影片
更多
2022-05-06
300 瀏覽
唔知咁樣形容會唔會暴露年紀🤣 唔係放假出黎行吓都唔知原來銅鑼灣以前聰嫂嘅舖位附近，依家開咗一間充滿藝術氣氛嘅咖啡店😌咁啱去食嘅當日舉辦緊以香港為主題嘅畫展，除咗餐廳牆上掛滿畫家嘅畫作，亦有投射機不斷播放當時畫家作畫嘅過程🧑🏻🎨 所有畫作都掛係食客們伸手就可以掂到嘅距離🎨 雖然我同朋友都唔係特別留意藝術品嘅人，但身處呢一個「畫廊」，都覺得呢度係一間Beyond Coffee嘅咖啡店，係一個可以俾各種文化、藝術滙聚嘅空間🥰 如果有興趣與畫家直接互動，一定要係5月9日朝早黎「度」，因為當日會有畫家Anna Salenko 嘅大師班! Menu: 1️⃣ Egg Benedict （$98）呢款Benedict材料十分豐富，有煙三文魚、巴拿馬火腿、牛油果、生菜、蕃茄、水煮蛋 & 兩片麵包🤤 單獨有煙三文魚或巴拿馬火腿嘅Benedict就食過，但同時間有齊兩款都係第一次💛 加上醬汁係意大利醋，酸酸甜甜好開胃🙌🏻2️⃣ Linguini with Clams （$98）蒜香味重，意粉煮得干身但唔會過硬😌 雖然單睇菜式名可能會感覺呢款意粉味道有啲寡，但其實從相片中都可以睇到每一束意粉都掛上咗香料，而蜆肉亦
咁啱去食嘅當日舉辦緊以香港為主題嘅畫展，除咗餐廳牆上掛滿畫家嘅畫作，亦有投射機不斷播放當時畫家作畫嘅過程🧑🏻🎨 所有畫作都掛係食客們伸手就可以掂到嘅距離🎨
雖然我同朋友都唔係特別留意藝術品嘅人，但身處呢一個「畫廊」，都覺得呢度係一間Beyond Coffee嘅咖啡店，係一個可以俾各種文化、藝術滙聚嘅空間🥰 如果有興趣與畫家直接互動，一定要係5月9日朝早黎「度」，因為當日會有畫家Anna Salenko 嘅大師班! 
Menu:
1️⃣ Egg Benedict （$98）
呢款Benedict材料十分豐富，有煙三文魚、巴拿馬火腿、牛油果、生菜、蕃茄、水煮蛋 & 兩片麵包🤤 單獨有煙三文魚或巴拿馬火腿嘅Benedict就食過，但同時間有齊兩款都係第一次💛 加上醬汁係意大利醋，酸酸甜甜好開胃🙌🏻
2️⃣ Linguini with Clams （$98）
蒜香味重，意粉煮得干身但唔會過硬😌 雖然單睇菜式名可能會感覺呢款意粉味道有啲寡，但其實從相片中都可以睇到每一束意粉都掛上咗香料，而蜆肉亦為整碟意粉增添咗鮮味🙌🏻
3️⃣ Earl Grey Latte （$58）
可能淨係睇個名無咩特別，但呢一杯嘅中文翻譯係「鬼佬駌鴦」😌 我估應該因為呢一杯飲品裏面有：伯爵紅茶+奶+咖啡🤪 但飲落口完全唔係茶餐廳嗰種鴛鴦，首先係好濃嘅伯爵茶香，當你差不多吞落喉嚨就會飲到咖啡嘅味道🤓
4️⃣ Orange Coffee （$58）
經常聽到咖啡師問：「鍾意飲nutty定fruity啲嘅咖啡? 」今次真係飲到100% fruity嘅咖啡🤣 因為呢一杯「橙啡」係真係加咗滿滿嘅橙肉🍊 半杯係事先糖漬好嘅橙肉而另一半就係Americano，咁當然一入口第一浪感受到嘅當然係橙香，但接着下來就係咖啡嘅餘韻☕️ 如果怕Americano太苦所以一直唔敢試齋啡嘅朋友可以試吓呢杯，因為可以飲到Americano嘅咖啡香但又完全唔苦🤣
5️⃣ Matcha Tart （$68）
抹茶味頗夠而唔苦，抹茶撻嘅外層係軟身曲奇皮，而中間嘅抺茶餡係比較偏芝士蛋糕嘅質地，但質感再更軟滑一啲😌🌱
張貼
