巴西燒烤餐廳 (已結業)

昨晚又黎食9：30，竟然好多人，要等。食物方面選擇一般。最好味係沙律同即炒的意粉，即整的pancake亦好味足料。燒烤食物選擇都ok，不過有些燒得唔熟。甜品嘛，cake 還是唔得。除了一款咖啡味蛋糕。其他的，mousse 無味，cake唔香。

我從來係openrice都唔會寫野因為我唔係好識打中文...但係星期六晚係呢間甘既不知所謂既餐\廳我都忍唔住今日即刻開account!!!!星期六睇完concert, 去到呢間野已經係11 點2,個經理0係我地入去既時候已經同我講左可以食到12 點半(消夜時段)我諗正常都有d野食掛...點知....!!!出到去buffer bar,簡直不堪想像!!!!每一樣野都好似比人食剩甘, 每碟都係涷既, 得番尾甘, 味道已經唔想講, 款式...唉!!!!呢間野會有個waiter, 拿住d燒烤肉即刻切比d客食, 但係佢\地只係會servr 甘一個coner既客人, 我地叫左waiter,經埋幾次都係\"哦...等等\"緊住就算數...最后, 佢\可能時運高!!! 見到我地, 甘佢\都行左個黎, 佢\即刻切左d右涷, 右硬既燒烤肉(拿去拜神都好似唔係幾好個d)我地問佢\仲有冇其他野食, 呢個waiter好老實同我地講唔會再有新野食(個陣之不過係11 點半), 不過佢\都好nice甘講同我地入房睇下仲有mug食啦(唉...個feel好似好可憐甘)等左一陣...佢\都比左兩三次野食我地...不過都係右涷

果個長髮女經理十分無禮貌---差差差差差------講野好寸,成晚餐廳野食又小,來來去去成晚都剩係得d瓜瓜菜菜、雞、炒飯、燒烤果d來來去去只有雞翼、雞鎚、腸仔、成晚燒牛扒出個一次、燒金沙骨都係一次,芝士蛋糕一d味都無,果日班cake度個位無人返工,咁就無得食,唔好以搵另外樓面d廚師整都得丫嗎?有冇攪錯呀~離晒譜,哇----要成百元架,妳估唔駛錢架~剩係得d咁既野食,最寸就係果個嗅女人長髮女經理,一d禮貌都冇,講野好寸,重呼呼偈偈,咁既餐廳----下次都米攪我喇---十分差--食唔個.

食物OK，其他服務員OK。我只講一個矮矮瘦瘦的年青少女服務員。就係2007年6月4日晚上8時許\我與4位朋友進入巴西燒烤。我想出去拿食物，個女服務員就同我對住行又唔讓路，擾攘左兩秒，我就\"嘖\"左一聲，因為我自己本身有做過飲食業，就算忙到甩碌我都會行埋一邊讓個客行先，佢\無不特只，聽到我\"嘖\"左聲，仲大大聲鬧我\"收嗲啦！\"。呢樣可能我都有不對，我就算數，不過都幾唔愉快。不過之後，有2位客人入左黎(後來多左1位)，話要坐張6人台，個女仔就話\"呢張6人台黎架wo！\"但始終客人都坐低左，我都明白有客人係要坐多人台係幾激氣，但佢\轉個頭又大大聲話\"無奈！\"就算你不滿你都唔好咁大聲，要不滿你就唔好做。到第日我本想找返巴西燒烤的電話打去投訴，在網上一找之下，發現此餐\廳的經理多數會跟員工蛇鼠一窩，唯有放棄此念，在此勸告大家。

1. 呢間野真係唔抵食, d燒烤種類少, 有唔係特別好味, 有d似煎多過烤2. 仲有waiter切烤肉既時候會血花四濺! 濺落你件衫, 濺埋落你杯果汁先生!3. waiter個個好頹咁既樣4. 非燒烤類的食物質素差, 雞扒皮勁厚, tiramisu冇味5. 食物容易滯, 搞到食得好少, 番唔到本.

要讚一下這間鋪的服務．服務態度好．水平高．而且都很有禮貌．這裡很多肉食．．因為多到已經記不得食過了那幾種．但記得的只是：還蠻不錯的．甜點也很好食．不像有些高級的酒店．中看不中食的．米粉，金邊粉是即叫即煮的．東陰公湯底她們都說很開胃很好食．煮的那個人也很有禮貌．．．因為我很麻煩只叫他幫我煮半碗．總括來說．很不錯．．．．．有機會還會再去^^

其實好耐之前都有幫襯過, 但由於香港太好多野食, 所以兩年後先再幫襯過。今日係星期四, 如常同男朋友出黎食飯, 又係第一個客人入去, 當時冇人, 出面counter 野食都好似未放哂, 不過d waiters都好識do, 見我地黎左, 就係咁拎d野出黎。今晚主要有以下既野食(食物counter):1. 三文魚刺身& 壽司: 算幾好食, 仲有d 肥肥地既部份可以揀, 因為我同bf 較鐘意食腩位。2. 沙律8 款, 都係同一個tone 的沙律.... 都唔算難食既~~ 冇咩特別囉!3. 熱盤有焗蠔--> 因我只食到新鮮生蠔, 其他整法我唔係咁buy, 所以我只係食左一隻, 味道ok喎! 起碼我食得落先啦!!! 其他都係d 雞排、豬排、炒菜、炒飯、炒面, 除了菜之外, 其他野都冇試過, 望埋去個樣唔係難食, 而係覺得太飽, 唔想食咁多肉。4. dessert有ice-cream, 係四款維記(包括芝麻、芒果、朱古力、薄荷醉朱古力);cake就有cheese cake、mouse cake, 因個cake 既樣望埋佢唔方好食, 都係果d 一點texture都冇既cake, 所以一舊都冇

The food is ok. Price is cheap. Environment is so so. Service is minimum.

3月11日(星期日), 我跟7位朋友又來吃自助餐, 食物都是一般, 但現在沒有了雞全翼, 祇有雞中翼, 而且亦非常細隻, 不過好好味, 同埋黑芝麻雪糕一定要食! 唔知點解當日沒有人造pancake 呢? 我同意食家麥姬嘅意見, waiter 比較散慢, 連穿西裝嘅經理亦沒有禮貌!

前天到這慶祝....可能因為星期一人較少(8:00)，所以都幾舒服...食物...BBQ的就不錯...但自助餐的就麻麻...甜品不好吃....沒有什麼特別東西選擇，所以不住吃菜.(有點傻仔，吃自助餐竟然吃菜，哈哈)...最喜歡就是BBQ的粟米，豬仔脾都唔錯...羊都ok...綠茶雪糕都幾好味...當晚有3個負責傳出BBQ食物的waiters...一個很好笑容，非常好..一個沒有表情..一個一臉嬲樣，而且當客人無到...經過3張檯才說一次"燒雞翼"...直行直過，客要order時，他又聽不到..要客自己追去....真是太差！客人每次吃完碟上的東西，要換碟再戰..也有點麻煩，因為這裡是由waiter來幫你更換...但這裡的waiter比較散慢，每次也要我們舉手才留意到...所以也很麻煩。非常欣賞2個彈結他唱歌的performer...彈得很輕快，唱也唱得不錯...非常欣賞他們。因為他們...所以整個飯局更有情調和味道...這是我最喜歡的部份....

$98加一可以食到捧腹而回,真係值回票價而且食物貴素絕不差,氣氛也好好可能是平日所以無乜人...但絕對不代表他們的食物不好剛好他們新出了一款即叫即煮米線/檬粉,有沙爹,冬陰公等等湯底...正!

好耐無來過，今次再來都是因為這店子食物的豐富和出色的燒烤。食物依然保持水準，燒烤如燒牛仔肉、燒雞翼、翠肉瓜、雞比菇、金沙骨等等都很好，外面其他自助食物種類仍然很多，椒鹽蝦、蓮藕片是推介，雪糕有芝麻、杏仁等四種。但最奇怪的是那天我跟家人來是星期日晚，不知為甚麼居然只坐三四成滿，是不是尖沙咀太多晚飯選擇了？但這間餐廳有待改善是衛生情況，不是說食物，而是整個環境，地毯都像不大乾淨，有點黏黏的感覺，廁所更要用恐怖來形容，有關方面希望能注意改善一下。

之前去食過，覺得幾好，最喜歡燒菠羅，羊扒，粟米等蔬菜，但最近2次就十分之差，上次係尖沙咀另一間分店食，d野已經無咁好食，仲要趕人走(因為夠2個鐘，但啤酒小姐在最後5分鐘才送上啤酒，姐姐，你杯酒咁遲黎，比人飲埋先都得掛?有唔係無位)今次仲衰，燒烤少左不特止，價錢又貴左(因為係23號，既然你收得貴左，唔該比番多d野我地食啦)中間d魚生又唔新鮮，食左2件夜晚番屋企就有少少肚痛，好彩唔嚴重。燒烤又差唔多無晒d蔬菜，得番燒菠羅，羊扒又無，來來去去得d燒腸呀，雞翼呀，最多都係燒羊仔肶，燒腎又硬到咬唔開，最離譜係食左個半鐘倒佢地竟然要我埋左單先，佢地係咪驚我無錢比?定係佢地埋張單要成半個鐘?倒不如叫佢地學大家樂比錢買左飛先有得食丫。奉勸大家唔好去呢度食。

岩岩先去完，感覺上唔差好既係D野食都OK，D男侍應幾有禮貌，次次講野都加句請問，主動拎野問你要唔要差既係開頭有個女侍應，講野好似有D唔耐煩，不過都唔係太大問題，大問題係食物少選擇，無咩野飲其他人講得咁差，可能唔好彩la

黎過喱間食lunch, 奇怪咁抵食都坐唔滿3份1??重係sunday? 因為超級便宜, 所以要求不會很高, 食物都ok, 串燒算新鮮及不停供應, 真係好抵食, 串燒哥哥戴口罩合衞生, 但service真係要改善吓, waiter & waitress都非常冇禮貎, 叫幾次才有反應, 重黑口黑面好唔願意采你, 著黑衫高級個d 重差, 唔怪得下屬個個有樣學樣....兩個人想坐卡位又唔俾, 4人卡位窄都根本4個人坐係好迫好唔舒服既, 2人坐係啱啱好, book位時要求卡位, 冇人都唔俾你坐, 你可以想像吓d service???和朋友慶祝生日食Dinner, 我地6個人佢俾兩張2人枱係頭同尾再加一個位, 已經預先book 左, 要求俾多張枱坐鬆d, 也遭拒絕, 最嬲唔full 但係都唔俾你坐得舒服d??以$98 有生蠔、三文魚剌生、串燒、冷盤、熱葷、即煮天使面....咁多食品確係好抵, 但係都唔full, 完全有賴佢地既超級勁差service.....黎光顧要預埋受氣噃!!