廚十三老壇酸菜魚 (渣甸街) (已結業)

趁食肆停晚市前一晚去盡啲 一個人食咗一個二人份嘅酸菜魚。聞說呢個係香港嘅太二，但係真係差好遠。我試過香港唔少酸菜魚，冇一個做得好食，所以來呢度碰運氣。我好食嘅標準係1. 酸菜酸唔係死鹹；2.魚要冇骨夠滑；3.油夠香；4.湯好飲（冇錯！好食嘅酸菜魚係湯都好飲)呢間餐廳嘅酸菜唔係好酸而且比較孤寒 ，酸菜真係少，酸蘿蔔得四片少得可憐，我一個人都唔夠莫說呢個係二人份。佢餐牌嘅圖唔係咁樣。 魚係要讚香港少有做得咁滑。油唔夠香，唔係要好‘攻鼻’ 三希樓可以做到，呢間唔得。 湯好差，做酸菜魚湯底用魚骨熬成白湯會好食好多。呢間連史雲生嘅魚湯底都唔捨得用，真係有啲失望。仲要彈嘅係配料，蓮藕好似係冰鮮貨。 太二係溫哥華開咗，佢啲湯底都比白過呢家清水。 一次就夠了！呢個只係我口味而已。如果怕辣怕酸又想試下酸菜魚的人，呢個係一個好選擇。

其實我本身麻麻地酸菜魚，但呢間真係好好食。酸菜魚非常滑！！魚肉好彈牙，又大兜！👍🏻我地加左寬粉超級正，d寬粉好煙韌，有口感，十分推薦👍🏻👍🏻👍🏻除左酸菜魚，我地仲叫左個上上簽同埋麻辣豬耳。上上簽好特別，入面有奄春蛋，蓮藕，窩筍，鳳爪等等，咩都有d可以每樣試下。個汁係秘制，好好味，夠晒麻辣！但粉量較少，唔多夠喉麻辣豬耳就比上上簽大兜好多，但我覺得無上上簽咁好食。不過我d frd 話好食，所以見人見智。總括黎講我覺得非常唔錯，環境亦坐得十分舒適，誠意推介！！

中午時間，约了朋友在銅鑼湾崇光附shopping,就打算在附近吃午餐、朋友想食酸菜魚，於是就想起這間厨十三老壇酸菜魚、因為早前也来過，覺得食物和環境都不錯！寛敞整潔的地方，很有特色風格的佈置，加上舒適闊落的坐位和員工热誠有禮的服務、令人感覺舒服！服務員推介了一個中午二人酸菜鱼套餐，（$180）再加了配料，有豆卜、窝笋、腐竹，粉丝等等！另外點了老虎椒松花蛋、再加個白灼菜心、一杯芒果風味梳打特飲、来多瓶冰凍啤酒！開始迎接我們這顿期待的午餐！先上来的白灼菜心， 热腾腾，新鲜腍甜！松花皮蛋，擺放很有心思，賣相惹人喜欢，皮旦口感十足！老虎椒只觉甜而不辣，十分可口！主菜那盤酸菜鱼上桌、份量相當大、熱呼呼的蒸汽升起，看着那晶瑩雪白的魚肉片，混在一起的酸菜，土豆、粉絲、窝笋片、枝竹、豆腐、豆卜、加上那花椒的香氣，隨着蒸汽飄散！此刻真是好吸引食慾！幼滑無骨的鱸魚片，特顯廚師刀工的细腻！可以放心咀嚼！鲜甜美味的鱼肉加上特制的酸莱和湯底配料、酸酸辣辣口味！口感食味一流！再喝一口冰凍啤酒！這顿午飯真好！

曾經因為好鍾意食深圳間太二酸菜魚，排大長龍都放假特登去食。之後發現美國班底係香港開分店，滿心歡喜黎過食魚，相比之下，雖然同深圳味道都係有少許分別，但開業初期不論係酸菜魚賣相或者味道都唔會令人失望。唔洗花時間搭車又過關都可以食到算係相似既酸菜魚，都算唔錯啦。兩年後再次光臨銅鑼灣分店，先發現人氣不再，全場得幾檯客人。酸菜魚上菜之後直頭連冷汗都差d流出黎，點解可以好似餿水咁既樣？辣椒入錯貨？好經典既黃色花瓣缺貨？酸菜味道都唔太對路。唯一未算最差係d魚肉都仲嫩，勉強食完，但一定唔會再回頭，真係好可惜。

廚十三都幾多分店，今日晏就黎試佢既酸菜魚。拍青瓜，酸酸辣辣好惹味 。重頭戲酸菜魚二人份好大一碟，我額外加咗寬粉，不過寬粉係比較厚果隻，我個人就中意食薄同透啲果隻。其實唔使加寬粉都得，因為本身入面都有幾多粉絲，除咗粉絲仲有芽菜，豆腐，蓮藕片。配咗白飯，酸菜魚汁撈飯真係一流，啲魚既骨都去得乾淨，食落都冇一塊魚肉食到有骨。呢間午市幾抵食，不過呢間既酸菜魚就冇得俾我揀辣度，食落我覺得係小辣左右。其實餐牌仲有好多小菜，不過兩個人食呢一大碟酸菜魚已經好飽，有機會都想再黎試其他菜式。

疫情關係返唔到大陸食酸菜魚，唯有喺香港搵一間好食嘅 ，個個推介廚13 ，點知非常失望只有酸菜魚可以 ，其餘所有小食非常難食 麻辣鳳爪 辣椒油同鳳爪完全分開冇味勁多油 涼拌雲耳一d香味都無 非常失望

之前一直都係喺尖沙咀分店食，水準好好連配菜味道都一流，介紹埋同事食～ 就因為太好味所以今日在銅鑼灣工作都想十三廚酸菜魚但。。。。。黎到碗野望落去已唔同樣食完覺得同尖沙咀差太遠喇😫😫😫😫😫-酸麻比例唔平衡， 冇層次-豆腐切到好大舊 又唔入味-米線入口唔「煙韌」-一大碗油喺個面-仲要有魚骨！！！原本好開心去食， 但冇諗過分店會爭咁遠如果大家想食好味嘅版本就去尖沙咀分店啦同一碗酸菜魚， 水準高好多倍-酸麻比例好有層次，好野味-豆腐、蓮藕薄切入味-米線超煙韌、好滑-魚片好滑、份量亦多Ps:兩間店有個共通點， staff 都係冇表情😑😑

🐟老壇酸菜魚細份 $338 (4.5/5)價錢一定唔係好平個種，但真係無骨，啖啖肉，好新鮮，仲好大兜😍同啲酸菜酸度適中，食落口唔送飯都無問題.兩個人食都無叫其他小菜，加配料就夠：叫左寬粉、豆卜、午餐肉🥰🥰🥰寬粉真係勁正！比平日街食個啲，更煙韌！😌一定要試！.

香港好多餐館都有造酸菜魚，唯獨此店的根基就除了酸菜魚就只有酸菜魚。老壇酸菜是一種醃製方法，大致把芥菜、青椒、姜，加上鹽、花椒粒、高粱酒、冰糖、水，放入罈子中，密封壇沿口隔絕空氣，等幾個月多月待芥菜和青椒完全變成黃色時，才算製作完成。此店的湯底材料專程由成都運到，再由店師傅加工，酸辣搭配恰到好處，正所謂「有牛奶味又有朱古力味」。活魚每日即劏即宰，好不新鮮；魚種主要為鱸魚和羅非魚，魚肉嫩滑不結實，且完全去骨，吃到倍兒爽。2人光顧，點餐如下：小份酸菜魚午餐肉酸菜酸梅湯芒果風味梳打特飲加一後，合共HK$462。

好滿足❣️好正啊❣️​土豪份個碗大到嚇死人🤣​配菜加左寬粉，豆腐，金針菇 好豐富🥰​因為我唔食得辣，所以嗌左bb辣🙈但係都食到流鼻水🙊​食得辣嘅人表示唔覺得辣😂​​湯底好好味，好多酸菜​啲魚完全冇骨，好滑，啖啖肉👍​寬粉好Q，份量都唔少​​另外青瓜同皮蛋都好好味❗️睇落似好辣，食落完全唔辣，但好夠味❗️​

▪️老壇酸菜魚(小份)▪️$338 (加料自己計💁🏻‍♀️).酸菜魚，酸菜真係靈魂，記得第一次(差唔多兩年前)食，佢嘅酸菜真係超級驚艷，不愧號稱「酸菜比魚更好食」，酸菜比較突出d，辣味比較內斂d。但係其實第一次佢嘅魚質係幾麻麻，唔夠新鮮，但係佢嘅味道真係好吸引😋。.⭐️近排瘋狂encore廚十三，佢魚係新鮮嘅，可能近排都多人食。而酸菜同辣味嘅味道上嘅比例都改變咗💁🏻‍♀️，酸菜感覺係冇以前浸得咁入味，酸咸味弱咗，而辣味🌶反而有d比以前猖狂，又唔係辣咗好多，但個種辣係食多陣先出黎，又會繼續好吸引你食落去，好彩佢唔算係會堆疊嘅辣。始終都係好好食，湯頭係會想飲(if唔怕辣)或者留底煮其他野😋😍

lunch時間突然想食酸菜魚，特登由北角搭車黎食（之前在銅鑼灣返工成日黎幫襯），入座後見到價錢加價了，由8x加至9x，都無所謂了，疫情底下生意難做，照舊叫了一個單人套餐送飲品，當碗野一放黎，我睇到個賣相好像不太討好，分別在：之前（12.2019）：桂花在面，有金菇，多酸菜，厚切魚，湯味濃，非常惹味 （見圖）現在17/9/2020：金菇都無了，酸菜及桂花勁少，薄切魚，多左大豆芽，湯味啖，湯水稀，非常悶的味道我本來是非常愛食芽菜，但大豆芽加左落黎整出晒水咁個湯底成陣臭青味，我懷疑本來湯底是沒問題，但餐廳計漏左加左芽菜個湯會變淡變稀，而極有可能餐廳想慳成本改用大豆芽，但又為何要加價呢？ 又要加價又要減料，絕對不會在幫襯。

為避開人流，下午五點多上去用晚餐，當時客人不多，但也有幾枱客人。由入座至坐下，員工態度已極差；等了十分鐘也沒有侍應幫忙下單；當然到有人下單時態度也是極差。最震驚是上菜時侍應竟然無戴口罩，更一直在跟其他侍應談天。餐廳不斷大聲播放20年前的k歌，這本不是問題，問題是幾個侍應一直大大聲唱歌及談天說笑，無視客人。感覺就像去了一間全部由一班不知所謂的人共同經營一間餐廳，只顧自己任性地玩樂。食物味道及質素ok，價錢偏貴，裝修及坐位尚算舒適，但不會再去。

✦酸菜魚（小份）+寬粉 $338+$28😋-魚片份量正常-湯底味濃-寬粉份量多👓已經好耐冇食過太二酸菜魚，又唔想食d現成急凍包，唯有去廚十三老壇酸菜魚止下癮🤤呢間既湯底同酸菜都同太二有食得出既分別。湯底方面，太二既湯底會比較少油，酸菜魚一上枱真係忍唔住飲返幾啖湯，試下個湯頭既魚鮮味；但香港廚十三既湯底就明顯有層湯係面，見到都唔係太有衝動想飲佢既湯🤨而且佢既味道都冇太二咁豐富濃厚。至於酸菜就真係完全唔係太二嗰回事☹️太二既酸菜確實係同佢地slogan一樣─好食過魚！但廚十三既酸菜👓食左兩三舊就冇再食，事關佢淨係得d 咸味，失望☹️寬粉既份量都好足，呢一點比太二好，係太二加一份寬粉只係得五六條😩至於魚片方面，佢地既魚皮切得比較厚，食落去會啖啖肉，骨都算起得好乾淨，成盆酸菜魚入面只係食到一，兩條魚骨👌🏻價錢黎講佢算合理，事關返上大陸食都唔係平，計返車錢匯率同等枱時間，係香港食都係明智之選👍🏻好味指數：7/10CP值：3.5/5

基本上餐牌都唔使睇 必定係食老壇酸菜魚之前食過十二味 味道不過不失真係太懷念酸菜魚既味道 見咁多好評就黎試下 其實之前係荔枝角D2經過已經想試 不過見價錢都唔平 就打消左念頭冇book位晚飯時間好爆下 等左十五分鐘左右 就係諗緊轉唔轉場之際就有位啦～叫左二人酸菜魚 正常辣 加左寛粉同萵苣片由點餐到上台都算好快到 個盆好大 見到辣椒花椒酸菜等等蓋面就已經流晒口水應該為左保持整盆酸菜魚既熱度 面頭有一層油鎖住溫度 令好想飲佢既湯既我都唔敢飲太多 怕太油而且食到尾都覺得有點咸味道豐富而且辣得有層次 見到有唔同形態嘅酸菜有一大片 都有菜葉狀 仲撈到一抽藤椒 有薑 湯底仲有好多蒜蓉 雖然唔識係咩魚 但魚好滑冇魚腥味而佢既萵苣薄片得黎好爽口清新寛粉都煮好恰到好處唔會好難𡁻總括來講係好好味 但埋單$400幾蚊 可能幾個月先會再食一次