幕多

營業中

休息中

見咁多youtuber 介紹今日出開嚟尖沙咀特登行十分鐘過去試今日嘅是日精選係蟶子同桂花蚌個蝦湯麵好濃郁超超超超超濃郁同埋剝晒啲蝦殼食得好乾淨唔使食污糟隻手個生蠔好鮮甜🤩🤩🤩值得encore個醬油味都好特別好夾反而蟶子就無咁特別$38/5隻桂花蚌超爽口，正👍🏻幕多👍🏻一定有回頭同埋雖然都要排但可能因為碗麵都細，所以好快食哂唔使等好耐今日1點左右去到時，前面應該4枱客左右啦等咗十分鐘左右就入得了

成日見啲foodie 出post介紹，今日都特登過去試吓呢個醬油蟹濃湯拉麵，果然真係湯濃，鮑魚大隻又鮮甜，蝦仲要剝埋殼，性價比高，難怪佢下午茶時段都排晒隊，建議大家想試要預多少少時間for排隊😋🫶🏻

上個禮拜放工同朋友一齊黎潮聖整體感覺不過不失六點幾已經有好多人排隊佢哋好細心又派水又斟有氣清酒叫咗面同鮑魚同蠔對個面湯底期望太高 個湯既大蔥同蒜頭蓋過蝦味 鮑魚同蠔都好大隻抵食 職員服務好好 加番唔少分

終於去咗試呢間超人氣嘅醬油蝦濃湯拉麵❤️‍🔥嗰日星期六日去 12點準時去到 排咗40分鐘就入座 ─ ⊹ ⊱ what we had ⊰ ⊹ ─ᡣ𐭩 醬油蝦濃湯拉麵 - 4.5 / 5 $118舖頭嘅招牌拉麵！儀式感滿滿✨食用前店員會淋上蝦油蝦湯底打到起曬泡先上 加埋櫻花蝦蝦湯入口有粉感 但醬油味比個蝦味冚咗湯麵上的三隻醬油蝦 入口有驚喜！蝦肉結實 蝦頭有膏 蝦身已去殼 啖啖肉方便進食 ᡣ𐭩 醬油鮑魚 - 4.5 / 5 $38肉質鮮嫩爽彈 醃得啱啱好！ᡣ𐭩 醬油蠔 - 4.5/ 5 $38超級大隻！初嘗醬油生蠔 質素拍得住般生蠔 蠔味幾重🦪─ ⊹ ⊱ tldr ⊰ ⊹ ─超香濃蝦味 同出面食嘅蝦湯拉麵好唔同🙏🏻🙏🏻特別係店員喺你面前淋蝦油嘅moment 簡直畫龍點睛🧡味道: 4.5 / 5價錢: $ 100-200 pp服務: 4.5 / 5 (等候期間店員會派水)環境: 3.5 / 5 (座位緊貼)cp value: 4.5 / 5re-visit: yessss

今日星期五， 11:40分來到排第一。等待期間好貼心，仲有支水派俾我哋飲添。唔使10分鐘已經有好多人喺後邊。如果要食第一輪，我諗要起碼早15分鐘來。如果唔係等半個鐘到。佢有拉麵同刀削麵，我哋揀咗拉麵，聽到隔籬枱揀咗刀削麵話拉麵比較掛湯。 真材實料，個湯有啲似龍蝦湯嗰質地，濃郁杰身，拉麵al dente 鍾意食硬麵嘅朋友剛剛好（好似免費追加麵㖭）。一碗麵跟埋三隻蝦，已經除咗蝦殼，好方便。蝦肉鮮甜結實。 好好彩，今日有北寄貝，我食過數一數二的肥美，汁又唔會太過濃搶咗鮮甜味，喜出望外。見呢間舖頭都好多遊客光顧，我諗諗再出名啲遲啲都唔洗食，有排等。

🦐醬油蝦濃湯拉麵 $118黎到時仲會落一圈蝦油(˶‾᷄ ⁻̫ ‾᷅˵)想錄影但唔敢錄∠( ᐛ 」∠)＿蝦湯底打到起曬泡先上加埋櫻花蝦超級濃蝦味嘅湯底(˶‾᷄ ⁻̫ ‾᷅˵)我忍唔住係咁飲拉麵掛湯，正蝦肉相對麻麻但有蝦膏🐚醬油貴妃蚌 $38/5成功嗌到最後一碟(///▽///)好鮮甜(⁎⁍̴̛ᴗ⁍̴̛⁎)又有醬油味，正正本身想嗌蟶子但賣曬了排隊期間店員出嚟問要唔要水有需要可拎支水，非常貼心相對地多內地人/外國人食唔知係咪小紅X有推介XD星期日晚去都係等兩枱～睇黎香港經濟真係麻麻🥲多謝你睇到呢度🤍希望大家多多支持ヾ(〃^∇^)ﾉ鍾意嘅話可以比個like嘛\(* ¨̮*)/\(*¨̮ *)/有興趣嘅朋友快啲share比fd一齊去啦！٩(๑>∀<๑)۶

今日去咗餐廳派曬長龍，每兩位客人有一支水。之後叫左2碗醬油蝦拉麵，味道不錯👍🏻職員會另外加上醬油蝦汁比每位客人，同湯混合係好甜。另外再加咗一隻鮑魚同埋是日精選青口，建議可以早少少去排隊入座不妨去試吓

現在的餐廳全靠youtuber來介紹 我今次真的理解到網上媒體的威力 一碗平平無奇的拉麵都可以這麼多人幫襯 雖然不算難食但是一點驚喜都沒有 座位緊貼旁邊不認識的人 用餐環境真的一般 沒有什麼想寫 只想說蝦湯的味道十分淡 所以超過不了200隻字不能用評分的功能

朋友request 試試呢間舖見openrice無水軍攻擊又食評ok 過黎試試星期日晚6點去到門口係後街排左10張檯2人檯左右共排左50分鐘，後街算幾乾淨，無小動物期間有staff出黎問你飲唔飲sparkling清酒同客互動，又有派水所以感覺都唔錯，排得唔辛苦入到店內 座位比較迫坐得近嘅關係感覺嘈雜左少少2人叫左2個拉麵，原拉麵已有蝦，118，可以加餸，每款+38左右，7點入座，已經有1款是日精選賣完青口同蠔size 份量如圖味道黎講湯底有心機煲嘅拉麵口感ok蝦唔算新鮮唔彈牙蠔大隻但唔入味青口，有青椒，所以少辣但唔係隻隻辣辣度唔平均行過見到無人排可以一食但唔太值得登排一個鐘

幕多雖然只售賣一款湯麵🍜但單憑這碗麵就足以令其一炮而紅💥每天都吸引大批食客前來大排長龍👯‍♂️一嘗這份小店匠心獨運的味道💌———————————————————————湯麵一上枱經已蝦香撲鼻🦐食用前店員還會在食客面前淋上蝦油😳令香氣再得以進一步提升⬆️湯底質地非常濃稠，蝦鮮味極級濃郁🤩但不會太鹹太油膩👌🏻重口味得來又不會令人吃不消，調味上平衡得恰到好處👍🏻即使把湯底喝光也不會口渴😇而湯麵上的三隻醬油蝦size正常，蝦頭部分有少許蝦膏🤌🏻而且蝦身部分經已去殼，啖啖肉方便進食🥹其心思值得一讚👍🏻但蝦肉的醬油味道就比較淡🫢只有少許甜味，欠缺醬油的鹹鮮味🤔而且蝦肉肉質略嫌過分實淨，影響了口感🙁追加帆立貝和鮑魚十分鮮味😚肉質鮮嫩爽彈，未有如醬油蝦般質感太韌的情況出現🤓但同樣醬油味偏淡，調味方面可以重手一點🤨———————————————————————另外值得一提的是在排隊期間，店員不時會向食客提供酒類和樽裝水🥂這種關心客人的舉動絕對是難得一見🥰雖然幕多的出品未算最完美，但這次光顧令我深深感受到這間小店的心思和熱誠💕這份匠人精神實在值得敬佩🫡

《幕多》醬油蝦🦐濃湯麵 🍜📍尖沙咀漆咸圍1-3號多福大廈地下A號舖呢間店應該都不用多介紹，求其網上 search 一下，都大把網民，大把 Youtuber 介紹過。我都唔係第一次食，不過之前冇寫食評，今次補返。以下係食評：香味 (4/5)個蝦🦐湯本身都夠晒香，上碟時，仲會額外响個客面前加蝦油。香味撲鼻，都冇得輸。稍稍可以挑剔一下係，除左蝦味就聞唔到其他味了，少了點層次感。湯 (4/5)就好似個名咁，真係相當濃郁嘅蝦湯，鹹度剛剛好唔會過鹹，creamy，濃稠，好好味。醬油味基本上比個蝦味冚左，只有薄薄嘅醬油味，唔係話好覺。麵條 (3/5)我就麻麻地鍾意。中細直麵，個麵煮到偏腍，配埋個相當濃稠嘅湯，口感糊糊地。配料 (5/5)呢個價格，配三隻中size嘅鮮蝦，又新鮮，肉又結實，仲要剝埋蝦殻，近乎係完美。基於人貪得無厭嘅心態，我會諗，如果多塊豬叉燒就真係完美喇，不過因為呢碗係蝦拉麵，我就諗吓算了，冇因為咁扣分。另外加左 $38 追加左醬油蠔，有兩隻，新鮮，肉嫩，鮮甜，又係近乎完美。整體 - 值得推薦 👍👍👍👍 基本上，無論你對拉麵要求有幾高，如果你食過呢碗麵，我相信你都會相當滿意。

睇到YouTube嘅飲食節目，介紹呢間餐廳嘅［醬油蝦濃湯麵］好食，主持人訪問老闆時提到佢哋每日人手剝40斤蝦，再炒香蝦殼熬製出濃湯底，而每日限賣180碗，賣晒就要第二日㗎喇！主持人又提到每日都大排長龍，如果嚟食就要早少少嚟排隊。於是我就心郁郁想嚟試吓。今日放假就叫埋老公一齊嚟食，嚟到好彩等咗大約半個鐘就可以入坐，差唔多入座前，店員就比咗張卡我哋點食物。我哋點咗兩碗［醬油蝦濃湯拉麵］，一個追加醬油小食［生蠔］，一個追加是日精選［帆立貝］，一坐低好快就嚟食物，店員一放低碗麵，就去攞壺蝦油淋喺碗麵上面，店員一走開，我就急不及待試吓佢個蝦湯底，湯底香味濃郁，果然真材實料，啲蝦已經剝咗殼，食得好方便，蝦身爽彈鮮甜，拉麵軟硬到適中，好食！醬油生蠔：肥美，味道鮮甜，配搭埋醬油汁食更鮮甜可口。帆立貝：味道鮮甜，口感豐富。整體環境比較細，座位比較迫，食物質素係好食嘅，值得推介！

Save低咗好耐嘅蝦湯拉麵見OpenRice 寫有落場時間成日太遲起身都嚟唔到😂今次問咗員工，佢哋話而家都冇落場時間🫨🫨下晝2:00去到，等咗半個鐘就入到去等嘅時候佢哋仲派水同埋清酒🍶超好🥰😍🦐醬油蝦濃湯麵 $118碗麵嚟到會即刻淋啲蝦油上去🤤🤤湯底係濃稠嗰款，感覺有啲似擔擔麵😆可能因為咁佢都會比較濃味，未必個個都鍾意超欣賞佢啲蝦係剝咗殼🤣啱晒啲懶人嗰啲蝦都好爽身，有咬口😋味道係唔錯，喺第二度食唔到同樣味道，值得一試👌🏽🦐醬油糖心蛋 $15/1隻半熟程度啱啱好，真係做到流心效果😋😋😋食拉麵點可以冇糖心蛋😌必叫🦐醬油蠔 $38/2隻蠔嘅大細適中，但係醬油味道一般🦐醬油蟶子 $38/1隻嗰日嘅是日精選係蟶子，唔係超大隻，普通👌🏽

真係行運呀，竟然唔駛排隊，蝦味濃湯麵，網上話老闆每日人手剝40斤蝦，再炒香熬製濃蝦湯底，所以每日限賣180碗，賣晒就無架喇，勁矜貴❤️果然真材實料，飲咗大半碗湯都無乜口渴😋隨麵附送嘅醬油蝦因為已經剝咗殼，所以可以食得好有儀態🤭另外每日限定嘅醬油貴妃蚌都好新鮮🤤

今次嚟到慕名嚟到呢間喺尖沙咀嘅人氣蝦湯底拉麵店。由於知道要排隊，所以來之前已經食定少少嘢打底。今次到店嘅時間係星期六下午12點幾，前面都有大約10個人排隊，排隊嘅位置有簷蓬遮住太陽，亦有少量座位供排隊客休息。總共等咗大約半個鐘就可以入座。今次試咗佢嘅招牌濃蝦湯底拉麵，店員喺出餐嘅時候會喺拉麵上面淋上蝦油，過程中已經散發出香濃嘅蝦香味，拉麵嘅蝦係用醬油浸過的基圍蝦，蝦頭嘅蝦膏好食，而蝦肉嘅口感亦爽口新鮮。另外我哋亦都有嗌兩款醬油小食，分別係鮑魚同蜆，都浸得入味，而且口感煙韌，整體嚟講算合格。但店舖面積不大位置不多，所以如果繁忙時間到店你要有心理準備要排隊