁好食luv luv‼️「秘製士多啤梨生炒骨」呢個其實係腐皮+蓮藕❤️食落會有啲脆口感味道酸酸甜甜好開胃，岩哂送飯‼️「避風塘魚蝦蟹」傳統避風塘係會炸大量蒜蓉，令味道更香更出！不過蒜蒜卻係素菜館嘅禁忌～～但呢道避風塘魚蝦蟹嘅味道完全做到9成相似魚蝦蟹其實就係用左冬菇、茄子、素蝦‼️「啫啫通菜煲」「木瓜雪耳糖水」而家秋風起，最岩食返啲滋潤嘅糖水🤩盛載住糖水嘅器皿好靚呀❤️糖水味道非常清潤，唔會過甜，木瓜&雪耳都好足料，一啲都唔吝嗇😋

.😎成日去黃埔蔡瀾美食坊！第一次去巧饍坊(素食) 試下，估唔到素食都咁好食😋懶得諗食咩，點呢個二人富貴套餐估唔到都幾好食，超推介‼️🤣以下係詳細嘅食評..▫️二人富貴套餐$368⭐️ 強烈推介⭐️▫️精美點心(素)鴛鴦餃鴛鴦餃素菜餡料，餃皮唔會勁厚，餡料有木耳、粉絲、蘿蔔絲，健康！味道清淡！▫️精美餐前小食(素)青瓜涼拌雲耳酸酸甜甜既涼拌小食，青瓜又爽脆多汁，夠晒開胃呀！▫️鮑參翅肚羹(素)賣相好靚鮑參翅肚羹，口感香滑，有d似碗仔翅咁，但味道唔會太味精，好飲！▫️宮保雞丁(素)3款小菜都好好食，呢款都唔例外，素食既宮保雞丁，其他係西芹炒豆干，但味道好香口，豆干味又濃郁！▫️鳳梨生炒骨(素)又係好好食既素，味道甜甜酸酸，生炒骨其實係炸千層腐皮卷，又炸口又惹味，沾滿醬汁，送飯真係一流！▫️欖菜肉鬆四季豆(素)同樣都係好好食既欖菜肉鬆四季豆，估唔到素食口感都咁豐富，四季豆爽脆口感，欖菜味道好夾，咸咸香香又易送飯！超讚▫️絲苗白飯套餐包兩碗白飯！份量勁多～▫️敬送是日甜品蕃薯糖水—蕃薯糖水夠晒薑味，味道清甜，唔錯！

一星期食一次素，清清腸胃，上到一樓見到幾間餐飯，喱間素食餐廳中式裝潢，燈光明亮，感覺坐得舒服。茶位$5/位，叫咗經典素菜-荔芋酥魚，外層一咬酥脆香口，內裏的芋泥綿綿，再以甜酸汁搭食，非常搭配。鮑參翅肚羹$38/一碗 ，用了黑木耳和金菇做材料，再加入紅醋。啫啫時菜煲，可揀通菜，生菜，白菜仔，配料有打碎豆腐干和茶樹菇，鹹香味會比較濃。乳香肉鬆炒蓮藕片，份量多，配飯食一流，蓮藕片非常爽口。下次叫多啲人食可以試下個六人套餐。

食素的朋友約我來這間位於紅磡黃埔的素食店共進午餐。店內有不同蓮花座的飾品。店內盡處有一佛壇位置，可供善信入內禮佛。價格相宜。❣️ 皇牌素小籠包 $38外皮薄，裹着以素豬肉、菇菌和蔬菜做成餡料的素小籠包。素小籠包內充滿鮮味湯汁，味道和口感堪比得上真豬肉餡，怪不得稱為皇牌素小籠包。❣️ 椒鹽黃金脆豆腐 $58豆腐粒炸得外脆內嫩，呈現金黃色。脆薄的外層，但豆腐又不容易鬆散，粒粒均勻，烹調得宜，不油不膩。灑上椒鹽增添鹹香味道。❣️ 潮式煎蠔仔餅 $78蠔仔餅香氣撲鼻，蛋味濃郁，酥脆可口。以菇代替蠔仔，味道和口感均令我感到尤如在吃潮式煎蠔仔餅，像真度極高。❣️ 荔芋素鴨煲 $88芋頭芋味濃郁，粉糯香滑。以腐皮為素鴨，腐皮層次分明， 清爽帶嚼勁，油潤不膩，鹹中帶有荔芋的清甜味道。

今午舊同事約我去紅磡巧饍坊食齋，門前放上一座櫃擺設了九盞電子蓮花燈，典雅造型很吸睛，增添美感，坐下才察覺每一枱也放置一盞電子蓮花燈，燈的光不斷慢慢從紅色和綠色變動，很和諧丶很舒服。舊同事來了聊多幾句才得悉她是愛素之人，我是門外漢就讓她發板罷！她先點了一鍋鮑參翅肚羹～材料有素魚翅丶 金菇絲丶雲耳絲丶竹筍絲丶冬菇絲丶竹笙絲等滙在一起，美味又滋潤。然後選了羅漢上素齋～放上一些蘑菇類丶雲耳丶粟米仔丶菜心等，味道清香可口，吃不出有南乳味。涼瓜枝竹肉片河～苦瓜味道濃郁丶枝竹及河粉軟滑，齋肉片爽口彈牙；薺菜包～ 是江蘇省淮陽地區的特色傳統風味小吃， 含有豐富的蛋白質丶胡蘿蔔素人維他命C等，味道清淡，老少咸宜。朋友說得對，今時今日食得太多肉類，要身體健康就多菜少肉，間中食齋亦是一個好選擇，怪不得素食開始蓬勃啦！

今日加班走時已是七點幾，好攰唔想煮飯，所以喺公司附近搵食，之前有朋友介紹過呢間素菜店好好食，於是就和同事去試吓！要了一個兩人套餐～非常抵食跟餐還送了兩個例湯，飲第一啖，清甜得嚟唔寡，完全唔似齋湯，好好味！碗中湯渣不多，但湯料琳瑯滿目，有多種豆類、甘荀、蓮藕，仲有大粒花生，原來甜得有道理！餐前小食雲耳伴青瓜～青瓜非常爽脆，調味不會過分，食到材料原來嘅鮮甜味，少少辣，很惹味！菠蘿咕嚕肉～第一次食用腐皮卷捲嘅咕嚕肉，撇開菜名，件腐皮卷相當好食，外皮炸得脆脆的，中間腐皮香軟，還有一塊蓮藕，就像排骨中的脆軟骨，好特別！甜酸汁較得好好味，不太酸又唔太甜，咕嚕肉咸咸地，點些少汁同食，味道層次當堂提升了不少，一開始食就停不了！秘製蜜汁叉燒～果然係佢哋嘅招牌菜，好似冇乜特別，咬落去竟然外皮脆內軟，加上搽咗秘製醬汁，真係好食到停唔到口！欖菜肉鬆四季豆～四季豆先走油，再加上欖菜素肉鬆快炒，所以特別爽脆，味道鹹香適中，簡直係絕配！招牌小籠包～第一次食素嘅小籠包，皮薄餡料多，有齋肉、雞髀菇、甘筍雪耳、冬菇等大量材料，再點些薑絲香醋同食，味道層次昇華好多！鴛鴦餃～兩隻菠菜皮、兩隻原味皮，芹菜、高麗菜、香菇、麵筋仲

平時番工同放工出面食飯都好肥膩又多肉，所以轉一轉口味食素，清清腸胃。今日行完呢邊Donki就同朋友仔黎食呢間素食巧饍坊。餐廳裝潢中式佈置，環境寬敞舒適。 以家庭消費群及團體為主。以手機QR Code點餐系統，方便又易用。養生健康套餐🥬足料老火湯齋湯暖胃又甘甜🥬手拍青瓜伴爽耳切碎青瓜同木耳食落清爽開胃。🥬鴛鴦蒸餃🥬欖菜肉鬆四季豆肉鬆味道做到真既一樣，好味兼送飯一流。🥬秘制叉燒叉燒汁很惹味，比起真叉燒更加健康。 口感更柔軟。🥬鳳梨生炒骨熱辣辣上碟，酸甜適中，香脆，比較偏甜一點。 🥬蕃薯糖水潤喉又清甜，ok喇！😋總結:呢個套餐CP值高，計埋茶介同加一，埋單唔過$300。 可以一嚐!👍

今日約咗朋友食飯，因為佢係食素嘅，所以同佢去咗黃埔巧饍芳食飯，呢間素食酒家係老字號詠藜園開的，大堂正中的玉石觀音像，配合悠揚的佛歌，令人忘卻煩憂，心情舒暢。粟米豆腐羮，味道清香，豆腐嫩滑，粟米香甜。椒鹽鮮魷，做得好似真鮮魷魚，外層薄薄的炸粉香脆可口，比真魷魚還爽口，灑上椒鹽好惹味，點些喼汁更可提升味道。乾炒叉燒河，河粉炒得好有鑊氣，叉燒的仿真度及味道和真叉燒很相近，味道獨特不油不膩。鴛鴦炒飯,一次過可以食到兩種不同味道的炒飯，橙色一邊係用蕃茄芡汁，加入蕃茄和素肉，味道酸酸甜甜好開胃，另一邊係玻璃芡汁，加入素蝦和菜粒，味道比較清淡。

呢排食得肉比較多，今日就跟媽咪去到位於黃埔美食坊這間「巧饍坊」食餐素食，門外裝修帶有古色古香風味，餐廳入邊裝修得好靚好優雅。餐牌上有很多套餐及散點好多選擇👍秘製士多啤梨生炒骨這個菜式基本上每一枱都會見到必點的，賣相色香味俱全，生炒骨主要材料是腐竹及蓮藕，每一件都炸得好香脆，加入了蓮藕口感層次豐富，醬汁酸酸甜甜好開胃再加入士多啤梨粒，味道好新鮮。啫啫通菜煲上枱時熱辣辣香噴噴，平時食開會加入豬肉碎，因為呢個係素食所以加入了豆腐干及茶樹菇，鹹香味比較濃郁，加入通菜一齊食，味道一流😋羅漢齋炒麵材料豐富有黑木耳、白木耳、炸枝竹、冬菇及白菜等，炒得好有鑊氣，麵亦都好幼細，每一條都掛上醬汁，可以加入少量豆瓣醬一齊食更加美味。鮑參翅肚羮用了黑木耳和金菇做材料，味道同口感同平時酒樓食嘅鮑參翅羮一樣，再加入少少紅醋味道更加提升。

今晚在黃埔辦完事，和太太在附近吃晚飯，發現這家巧饍坊素食好像不錯，就來試試水準。餐廳位於黃埔天地美食坊1樓，裝潢摩登，環境乾淨企理，座位寬敞舒適。餐廳提供各式各樣的中式素菜，小食、湯羹、小炒、飯麵，更有多款點心。椒鹽黃金脆豆腐 $58先點一客小食椒鹽黃金脆豆腐，看似平凡的炸豆腐，一入口卻令人驚喜萬分，裹住豆腐的一層脆皮雖薄卻脆，鬆化香口，入口不油不膩，豆腐件件口感外脆內軟，恰到好處，椒鹽味道香口，十分惹味。酸辣豆腐羹 $32酸辣豆腐羹加入大量豆腐絲以及木耳絲，濃稠程度適中，一呷夠辣與恰到好處的酸香，同時刺激著舌尖，十分過癮。秘製咕嚕猴頭菇 $98以猴頭菇代替豬肉的這道菜，醬汁酸、甜、鹹味平衡，味道融和，而且稀稠寬緊合度，炸漿厚薄得宜，入口咬嚼有外層焦香酥脆而內裡嫩滑的滋味，而猴頭菇細嚼之下引發獨有的鮮菇香氣。荔芋酥魚 $78一道十分經典的素菜，荔芋酥魚外層一咬酥脆香口，而內裡的芋泥則綿密柔膩，配以特製的甜酸汁，口味清新可喜。奶皇流沙包 $32流沙包外皮蒸熟後軟滑剛好有嚼勁，而餡料蛋黃鹹香味濃又不失奶黃的香甜，非一般工場式點心可相比。

之前約過朋友食兩次，在地鐵沿線好方便。中午嘅套餐非常抵食，來到晚市，原來都有，而且仲有點心。枱上有一盞蓮花燈，浪漫又溫馨又定神。散叫了秘製咕嚕猴頭菇，不得了，咬感軟熟好有肉感，功夫到家認真一流，難怪咁多人推薦沒有點錯。京式烤填鴨，配上甘筍絲，較健康，仲有類似油炸鬼嘅硬脆，口感不錯。為素食者帶來回味無窮。川式酸辣粉，有新豬肉碎，水晶粉，湯底辣辣地，味道仿真度高. 素食中菜各式其式，巧手天工。與朋友傾偈耐了都唔會被趕走。唯一覺得佢嘅餐牌就比較簡陋，雖然素食者都不太講究，要為了吸引更多非素食者來，我覺得花多一點心思亦無妨。

感覺好耐都冇食素食今日收工之後特登嚟黃埔試一試呢間素食餐廳🥳一入去就覺得環境好靚、好優雅感覺到店主係精心設計地方亦都好闊落😍坐得好舒服店舖菜式選擇好多好多款菜都想試🤣最後揀咗幾道我同朋友都好想食嘅菜🥰.💎$88 招牌黑松露炒麵不愧係招牌菜式😆炒麵有好香嘅黑松露味好香口每一啖麵都有鑊氣配埋夾喺麵中間嘅蘿蔔絲同埋炒麵上面嘅白芝麻一齊食好夾🥳絕對係真材實料.💎$88 金湯賽螃蟹好少見到素食餐廳有賽螃蟹味道好出眾😎蛋白伴住醬汁😍撈埋一齊食好正味道唔會過龍🥳調味啱啱好可以當一道湯羹😇或者一碟餸菜食都得.💎$98 秘製咕嚕猴頭菇酸酸甜甜嘅咕嚕猴頭菇炸香咗嘅猴頭菇外皮好鬆脆入面就好有菇嘅鮮味💖鮮味鎖實咗喺香脆嘅外皮入面🤩再配住酸甜嘅醬汁好開胃好好味～.💎$5/位 茶芥茶芥錢呢個價錢實在係超抵🤩我哋叫咗香片同朋友一路飲住茶一路傾偈一路食咁高質嘅素菜好寫意～

最近成日都出街食， 比較少食菜，  所以今日決定食得健康啲去食素！ 下午茶時段見巧膳坊嘅素食幾吸引， 餐廳啲佈置好有中式嘅風格！ 午市套餐$188 餐前小食係青瓜給雲耳， 酸酸地幾開胃蓮藕湯好足料夠濃味點心係素餃，有四件 ，餃皮唔會太厚皮薄餡靚， 不太濃味入面嘅素菜好豐富！ 小菜可選3款 士多啤梨生炒骨 因為係套餐所以份量比單叫嘅細啲， 但係都有六大件！ 外面好香脆內裏係用了腐竹及蓮藕拉絲， 所以食落去嘅感覺就好似排骨， 好有咬口👍🏻蜜椒薯仔牛柳 賣相跟一般嘅薯仔牛柳一模一樣，  就算唔食牛都可以食呢個數牛柳， 黑椒味好濃沃， 薯仔同牛柳粒都好夾， 素牛柳唔會好實夠淋林賣相好精緻！濃湯珍菌粉絲浸菜苗 ， 有粉絲白菜仔及菇， 落了榨菜所以唔會覺得缺少蒜蓉味，令菜苗都好香甜！ 配絲苗白飯 番薯糖水 番薯好粉😋, 糖水甜甜地非常潤喉, 係贈送的！ 所以唔好以為食齋就好乏味， 食齋都可以食出多重口味又創新！