廚十三老壇酸菜魚 (渣甸街) (已結業)

我有一個朋友成日都會食酸菜魚仲成日會放上網，咁我見到之後就同佢講我應該都係會一個人食，佢就話你可以搵我食㗎 ！咁兩個人食又好似冇咩話題咁，於是就叫多以前跑會嘅兩個friend，就促成左今次嘅酸菜魚小隊啦！一上到間餐廳（其實你係唔會覺得呢一棟大廈入邊會有食肆😂）就見到有好多人喺度等位，好在我之前係OpenRice book咗位，安排咗一陣就已經可以入座！坐多咗一陣就已經齊人啦！咁我哋嗌左個大嘅酸菜魚同埋四樣前菜，個酸菜魚確實係好大兜，d魚好滑，夠酸，但佢就就咗香港人嘅口味整得冇咁辣，不過同枱都有啲朋友仔唔係好食得辣，上到菜嘅時候都要夾晒啲辣椒出嚟！但其實都係大陸嘅酸菜魚比較好食，喺香港始終都未搵到一間同大陸嘅一樣好食😔其餘果四樣前菜份量都好大，但其實係得面果一層，下面全部都係青瓜絲😂，萵筍夠脆，有少少麻味！皮蛋配埋啲油泡青椒個口感幾好！個手撕雞都唔錯麻麻辣辣咁！豬耳都好食，但係我本身對豬耳就麻麻哋！大家咁耐冇見，當然就有好多話題啦！風花雪月，講吓大計咁，咁就過咗兩個鐘！開開心心咁食完場飯啦！

早一日喺OpenRice度book位食廚十三，一早已經聽聞一香港太二之稱，所以都10分期待。今次我哋就叫咗老壇酸菜魚（小份）👍🏻👍🏻👍🏻👍🏻🤩呢個酸菜魚真係好好味，連啲湯都可以飲，唔會太油。酸度同辣度都啱啱好，而且仲可以加配料，我哋就加咗午餐肉，同埋寬粉。跟住就有個口水雞，呢個就好入味同重口味，仲有青瓜。個青瓜真係好好味😋因為佢好麻辣。另外我哋都叫咗麻辣皮蛋，呢個就一般，唔算太入味。最後有個甜品，糍粑，覺得一般。同埋都等咗好耐先有得食。

外賣APP上叫了外賣，酸菜魚大約500港幣一份，魚肉非常不新鮮，有一股魚腥味像解凍魚，湯底裡加了非常多胡椒，大概為了遮掩魚肉的腥味。完全無法入口，吃了幾口就扔了，非常非常差的體驗。剛開業的時候也光顧過，那時候食物質素是OK的，不知為何現在水平下滑這麼多，實在非常失望。

廚十三背負着酸菜魚名銜，open rice見到午餐價錢咁抵,而且我仲喺銅鑼灣返工！諗唔到咩原因唔去試吓上到去先知原來開張嘅時候已經同朋友試過一次晚市，不過價錢就差得遠啦！午餐餐牌$168 2人餐加一個飯或者米線，仲有加多寶或其他飲品！上枱見到$平左，但份量沒減少！而且配菜充足有粉絲，蓮藕，金菇菜，而且酸菜份量亦都充足！辣味可以order 時候調配，魚片食落新鮮，可惜切得比較薄片，沒有質感！但整體來講完全對得起呢個價錢！起碼夠飽肚😆

琴日約左個朋友食酸菜魚，黎到呢間廚十三，我同朋友都係第一次食，銅鑼灣F出口行幾分鐘就到。去到一點半左右，坐唔滿，唔駛等位，位係梳化位黎，都坐得幾舒服架睇下餐牌，佢地有午市二人餐，但問過店員話得幾塊，價錢平啲，咁我地最終叫左小份，$338，加個小食雨露均沾，類似年糕嘅野，啲煙韌野黎盤魚黎到，好濃嘅香味，應該係啲花椒味，個碗就好大，小份都好多魚。啖湯好重味，應該唔係俾你當湯咁飲啲魚片好滑、有魚味，麻麻香香咁好正架小食雨露均沾其實就冇咩特別，煙煙銀銀咁，冇味，可以點啲黑糖黎食，整體可以唔叫都得食左冇耐發覺重味得滯，所以叫份米線中和返，米線索左酸菜魚湯汁味，都幾過癮架。仲叫左荔枝同提子梳打，清涼一下整體黎講，我嫌佢唔夠辣，略嫌重口味得滯，但個味都啱我食，我諗正宗酸菜魚都差唔多係呢個味。價錢小份$338，其實我覺得貴左小小，但試一次半次，可以接受嘅。

夏日炎炎口淡淡就最啱食啲酸酸辣辣嘅嘢，行開銅鑼灣記得中國一間好出名嘅酸菜魚嘅美國班底開咗一間酸菜魚專門店，一直都好想試吓～佢嘅二人午市套餐$168加一，包一份酸菜魚兩碗飯或者面再加兩罐飲品，比起晚餐三百幾蚊一份酸菜魚抵食好多，如果大家想試吓個口味啱唔啱自己嘅話我都建議大家可以試咗午市先✨坐低點完菜10分鐘到個魚就嚟左喇，上菜嘅時候雖然個魚唔係好熱，但係已經聞到好香嘅酸菜味～酸菜魚梗係飲一飲湯先啦，酸度適中，又唔會死鹹，配飯一流！魚嘅質地略嫌有啲散，同埋唔知係咪因為午市嘅關係佢嘅配料都比較少，得幾條金菇同埋幾舊豆腐😕 不過百幾蚊都要求唔到咁多，整體嚟講都係抵食同埋好食嘅，下次會嚟試埋嗰晚市睇下會唔會有驚喜！

🍽 Chinese Sauerkraut Fish Double Package💰HK$ 168 (lunch, 10% service charge)Been craving this for awhile! The portion of lunch set for two was very big and decent! The fish was soft and smooth but some of them had bone inside. Good balance between spicy and sour!🌶️🌶️ Apart from the fish, it also included noodles. The soup and sauce went very well. We were not able to finish the whole bowl. Will definitely order this again next time! Best fit for chilling weather!

是日一行四人經openrice訂位，去到唔洗等直接入得，環境黎講都算乾淨衛生，座位都舒服既。其實單以環境評分佢唔係差，但就係服務啦，食物質素同味道啦，令我忍唔住俾負評。甘因為一行4人，自然就點左大份既老壇酸菜魚  （大份），另加配左午餐肉、金菇、米線、寬粉同藕片，小食點左手撕雞、刀拍前男友（青瓜）同埋老虎淑愛鬆化蛋。先講小食先，由我覺得不過不失既講到最差架啦，先講一個不過不失，三個小食入邊最唔錯既反而係皮蛋即係老虎淑愛鬆化蛋，啲皮蛋新鮮唔會有果種霉霉地既味道，啲蒜好香，好match果皮蛋，中間啲椒係好甜好脆呢個位有啲驚喜，但美中不足佢真係好油，如果係辣椒油/麻油都明點解要甘油，都明蒜要泡油先香，但佢呢啲真心就係油囉，唔麻唔辣唔香，多餘哂。另一個小食手撕雞，忘記叫佢走芫茜，但有冇芫茜都冇影響佢係我食過最差既手撕雞，索價$108但完全唔合理，啲雞勁咸超重味精味，雞鞋口唔爽滑，有啲青瓜墊底但啲青瓜絲冇mix埋落雞到，所以啲青瓜絲係冇咪既，其實mix左一齊果雞會冇甘咸又可以令果手撕雞層次豐富啲，唔明點解甘樣浪費左啲食材。衰啲講真係聚*樓呢啲屋邨檔既手撕雞都好食過佢，仲要平一半有多。而最差小食一

未有疫情既時候，總會最少一個月返兩次深圳玩吓，食吓，揼吓骨咁.....爽吓😍😍今日又發作，好想食酸菜魚呀！心諗：返過深圳既人都知道太二酸菜魚出哂名，在香港點會食到呢個質素呢！心思思上網睇吓發現原來太二酸菜魚有在香港開分店☺️☺️，但由於太二個名已經在香港註冊左，所以改名為廚十三老壇酸菜魚.....搵到，搵到一間尋回酸菜魚既味道😋😋😋於是我約朋友去食晏，因為有一個午時套餐$188 （兩人份量）👍🏻👍🏻👍🏻抵食指數爆燈✅✅✅✅✅一搭𨋢到4 樓，門一開，似曾相識嘅味道好濃烈....係我鐘意既酸菜魚😍😍我地點左2 人套餐，仲追加午餐肉，萵筍，金菇😋😋😋套餐仲包埋兩碗飯，飲品我係無食過碗飯，因為酸菜魚裏邊有薯粉，都好夠食！我朋友成碗飯都食埋，可想言之個酸菜魚係好好味😋x 1000

仔細想來，在本月中旬之前，我已經有3年不知酸菜魚之味了。之前在美國，附近有韓餐土耳其餐法餐意大利餐和美式改良中餐，但唯獨沒有酸菜魚；去年來到香港，人生地不熟，再加上疫情蔓延不敢外出食飯，所以一直沒有找到合適的餐廳可以品嚐酸菜魚。好彩在港鐵站看到了廚十三廣告，吃了以後發現真的不錯！魚肉鮮嫩，米線幼滑，湯汁鮮美，令食客一飽口福。

如果你同我講你想食酸菜魚我一定會推薦呢間廚十三老壇酸菜魚😋佢真係我嘅最愛之一😍全間店主打酸菜魚 所以主食都只係有酸菜魚揀(不過擔保你絶對會愛上佢～)-老壇酸菜魚 (大份) $478大份嘅分量係for 3至4人但係個人覺得3個人食係啱啱好 (可能係我地大食掛xd)我地今次加咗寬粉(+$28)同金針菇($28)但原來佢本身都有跟少量配料如蓮藕 豆腐 蘿蔔首先不得不說 魚肉非常嫩滑!! 亦都係無骨魚肉 非常適合我呢啲唔擅長食魚嘅人食～完全係啖啖肉🥺🥺有冇聽過 食酸菜魚 酸菜比魚更好食呢間嘅酸菜都一啲都唔輸蝕🤣酸菜湯帶點酸酸甜甜嘅味道 再加上用花椒同滕椒熬製而成 帶有少少辣味令到你飲完一啖又想飲第二啖 停唔到口如果用嚟撈飯食就更爽皮😋

想試廚十三其實都一段日子，但疫情之前成日要排隊，所以都無機會試，今日就去會一會佢！點知🤦🏻‍♀️ #yob試伏專員 出動🏃🏻‍♀️.餐廳既樓底很高，座位坐落舒適。.要係香港揾到好食既酸菜魚真係好難，我自己都有幾個標準： 1️⃣魚要夠滑、無骨 2️⃣酸菜食落要夠酸脆爽口3️⃣湯底要做到奶白好飲，而且酸味辣味要夠4️⃣最後淋上面既既油亦要夠香.📌老壇酸菜魚（小份）$338剛上枱既酸菜魚個”盤”好大，有啲桂花係面！我地兩個人都不約而同試左湯底先! 一試，而且面色一浸😌 湯底太酸，唔夠辣，酸麻比例做得唔平衡、冇層次！油都唔夠香! .配菜有: 酸菜、蓮藕、金菇、窩筍片、花椒、辣椒。 無啦？寬粉呢？大豆芽呢？最基本要有既配菜都唔包😦 而且配料食落無咩味，明顯係之後加上去！.魚肉方面，係用鱸魚，可能切得薄左少少🤏🏽一夾就散，間中會食到一兩片魚鱗同少骨，而且無咩魚味，但勝在肉質嫩滑！.📌白飯$18因為無寬粉，所以我地叫左個白飯Share😐.總括嚟講，價錢偏貴，份量正常，味道一般！重點係我又食到肚痛😖 #yob玻璃肚系列 絕對不推薦！.=========================.

聽朋友介紹話廚十三的酸菜魚好好食，一直都心思思好想試，趁現在疫情個案偏低，終於忍唔住約埋朋友一齊食。今次同兩個女仔朋友一齊食，我地分別叫左大份的老壇酸菜魚，再加左金針菇、寬粉、鮮腐竹三款配菜，再叫左冷吃杏鮑菇同刀拍前男友兩款小菜。份量對於我地三個女仔剛剛好！大份的酸菜魚係有兩條魚的，食落啖啖肉，又夠滑，非常惹味。而其他配菜索哂湯底，亦變得超級好食！而小食方面，個人比較鍾意冷吃杏飽菇，辣辣地，味道唔錯！而刀拍前男友可能拍得唔夠狠，略嫌唔夠入味。整體我地都算好滿意今餐啖啖魚肉的晚餐，之後亦都會再約朋友食既！

廚十三老壇酸菜魚（渣甸街）@chinese.sauerkraut.fish 📍：銅鑼灣渣甸街66號亨環4樓📞：2388-0029🚗：銅鑼灣F1出口 步行3分鐘💲：~HKD200/head Food quality 👌🏼：酸菜魚、酥炸無臉男、酸梅湯❌：雨露均沾總結：呢間久久聽聞佢大名 但食落就覺得中規中矩 唔係話好好食嗰種 啲魚普普通通 湯底嘅酸味不突出 配料都好明顯係之後先加上去 完全唔入味 價錢偏貴 但份量亦唔少 所以都算扺食嘅 另外環境偏暗同寛敞 坐得好舒服

成日聽朋友講酸菜魚好食，聽到忍唔住試下有咩咁特別。兩個人都係第一次食，舉手問左店員點叫法，原來只需要揀份量同要唔要配菜。最後叫左個細份酸菜魚試下，加左粉絲，同一份小食 - 正經的雞被撕。來黎原來都幾大份，見到有湯，二人不約而同試左個湯底先，好香夾有甜酸辣味，唔錯。不過就有D油唔可以係咁飲D湯。佢既魚片嫩滑鮮味，配上酸菜，口感豐富，再加埋粉絲吸左D湯，好味。小菜正經的雞被撕即係手撕雞，配有青瓜，雞好嫩滑，味道香辣，唯一抱怨係食下食下好快食完，建議大份d😋